USU MƐNƆ 7:3 - WE NU GALE 1995

³ “Nɛ tɛ 'dàngà nùi, do gba lìnɔ do tenɔ do ti gɔ. Nɛ 'bɔ́ hã lɛ gɔnɔ dã dati Owi dɛa tonɔ 'da Gale 'da lɛ do'do sɛ.”

USU MƐNƆ 7:3 Iomraidhean Croise

Kulu Tɔa 12:13

Nɛ nde we duzu nɛ, obe Israɛlɛ, tɔkɛ kɛ nɛ kɔ sɛ nu tɔanɔ 'da nɛ ni, ma amba sɛ zu nɛ. Mi hɔ nu tɔanɔ nɛ ɔ nɛ ni, kɔ mi zɔ tɔkɛ, nɛ nde mi yóló sɛ nù di ni gɔ. Na mɛ ni, mi hã́ sɛ ngamɔ hã nɛ gɔ, nɛ mi hã sɛ etumbu tati nɛ hã Oezipeto iko.

Kulu Tɔa 12:23

Do tũi ni, NWA Gale a la sɛ, nɛ a gbɛ sɛ Oezipeto. Nɛ 'da fala ni, a zɔ sɛ tɔkɛ nɛ kɔa tɛ te gbangga nu tɔa 'da nɛ ni, nɛ nde a yóló sɛ nù gɔ. Na mɛ ni, fo sɛ fio kɔ tɔanɔ 'da nɛ bina.

Ezai 27:8

NWA hã etumbu hã owinɔ 'da a obe Israɛlɛ, a tombo wa kɔlɔ 'duli. A dɛa na, owi sɛnɛ wa wa yolo do si 'biti gba wese, nɛ wa tɛ ɔ nɛ gba bũ ni, nɛ wa kala wa la do wa.

Ezai 54:17

Kɔ nɛ ĩ́ na, obolonɔ kɛ wa dolo ma ni, ma sɛ do ngawi we gbɛ nɛ bina. Nɛ fala kɛ wele da nɛ, nɛ nɛ tɔ̃ ngbangga do a, nɛ a te sɛ do we. Mi bi sɛ bolo ngɔ nɛ, owi dɛa tonɔ 'da mi, nɛ nɛ nɛ sɛ ngɔ Owi sɛnɛ nɛ. Mi NWA, mi tɔ̃a ni.”

Ezai 6:13

Gɛnɛ kɔ wele kpo sanga Owele 'bu 'bana dɛ di ni, nɛ a fe sɛ. Owinɔ ngɔ nùi ni wa ɔ sɛ nɛ te sɛnɛ kɛ wa gɔmɔ, nɛ wa la tati a zugbulu nɛ iko ni. Nɛ nde mbé bɔlɔ te kɛ ma santo, ma kunu sɛ tɛ zugbulu te ni.

Ezai 65:8

Nɛ nwa tɔ̃a 'bɔ na: “Wele wè we 'danga dia wala vinɔ mba do 'dã kɛnɔ gɔ. A zɔ, nɛ a tɔ̃ na, lɛ lá ma ni, mba gɔ, lɛ dɛ sɛ ma do dia dɔ̃. Mi dɛ sɛ tɛ mɛ 'bɔ na mɛ ni do owinɔ kɛ wa dɛ olo nu mi ni. Mi la sɛ wa do lɔa tɛ wa.

EZEKIƐLƐ 9:4

nɛ a tɔ̃ hã a na: “Mɔ bá 'da le, nɛ mɔ yɔlɔ mɔ dati owinɔ vɛ̃ kɛ wa dɛ 'bako, nɛ wa he kɔ̃a we duzu gã 'dã mɛnɔ wa zɔ ma kɔ le gɛ ni.”

EZEKIƐLƐ 9:6

Nɛ gbɛ́ okpasa winɔ, do obe zagbãlãnɔ, obe zɔnganɔ, owukonɔ do obenɔ 'da wa. Nɛ nde nɛ tɛ 'bè tɛ wanɔ kɛ yɔlɔ mɛ dati wa ni gɔ. Nɛ ndó do kɔ Tɛmpɛloe 'da mi gɛ we la do nɛ.” Na mɛ ni, wa ndua do okpasa winɔ kɛ wa zi dɛ dati Tɛmpɛloe ni.

DANIƐLƐ 3:17

Mɔ ĩ́ na, Gale 'da lɛ, wele kɛ lɛ dɔnggɔ a ni, a wia we kpasa lɛ li gba nyɛa we, nɛ a wia we kpasa 'bɔ lɛ ti kɔ̃ mɔ.

DANIƐLƐ 3:26

Nabukɔdɔnɔzɔrɛ kɔla do nu furi, nɛ a he mɔ na: “Aa Sadrakɛ, Mesakɛ do Abɛdɛ-Nego, Owi tonɔ 'da Gale kɛ a nɛa ngɔ mɛnɔ vɛ̃, nɛ hɔ́ nza li gba nyɛa we gɛ dɔ́!” Wa nɛa we zele ni, nɛ wa hɔ nza li we do talɛ zu wa do ti.

DANIƐLƐ 6:16

Owi sɛnɛ Daniɛlɛ wa kpolo tɛ wa 'da a i, nɛ wa tɔ̃ hã a na: “Aa nwa, mɔ ĩ de wena na, mbula 'da Omɛdɛ do Opɛrsɛ ma tɔ̃ na, wele wè tɛ kpolo mbula kɛ nwa ia ni gɔ.”

SOFONI 2:3

Nɛ, owinɔ ngɔ nùi gɛ kɛ nɛ kɔ̃a gɛnɛ NWA Gale, nɛ nɛ dɛ mbulanɔ 'da a dɛa ni, nɛ síkí li nɛ dɛ 'da a. Nɛ bá tɛ nɛ dɛ nù dati a, nɛ nɛ dɛ mɔ do bɔlɔ nɛ. Nɛ mbe gɔ, nɛ do ngba soe kɛ dã ma ba sɛ a ni, nɛ nde a dɛ́ sɛ 'dã mɔ do nɛ gɔ.

MALAKI 3:18

Do ngba soe ni, nɛ nɛ zɔ sɛ na, ode winɔ do o'dã winɔ wa wè kɔ̃ gɔ. Nɛ nɛ zɔ sɛ 'bɔ na, winɔ kɛ wa dɛ mbula 'da mi Gale, do wanɔ kɛ wa dɛ́ mbulanɔ 'da mi gɔ ni, wa wè kɔ̃ gɔ.

MATIE 24:22

Kɔ Nwa Gale tɛ 'bìlì sɔ mbe nu tũnɔ ni gɔ, nɛ nde wele kpo kpásá sɔ gɔ. Kɔ a 'bili mbe nu nɛ, we kɛ a lingga do owinɔ kɛ a saka zɛ́ wa ia ni.

MATIE 24:31

Nɛ gã mɔtũlũ ma dɔ̃lɔ̃ sɛ, nɛ mi tombo sɛ anzɛnɔ, nɛ wa yɛnggɛ nyanga nza gɛ vɛ̃, we ngɛmɛ li owinɔ kɛ Gale saka zɛ́ wa ia ni ngɔ nù gɛ vɛ̃.

YOANƐ 12:26

Wi kɛ a kɔ̃ we dɛ to hã mi, nɛ ma wia na, a tɛ 'dɔkɔlɔ mi. Na mɛ ni, nɛ fala mi ɔ sɛ nɛ ni, wi dɛ toe 'da mi a ɔ sɛ tɛ mɛ 'bɔ di ni. Wi kɛ a dɛ to hã mi, nɛ Baa mi a dɔnggɔ sɛ a.

YOANƐ 3:33

Kɔ wi kɛ a kɔ̃ gɛnɛ lɛnggɛnɔ 'da a ni, a be na, Gale tɔ̃ ngboo a gbãlã we.

ROMA 6:22

Kɔ ngangga ni, nɛ hɔa nza kɔ ngbá 'da 'dã mɔ, nɛ nɛ hɔa wi dɛa tonɔ 'da Gale. Nɛ mɛ nɛ kpa do nɛ ni, mɛ a kɛ na, nɛ hã tɛ nɛ vɛ hã Gale, nɛ ma dɛa na, nɛ kpa kpasi kɛ ma é sɛ gɔ ni.

USU MƐNƆ 13:16

Nɛ sa'de ni ba nu ɛ na, wa gɔnɔ dã tɛ ngawili kɔ̃ winɔ do dati wa vɛ, ogã wi do obe wi, owi kpamɔ do owi sã, ongbá do Owele le.

USU MƐNƆ 13:17

Nɛ wi kɛ wa gɔ̀nɔ̀ dã ni tɛ̃ a gɔ ni, a wè tɛ be gole, tabi oso mɔ gɔ. Dã ni zi a li sa'de ni, tabi motuya kɛ ma be li a ni.

USU MƐNƆ 14:1

'Do ki ni, nɛ mi nɛ ka mɔ, nɛ mi zɔ Be Bata, nɛ nde a yolo dɛ ngɔ kala Sioni, fala nɛ kpo do ogili wele koto kama do 'bu wa nalɛ ngɔ wa nalɛ (144.000). Wa kɔma li a, do li Baa a dɛ dati owinɔ ni.

USU MƐNƆ 14:9

Nɛ talɛ anzɛ hɔa 'dɔkɔlɔ wanɔ bɔa dati ni, nɛ a he mɔ dɛ ngɔ na: “Wi kɛ a dɔnggɔ sa'de, do hi sa'de, nɛ wa gɔnɔ 'bɔ dã 'da sa'de dati a, tabi tɛ kɔ̃ a ni,

USU MƐNƆ 19:2

A 'bili we do bɔlɔ nɛ fai. A 'bili we dɛ zu gã wuko ndumba, kɛ a 'danga zi nùi gɛ do vĩ zu yɛli 'da a ni. A bili nu gbã tɔkɔ tɛ owi dɛa tonɔ 'da a hã wuke ni.”

USU MƐNƆ 20:4

Nɛ 'do ki ni, nɛ mi zɔ okpongbo nwa, nɛ owinɔ ngɔ nɛ ni wa do ngawi we 'bili we. Nɛ mi zɔ 'bɔ hi winɔ kɛ wa 'bili zi gɛlɛ wa, we kɛ wa bia gulu we 'da Yezu, do we nu Gale hã Owele ni. Wi a wanɔ kɛ wa dɔ̀nggɔ̀ zi sa'de ni gɔ, nɛ wa dɔ̀nggɔ̀ 'bɔ hi a gɔ, nɛ wa gɔ̀nɔ̀ zi dã 'da a dati wa, do tɛ kɔ̃ wa gɔ ni. Kɔ Gale tunu wa kɔ fio, nɛ wa dungu nwa fala nɛ kpo do Kristo gbaa we sabɛlɛ koto kpo.

USU MƐNƆ 22:4

Wa zɔ sɛ tɛ̃ a, nɛ wa kɔmɔ sɛ li a dati wa.

USU MƐNƆ 6:6

Nɛ mi zele mɔ ɔ nɛ wala gɛlɛ wele dɛ sanga otunu li mɛnɔ nalɛ ni tɛ tɔ̃ na: “Wa oso sɛ kilo gbãlã kɔni kpo do mbili do dɛa to li wese kpo, nɛ wa oso sɛ kilo lɔsɔ talɛ do mbili olo dɛa to li wese kpo. Nɛ nde nɛ tɛ 'dàngà gole nɔɛ do gole dɔ̃ɛ gɔ.”

USU MƐNƆ 7:1

Nɛ 'do ki ni, nɛ mi nɛ ka mɔ, nɛ mi zɔ oanzɛ nalɛ, wa yula si 'biti nyanga nza nalɛ, nɛ wa ga bũi kɛ ma yolo si 'biti nyanga nza nalɛ ni na, da dɛ kɔ ma fí ngɔ nù gɛ, tabi ngɔ gba lì gɔ, nɛ dɔ ma yáká 'bɔ nwá zu te kpo gɔ.

USU MƐNƆ 7:2

Nɛ mi zɔ 'bɔ mbé anzɛ, a yula si 'biti gba wese, nɛ a 'bia mɔ gɔnɔ do dã 'da Gale, wele kpasi dɛ kɔ̃ a. Nɛ anzɛ ni hia mɔ nganda wena hã oanzɛnɔ nalɛ, kɛ wa do ngawi we 'danga nùi do gba lìnɔ ni na:

USU MƐNƆ 9:4

Nɛ wa tɔ̃ hã odɔlanɔ ni na, wa tɛ nyɔ̀ngɔ̀ wɔkɔsɔ, tabi nwá te, tabi kpalɛ gɔ, nɛ nde wa nyɔ́ngɔ́ tati a owinɔ kɛ wa gɔ̀nɔ̀ dã 'da Gale dati wa gɔ ni.