USU MƐNƆ 7:11 - WE NU GALE 1995

¹¹ Nɛ oanzɛnɔ vɛ wa zĩ kpongbo nwa, do okpasa winɔ, do tunu li mɛnɔ nalɛ ni takpa, nɛ wa gu li wa nù dati kpongbo nwa tɛ dɔnggɔ Gale na:

USU MƐNƆ 7:11 Iomraidhean Croise

Zumanɔ 45:11

Aa wuke 'da nwa, mɔ zélé mi, nɛ mɔ ká mɔ do sɔ̃a li sɛ. Mɔ tɛ lènggè 'bɔ do owi nanɔ 'da mɔ, tabi onya mɔ gɔ.

Zumanɔ 97:7

Owinɔ vɛ̃ kɛ wa dɔnggɔ okpikimanɔ, nɛ wa gbini zã wa do mɔ kɛ ma yala iko ni, wa kpa sɛ sape. Aa nɛ, galenɔ vɛ̃, nɛ gú nù ti NWA.

MATIE 4:10

Nɛ Yezu gese hã a na: “Mɔ fó tɛ mɔ, Satana! Wa kɔma kɔ 'Buki na: ‘Mɔ dɔnggɔ sɛ Nwa Gale 'da mɔ, nɛ mɔ sambala tati a a zu a kpo.’ ”

YOANƐ 5:23

A dɛa na mɛ ni, takɔ winɔ vɛ̃ wa dɔnggɔ mi Be 'da a, ɔ nɛ kɛ wa dɔnggɔ do a ni. Kɔ wele kɛ a dɔ́nggɔ́ mi gɔ ni, a dɔ́nggɔ́ tɛ mɛ 'bɔ Baa mi, kɛ a tumba mi ni gɔ.

OHEBRE 1:6

Nɛ nde do 'da fala kɛ Gale nɛa we tombo kuti Be 'da a dɛ ngɔ nù gɛ ni, nɛ a tɔ̃a na: “Ma wia na, anzɛnɔ 'da Gale vɛ wa dɔnggɔ a.”

USU MƐNƆ 11:16

Nɛ okpasa winɔ 'bu wa bɔa ngɔ wa nalɛ, kɛ wa dungu ngɔ kpongbo nwa 'da wa dati Gale ni, wa gu li wa nù, nɛ wa dɔnggɔ Gale

USU MƐNƆ 15:4

Aa Nwa, wi kɛ a dɛ́ sɛ kili mɔ gɔ ni a wio nde? Wi kɛ a bɛ sɛ we dɔnggɔ mɔ ni a wio nde? We duzu kɛ mɔ zu mɔ kpo, mɔ a santo. Onu kpala winɔ ngɔ nù gɛ vɛ wa tɛ sɛ, nɛ wa gu nù ti mɔ we dɔnggɔ mɔ, we kɛ wa zɔa na, mɔ a wi dɛ bɔlɔ zu dɛa mɔ.”

USU MƐNƆ 22:9

Nɛ a tɔ̃ hã mi na: “Mɔ tɛ dɛ̀ ní gɔ. Mi tɛ mɛ 'bɔ a wi dɛa to 'da Gale ɔ nɛ mɔ, do onya mɔ vɛ kɛ wa gba olo nu Gale, do wanɔ wa kɔ̃a gɛnɛ wenɔ kɔ 'buki gɛ ni. Kɔ mɔ dɔ́nggɔ́ Gale!”

USU MƐNƆ 4:10

'Da fala kɛ wa ma ngɔ ga zumanɔ ni, nɛ okpasa winɔ 'bu wa bɔa ngɔ wa nalɛ ni, wa gu gba zugolo dati wele kɛ a dungu ngɔ kpongbo nwa, nɛ a do kpasi kɔ sabɛlɛ do sabɛlɛ ni. Nɛ wa dɔnggɔ a, nɛ wa a ondasa nwanɔ 'da wa dɛ dati kpongbo nwa 'da a ni, nɛ wa tɔ̃ na:

USU MƐNƆ 4:4

Nɛ ombe gele kpongbo nwa 'bu nɛ bɔa ngɔ nɛ nalɛ, ma zĩ 'bɔ kuti kpongbo nwa ni takpa. Nɛ okpasa wi 'bu wa bɔa ngɔ wa nalɛ, wa dungu ngɔ nɛ. Wa hi'da fɛa tulu, nɛ wa gu ndasa nwa zu wa, mɛ a ondasa mɔ mbali.

USU MƐNƆ 4:6

Nɛ mi zɔa 'bɔ gã li tala dɛ dati kpongbo nwa ni, nɛ nde ma ɔ yelele nɛ kristalɛ ni. Nɛ mi zɔa 'bɔ Otunu li mɔ nalɛ, wa yula zĩ kpongbo nwa ni takpa. Gbali wa kpa do tɛ wa vɛ, ombe do dati wa, nɛ ombe do li 'do wa.

USU MƐNƆ 4:8

Otunu li mɛnɔ nalɛ ni, wa do 'baka wa gazɛlɛ gazɛlɛ ɔ nɛ 'baka nɔɛ ni. Nɛ gbali wa kpa do tɛ 'baka wa vɛ̃, ombe do ngɔ, nɛ ombe do ti nɛ. Nɛ wa tɛ ga zuma fai, tũ do gba wese na: “Mɔ a santo, mɔ a santo, mɔ a santo. Mɔ a Nwa Gale kɛ mɔ do nganda vɛ̃. Mɔ zɛ́ boe, nɛ mɔ sɔɛ gɛ boe, nɛ mɔ tɛ sɛ.”