USU MƐNƆ 7:1 - WE NU GALE 1995

¹ Nɛ 'do ki ni, nɛ mi nɛ ka mɔ, nɛ mi zɔ oanzɛ nalɛ, wa yula si 'biti nyanga nza nalɛ, nɛ wa ga bũi kɛ ma yolo si 'biti nyanga nza nalɛ ni na, da dɛ kɔ ma fí ngɔ nù gɛ, tabi ngɔ gba lì gɔ, nɛ dɔ ma yáká 'bɔ nwá zu te kpo gɔ.

USU MƐNƆ 7:1 Iomraidhean Croise

Ezai 11:12

NWA a zĩ sɛ bɛndɛlɛ we mbese owi ngɔ nùnɔ ni na, a nɛ mba li Oisraɛlɛ do Oyuda, kɛ wa pɛsɛ kɔlɔ 'duli, nɛ wa kpa ngɔ nù gɛ vɛ̃ ni.

Ezai 27:3

“Mi NWA, mi a wi zɔ mɔ tɛ fɔ vinɔɛ gɛ. 'Da fala fai, mi tɛ a lì zu ma. Do tũ tabi do gba wese, nɛ mi zɔ mɔ tɛ nɛ na, da dɛ kɔ wele lá do kɔ nɛ gɔ.

Ezai 27:8

NWA hã etumbu hã owinɔ 'da a obe Israɛlɛ, a tombo wa kɔlɔ 'duli. A dɛa na, owi sɛnɛ wa wa yolo do si 'biti gba wese, nɛ wa tɛ ɔ nɛ gba bũ ni, nɛ wa kala wa la do wa.

Yeremi 49:36

Mi dɛ sɛ na, gba bũ ma yolo si 'biti falanɔ vɛ̃, nɛ ma mba ngbɛ ɛ dɛ ngɔ Oelamɛ. Ma pɛsɛ sɛ wa do zu nza gɛ vɛ̃.

EZEKIƐLƐ 37:9

Nɛ NWA tɔ̃ hã mi na: “Mɔ, be 'da wele, mɔ wélé we do zu li mi hã bũ kpasi, nɛ mɔ tɔ̃ hã ma na: Mɔ bũ kpasi, NWA ba nu a hã mɔ na, mɔ yolo tɛ nyanga nzanɔ vɛ̃, nɛ mɔ tɛ, nɛ mɔ pɛpɛ dɛ ngɔ wɔlɔnɔ gɛ, takɔ wa ɔ do kpasi mbé nɛ.”

EZEKIƐLƐ 7:2

“Aa mɔ, be 'da wele, mɔ zélé we mi NWA Gale, mi tɔ̃ hã obe Israɛlɛ gɛ. Mi na: Le 'da nɛ 'danga ia. Ma 'danga sɛ vɛ̃, yolo si gbãlã ngɔ we hɔ ba gɔtɔ, yolo si 'biti gba wese we hɔ 'biti gɛ̃a wese.

DANIƐLƐ 11:4

Nɛ nde 'da fala a e mbula 'da a do'do, nɛ 'da kala sɛ gɔ, nɛ ngawi 'da a ma e sɛ. Nɛ nùi 'da a, ma kɛ̃ sɛ sanga tɛ ngbɛ ɛ nalɛ. Nɛ nde obenɔ 'da a, wa dúngú sɛ nwa olo a gɔ. Owele wa kɛ̃ sɛ to nwa olo a ni dɛ kɔ̃ ogele wele. Nɛ nde ngawi 'da ogele winɔ ni, ma gã sɛ nɛ́ kɛ 'da a gɔ.

DANIƐLƐ 7:2

na: “Mi ɔa nù do tũ, nɛ mi zɔa mɔ kɔ yalɛ, nɛ nde gba bũ yula si 'biti falanɔ nalɛ tɛ nyanga nza, nɛ ma pɛsɛ dɛ ngɔ gba lì.

DANIƐLƐ 8:8

Nɛ ngawi 'da wili dua ma gã dɛ dati gã fai. A nɛa we kpa ngawi wena do'do, nɛ gã zamba zu a gbini. Nɛ mbe gele nɛ nalɛ kunu do olo ki ni. Mɔ zɔ ma, nɛ mɔ ɔngbɔ. Ma zɛnggɛ kpo kpo si 'biti falanɔ nalɛ tɛ nyanga nza gɛ.

YONASI 1:4

Kɔ NWA nɛa we zɔ ni, nɛ a fi gba bũ kamba ngɔ gba lì ni. Nɛ gba lì yaka nganda wena, nɛ masua dɛa ɔ nɛ kɛ ma nɛ gbini, nɛ ma bindi ni.

ZAKARIA 6:1

Mi ka 'bɔ mɔ do li yalɛ, nɛ mi zɔ ongilingili nalɛ kɛ ma yolo dɛ sanga okala bɔa, nɛ wa dɛa kalanɔ ni do mɔ bolo.

ZAKARIA 6:5

Nɛ a gese hã mi na: “Mɛ a Ohi Wi nalɛ, kɛ wa yolo dɛ kɛ zã NWA ngɔ mɔ nyanga nza vɛ̃ ni. Kɔ ngangga ni, wa tɛ la ngɔ nùi.”

MATIE 24:31

Nɛ gã mɔtũlũ ma dɔ̃lɔ̃ sɛ, nɛ mi tombo sɛ anzɛnɔ, nɛ wa yɛnggɛ nyanga nza gɛ vɛ̃, we ngɛmɛ li owinɔ kɛ Gale saka zɛ́ wa ia ni ngɔ nù gɛ vɛ̃.

MARKO 13:27

Nɛ mi tombo sɛ anzɛnɔ, nɛ wa yɛnggɛ nyanga nza gɛ vɛ̃, we ngɛmɛ li owinɔ kɛ Gale saka zɛ́ wa ia ni.

USU MƐNƆ 20:8

Nɛ a la sɛ 'bɔ we ɔlɔ owinɔ, kɛ wa pɛsɛ do nyanga nzanɔ vɛ̃, nɛ li wa a Gɔgɛ do Magɔgɛ ni. A mba sɛ li wa, takɔ wa nɛ bolo. Wa dɛlɛ sɛ wena ɔ nɛ kɛnzɛ nu gba lì ni.

USU MƐNƆ 6:6

Nɛ mi zele mɔ ɔ nɛ wala gɛlɛ wele dɛ sanga otunu li mɛnɔ nalɛ ni tɛ tɔ̃ na: “Wa oso sɛ kilo gbãlã kɔni kpo do mbili do dɛa to li wese kpo, nɛ wa oso sɛ kilo lɔsɔ talɛ do mbili olo dɛa to li wese kpo. Nɛ nde nɛ tɛ 'dàngà gole nɔɛ do gole dɔ̃ɛ gɔ.”

USU MƐNƆ 7:3

“Nɛ tɛ 'dàngà nùi, do gba lìnɔ do tenɔ do ti gɔ. Nɛ 'bɔ́ hã lɛ gɔnɔ dã dati Owi dɛa tonɔ 'da Gale 'da lɛ do'do sɛ.”

USU MƐNƆ 8:7

Nɛ kuti anzɛ dama mɔtũlĩ 'da a, nɛ kolo gbãlã mũlũ, do we, mba do tɔkɔ ala dɛ nù nga, nɛ kpo mbee talɛ nùi do kpo mbee talɛ tenɔ, do wɔkɔsɔnɔ bɛla vɛ̃.

USU MƐNƆ 9:14

Nɛ a tɔ̃ hã gazɛlɛ anzɛ kɛ a do mɔtũlĩ kɔ̃ a ni na: “Mɔ yálá dɔkpɛ tɛ anzɛnɔ nalɛ kɛ wa ɛnzɛ wa dɛ kɛ zã gba lì Efratɛ ni.”

USU MƐNƆ 9:4

Nɛ wa tɔ̃ hã odɔlanɔ ni na, wa tɛ nyɔ̀ngɔ̀ wɔkɔsɔ, tabi nwá te, tabi kpalɛ gɔ, nɛ nde wa nyɔ́ngɔ́ tati a owinɔ kɛ wa gɔ̀nɔ̀ dã 'da Gale dati wa gɔ ni.