USU MƐNƆ 8:5 - WE NU GALE 1995

⁵ Nɛ 'do nɛ, nɛ anzɛ u kalĩ we ngɔ gbagala ni, nɛ a a ma kɔ mɔ dɔ do yɔmbɛ kɔ̃ a ni, nɛ a da ma dɛ nù nga. Nɛ kolo ma ngɔ o dã, do nyɛ li ɛ, nɛ nùi ma ngɔ tana nɛ.

USU MƐNƆ 8:5 Iomraidhean Croise

1 Onwanɔ 19:11

Nɛ nwa tɔ̃ hã a na: “Mɔ hɔ́ nza, kɔ mɔ yolo dɛ dati mi tɛ ngɔ kala gɛ, we kɛ mi nɛ la wala do di ni.” Nɛ gba bũ kamba dɛa nganda wena, nɛ ma gba sanga kalanɔ, nɛ ma o 'bɔ sanga tanɔ dati NWA. Nɛ nde NWA là do gba bũ kamba ni gɔ. 'Do nɛ, nɛ nùi tana, nɛ nde NWA tɛ hɔ̀ gɔ.

Zumanɔ 18:13

Gba nyɛa we kpia dati a, nɛ be tolo we hɔ kɔ nyɛa we ni.

Kulu Tɔa 19:16

Ma hɔa kpo soe ni, do sanga titole belee, nɛ ngɔ kala 'di kpia do gba kutu. Nɛ wa zɔa nyɛa kolo, nɛ wa zele giti ua dã kolo, do giti mɔtũlũ tɛ wele nganda wena ngɔ kala ni. Nɛ owinɔ wa tana kili tɛ fala ɔi 'da wa 'di.

Ezai 29:6

NWA ngɔ mɔ nyanga nza vɛ̃ a gbanga sɛ nɛ fala kpo, nɛ a be dia zã 'da a hã nɛ Owi Yeruzalɛmɛ, nɛ a bi sɛ ngɔ nɛ. A tombo sɛ ua dã kolo, do gba hiamɔ, do gba bũ kamba, do gba nyɛa we

Ezai 30:30

NWA a dɛ sɛ na, winɔ vɛ̃ wa zélé gɛlɛ a, kɛ ma dɔlɔ nganda wena ni. Nɛ a dɛ sɛ 'bɔ na, wa ĩ ti ngawi 'da a. A be sɛ dã 'da a hã owinɔ kɔ nyɛa we, kɛ ma bɛlɛ mɛnɔ ni, do kɔ gba kolo, do kɔ kolo gbãlã mũlũ.

Ezai 66:6

Nɛ zélé hiamɛ kɛ ma wele kɔ le i ni, nɛ nɛ zélé 'bɔ hiamɛ kɛ ma wele kɔ Tɛmpɛlo i ni. Wi a mi NWA, mi tɛ hã etumbu hã Owi sɛnɛ mi.

Yeremi 51:11

NWA nɛ bili nu gbã 'dã mɛ kɛ Obabilonia wa dɛa zi do Tɛmpɛloe 'da a kɛ ma santo ni hã wa. Ma kɛ a sɔ̃ɛ onwa ngɔ nù Medi na wa nɛ, hã wa 'danga nù Babilonia. Nɛ ogã wi ngɔ sodanɔ wa ba nu wa na: “Nɛ sɛ́ nu kpilinɔ 'da nɛ, nɛ nɛ á ma dunu kɔ fokonɔ!

Levitɛnɔ 16:12

Nɛ a ba mɔ u do we, nɛ a u kalĩnɔ ngɔ gbagala dati tɔa Tande ni, nɛ ma dunu ma. Nɛ a so fũ yɔmbɔ kɔ̃ a bɔa, nɛ a la do ma vɛ̃ dɛ 'do ku'bi, tɛ Fala kɛ ma santo wena ni.

ZAKARIA 14:5

Nɛ nɛ, owi Yeruzalɛmɛ, nɛ yu sɛ do kɔ gbongboe ngbala kalanɔ ni, we kɛ ma la sɛ gbaa dɛ kɔ le Asalɛ. Nɛ yu sɛ, ɔ nɛ kɛ oyaa nɛ wa dɛa zi do ngba soe nùi tana do 'da fala 'da Oziasi, nwa ngɔ nù Yuda ni. Nɛ NWA Gale 'da mi, a tɛ sɛ fala nɛ kpo do oanzɛnɔ 'da a vɛ̃.

MATIE 24:7

Do 'da fala ni, nwa kpo a kulu sɛ ngɔ do owinɔ 'da a, nɛ a bi do nwa kɔ gele le. Nɛ owinɔ tɛ ngɔ nù kpo, wa bi sɛ kpo ngba wa. Gba wɔ ma te sɛ, nɛ nùi ma tana sɛ falanɔ kpi do kpi.

LUKA 12:49

“Mi tɔ̃ hã nɛ na, mi tɛa do we we fi tɛ nùi, nɛ mi kɔ̃a sɔ na, we ni ma ngɔ nyɛ nɛ.

Owi Nɛ Tonɔ 16:26

Nɛ fala kpo, nɛ nùi ma tana gbirr nganda wena, nɛ dɛlɛ tɔa bɔlɔkɛ ni ma yaka. Nɛ onu tɔa bɔlɔkɔnɔ vɛ́ ma hũi do ti, nɛ dɔkpɔnɔ nu kɔ̃ Owi bɔlɔkɔnɔ ni ma gɔnɔ vɛ.

Owi Nɛ Tonɔ 4:31

Sambala 'da wa nɛa we e nɛ, nɛ fala wa dungu nɛ ni, tana gbirr. Nɛ wa vɛ̃ wa dunu do ngawi 'da Hi Wi Santo, nɛ wa ma ngɔ be we nu Gale do kpã sila.

USU MƐNƆ 11:13

Nɛ do 'da fala nɛ ni, nɛ nùi tana nganda wena, nɛ kpo mbee 'bu gã le ni gbini, nɛ ma gbɛa Owele koto sambo do ti. Nɛ kili ba owanɔ kɛ wa 'bana ni, nɛ wa dɔngga Gale, kɛ a li nza i ni.

USU MƐNƆ 11:19

Wa wila we ni do'do, nɛ nu tɔa Tɛmpɛloe 'da Gale kɔ li nza i ni hũi, nɛ mi ka mɔ kɔ tɔa i, nɛ mi zɔ sanduki kɛ ma be gba tɔkɛ Gale gba do winɔ 'da a ni. Nɛ kolo ma ngɔ nyɛ li ɛ do o dã nganda wena, nɛ nùi tana gbirr, nɛ kolo gbãlã mũlũ ma ngɔ tɛ nganda wena.

USU MƐNƆ 4:5

Nɛ nyɛa li kolo, do ua dã kolo, do giti omɔ wele tɛ kpongbo nwa kɛ gbogbo ni. Nɛ nyɛa we sambo nyɛ dɛ dati kpongbo nwa ni, ĩ na, mɛ a ohi wi 'da Gale sambo.

USU MƐNƆ 6:12

Nɛ 'do ki ni, nɛ Be Bata ɛ́lɛ́ gazɛlɛ ndaka nu 'buki ni. Nɛ do 'da fala ni, nùi ma ngɔ tana nganda wena, nɛ li wese tũ ɔ nɛ tũ tulu ni, nɛ li zɛkɛ fele ɔ nɛ tɔkɔ ni.

USU MƐNƆ 8:3

Nɛ mbe gele anzɛ kpo tɛa, nɛ a yolo dɛ kɛ zã gbagala kɛ wa hã do dɔnggamɛnɔ hã Gale ni. A 'bia mɔ dɔ do fũ yɔmbɔ, kɛ wa dɛa ma do mɔ mbali ni dɛ kɔ̃ a. Nɛ wa hã ofũ yɔmbɔ dɛlɛ wena hã a, takɔ a dɔ ma hã Gale dɛ ngɔ gbagala mɔ mbali dati kpongbo nwa ni, nɛ zɛ̃ we nɛ kutu dɛ ngɔ i, fala nɛ kpo do sambala 'da owinɔ 'da Gale.