USU MƐNƆ 9:2 - WE NU GALE 1995

² Nɛ sɔla ni hũi nu 'du kɔ̃ɛ, nɛ gba zɛ̃ we ma ngɔ kutu dɛ ngɔ ɔ nɛ zɛ̃ we bɛlɛ fɔ ni. Nɛ ma kpe li wese do nyanga nza vɛ, nɛ ma tũ mbĩi.

USU MƐNƆ 9:2 Iomraidhean Croise

Ndo Nyanga Dɛ Mɔ 15:17

Wese gɛ̃a, kɔ tũi tũ mbĩi, nɛ mbe mɔ kpo ɔ nɛ furu ni, ma kpe do zɛ̃ we mba do nyɛa we, nɛ ma la do sanga ofia sa'denɔ kɛ wa gba sanga wa ni.

Ndo Nyanga Dɛ Mɔ 19:28

Nɛ a ka mɔ si dɛ ngɔ Sodɔmɛ do Gomɔrɛ, do kɔ gbangɔlɛ̃ kɛ zã lenɔ ni vɛ̃, nɛ a zɔ gba zɛ̃ we, nɛ nde ma kpia ngɔ lenɔ kpã kpã.

Kulu Tɔa 19:18

Do fala ni, nɛ nde kala Sinai kutu do zɛ̃ we, we kɛ NWA zĩlĩ dɛ ngɔ nɛ kɔ nyɛa we. Nɛ zɛ̃ we ni kutu nɛ́ zɛ̃ we kɔ furu ni, nɛ kala Sinai vɛ̃ tana zi tana.

Ezai 14:31

Nɛ, Owi kɔ lenɔ kɛ gba ngbonɔ zĩ ma takpa gɛ, nɛ zɛ́ nu nɛ, nɛ nɛ he kɔ̃a tɛ nɛ. Nɛ, owinɔ nɛ mba li ngba nɛ tɛ nu ngbo lenɔ gɛ, nɛ táná kili. We kɛ gba kutu yolo do si gbãlã ngɔ, hã ma tɛ tɛ dɛ 'da nɛ nga. Mɛ a gba kuti olo nyanga Owi sɛnɛ nɛ, kɛ wa mba li ngba wa vɛ̃ we bi nɛ ni.

DANIƐLƐ 3:6

Fala kɛ wele bɛ̃ we gu li a nù we dɔnggɔ ma, nɛ wa ba sɛ a do ti, nɛ wa da sɛ a dɛ kɔ furu kɛ we nyɛ kɔ nɛ nganda wena ni.”

YƆƐLƐ 2:10

Wa ma ngɔ la nɛ, nɛ li nza do nùi tana. Nɛ wese do zɛkɛ to 'bɔ gɔ, nɛ osɔlanɔ wa bi tũ vɛ̃ do'do.

YƆƐLƐ 2:2

Mɛ sɛ a kɔ̃ tũ gba tũ kpirr, nɛ li nza ma kpe sɛ do gba kutu kpã kpã. Ngɔ gili odɔla, kɛ wa dɛlɛ wena, nɛ wa 'danga mɔ wena, wa hɔ sɛ, ɔ nɛ Owi bolo ni. Nɛ wa tũ sɛ ngɔ kalanɔ kpã kpã, ɔ nɛ kɛ tũi tũ nɛ ni. Owele wa zɔ̀ zɛ́ mbe kuti mɔ ɔ ni dati gɔ, nɛ wa zɔ́ sɛ 'bɔ ma mbé nɛ gɔ.

Owi Nɛ Tonɔ 2:19

Nɛ mi dɛ sɛ ɔngba mɔ li nza i, do ogba sɔ mɔ ngɔ nù nga. Tɔkɔ ma a sɛ nù, lenɔ ma bɛlɛ sɛ, nɛ li nza ma kpe sɛ do zɛ̃ we kpã kpã.

USU MƐNƆ 14:11

Nɛ zɛ we kɛ ma zɛlɛ tɛ wa ni, ma kutu sɛ fai, nɛ ma é sɛ gɔ. Nɛ winɔ kɛ wa dɔngga sa'de, do hi sa'de, do wanɔ kɛ wa gɔna dã 'da a tɛ wa ni, tũ do gba wese, wa ɔ́mɔ́ sɛ tɛ wa fala kpo gɔ.”

USU MƐNƆ 16:10

Nɛ mɔlɔ anzɛ sulu ngamɛ kɔ bila kɔ̃ a ni dɛ ngɔ kpongbo nwa 'da sa'de, nɛ gba tũ tũ kɔ le nwa 'da sa'de ni. Nɛ owinɔ wa ma ngɔ nyɔngɔ li gogo wa we ngamɛ ma kpa wa ni.

USU MƐNƆ 8:12

'Do nɛ, nɛ nalɛ anzɛ dama mɔtũlĩ 'da a, nɛ kpo mbee talɛ li wese bi, nɛ kpo mbee talɛ li zɛkɛ do sɔlanɔ bi 'bɔ. Na mɛ ni, nɛ kpo mbee talɛ gba wese, do kpo mbee talɛ tũi, fo zi mɔ tu tua bina.

USU MƐNƆ 9:1

Nɛ 'do nɛ, nɛ mɔlɔ anzɛ dama mɔtũlĩ 'da a, nɛ mi zɔ sɔla kpo, ma yula ngɔ i, kɔ ma te dɛ nù nga, nɛ wa hã fungula nu gba 'du kɔ̃ hã a.

USU MƐNƆ 9:11

Nwa 'da wa boe, wi a anzɛ kɛ a fɔmɔ gba 'du kɔ̃ɛ, nɛ li a do Hebre a Abadoni, nɛ do Grɛkɛ a Apoloni. (Gulu nɛ na: “Wi 'danga mɔ.”)

USU MƐNƆ 9:17

Mi zɔa ombalatanɔ do owi kũ ngɔ wa ni do li yalɛ, nɛ nde wa hi'da tulu mɔ bolo dɛ ngu'du wa. Tuli ni fila nɛ́ we ni, nɛ tɛ nɛ ɔ 'bɔ nɛ tũ li nza ni, nɛ ma ɔ 'bɔ yee nɛ tɛ fila bɔ̃ ni. Nɛ zu mbalatanɔ ɔ nɛ zu ogbɔgbɔ ni, nɛ nde kɔ nu wa ma hɔ do gba nyɛa we, do zɛ̃ we, do kalĩ we.