Yeremi 1:2 - WE NU GALE 1995

² NWA wila zi we hã Yeremi. Ma zi do 'da fala kɛ Yoziasi, be 'da Amoni, a dɛa to nwa ngɔ nù Yuda we sabɛlɛ 'bu ngɔ nɛ talɛ ni.

Yeremi 1:2 Iomraidhean Croise

1 Onwanɔ 13:2

Nɛ a he mɔ do zu li NWA na: “Mɔ wi mɔ dɛa gbagala gɛ, mɔ zélé we NWA tɔ̃a gɛ! A na: ‘Wa ko sɛ bulu be tɛ nu fɛlɛ Davidi, nɛ wa e sɛ li a na Yoziasi. A gbɛ sɛ onganganɔ kɛ wa dɔa sa'denɔ ni dɛ ngɔ gbagala mɔ dɛa gɛ. Nɛ a dɔ sɛ ogbãlã wele dɛ ngɔ ma!’ ”

1 Onwanɔ 13:20

'Da fala wa tɛ nyɔngɔ mɛ ni, nɛ NWA Gale wila we hã wi gba olo nu a, wele kɛ tɛ kɔ le Betɛlɛ nga ni.

2 Onwanɔ 21:18

A fia, nɛ wa mi a dɛ 'do tɔa nwa 'da a, tɛ fala kɛ wa sa li nɛ na: “Nùi 'da Uza” ni. Nɛ be 'da a Amoni dungu nwa olo a.

2 Onwanɔ 21:24

Oyuda wa nɛa we zɔ ni, nɛ wa kala owinɔ ni, nɛ wa gbɛ wa vɛ̃. Nɛ wa saka be 'da a Yoziasi, nɛ a dungu nwa olo a.

2 Onwanɔ 22:3

Yoziasi dɛa to nwa 'da a sabɛlɛ 'bu ngɔ nɛ ngbɛ'dɛ'dɛ. Nɛ mbe ngba soe kpo, nɛ a sa mɔ hã wi kɔma mbɛti 'da a kɛ li a a Safanɛ, be 'da Asalia, nɛ a 'bɔ a be yaa Mɛsulamɛ ni,

Yeremi 1:11

NWA aka mi na: “Yeremi, mɔ zɔ ge nde?” Nɛ mi gese na: “Mi zɔ gbakɔ̃ te amandɛ, te sɔ̃a li.”

Yeremi 1:4

NWA tɔ̃a we gɛ hã mi Yeremi na:

Yeremi 25:3

“Yolo tɛ ngba soe kɛ Yoziasi, be 'da Amoni dɛa to nwa 'da a sabɛlɛ 'bu ngɔ nɛ talɛ tɛ ngɔ nù Yuda, gbaa we hɔ sɔɛ gɛ ni, ma la 'bu sabɛlɛ bɔa ngɔ nɛ talɛ. Nɛ kɔ sabɛlɛnɔ ni vɛ̃, NWA Gale wila we hã mi, nɛ mi tɛ tɔ̃ hã nɛ tɔ̃a fai. Mi là fala gba ta zu nɛ ngɔ toe 'da NWA gɔ, nɛ nde nɛ kɔ̃̀ we zele ma gɔ.

Yeremi 28:12

'Do kɛ Hanania, wi gba olo nu Gale gbini sanga te ngbangboe ngɔ gɛlɛ mi ni la be sĩ, nɛ NWA tɔ̃ hã mi na:

Yeremi 3:6

Do 'da fala Yoziasi zi a nwa ngɔ nù Yuda ni, nɛ NWA tɔ̃ 'bɔ hã mi Yeremi na: “Mɔ zɔa mɛ Oisraɛlɛ wa dɛa ni nde? Wa siki 'do wa hã mi, nɛ wa nɛa 'dɔkɔlɔ ogele galenɔ tɛ ngɔ kalanɔ, do tɛ ti tenɔ vɛ̃ kɛ nwá nɛ 'bɔa nɛ ge nde ni. Nɛ wa dɛa mɔ tɛ wa ɔ nɛ owuko ndumba ni.

Yeremi 36:2

“Mɔ nɛ́, hã mɔ fa kasa ndala, nɛ mɔ kɔmɔ wenɔ vɛ̃ kɛ mi tɔ̃a zi hã mɔ si ngɔ Oisraɛlɛ, do Oyuda, do ogele winɔ vɛ̃ ni dɛ ngɔ nɛ. Mɔ kɔmɔ sɛ wenɔ vɛ̃ kɛ mi ndua zi tɔ̃ hã mɔ, yolo tɛ 'da fala dɛa to nwa 'da Yoziasi, gbaa we hɔ sɔɛ gɛ ni.

OZE 1:1

'Buki gɛ ma tɔ̃ lɛnggɛnɔ kɛ NWA ia zi dɛ nu Oze, be 'da Beri na, a tɔ̃ ma ni. A tɔ̃a ma do 'da fala Yeroboamɛ, be 'da Yoasi zi a nwa ngɔ nù Israɛlɛ, nɛ Oziasi, Yotamɛ, Ahazɛ do Ezekiasi wa dɛ zi to nwa 'da wa dɛ 'do ngba wa tɛ ngɔ nù Yuda ni.

YƆƐLƐ 1:1

Nɛ zélé lɛnggɛnɔ kɛ NWA wila zi hã Yɔɛlɛ, be 'da Pɛtuɛlɛ gɛ.

YONASI 1:1

Mbe 'da fala kpo, nɛ NWA Gale wila we hã Yonasi, be 'da Amitai. A na:

Mike 1:1

Nɛ zélé wenɔ kɛ NWA wila zi ma hã Mike, be kɔ le Moresɛtɛ. A wila ma do 'da fala Yotamɛ, Ahazɛ do Ezekiasi wa dungu zi nwa ngɔ nù Yuda dɛ 'do ngba wa ni. NWA Gale wila zi we ni hã Mike si ngɔ ogã le Samaria tɛ ngɔ nù Israɛlɛ, do Yeruzalɛmɛ tɛ ngɔ nù Yuda.

SOFONI 1:1

Mbe 'da fala kpo, nɛ NWA wila we hã Sofoni, do 'da fala kɛ Yoziasi, be 'da Amoni zi a nwa ngɔ nù Yuda ni. Sofoni zi a bulu be 'da Kusi. Li baa Kusi a Gɛdalia. Kusi a be yaa Amaria, nɛ a 'bɔ a kanggadɔkɔ nwa Ezekiasi.