USU MƐNƆ 7:9 - WE NU GALE 1995

⁹ Nɛ 'do ki ni, nɛ mi nɛ ka mɔ, nɛ mi zɔ gba gili Owele, kɛ wele wè tɛ tɔlɔ wa gɔ ni. Wa yula kɔ nu fɛlɛ kulanɔ, do lɛnggɛnɔ, do nu kpalanɔ, do kɔ lenɔ vɛ̃, nɛ wa dɛ dati kpongbo nwa 'da Gale, do Be Bata. Wa hi'da du fɛ̃a tulu turr, nɛ wa do nwá 'bete dɛ kɔ̃ wa.

USU MƐNƆ 7:9 Iomraidhean Croise

Ndo Nyanga Dɛ Mɔ 13:16

Mi dɛ sɛ na, obe zã mɔ wa dɛlɛ ɔ nɛ gbãlã kɛnzɛnɔ ngɔ nù gɛ. Ɔ nɛ kɛ wele wè tɛ tɔlɔ gbãlã kɛnzɛnɔ ngɔ nù gɛ gɔ ni, wele wé sɛ tɛ mɛ 'bɔ we tɔlɔ obe zã mɔ gɔ.

Ndo Nyanga Dɛ Mɔ 49:10

Nu kpala mɔ ma dɛ sɛ to nwa fai. Dɔndɔlɔ nwa yú sɛ tɛ̃ ɛ kɔ̃ be zã mɔ gɔ, gbaa na owinɔ wa tɛ do mɔ we dɔnggɔ do a, nɛ wa dɛ mbulanɔ 'da a.

Zumanɔ 2:8

Mɔ gɔ ogele nùnɔ kɔ mi vɛ̃, nɛ mi 'dɔlɔ sɛ ma hã mɔ do mɔ́ mɔ, nɛ wele nyanga nza vɛ̃ sɛ a mɔ́ mɔ.

Zumanɔ 22:27

Mi sa sɛ mɔ hã owi sãnɔ, nɛ wa nyɔngɔ mɔ, nɛ zã wa hɛ̃. Owinɔ kɛ wa fa mɔ NWA ni, wa dɔnggɔ sɛ mɔ, nɛ tũ kɔ̃ wa ma dɔ sɛ ngɔ nù gɛ, nɛ wa kpa sɛ dia dungu.

Zumanɔ 76:4

A gbini zi sanga kpilinɔ, do ngelenɔ, do du kɔyanɔ, do omɔ bi bolonɔ 'da Owi sɛnɛ lɛ vɛ̃ dɛ di ni.

Zumanɔ 77:2

Mi sa mɔ hã mɔ Gale, nɛ mi ala nu mi hã mɔ. Mi sa mɔ hã mɔ na, mɔ gɛ́ zala mɔ hã mi.

Zumanɔ 98:3

Ta zu Gale èlè ngɔ dɛ olo nu a hã lɛ obe Israɛlɛ gɔ. A bia dia zã 'da a hã lɛ, nɛ owinɔ ngɔ nù gɛ vɛ̃ wa zɔa kɛ a kpasa lɛ ni.

Yeremi 16:19

Aa NWA, mɔ a wi fɔmɔ mi, nɛ mɔ a mɔ hã ngawi hã mi. Mɔ a wi kele zu mi 'da fala ngamɔ. Ogele nu kɔnggɔnɔ wa yolo sɛ tɛ ndɔti nùi, nɛ wa tɛ dɛ 'da mɔ. Nɛ wa tɔ̃ sɛ na: “Sambala 'da oyaa lɛ ma zi a gbãlã we sambala gɔ, mɛ zi a mɔ bɛlɛ kɛ ma do gulu nɛ bina.

Yeremi 3:17

'Da fala ni ma hɔ, nɛ wa sa sɛ li Yeruzalɛmɛ na: ‘Le 'da nwa’, we duzu kɛ mi Gale, mi dungu nwa di ni. Nɛ owinɔ vɛ̃ wa nɛ sɛ dɛ di ni we dɔnggɔ mi. Nɛ wa la sɛ fala dɛ yia nga zui 'da wa do'do.

EZEKIƐLƐ 47:5

Nɛ a we 'bɔ Sɔkpɔ nɛ mɛtrɛ kama mɔlɔ, nɛ nde mi wè tɛ kũ lì gɔ, we kɛ ma 'du wena. Ma hɔa gã fua lì, kɛ ma wia na, wele kanda ma, sɛ nɛ a hɔ nza de.

DANIƐLƐ 4:1

“Mi Nabukɔdɔnɔzɔrɛ, mi zi kɔ tɔa nwa 'da mi do yangga, nɛ mɔ yɛkɛ sila mi kpo bina.

DANIƐLƐ 6:25

'Do nɛ, nɛ nwa ba nu a na, wa kala winɔ wa da zi Daniɛlɛ ni, hã wa da wa kɔ kɔ̃ɛ 'da ogbɔgbɔnɔ, fala nɛ kpo do owukonɔ do obenɔ 'da wa. Wa 'bana dɛ li ngɔ gɛ iko, nɛ ogbɔgbɔnɔ wa kala wa, nɛ wa o gbãlã tɛ wa dati kɛ na, wa ala dɛ go'do kɔ̃ i ni.

Levitɛnɔ 23:40

Do kuti tũi ni, nɛ nɛ 'bi sɛ odia wala te, nɛ nɛ gbini onwá 'bete do gbakɔ̃ tenɔ kɛ ma 'bɔ wena ni, nɛ nɛ dɔnggɔ do mi NWA Gale 'da nɛ, nɛ nɛ dɛ́ yangga gbaa 'do tũ sambo.

ZAKARIA 10:8

“Mi sa sɛ mɔ hã owinɔ 'da mi, nɛ mi ngɛmɛ li wa. We kɛ mi 'bili na mi gɔnɔ zu wa, nɛ wa dɔ sɛ 'bɔ nɛ́ kɛ wa zɛ́ dati ni.

LUKA 12:1

Do 'da fala ni, nɛ Owele wa mba ngba wa dɛlɛ wena, nɛ wa nɔa ngba wa nɛ ge nde ni. Nɛ Yezu siki li a dati dɛ 'da Owi yambala mɛnɔ 'da a, nɛ a tɔ̃ hã wa na: “Li nɛ sɔ̃́ tɛ ina hana mapa 'da Ofariziɛnɔ, gulu nɛ na, wa vĩ 'do tɛ wa we ɔkɔlɔ winɔ.

LUKA 21:36

Nɛ tɛ ɔ̃ yala gɔ. Nɛ sámbálá Gale 'da falanɔ vɛ̃ na, a hã ngawi hã nɛ, takɔ nɛ we tɛ kpasa kɔ mɛnɔ vɛ̃ kɛ ma hɔ sɛ ni, nɛ nɛ we tɛ yolo dati mi Be 'da Wele.”

YOANƐ 12:13

Nɛ wa 'bili onwá 'bete dɛ kɔ̃ wa, nɛ wa hɔ, nɛ wa gɔnɔ dati a, nɛ wa ma ngɔ he mɔ na: “Hozana! Gale kpá dɔ̃lɔ̃ li! E kɔ Nwa Gale wele nu ɛ tɛ wi kɛ a tɛ do zu li a ni! A a Nwa 'da obe Israɛlɛ!”

ROMA 11:25

Onyae, mi kɔ̃a na, nɛ ĩ́ ti usu we kɛ Gale bia ma hã mi gɛ, da dɛ kɔ nɛ dɔ́nggɔ́ tɛ nɛ na, lo a wi hã zã gɔ. Usu we ni ma kɛ: Nga zu kɛ ombe Israɛlɛ wa dɛ dɛ 'da Gale ni, ma 'báná sɛ fai gɔ. Ma ɔ sɛ na mɛ ni gbaa na, li winɔ kɛ Gale saka we kpasa wa sanga gele nu kɔnggɔnɔ ni, ma we do'do sɛ nɛ de.

EFƐZƐ 6:13

Kɔ we duzu ki ni, nɛ kálá mɔ bi bolonɔ kɛ Gale hã ma hã nɛ ni dɛ kɔ̃ nɛ. Kɔ fala kɛ tũ ngamɔ hɔ, hã Owi sɛnɛ nɛ wa bi nɛ, nɛ nde wa té sɛ do nɛ gɔ. Kɔ nɛ yóló nganda, nɛ nɛ bi bole gbaa ndɔti nɛ.

OHEBRE 11:12

Gulu nɛ hã yolo tɛ wi wili kpo, kɛ a 'bɔ zi fie iko ni, obe wa sanza, nɛ wa dɛla nɛ́ osɔlanɔ li nza, tabi ogbãlã kɛnzɛnɔ nu gba lì, kɛ wele wè tɛ tɔlɔ ma gɔ ni.

OHEBRE 12:22

Nɛ nde nɛ, nɛ hɔa ti nyanga kala Sioni kɔ le 'da Gale, wele kpasi. Mɛ a le Yeruzalɛmɛ li nza i, kɛ gili oanzɛnɔ koto do koto wa mba ngba wa dɛ kɔ nɛ ni.

USU MƐNƆ 11:15

'Do nɛ, nɛ sambo anzɛ dama mɔtũlĩ 'da a. Nɛ wala gɛlɛ Owele wila nganda wena tɛ li nza i na: “Dɛa to nwa ngɔ nù gɛ ma hɔa dɛ tambala kɔ̃ Gale Nwa 'da lɛ, do Kristo kɛ a tumba a ni. Gale a dungu sɛ nwa kɔ sabɛlɛ do sabɛlɛ.”

USU MƐNƆ 22:3

Nɛ mɔ kɛ Gale fɔmbɔ ma ni sɛ 'bɔ di ni bina. Kpongbo nwa 'da Gale do Be Bata, ma ɔ sɛ dɛ kɔ gã le ni, nɛ Owi dɛa tonɔ 'da Gale wa dɔnggɔ sɛ a.

USU MƐNƆ 3:18

“Kɔ we duzu ki ni, mi tɔ̃ mbula hã nɛ na, nɛ tɛ́ 'da mi nga, kɔ nɛ oso mɔ mbali kɛ wa fi li we, nɛ wa fua ndinɔ kɔ nɛ vɛ̃ ni, kɔ nɛ hɔ ngbongbo owi kpamɔ. Nɛ nɛ ósó 'bɔ ofɛa tulu, we kele do kũlĩ tɛ nɛ, kɛ sape nɛ ba li nɛ ni. Nɛ nɛ ósó ina we zĩ ngɔ li nɛ, takɔ nɛ zɔ 'bɔ mɔ.

USU MƐNƆ 4:4

Nɛ ombe gele kpongbo nwa 'bu nɛ bɔa ngɔ nɛ nalɛ, ma zĩ 'bɔ kuti kpongbo nwa ni takpa. Nɛ okpasa wi 'bu wa bɔa ngɔ wa nalɛ, wa dungu ngɔ nɛ. Wa hi'da fɛa tulu, nɛ wa gu ndasa nwa zu wa, mɛ a ondasa mɔ mbali.

USU MƐNƆ 5:11

Nɛ mi zɔa ogili anzɛ, kɛ wele wè tɛ tɔlɔ wa gɔ ni. Wa linggi kpongbo nwa, do Otunu li mɛnɔ nalɛ, do okpasa winɔ ni takpa. Nɛ mi zele gɛlɛ wa

USU MƐNƆ 5:9

Nɛ wa vɛ̃ wa ga mbé zuma na: “Mɔ wia do ba kasa 'buki, nɛ mɔ ɛ̃lɛ̃ ndaka wa nãlã do nu nɛ ni. We kɛ wa gbɛa zi mɔ, nɛ mɔ gɔnɔ zu ogba gili wele do tɔkɔ tɛ mɔ, nɛ mɔ hã wa hã Gale. Winɔ mɔ gɔna zu wa ni, wa a wi kɔ nu fɛlɛ kulanɔ, do lɛnggɛnɔ, do nu kpalanɔ, do kɔ lenɔ vɛ.

USU MƐNƆ 6:11

Nɛ oanzɛnɔ wa hã fɛ̃a tulu hã wele do wele sanga wa ni, nɛ wa tɔ̃ hã wa na, wa kunu sila wa, kɔ wa 'bɔ, hã li onya wa, do ongba wa winɔ 'da Gale, kɛ wa nɛ gbɛ 'bɔ wa, ɔ nɛ kɛ wa gbɛa zi do wa ni, we vɛ sɛ nɛ de.

USU MƐNƆ 7:8

kɔ nu kpala Zabuloni, koto 'bu ngɔ wa bɔa, kɔ nu kpala Yozɛfu, koto 'bu ngɔ wa bɔa, nɛ kɔ nu kpala Bɛnzamɛ, koto 'bu ngɔ wa bɔa.