USU MƐNƆ 8:11 - WE NU GALE 1995

¹¹ Nɛ kpo mbee talɛ 'denɔ fanga kɛrr, nɛ Owele wena wa fia, we kɛ wa nɔa fã lì ni. Li sɔla ni a Fãmɔ.

USU MƐNƆ 8:11 Iomraidhean Croise

Kulu Tɔa 15:23

Wa nɛa we hɔ tɛ le Mara, nɛ wa kpa lì di ni. Nɛ nde wa wè tɛ nɔ lì ni gɔ, we kɛ ma zi a fã. We duzu ma, wa ia li le ni na, Mara. Gulu nɛ na, “Fã mɔ.”

GBA WENƆ 5:4

Nɛ nde fala kɛ a ɔlɔ mɔ do'do, sɛ nɛ mɔ ĩ na, lɛnggɛ nu a ɔ nɛ sambe, tabi kɔya kɛ tɔ̃a nu nɛ bɔa ni de.

Yeremi 23:15

NWA ngɔ mɔ nyanga nza vɛ̃ tɔ̃a 'bɔ dɛ ngɔ owi gba olo nu a, wanɔ wa kɔ le Yeruzalɛmɛ ni na: “Mi hã sɛ Sanggo kɛ ma a fã ni hã wa na, wa nyɔngɔ, nɛ mi hã 'dã ina hã wa na, wa nɔ. 'Dã mɔ yula kɔ̃ owi gba olo nu mi tɛ Yeruzalɛmɛ, nɛ ma yɛ'bɛ ngɔ nùi vɛ̃.”

Yeremi 9:15

Mi pɛsɛ sɛ wa dɛ sanga ogele nu kɔnggɔnɔ, kɛ wa do oyaa wa, wa ĩ̀ zi ti wa dati gɔ ni. Nɛ mi tombo sɛ osoda we bi wa gbaa na wa kumu vɛ̃.”

ALA NU 3:19

Mi kpa sape, nɛ fo 'bɔ fala ti mi bina. Kɔ mi lengge ma, nɛ kɔ nu mi fanga kɛrr, ɔ nɛ kɛ mi nɔa sambe ni.

ALA NU 3:5

A zĩ gba ngbo dɛ tɛ mi, nɛ mɛ a gba ngbo ngamɔ do zɛlɛ tɛ.

AMƆSI 5:7

'Bako do nɛ wena, we kɛ nɛ 'danga dia 'bili wenɔ, nɛ nɛ 'danga 'bɔ we 'da winɔ kɛ wa dɛ mɔ do wala olo nɛ ni.

AMƆSI 6:12

Ombalata wa wia tɛ yu yu do ngɔ ogã ta nde? Nɛ winɔ wa wia tɛ zã kpangba dɛ ngɔ, takɔ wa mi do kpalɛ nde? Fala kpo gɔ. Kɔ gulu kɛ nɛ kpolo bɔlɔ zu dɛa mɔ do 'dã mɔ, nɛ nɛ kpolo gbãlã we do bɛlɛ ni we ge nde?

ZAKARIA 13:8

nɛ bɔa mbee talɛ kɔ wa wa fe sɛ.

ZAKARIA 13:9

Nɛ mi yamba sɛ sila tala kpo mbee talɛ sanga winɔ wa 'bana nza ni, ɔ nɛ kɛ wele yamba do mɔ mbali do fɛ̃a mɔ bolo li we we fa dia nɛ zã nɛ ni, nɛ wa hɔ sɛ sa wi li mi. Na mɛ ni, nɛ wa sambala sɛ mi, nɛ mi zele sɛ wa. Nɛ mi tɔ̃ sɛ hã wa na, wa a owinɔ 'da mi, nɛ wa tɔ̃ sɛ hã mi na, mi a Gale 'da wa.”

Mbulanɔ 29:18

Nɛ nɛ gɛ vɛ̃, kɛ nɛ zila wenɔ ni sɔɛ gɛ, nɛ dɛ zĩ na, da dɛ kɔ wele kpo lénggé na, gɛnɛ kɔ ɛ là fala dɛ nga zu gɔ, nɛ ɛ kpa sɛ dia mɔ ni gɔ. Nɛ nɛ dɛ 'bɔ zĩ na, da dɛ kɔ wele é ngba ɛ li wala dɔnggɔ kpikima gɔ.

OHEBRE 12:15

Nɛ nɛ dɛ́ nganda na, dɔ mbe kpo sanga nɛ zɔ́lɔ́ kpa dia zã 'da Gale gɔ. Nɛ da dɛ kɔ wele kpo kífí 'dã kpalɛ, kɔ ma gã, hã 'dã ina kɔ nɛ 'danga ogili winɔ gɔ.

USU MƐNƆ 12:4

Do sa'de ni fua kpo mbee talɛ osɔlanɔ tɛ li nza i, nɛ ma ala dɛ nù nga. Nɛ a yolo dɛ dati wuke kɛ a bi zɛlɛ kula ni, takɔ a ko, nɛ a yɔ'dɔ be do ti.

USU MƐNƆ 8:7

Nɛ kuti anzɛ dama mɔtũlĩ 'da a, nɛ kolo gbãlã mũlũ, do we, mba do tɔkɔ ala dɛ nù nga, nɛ kpo mbee talɛ nùi do kpo mbee talɛ tenɔ, do wɔkɔsɔnɔ bɛla vɛ̃.

USU MƐNƆ 9:15

Nɛ a yala dɔkpɛ tɛ wa. Wi a oanzɛnɔ kɛ wa 'bɔ zi 'da kɔ̃ tũi, do zɛkɛ, do sabɛlɛ kɛ Gale wia ngboo, takɔ wa kumu kpo mbee talɛ winɔ nù gɛ vɛ̃ ni.

USU MƐNƆ 9:18

Nɛ ngamɛnɔ talɛ gɛ, gba nyɛa we, do zɛ we, do kalĩ we ma hɔ kɔ nu mbalatanɔ ni, ma kumu kpo mbee talɛ winɔ vɛ.

RUTI 1:20

Nɛ a gese hã wa na: “Nɛ tɛ sà li mi na Noemi, nɛ́ kɛ mi a wi yangga gɔ. Nɛ sá li mi na Mara, we kɛ mi a wi 'bako. Gale kɛ a do nganda vɛ̃, a hã 'bako hã mi wena.