USU MƐNƆ 9:1 - WE NU GALE 1995

¹ Nɛ 'do nɛ, nɛ mɔlɔ anzɛ dama mɔtũlĩ 'da a, nɛ mi zɔ sɔla kpo, ma yula ngɔ i, kɔ ma te dɛ nù nga, nɛ wa hã fungula nu gba 'du kɔ̃ hã a.

USU MƐNƆ 9:1 Iomraidhean Croise

Ezai 14:12

“Mɔ, nwa ngɔ nù Babilonia, mɔ to zi ɔ nɛ gbandolo ni, kɔ mɔ tia 'bɔ nù we ge nde? Mɔ kɛ mɔ bi zi ogele winɔ, nɛ mɔ nɛ ngɔ wa, mɔ tia wá nù kpaa ia.

LUKA 10:18

Nɛ Yezu gese hã wa na: “Mi zɔa zi Satana, nɛ nde a yula li nza i, kɔ a tɛ te dɛ nù nga ɔ nɛ nyɛa li kolo ni.

LUKA 8:31

Nɛ o'dã hi winɔ ni wa ala nu wa hã Yezu na, da dɛ kɔ a tómbó lo dɛ kɔ gba 'du kɔ̃ gɔ.

ROMA 10:7

“Nɛ mɔ tɛ àkà 'bɔ na, wi nɛ zĩlĩ gbaa kɔ le 'da ofionɔ ti nù i ni a wio nde gɔ.” (Gulu nɛ na, zĩlĩ gbaa kɔ le 'da ofionɔ i we kpa Yezu, hɔ do a dɛ 'da lɛ nga.)

USU MƐNƆ 1:18

Mi do kpasi! Mi fia zi, kɔ ngangga ni, mi do kpasi kɔ sabɛlɛ do sabɛlɛ. Mi do ngawi ngɔ fio, do ngɔ le 'da ofionɔ.

USU MƐNƆ 1:20

Mi nɛ be gulu usu we ngɔ osɔlanɔ sambo, kɛ mi 'bia do ngawili kɔ̃ mi gɛ, do omɔ a do mwindanɔ sambo gɛ hã mɔ. Sɔlanɔ sambo gɛ, ma be oanzɛnɔ kɛ wa zɔ mɔ tɛ oeklezianɔ kɔ lenɔ sambo ni. Nɛ omɔ a do mwindanɔ sambo gɛ, ma be oeklezianɔ sambo ni.”

USU MƐNƆ 11:7

Kɔ bia wenɔ 'da wa e do'do, nɛ gba sɔ̃ sa'de a yolo sɛ kɔ gba 'du kɔ̃ɛ, nɛ a hɔ nza we bi do wa. A nganda sɛ nɛ ngɔ wa, nɛ a gbɛ sɛ wa.

USU MƐNƆ 17:8

Sa'de kɛ mɔ zɔa a ni, a zi do tunu li a, kɔ ngangga ni a 'bɔ bina. Nɛ nde ma 'bana bi sĩ, nɛ a hɔ sɛ nza kɔ gba 'du kɔ̃ɛ, takɔ a la dɛ fala wa nɛ gbɛ do a ni. Nɛ winɔ ngɔ nù gɛ, kɛ 'da fala Gale ndua zɛ́ nyanga dɛ mɛnɔ, nɛ a kɔ̀mɔ̀ zɛ́ li wa kɔ 'Buku Kpasi gɔ ni, wa ɔngbɔ sɛ wena we zɔ sa'de ni, we kɛ a zi do tunu li a, kɔ ngangga ni a 'bɔ bina, nɛ a hɔ sɛ 'bɔ mbé nɛ ni.

USU MƐNƆ 20:1

Nɛ 'do ki ni, nɛ mi zɔ anzɛ li nza i tɛ zĩlĩ dɛ nù nga. A 'bia fungula nu gba 'du kɔ̃ɛ, do gba gbɛlɛ dɔkpɔ dɛ kɔ̃ a.

USU MƐNƆ 20:10

Nɛ wa ba Satana, kɛ a ɔlɔ wa ni, nɛ wa da a li gba nyɛa we, kɛ ma nyɛ gile gile ni. Mɛ a fala kɛ wa da zi 'bɔ do sa'de, do wi gba do nu Gale do bɛlɛ tɛ nɛ ni. I mɔ ni, wa zɔ sɛ ngamɔ tũ do gba wese kɔ sabɛlɛ do sabɛlɛ.

USU MƐNƆ 6:13

Nɛ sɔlanɔ ma ngɔ ala dɛ nù nga ɔ nɛ kɛ tɔlɔ wala te ala 'da fala gba bũ kamba ni.

USU MƐNƆ 8:10

'Do nɛ, nɛ talɛ anzɛ dama mɔtũlĩ 'da a, nɛ gba gbɛlɛ sɔla ma nyɛ ɔ nɛ tanda ni, ma te dɛ ngɔ kpo mbee talɛ fua lìnɔ do 'denɔ ngɔ nù gɛ.

USU MƐNƆ 8:12

'Do nɛ, nɛ nalɛ anzɛ dama mɔtũlĩ 'da a, nɛ kpo mbee talɛ li wese bi, nɛ kpo mbee talɛ li zɛkɛ do sɔlanɔ bi 'bɔ. Na mɛ ni, nɛ kpo mbee talɛ gba wese, do kpo mbee talɛ tũi, fo zi mɔ tu tua bina.

USU MƐNƆ 8:2

Nɛ 'do nɛ, nɛ mi zɔa oanzɛnɔ sambo kɛ wa yolo dɛ dati Gale ni, nɛ wele nɛa, nɛ a hã mɔtũlũ kpo kpo hã wa sambo nɛ.

USU MƐNƆ 9:2

Nɛ sɔla ni hũi nu 'du kɔ̃ɛ, nɛ gba zɛ̃ we ma ngɔ kutu dɛ ngɔ ɔ nɛ zɛ̃ we bɛlɛ fɔ ni. Nɛ ma kpe li wese do nyanga nza vɛ, nɛ ma tũ mbĩi.