USU MƐNƆ 8:12 - WE NU GALE 1995

¹² 'Do nɛ, nɛ nalɛ anzɛ dama mɔtũlĩ 'da a, nɛ kpo mbee talɛ li wese bi, nɛ kpo mbee talɛ li zɛkɛ do sɔlanɔ bi 'bɔ. Na mɛ ni, nɛ kpo mbee talɛ gba wese, do kpo mbee talɛ tũi, fo zi mɔ tu tua bina.

USU MƐNƆ 8:12 Iomraidhean Croise

Ezai 13:10

Osɔlanɔ li nza gɛ ma tó sɛ gɔ. Wese ma gba sɛ, nɛ ma bi tũ, nɛ zɛkɛ tó sɛ 'bɔ gɔ.

Ezai 24:23

Sape ma ba sɛ li zɛkɛ do wese, nɛ ma tó sɛ 'bɔ gɔ. Mba gɔ, NWA Gale ngɔ mɔ nyanga nza vɛ̃, a dungu sɛ nwa kɔ le Yeruzalɛmɛ, tɛ ngɔ kala Sioni. Nɛ dɔ̃lɔ̃ li 'da a ma be sɛ tɛ̃ ɛ dati okumunɔ kɔ le ni.

Yeremi 4:23

Mi zɔa nùi, nɛ nde mɛ a olo tɔa iko. Kɔ mi nɛ ka mɔ li nza i, nɛ nde fo 'bɔ nyɛa we bina.

YƆƐLƐ 2:10

Wa ma ngɔ la nɛ, nɛ li nza do nùi tana. Nɛ wese do zɛkɛ to 'bɔ gɔ, nɛ osɔlanɔ wa bi tũ vɛ̃ do'do.

AMƆSI 8:9

NWA Gale tɔ̃a 'bɔ na: “Do ngba soe ni, mi dɛ sɛ na, wese bi tũ do gbo gba wese, nɛ gba tũ ma tũ sɛ ngɔ nùi vɛ̃.

MATIE 24:29

“Kɔ ngba soe ngamɛnɔ ni la do'do, nɛ 'do nɛ, nɛ li wese ma tũ sɛ mbĩi do ti, nɛ zɛkɛ tó sɛ 'bɔ gɔ. Nɛ sɔlanɔ wa ala sɛ dɛ nù nga, nɛ ngawi 'da mɛnɔ li ngɔ gɛ, ma vĩ sɛ zu ngbɛ ɛ.

MATIE 27:45

Ma nɛa we hɔ midi, nɛ gba tũ tũ mbĩi ngɔ nùi vɛ̃, gbaa 'do sa talɛ.

MARKO 13:24

“Nɛ 'do ngamɛnɔ ni, nɛ li wese ma tũ sɛ mbĩi, nɛ zɛkɛ to sɛ 'bɔ gɔ.

MARKO 15:33

Ma nɛa we hɔ midi, nɛ gba tũ tũ mbĩi ngɔ nùi vɛ̃, gbaa 'do sa talɛ.

LUKA 21:25

“Nɛ omɔ ma dɛ sɛ li wese, do zɛkɛ, do osɔlanɔ. Nɛ ngɔ nù nga, sila owinɔ ma ɔ sɛ ngɔ ngbũu, nɛ wa zele sɛ giti ngele gba lì kɛ ma sulu ni, nɛ wa tana kili.

Owi Nɛ Tonɔ 2:20

Li wese ma tũ sɛ mbĩi, nɛ li zɛkɛ ma fele ɔ nɛ tɔkɔ ni. Mɛnɔ ni vɛ̃ ma hɔ sɛ dati kɔ̃ tũi kɛ mi Nwa, mi nɛ gɔnɔ do ngbangga 'da owinɔ ni. Mɛ sɛ a gã ngba soe be dɔlɔ li 'da mi.

2 KORINTƐ 4:4

Owinɔ ni wa kɔ̃̀ zu li Gale gɔ, we kɛ 'dã gale ngɔ nùi gɛ, a bi gbãlã zã wa do'do. A dɛa na, dɔ wa zɔ́ tɛlɛ tɛ kɛ Dia Sakoe yele ngɔ nùi gɛ, nɛ ma be dɔ̃lɔ̃ li 'da Kristo, kɛ a ba tɛlɛ tɛ Gale ngboo ni gɔ.

USU MƐNƆ 12:4

Do sa'de ni fua kpo mbee talɛ osɔlanɔ tɛ li nza i, nɛ ma ala dɛ nù nga. Nɛ a yolo dɛ dati wuke kɛ a bi zɛlɛ kula ni, takɔ a ko, nɛ a yɔ'dɔ be do ti.

USU MƐNƆ 16:10

Nɛ mɔlɔ anzɛ sulu ngamɛ kɔ bila kɔ̃ a ni dɛ ngɔ kpongbo nwa 'da sa'de, nɛ gba tũ tũ kɔ le nwa 'da sa'de ni. Nɛ owinɔ wa ma ngɔ nyɔngɔ li gogo wa we ngamɛ ma kpa wa ni.

USU MƐNƆ 6:12

Nɛ 'do ki ni, nɛ Be Bata ɛ́lɛ́ gazɛlɛ ndaka nu 'buki ni. Nɛ do 'da fala ni, nùi ma ngɔ tana nganda wena, nɛ li wese tũ ɔ nɛ tũ tulu ni, nɛ li zɛkɛ fele ɔ nɛ tɔkɔ ni.

USU MƐNƆ 9:15

Nɛ a yala dɔkpɛ tɛ wa. Wi a oanzɛnɔ kɛ wa 'bɔ zi 'da kɔ̃ tũi, do zɛkɛ, do sabɛlɛ kɛ Gale wia ngboo, takɔ wa kumu kpo mbee talɛ winɔ nù gɛ vɛ̃ ni.

USU MƐNƆ 9:18

Nɛ ngamɛnɔ talɛ gɛ, gba nyɛa we, do zɛ we, do kalĩ we ma hɔ kɔ nu mbalatanɔ ni, ma kumu kpo mbee talɛ winɔ vɛ.