USU MƐNƆ 7:10 - WE NU GALE 1995

¹⁰ Nɛ wa tɛ he mɔ dɛ ngɔ na: “Wi a Gale 'da lɛ, kɛ a dungu ngɔ kpongbo nwa gɛ, do Be Bata, wa a wa kpasa lɛ.”

USU MƐNƆ 7:10 Iomraidhean Croise

Zumanɔ 115:1

Aa nwa, wele dɔ̃lɔ̃ li a mɔ́ lɛ gɔ. Wele nɛ tati a mɔ́ mɔ zu mɔ kpo, we kɛ mɔ a wi bɔlɔ zu ngboo, mɔ do kɔ̃a zã wena.

Zumanɔ 3:8

Aa NWA, mɔ tɛ́ we kpasa mi. Aa Gale 'da mi, mɔ gbáká mi, mɔ zɛ́ sanga li owi sɛnɛ mi, nɛ mɔ fo ngawi 'da wa do'do, dɔ wa dɛ́ 'bɔ 'dã mɔ do mi gɔ.

Zumanɔ 37:39

NWA kpasa Owi bɔlɔ zunɔ, nɛ a kele zu wa do 'da fala ngamɔ.

Ezai 43:11

“NWA, wele kɛ a wia we kpasa nɛ, wi tati a mi zu mi kpo.

Ezai 45:15

Gale 'da nɛ obe Israɛlɛ, kɛ a kpasa nɛ owinɔ 'da a ni, a a Gale kɛ a usu tɛ̃ a usu.

Ezai 45:21

Nɛ tɛ́, hã nɛ tɔ̃ ngbangga 'da nɛ. Nɛ bá zã zu we, nɛ nɛ bé dia gulu we 'da nɛ dɛ nza. Wi kɛ a tɔ̃a zɛ́ gulu mɛnɔ kɛ ma dɛ tɛ̃ ɛ sɔɛ gɛ zɛ́ dati belee ia ni, wi a wio nde? Wi tati a mi NWA Gale, kɛ mi kpasa owinɔ 'da mi ni. Nɛ fo gele gale olo mi bina.

Yeremi 3:23

Lɛ dɔnggɔ zi ogele galenɔ ngɔ kalanɔ i, nɛ ma gàlà lɛ sĩ gɔ. Ĩ na, wi kɛ lɛ, obe Israɛlɛ, lɛ wia we kpa kpasi kɔ̃ a ni, wi tati a NWA Gale 'da lɛ.

OZE 13:4

NWA tɔ̃a na: “Ndo do kɛ nɛ 'bana zi ngɔ nù Ezipeto ni, mi a NWA Gale 'da nɛ. Nɛ fo mbé gele Gale mɔ nɛ olo mi gɛ bina. Mi zu mi kpo a mi kpasa nɛ.

YONASI 2:9

Wanɔ kɛ wa dɔnggɔ okpikimanɔ yala iko ni, wa siki 'do wa lua do mɔ, kɛ mɔ do kɔ̃a zã we wa wena ni.

ZAKARIA 4:7

Nɛ ngamɛnɔ kɛ ma ɔ sɛ dati mɔ nɛ ngala kala ni, ma fo sɛ tɛ̃ ɛ. Mɔ dɛ sɛ Tɛmpɛloe dɛ olo nɛ. Kɔ mɔ nɛ sɛ we e tala dɛa toe nɛ́, nɛ owinɔ wa zɛ sɛ kaliã na: ‘Nɛ zɔ̀ dia mɔ kɛ gɛ!’ ”

ZAKARIA 9:9

Aa nɛ, owi Yeruzalɛmɛ, nɛ dɛ́ yangga, nɛ nɛ zɛ́ kaliã. Nɛ zɔ́ nwa 'da nɛ, a tɛ tɛ nɛ. A a wi bɔlɔ zu, nɛ a nɛa ngɔ owi sɛnɛ a li bolo. Nɛ nde a ba tɛ̃ a dɛ nù, nɛ a kũ ngɔ be punda.

LUKA 3:6

Nɛ winɔ vɛ̃ wa zɔ sɛ tɛlɛ tɛ kɛ Gale kpasa do wa ni.’ ”

YOANƐ 1:29

Fala nɛa we sa 'do nɛ, nɛ Yoanɛ zɔ Yezu tɛ tɛ 'da a nga, nɛ a tɔ̃ hã owinɔ na: “Nɛ zɔ́, Be Bata 'da Gale kɛ a fo sɛ ku'da 'dã mɛnɔ zu winɔ ni, a kɛ!

YOANƐ 1:36

Kɔ a nɛa we zɔ Yezu tɛ la nɛ, nɛ a tɔ̃ na: “Nɛ zɔ́, Be Bata 'da Gale, a kɛ!”

YOANƐ 4:22

Nɛ, Osamaria, nɛ ĩ̀ ti Wele kɛ nɛ dɔnggɔ a gɛ gɔ. Nɛ nde lɛ, Oyudanɔ, lɛ ĩ ti Wele kɛ lɛ dɔnggɔ a ni, we duzu kɛ wi kɛ a kpasa sɛ winɔ ni, a yula kɔ nu kpala Oyudanɔ.

EFƐZƐ 2:8

Mba gɔ, nɛ kpasa we dia zã 'da Gale, do wala kɔ̃a we kɛ nɛ kɔ̃a ni. Kpasi ni ma yòlò kɔ̃ nɛ gɔ, wi a Gale a hã ma hã nɛ.

USU MƐNƆ 12:10

Nɛ 'do ki ni, nɛ mi zila wala gɛlɛ wele tɛ li nza i, ma wila nganda wena na: “Ngangga ni, Gale kpasa winɔ 'da a! A bia ngawi to nwa 'da a ia! Ngangga ni, Kristo kɛ Gale tumba a ni, a bia 'bɔ ngawi to nwa 'da a. We duzu kɛ wa ba wi da zi onya lɛ wi kɔ̃a wenɔ dati Gale tũ do gba wese fai ni, nɛ wa da a dɛ nù i.

USU MƐNƆ 19:1

Nɛ 'do ki ni, nɛ mi zila giti mɔ ɔ nɛ giti gɛlɛ gba gili Owele ni tɛ li nza i, ma wele nganda wena tɛ tɔ̃ na: “Lɛ dɔ́nggɔ́ Gale 'da lɛ! A a Wi kpasa lɛ, nɛ a do dɔ̃lɔ̃ li, do ngawi.

USU MƐNƆ 21:5

Nɛ wi dungu ngɔ kpongbo nwa ni tɔ̃ na: “Nɛ zɔ́, mi kpula mɛnɔ vɛ̃do mbé nɛ.” Nɛ a tɔ̃ 'bɔ hã mi na: “Mɔ kɔ́mɔ́ wenɔ gɛ do mbɛti, we kɛ mɛ a ngbongbo we, nɛ wele wia we e sila a ngɔ nɛ.”

USU MƐNƆ 22:3

Nɛ mɔ kɛ Gale fɔmbɔ ma ni sɛ 'bɔ di ni bina. Kpongbo nwa 'da Gale do Be Bata, ma ɔ sɛ dɛ kɔ gã le ni, nɛ Owi dɛa tonɔ 'da Gale wa dɔnggɔ sɛ a.

USU MƐNƆ 4:6

Nɛ mi zɔa 'bɔ gã li tala dɛ dati kpongbo nwa ni, nɛ nde ma ɔ yelele nɛ kristalɛ ni. Nɛ mi zɔa 'bɔ Otunu li mɔ nalɛ, wa yula zĩ kpongbo nwa ni takpa. Gbali wa kpa do tɛ wa vɛ, ombe do dati wa, nɛ ombe do li 'do wa.

USU MƐNƆ 5:7

Nɛ Be Bata nɛa, nɛ a ba 'buki kɔ̃ wi dungu ngɔ kpongbo nwa ni.