USU MƐNƆ 8:3 - WE NU GALE 1995

³ Nɛ mbe gele anzɛ kpo tɛa, nɛ a yolo dɛ kɛ zã gbagala kɛ wa hã do dɔnggamɛnɔ hã Gale ni. A 'bia mɔ dɔ do fũ yɔmbɔ, kɛ wa dɛa ma do mɔ mbali ni dɛ kɔ̃ a. Nɛ wa hã ofũ yɔmbɔ dɛlɛ wena hã a, takɔ a dɔ ma hã Gale dɛ ngɔ gbagala mɔ mbali dati kpongbo nwa ni, nɛ zɛ̃ we nɛ kutu dɛ ngɔ i, fala nɛ kpo do sambala 'da owinɔ 'da Gale.

USU MƐNƆ 8:3 Iomraidhean Croise

1 Onwanɔ 7:50

osani, omɔ bi do mwinda, obila kpɔ do tɔkɔ sa'denɔ, obila, omɔ u do we, omɔ 'be gbangga nu 'bili tɔa dɔnggɔ do Gale, do ogbangga nu gã 'bili tɔa. Wa dɛa zi mɛnɔ ni do dia mɔ mbali, kɛ fo 'dɔlɔ nɛ zã nɛ bina ni.

Zumanɔ 141:2

E kɔ sambala 'da mi nɛ ndirr dɛ 'da mɔ i, ɔ nɛ zɛ̃ we yɔmbɛ kɛ wa dɔ hã mɔ ni. E kɔ do gɛ̃a wese, fala mi kala kɔ̃ mi dɛ ngɔ we sambala mɔ ni, nɛ mɔ zɔ ma li mɔ nɛ́ dɔnggamɔ ni.

Kulu Tɔa 40:26

Wa ba gbagala kɛ wa dɛa do mɔ mbali ni, nɛ wa e ma kɔ tɔa Tande dɛ dati ku'bi kɛ wa 'bili do kɔ tɔa ni.

Ezai 6:6

Nɛ mbe kpo kɔ oanzɛnɔ bũlũ dɛ 'da mi nga, nɛ a ba be sa'ba dɛ kɔ a, nɛ nde a 'bɔmɔ do mbe kalĩ wenɔ ngɔ gbagala i ni.

EZEKIƐLƐ 41:22

gbagala kɛ wa dɛa do te ni. Nɛ ngala nɛ a mɛtrɛ kpo do dɔ nɛ, nɛ gã li nɛ a mɛtrɛ kpo. Nɛ li gbala nɛ, do okonggolo nu nɛ, do nyanga nɛ vɛ̃ do te. Nɛ wi ni tɔ̃ hã mi na: “Kɛ gɛ mɛ a mɛsa kɛ wa ia ma dɛ dati NWA.”

AMƆSI 9:1

Mi zɔa NWA Gale, nɛ nde a yula dɛ dati gbagala wa dɔ do sa'de hã a ni, nɛ a ba nu a na: “Nɛ zɛ́ zu obɛlɛduma tɔa Tɛmpɛloe do tɛlɛ tɛ kɛ na, nyanga nɛ ma yaka, nɛ nɛ gbíní ma dɛ ngɔ winɔ. Nɛ tala wanɔ kɛ wa 'bana sɛ ni, mi gbɛ sɛ wa li bolo. Wele kpo wé sɛ we yu nɛ gɔ, nɛ wele kpo kpásá sɛ gɔ.

MALAKI 1:11

“Ogele winɔ nyanga nza gɛ vɛ̃, wa dɔnggɔ mi. Falanɔ vɛ̃, yolo 'biti gba wese we hɔ 'biti gɛ̃a wese, wa dɔ fũ yɔmbɔ we dɔnggɔ do mi, nɛ wa tɛ do dɔnggamɛnɔ kɛ ma wia do mi ni hã mi. Gbãlã we, ogele winɔ wa ĩ ti gã wi 'da mi.

Tɔlɔ Mɔ 4:11

“Wa gu sɛ gbau tulu kɛ wa dɛa do fila sala sa'de kpi do kpi ni ngɔ gbagala wa dɛa do mɔ mbali ni, nɛ wa lɔmbɔ 'do nɛ do nga ndala sa'de 'dɔ lì. Nɛ wa fi te ngbangbo tɛ nɛ we ba do ma.

LUKA 1:10

Nɛ tala gba gili owinɔ wa 'bana dɛ nza nga 'da fala Zakaria dɔ zi fũ yɔmbɛ ni.

ROMA 8:34

Wi wia we 'bili 'dã we dɛ zu wa a a wio nde? Mba gɔ, Yezu Kristo fia, nɛ a tunu 'bɔ kɔ fio, nɛ a dungu tɛ ngɔ ngawili kɔ̃ Gale tɛ aka a we lɛ.

OHEBRE 7:25

We duzu ma, owinɔ kɛ wa kɔlɔ do Gale do wala 'da Yezu ni, nɛ Yezu wia tɛ kpasa wa ngboo. We kɛ a do kpasi, nɛ a tɛ aka Gale we winɔ fai.

OHEBRE 9:4

Nɛ mɛnɔ fala ni, mɛ a gbagala kɛ wa dɛa ma do mɔ mbali, nɛ wa dɔ yɔmbɔ hã Gale ngɔ nɛ ni, do sanduku gba tɔkɛ, kɛ 'do nɛ vɛ a mɔ mbali ni. Nɛ mɛ kɔ sanduki, mɛ a kpana mɔ mbali, nɛ dɛ kɔ kpana ni, mɛ a nyɔngɔmɛ kɛ li nɛ a mana ni. Nɛ mbe 'bɔ mɛ kɔ sanduki, mɛ a dɔndɔlɔ 'da Aroni, kɛ ma kunu zɛ́ mbé tɔlɔ nwá ni, do tanɔ kɛ Mɔizɛ kɔma zɛ́ mbula gba tɔkɛ ngɔ nɛ ni.

USU MƐNƆ 10:1

'Do nɛ, nɛ mi nɛ ka mɔ, nɛ mi zɔ 'bɔ mbé gele anzɛ kpo, a nganda wena. A yula li nza i, nɛ a zĩlĩ dɛ nù nga. Gba kutu lɔmbɔ a vɛ, nɛ ndumbe linggi zu a takpa. Nɛ bula li a to nɛ́ wese ni, nɛ nyanga a ɔ nɛ bɛlɛduma kɛ ma nyɛ do we ni.

USU MƐNƆ 14:18

Nɛ mbé gele anzɛ, kɛ a a wi zɔ mɔ tɛ nyɛa we ngɔ gbagala kɛ wa hã do dɔnggamɛnɔ hã Gale ni, a yula fala gbagala ni, nɛ a tɛ, nɛ a he mɔ dɛ ngɔ hã wele kɛ a do tɔ̃a nu dugbi dɛ kɔ̃ a ni na: “Wala te vinɔnɔ ngɔ nù gɛ fila ia! Kɔ mɔ fí dugbi 'da mɔ, hã mɔ ndo sɛlɛ ma.”

USU MƐNƆ 5:8

Kɔ a nɛa we ba 'buki ni, nɛ otunu li mɛnɔ nalɛ, do kpasa winɔ 'bu wa bɔa ngɔ wa nalɛ ni, wa gu gba zugolo dati a. Nɛ wele do wele do kundu, do bila mɔ mbali kɛ ma dunu do fũ yɔmbɔ ni dɛ kɔ̃ ɛ. Fũ yɔmbɛ ni, mɛ a sambala kɛ winɔ 'da Gale wa sambala do a ni.

USU MƐNƆ 6:9

Nɛ 'do ki ni, nɛ Be Bata ɛ̃lɛ̃ mɔlɔ ndaka nu 'buki ni, nɛ mi nɛ ka mɔ dɛ ti gbagala kɛ wa hã dɔnggamɛnɔ hã Gale ngɔ nɛ ni, nɛ mi zɔ ohi wele. Mɛ a hi owinɔ wa gbɛa zi wa, we kɛ wa kɔ̃a gɛnɛ we nu Gale, nɛ wa bia ma hã winɔ ni.

USU MƐNƆ 7:2

Nɛ mi zɔ 'bɔ mbé anzɛ, a yula si 'biti gba wese, nɛ a 'bia mɔ gɔnɔ do dã 'da Gale, wele kpasi dɛ kɔ̃ a. Nɛ anzɛ ni hia mɔ nganda wena hã oanzɛnɔ nalɛ, kɛ wa do ngawi we 'danga nùi do gba lìnɔ ni na:

USU MƐNƆ 8:4

Kɔ anzɛ nɛa we dɔ yɔmbɛ ni, nɛ zɛ̃ we nɛ kutu, nɛ ma kũ dɛ 'da Gale i, fala nɛ kpo do sambala 'da winɔ 'da Gale.

USU MƐNƆ 8:5

Nɛ 'do nɛ, nɛ anzɛ u kalĩ we ngɔ gbagala ni, nɛ a a ma kɔ mɔ dɔ do yɔmbɛ kɔ̃ a ni, nɛ a da ma dɛ nù nga. Nɛ kolo ma ngɔ o dã, do nyɛ li ɛ, nɛ nùi ma ngɔ tana nɛ.

USU MƐNƆ 9:13

Nɛ 'do ki ni, nɛ gazɛlɛ anzɛ dama mɔtũlĩ 'da a. Nɛ mi zele wala gɛlɛ wele, ma yolo tɛ li kpɔa gbagala mɔ mbali, kɛ ma 'bɛ̃lã dɛ ngɔ nalɛ nɛ, nɛ ma dɛ dati Gale ni.