USU MƐNƆ 9:3 - WE NU GALE 1995

³ Nɛ odɔla wa hɔ kɔ zɛ̃ we ni, nɛ wa yɛ'bɛ ngɔ nùi vɛ. Wa do ngawi ɔ nɛ kɛ 'da ogbatɔalanga ni.

USU MƐNƆ 9:3 Iomraidhean Croise

1 Onwanɔ 12:11

Baa ɛ hã zi ngamɔ hã wa, nɛ nde ɛ gã sɛ 'bɔ 'da ngamɛ ni. Nɛ baa ɛ zɛa zi wa do zufa kpaa, nɛ nde ɛ zɛ sɛ 'bɔ wa nganda nɛ ngɔ ki ni.”

2 Sakonɔ 10:11

Baa ɛ hã zi ngamɔ hã wa, nɛ nde ɛ nganda sɛ 'bɔ 'da ngamɛ ni. Nɛ baa ɛ zɛa zi wa do zufa kpaa, nɛ nde ɛ zɛ sɛ wa nganda nɛ ngɔ ki ni.”

2 Sakonɔ 10:14

A na: “Baa mi hã zi ngamɔ hã nɛ, nɛ nde mi nganda sɛ 'bɔ 'da ngamɛ ni dɛ dati. Baa mi zɛa zi nɛ do zufa kpaa, nɛ nde mi zɛ sɛ 'bɔ nɛ nganda nɛ ngɔ ki ni.”

Ezai 33:4

Ogele wele wa te sɛ ngɔ tolenɔ 'da Owi sɛnɛ lɛ fala kpo ɔ nɛ odɔla ni, nɛ wa kala ma, nɛ wa yu do ma.

EZEKIƐLƐ 2:6

“Nɛ nde mɔ be 'da wele, mɔ tɛ dɛ̃ kili wa, tabi kili lɛnggɛ nu wa gɔ. Wa 'danga sɛ we nu mɔ, nɛ ma ɔ sɛ nɛ mɔ dungu dɛ ngbala otɛ̃ tabi ngbala ogbatɔalanga ni. Gɛnɛ kɔ na mɛ ni, mɔ tɛ dɛ̃ kili dɛa mɔ tɛ wa, tabi 'dã kɔa nu 'da wa gɔ, we kɛ wa a Owele zu wa nganda wena.

YƆƐLƐ 1:4

Odɔkɔ wa tia zu kpalɛnɔ dɛlɛ wena, nɛ wa nyɔngɔ ma. Tala kpalɛnɔ kɛ wa la ma ni, nɛ odɔlanɔ wa nyɔngɔ ma. Tala kɛ odɔlanɔ wa la ni, nɛ ogɔvĩnɔ wa nyɔngɔ ma. Tala kɛ ogɔvĩnɔ wa la ni, nɛ osisiwelenɔ wa nyɔngɔ ma.

YƆƐLƐ 2:25

NWA tɔ̃a na: “Mi gese sɛ mɛnɔ vɛ̃ kɛ ma 'danga zi kɔ̃ nɛ kɔ sabɛlɛ kɛ ma la ni hã nɛ. Mi gese sɛ kpalɛnɔ kɛ Odɔkɔnɔ, odɔlanɔ, ogɔvĩnɔ, do osisiwelenɔ wa 'danga zi ni hã nɛ. Ĩ na, mi zi a mi tumba osa'denɔ ni we bi nɛ.

NAHUMƐ 3:15

Nɛ nde gɛnɛ kɔ nɛ dɛ mɔ ge nde, nɛ nɛ fe sɛ li nyɛa we kɛ ma nɛ bɛlɛ le ni, tabi nɛ fe sɛ do tɔ̃a nu bolo iko. Nɛ kumu sɛ ɔ nɛ bɔ̃ kɛ ogɔbiyele wa nyɔngɔ nzɔlɔ nɛ ni. Owinɔ 'da nɛ wa dɛlɛ zi wena, nɛ wa dɛ ngbakpakpa ɔ nɛ odɔla ni.

NAHUMƐ 3:17

Owi mbatinɔ do owi ti nu nwa, wa dɛlɛ zi ɔ nɛ olaka, kɛ wa ngɛmɛ ngba wa 'da fala gɛ̃ɛ dɛ ngɔ gbakɔ̃ tenɔ ni. Kɔ 'da fala kɛ wese hɔ ngɔ, hã ma a tɛ wa, nɛ wa pɛsɛ, nɛ nde fo wi ĩ fala wa la nɛ ni bina.

LUKA 10:19

Kɔ nɛ zélé! Mi hã ngawi hã nɛ na, nɛ ma ogɔ̃ do ogbatɔalanga ti nyanga nɛ, nɛ nɛ nɛ ngɔ ngawi 'da wi sɛnɛ wi, nɛ mɔ kpo dɛ́ sɛ nɛ gɔ.

Mbulanɔ 8:15

Nɛ a kã nɛ do li gba zɔ̃ɛ kɛ ma gã wena, nɛ Owele wa dɛ kili nɛ dɛa ni. Mɛ a li gba zɔ̃ kɛ odã gɔ̃, do ogbatɔalanga wa dɔ tɛ nɛ wena, nɛ fo lì kpo di ni bina. Nɛ nde NWA dɛa zi na, lì go'do kɔ ta kɛ ma nganda wena, nɛ nɛ nɔ ma.

USU MƐNƆ 9:5

Nɛ wa hã̀ wala hã odɔlanɔ na, wa gbɛ owinɔ ni gbɛa gɔ, nɛ nde wa hã zɛlɛ tɛ hã wa gbaa 'do zɛkɛ mɔlɔ. Nɛ zɛlɛ tɛ kɛ dɔlanɔ wa hã hã winɔ ni, ma wia kɔ̃ do kɛ gbatɔalanga nyɔngɔ wele, nɛ ma zɛlɛ a ni.

USU MƐNƆ 9:7

Odɔlanɔ ni wa ɔ nɛ ombalata kɛ wa 'dafa wa we nɛ bolo ni. Wa gu mɔ zu wa ɔ nɛ ndasa nwa kɛ wa dɛa do mɔ mbali ni, nɛ bula li wa ɔ nɛ bula li wele ni.

Owi kpe dati 7:12

Nɛ nde Omadianɛ, do Oamalɛkɛ, do wanɔ kɛ wa yula li gba zɔ̃ i ni, wa pɛsɛ do nyanga kala ni vɛ̃ ɔ nɛ tia odɔla ni. Nɛ osamonɔ 'da wa wa dɛlɛ ɔ nɛ ogbãlã kɛnzɛ nu gba lì ni.