USU MƐNƆ 6:9 - WE NU GALE 1995

⁹ Nɛ 'do ki ni, nɛ Be Bata ɛ̃lɛ̃ mɔlɔ ndaka nu 'buki ni, nɛ mi nɛ ka mɔ dɛ ti gbagala kɛ wa hã dɔnggamɛnɔ hã Gale ngɔ nɛ ni, nɛ mi zɔ ohi wele. Mɛ a hi owinɔ wa gbɛa zi wa, we kɛ wa kɔ̃a gɛnɛ we nu Gale, nɛ wa bia ma hã winɔ ni.

USU MƐNƆ 6:9 Iomraidhean Croise

Ndo Nyanga Dɛ Mɔ 4:10

Nɛ NWA gese hã a na: “Gulu kɛ mɔ dɛa 'danga ni we ge nde? Mi zila giti tɔkɔ tɛ nya mɔ tɛ he mɔ zã nùi dɛ 'da mi nga na, mi bili nu gbã mɛ mɔ dɛa gɛ hã mɔ.

Kulu Tɔa 29:12

Nɛ mɔ kpɔ tɔkɔ tɛ̃ a, nɛ mɔ yulu zu kɔ̃ mɔ kɔ nɛ, nɛ mɔ kɔ tɛ zu ma'baya kɛ tɛ li gbala gbagala ni. 'Do nɛ, nɛ mɔ a tala tɔkɛ ni dɛ tɛ nyanga gbagala.

Levitɛnɔ 4:7

“A ndɔ sɛ 'bɔ tɔkɛ tɛ 'bɛ̃lɛ̃ zu gbagala, kɛ wa dɔ do fũ yɔmbɛ kɔ tɔa Tande i ni. 'Do nɛ, nɛ a tɛnɛ tala tɔkɛ ni dɛ nyanga gbagala, kɛ wa dɛa ma tɛ kpongbo nu tɔa Tande we dɔ do sa'de hã NWA ni.

YOANƐ 16:2

Wa ndaka sɛ nɛ kɔ tɔa mbulanɔ. Nɛ mbe ngba soe kpo, nɛ wa ma sɛ ngɔ gbɛ nɛ, nɛ wa lengge sɛ na, mɛnɔ lo dɛ ni, ma dɔnggɔ Gale dɔngga.

2 KORINTƐ 5:8

Gbãlã we, lɛ gbini zã lɛ do Nwa, nɛ lɛ kɔ̃a sɔ na, lɛ hɔ nza kɔ kili tɛ wi nùi gɛ, nɛ lɛ nɛ dɛ 'da Nwa i.

FILIPƐ 1:23

Ma ɔ nɛ kɛ mi a nu nzangba wala ni. Mi kɔ̃a na mi fe, takɔ mi nɛ we kpa li ngba mi do Kristo, nɛ ki ni ma de sɔ tɛ mi la li.

FILIPƐ 2:17

Kɔ̃a we 'da nɛ ɔ nɛ dɔnggamɔ kɛ nɛ dɔnggɔ do Gale ni. Kɔ fala kɛ ma we na, tɔkɔ tɛ mi ma a nù we mba do dɔnggamɛ 'da nɛ ni, nɛ mi dɛ sɛ yangga wena, nɛ nɛ mba sɛ do mi kɔ yangga ni.

2 TIMOTE 1:8

We duzu ma, mɔ tɛ dɛ̀ sape we tɔ̃ we 'da Nwa 'da lɛ hã Owele gɔ. Nɛ sape tɛ bà 'bɔ li mɔ we mi kɛ mi lia bɔlɔkɔ we duzu a ni gɔ. Nɛ nde mɔ mbá do mi kɔ ngamɛ kɛ mi kpa we duzu be Dia Sakoe ni, nɛ mɔ gbini zã mɔ do ngawi kɛ Gale hã ma hã mɔ ni.

2 TIMOTE 4:6

Kɔ we mi, ngba soe kɛ na mi hã tɛ mi nɛ́ dɔnggamɔ hã Gale ni ma wia ia. Tũ fio 'da mi ma kɔla ia.

OHEBRE 12:23

Nɛ nɛ lia kɔ gbalimɛ 'da okuti benɔ 'da Gale, kɛ a kɔma li wa kɔ 'buki 'da a li nza i ni. Nɛ kɔla do Gale, kɛ a 'bili sɛ we 'da winɔ vɛ ni, nɛ nɛ kɔlɔ 'bɔ do hi winɔ kɛ zu wa a bɔlɔ, nɛ wa wia ngboo ni.

USU MƐNƆ 1:2

Ma kɛ mi tɔ̃ lɛnggɛ mɛnɔ vɛ̃ mi zɔa ma ni. Mɛnɔ ni a we nu Gale, nɛ Yezu Kristo tɔ̃a gulu nɛ hã lɛ.

USU MƐNƆ 1:9

Wi a mi nya nɛ Yoanɛ, kɛ lɛ mba do nɛ kpo dɛ kɔ Yezu ni. Lɛ tɛ kpa zɛlɛ tɛ do nɛ, nɛ lɛ tɛ kunu sila lɛ, nɛ lɛ do nɛ a wele le nwa 'da Gale. Wa ba zi mi do bɔlɔkɔ, nɛ wa tumba mi dɛ kɔ ngolo lì Patmosi, we kɛ mi bia we nu Gale, kɛ Yezu Kristo tɔ̃a gulu nɛ hã lɛ ni.

USU MƐNƆ 14:18

Nɛ mbé gele anzɛ, kɛ a a wi zɔ mɔ tɛ nyɛa we ngɔ gbagala kɛ wa hã do dɔnggamɛnɔ hã Gale ni, a yula fala gbagala ni, nɛ a tɛ, nɛ a he mɔ dɛ ngɔ hã wele kɛ a do tɔ̃a nu dugbi dɛ kɔ̃ a ni na: “Wala te vinɔnɔ ngɔ nù gɛ fila ia! Kɔ mɔ fí dugbi 'da mɔ, hã mɔ ndo sɛlɛ ma.”

USU MƐNƆ 16:7

Nɛ 'do ki ni, nɛ mi zele wala gɛlɛ wele ma yula tɛ gbagala i tɛ tɔ̃ na: “Ma a ni, Nwa Gale do nganda vɛ̃! Mɔ 'bili we 'da owinɔ do wala do nɛ, do bɔlɔ nɛ ngboo!”

USU MƐNƆ 19:10

Nɛ mi gu li mi nù dati anzɛ ni we dɔnggɔ a, nɛ a tɔ̃ hã mi na: “Mɔ tɛ dɛ̀ ni gɔ! Mi tɛ mɛ 'bɔ a wi dɛa toe 'da Gale ɔ nɛ mɔ, do onya mɔ vɛ̃ kɛ wa kɔ̃a gɛnɛ gbãlã wenɔ 'da Yezu ni. Kɔ mɔ dɔ́nggɔ́ Gale!” Mba gɔ, gbãlã wenɔ kɛ Yezu bia hã winɔ ni, mɛ a kɛnɔ Hi Wi 'da Gale ia zi ma dɛ nu owi gba olo nu a ni.

USU MƐNƆ 2:13

Mi ĩ ti fala ɔi 'da nɛ. Nɛ ɔ kɔ le kɛ Satana dungu nwa ngɔ nɛ. Nɛ nɛ 'bana do kɔ̃a we dɛ 'da mi fai, nɛ kàfà mi gɔ. Gɛnɛ kɔ 'da fala wa gbɛa zi temɔɛ 'da mi Antipasi, kɛ a dɛ do nu mi fai ni, nɛ nɛ kàfà zi mi gɔ. Wa gbɛa zi a kɔ le 'da nɛ kɛ Satana dungu nwa ngɔ nɛ ni.

USU MƐNƆ 20:4

Nɛ 'do ki ni, nɛ mi zɔ okpongbo nwa, nɛ owinɔ ngɔ nɛ ni wa do ngawi we 'bili we. Nɛ mi zɔ 'bɔ hi winɔ kɛ wa 'bili zi gɛlɛ wa, we kɛ wa bia gulu we 'da Yezu, do we nu Gale hã Owele ni. Wi a wanɔ kɛ wa dɔ̀nggɔ̀ zi sa'de ni gɔ, nɛ wa dɔ̀nggɔ̀ 'bɔ hi a gɔ, nɛ wa gɔ̀nɔ̀ zi dã 'da a dati wa, do tɛ kɔ̃ wa gɔ ni. Kɔ Gale tunu wa kɔ fio, nɛ wa dungu nwa fala nɛ kpo do Kristo gbaa we sabɛlɛ koto kpo.

USU MƐNƆ 8:3

Nɛ mbe gele anzɛ kpo tɛa, nɛ a yolo dɛ kɛ zã gbagala kɛ wa hã do dɔnggamɛnɔ hã Gale ni. A 'bia mɔ dɔ do fũ yɔmbɔ, kɛ wa dɛa ma do mɔ mbali ni dɛ kɔ̃ a. Nɛ wa hã ofũ yɔmbɔ dɛlɛ wena hã a, takɔ a dɔ ma hã Gale dɛ ngɔ gbagala mɔ mbali dati kpongbo nwa ni, nɛ zɛ̃ we nɛ kutu dɛ ngɔ i, fala nɛ kpo do sambala 'da owinɔ 'da Gale.

USU MƐNƆ 9:13

Nɛ 'do ki ni, nɛ gazɛlɛ anzɛ dama mɔtũlĩ 'da a. Nɛ mi zele wala gɛlɛ wele, ma yolo tɛ li kpɔa gbagala mɔ mbali, kɛ ma 'bɛ̃lã dɛ ngɔ nalɛ nɛ, nɛ ma dɛ dati Gale ni.