Biblia Todo Logo
Bìoball air-loidhne

- Sanasan -




USU MƐNƆ 7:14 - WE NU GALE 1995

14 Nɛ mi gese hã a na: “Nwa 'daa, mɔ a mɔ ĩ ti wa!” Nɛ a tɔ̃ hã mi na: “Owinɔ kɛ wa kunu zɛlɛ tɛnɔ vɛ wa kpa zi ni, nɛ wa fɔlɔ tulunɔ 'da wa do tɔkɔ tɛ Be Bata, nɛ ma fɛnga gɛ, wa a ni.

Faic an caibideil Dèan lethbhreac




USU MƐNƆ 7:14
30 Iomraidhean Croise  

Nɛ ta zu mɔ ma ele sɛ ngɔ 'bakonɔ kɛ mɔ kpa ma da dɔ̃ gɛ. Nɛ ma ɔ̃sɔ̃ sɛ nɛ́ fua lì ni, nɛ olo nɛ ma kolo kparr.


A dula kolo nalɛ do mɔ mbali, nɛ a kɔ'bɔ ma dɛ li gbala sanduki do nalɛ nɛ A kɔ'ba okolo bɔa tɛ kulu nɛ kpo, nɛ wa kɔ'bɔ tala nɛ bɔa tɛ mbee nɛ


NWA tɔ̃a na: “Nɛ tɛ́, hã lɛ 'dafa lɛnggɛ do nɛ. Nɛ fila ɔ nɛ tɔkɔ ni, tua do 'dã mɛnɔ 'da nɛ, nɛ nde mi wia we fɔlɔ nɛ, nɛ nɛ fɛngɛ nɛ́ fũ tukia. Gɛnɛ kɔ nɛ fele ɔ nɛ kula, nɛ nɛ fɛngɛ sɛ turr.


Osodanɔ wa gbɛ sɛ mbe owi hãnɔ wena, nɛ fie 'da wa ma dɛ sɛ na, owinɔ 'da Gale wa hɔ sa wi li a. Mɛ ni ma dɛ sɛ tɛ̃ ɛ ni gbaa we hɔ Sɔkpɔ ngba soe kɛ a wia ni.


“Anzɛ kɛ a hi'da tulu linɛ ni, a tɔ̃a hã mi na: ‘Do 'da fala ni, nɛ Mikaɛlɛ, gã wi ngɔ anzɛnɔ kɛ a fɔmɔ owinɔ 'da mɔ ni, a hɔ sɛ. Mɛ sɛ a 'da fala ngamɔ ngboo. Ndo nyanga kɛ wa dɛa do nùi gbaa we hɔ sɔɛ gɛ, mbe ngamɔ nɛ́ mɛ ni dɛ̃ mbe tɛ̃ ɛ fala kpo gɔ. Nɛ nde do 'da fala ni, nɛ owinɔ 'da mɔ vɛ̃ kɛ li wa kɔ 'buki 'da Gale ni, wa kpasa sɛ.


Nɛ mi nɛa, nɛ mi kɔlɔ do mbe wele kpo kɔ owinɔ wa yolo di ni ni, nɛ mi aka a na, a tɔ̃ ngbongbo gulu mɛ mi zɔa li yalɛ ni hã mi. Nɛ a tɔ̃a gulu nɛ hã mi.


NWA ngɔ mɔ nyanga nza vɛ̃ tɔ̃a na: “'Da fala ni ma we, nɛ fua lì ma go'do sɛ, nɛ mi fɔlɔ sɛ 'dã mɛnɔ 'da obe zã Davidi do tala winɔ kɔ le Yeruzalɛmɛ do lì ni.


Mba gɔ, do ngba soenɔ ni, gã 'bako sɛ wena. Yolo do kɛ Gale dɛa zi do nùi ni gbaa we hɔ sɔɛ gɛ, 'bako ɔ na mɛ ni dɛ̀ zi mbe tɛ̃ ɛ gɔ, nɛ ma dɛ́ sɛ 'bɔ tɛ̃ ɛ do 'do gɔ.


Mba gɔ, do ngba soenɔ ni, gã 'bako sɛ wena. Yolo do kɛ Gale dɛa zi do nùi ni, gbaa we hɔ sɔɛ gɛ, 'bako ɔ na mɛ ni dɛ̀ zi mbe tɛ̃ ɛ gɔ, nɛ ma dɛ́ sɛ 'bɔ tɛ̃ ɛ do 'do gɔ.


Mi tɔ̃a zi wenɔ ni hã nɛ, takɔ nɛ mba do mi kpo, hã sila nɛ gɛ̃. Nɛ kpa sɛ zɛlɛ tɛ ngɔ nù gɛ, nɛ nde nɛ ɔ́ do kpã sila! Mba gɔ, ngawi 'da mi nɛa ngɔ mɛnɔ nù gɛ vɛ̃ ia.”


Nɛ wa nganda sila Owi Kristonɔ di ni ni na, wa 'bana tɛ kɔ̃ zu li Yezu do sila wa kpo. Nɛ wa tɔ̃ hã wa na: “Ma wia na, lɛ winɔ kɛ lɛ kɔ̃a zu li Yezu ni, lɛ kpa ngamɔ ngɔ nùi gɛ gbaa, ndɔti nɛ a kɛ lɛ le sɛ nɛ kɔ le 'da Gale i ni.”


Nɛ gɛnɛ kɔ lɛ kpa ngamɛnɔ, nɛ lɛ dɛ 'bɔ yangga, we duzu kɛ lɛ ĩ na, ngamɛnɔ ni ma hã kpã sila hã lɛ.


Nɛ ombe sanga nɛ ni, wa dɛ zi 'dã mɛnɔ ni dɛa. Nɛ nde Gale fua ku'da 'dã mɛnɔ 'da nɛ ia, nɛ a dɛa na, nɛ hɔ owinɔ 'da a, nɛ nɛ hɔ owi bɔlɔ zu li a. A dɛa ni do wala 'da Hi Wi 'da a, do zu li Nwa Yezu Kristo.


Ma kɛ lɛ dɔnggɔ tɛ lɛ do nɛ kɔ eklezianɔ 'da Gale, we duzu kɛ kɔ zɛlɛ tɛnɔ do ngamɛnɔ nɛ kpa ma ni, nɛ nde nɛ 'bana do kpã sila, do kɔ̃a we dɛ 'da Yezu.


Gulu nɛ a Yezu fia zi tɛ mɛ 'bɔ do 'do ngba, takɔ tɔkɔ tɛ̃ a fo ku'da 'dã mɛ zu winɔ.


Ní a tɔkɔ tɛ Kristo nɛ̀ ngɔ ki ni do ngawi gɔ nde? Do wala 'da Hi Wi Santo kɛ a fai boe ni, Kristo hã zi kili tɛ̃ ɛ ngboo we dɔnggɔ do Gale, ɔ nɛ dɔnggamɔ kɛ fo ndi tɛ nɛ bina ni. Nɛ tɔkɔ tɛ̃ a ma fɔlɔ lɛ, nɛ ma fua sila lɛ ngɔ yia dɛa mɛnɔ lɛ dɛ zi ni, takɔ lɛ dɛ to hã Gale, wele kpasi.


Nɛ nde a gɔna zu nɛ do tɔkɔ tɛ Kristo, kɛ ma dia nɛa ngɔ mɔ vɛ ni. Kristo ɔ nɛ be bata kɛ a do 'dã mɔ tabi ndi bi sĩ tɛ a bina, nɛ wa gbɛa a hã Gale ni.


Kɔ fala kɛ lɛ yɛnggɛ kɔ sa fala, ɔ nɛ kɛ Gale a sa fala ni, nɛ nde lɛ mba vɛ̃ do ongba lɛ, nɛ lɛ hɔa wele kpo. Nɛ tɔkɔ tɛ Be 'da a Yezu, ma fɔlɔ 'dã mɛnɔ kɔ lɛ vɛ̃.


Nɛ e kɔ Yezu Kristo, kɛ a tɔ̃ gulu we 'da Gale do gbãlã we, nɛ a a wi dati we tunu kɔ fio, nɛ a a Nwa ngɔ onwanɔ nù gɛ vɛ̃ ni, a be 'bɔ dia zã, nɛ a hã gɛ̃a dungu hã nɛ. Yezu Kristo kɔ̃a gɛnɛ lɛ, nɛ a fia we duzu lɛ, nɛ tɔkɔ tɛ a fua ku'da 'dã mɛnɔ zu lɛ.


Onya lɛ wa nɛa ngɔ a, we duzu tɔkɔ tɛ Be Bata, do we nu Gale kɛ wa bia zi hã winɔ ni. Wa lènggè zi do kpasi 'da wa ngɔ nù gɛ gɔ, nɛ nde wa hã zi tɛ wa li fio we duzu we nu Gale.


'Do nɛ, nɛ mi zɔa 'bɔ mɔ ɔ nɛ gba lì ni, ma ndele nɛ́ talatala, nɛ ma mba do nyɛa we. Nɛ mi zɔ 'bɔ winɔ kɛ wa nganda zi nɛa ngɔ sa'de, do hi sa'de, do wele kɛ li a bia tɛ̃ ɛ do motuya ni. Wa yula dɛ ngɔ gba lì kɛ ma ndele nɛ́ talatala ni, nɛ wa kala okundunɔ kɛ Gale hã zi hã wa ni,


Nɛ mi zɔa wuke ni, nɛ nde tɔkɔ tɛ winɔ 'da Gale, do kɛ 'da winɔ kɛ wa gbɛ zi wa, we duzu Yezu, nɛ a nɔ zi ma ni, ma ba a ɔ nɛ dɔ̃ ni. Kɔ mi nɛa we zɔ a, nɛ ma ba we nu mi do'do.


Mi ĩ ti ngamɛ nɛ kpa ni, nɛ mi ĩ 'bɔ ti sã 'da nɛ. Nɛ nde nɛ ĩ́ na, nɛ a wi kpamɔ. Mi ĩ ti 'dã wenɔ kɛ ombe winɔ wa tɔ̃ do zu li nɛ ni. Wa na, lo a Oyuda, nɛ nde wa a Oyuda gɔ, wa a winɔ 'da Satana.


Winɔ kɛ wa fɔlɔ tulu tɛ wa, nɛ ma sa ni, wa a wi yangga. Wa le sɛ do nu ngbo gã le, nɛ wa nyɔngɔ sɛ wala te kɛ ma hã kpasi ni.


Nɛ wa vɛ̃ wa ga mbé zuma na: “Mɔ wia do ba kasa 'buki, nɛ mɔ ɛ̃lɛ̃ ndaka wa nãlã do nu nɛ ni. We kɛ wa gbɛa zi mɔ, nɛ mɔ gɔnɔ zu ogba gili wele do tɔkɔ tɛ mɔ, nɛ mɔ hã wa hã Gale. Winɔ mɔ gɔna zu wa ni, wa a wi kɔ nu fɛlɛ kulanɔ, do lɛnggɛnɔ, do nu kpalanɔ, do kɔ lenɔ vɛ.


Nɛ 'do ki ni, nɛ mi nɛ ka mɔ, nɛ mi zɔ gba gili Owele, kɛ wele wè tɛ tɔlɔ wa gɔ ni. Wa yula kɔ nu fɛlɛ kulanɔ, do lɛnggɛnɔ, do nu kpalanɔ, do kɔ lenɔ vɛ̃, nɛ wa dɛ dati kpongbo nwa 'da Gale, do Be Bata. Wa hi'da du fɛ̃a tulu turr, nɛ wa do nwá 'bete dɛ kɔ̃ wa.


Lean sinn:

Sanasan


Sanasan