USU MƐNƆ 8:13 - WE NU GALE 1995

¹³ Nɛ mi nɛ ka 'bɔ mɔ, nɛ mi zɔ ziki tɛ bũlũ do ngɔ i nyɛlɛ wena, nɛ a tɛ he mɔ nganda wena na: “'Bako! 'Bako! 'Bako nɛ kpa owinɔ ngɔ nù gɛ, 'da fala tala oanzɛnɔ talɛ wa nɛ dama.”

USU MƐNƆ 8:13 Iomraidhean Croise

Zumanɔ 103:20

Aa nɛ, oanzɛnɔ 'da NWA, nɛ, kɛ nɛ zele wenɔ 'da a, nɛ nɛ dɛ ma do ti do ngawi 'da nɛ vɛ̃ ni, nɛ dɔnggɔ a.

EZEKIƐLƐ 2:10

Nɛ kɔ̃ wi ni yala kasa 'buki dɛ li mi. Ĩ na, wa kɔma zi mɔ li nɛ do 'do nɛ vɛ̃. Mɛnɔ wa kɔma ni, mɛ a olɛnggɛ 'bako do zɛa nu.

OHEBRE 1:14

Anzɛnɔ wa a wio nde? Wa a ohi winɔ kɛ wa dɛ to hã Gale, nɛ Gale tombo wa we gala owinɔ kɛ a kɔ̃a we kpasa wa ni.

USU MƐNƆ 11:14

Bɔa ngamɛ la ia, nɛ nde talɛ ngamɛ ma hɔ sɛ ngangga ni.

USU MƐNƆ 12:12

Kɔ we duzu ki ni, ma wia na li nza, do nɛ owinɔ kɔ nɛ vɛ́, nɛ dɛ yangga! Nɛ nde 'bako do nùi do gba lì! Mba gɔ, Satana zĩlĩ dɛ i mɔ, nɛ sila a dunu do mãlã, we kɛ a ĩ na, ngba soe 'da ɛ 'bànà gã gɔ.”

USU MƐNƆ 14:3

Gili winɔ ni wa yula dɛ dati kpongbo nwa 'da Gale, do dati Otunu li mɛnɔ nalɛ, do okpasa winɔ ni, nɛ wa ga mbé zuma. Zuma ni mɛ a zuma kɛ gele wele wè zi tɛ yambala ma gɔ, tati a owinɔ kote kama do 'bu wa nalɛ ngɔ wa nalɛ, kɛ Kristo gɔnɔ zi zu wa ngɔ nù gɛ ni iko.

USU MƐNƆ 14:6

'Do ki ni, nɛ mi zɔa mbé gele anzɛ tɛ bũlũ ndũu do ngɔ i. Nɛ a tɛa do Dia Sakoe kɛ ma 'bana sɛ fai ni, takɔ a be ma hã owinɔ ngɔ nù gɛ. A be ma hã nu fɛlɛ kulanɔ, do lɛnggɛnɔ, do nu kpalanɔ, do kɔ lenɔ vɛ̃.

USU MƐNƆ 19:17

Nɛ mi nɛ ka 'bɔ mɔ, nɛ mi zɔ anzɛ kpo, a yula dɛ li wese. Kɔ a he mɔ nganda wena hã onɔɛnɔ vɛ, kɛ wa tɛ bũlũ li ngɔ i ni na: “Nɛ tɛ́, kɔ nɛ ngɛmɛ ngba nɛ we gã mɔ dɔɛ 'da Gale!

USU MƐNƆ 3:10

Kɔ we duzu kɛ nɛ dɛa olo nu mi, nɛ nɛ kunu sila nɛ ni, mi fɔmɔ sɛ tɛ mɛ 'bɔ nɛ 'da fala ngamɛnɔ ma kpa sɛ winɔ ngɔ nùi gɛ vɛ̃, we yamba sila wa ni.

USU MƐNƆ 8:2

Nɛ 'do nɛ, nɛ mi zɔa oanzɛnɔ sambo kɛ wa yolo dɛ dati Gale ni, nɛ wele nɛa, nɛ a hã mɔtũlũ kpo kpo hã wa sambo nɛ.

USU MƐNƆ 9:1

Nɛ 'do nɛ, nɛ mɔlɔ anzɛ dama mɔtũlĩ 'da a, nɛ mi zɔ sɔla kpo, ma yula ngɔ i, kɔ ma te dɛ nù nga, nɛ wa hã fungula nu gba 'du kɔ̃ hã a.

USU MƐNƆ 9:12

Kuti ngamɛ la ia, nɛ nde mbé gele ngamɔ bɔa ma hɔ sɛ 'bɔ.