USU MƐNƆ 6:8 - WE NU GALE 1995

⁸ Nɛ mi nɛ ka mɔ, nɛ mi zɔ mbalata, tɛ̃ a ɔ tuu nɛ zɛ̃ we ni. Nɛ wi kũ ngɔ a li a a Fio. Nɛ Le 'da ofionɔ tɛ tɛ 'dɔkɔlɔ a. Nɛ wa hã ngawi hã wa na, wa yɛnggɛ ngɔ kpo mbee nalɛ nùi gɛ, nɛ wa gbɛ winɔ do du kɔya, tabi do gba wɔ, tabi do zɛlɛ, tabi do wala 'da odã sa'de.

USU MƐNƆ 6:8 Iomraidhean Croise

GBA WENƆ 5:5

Wala kɛ a la nɛ ni, mɛ a wala fio. A ba mɔ ia, nɛ a la do mɔ dɛ tɛ le 'da fionɔ i.

Ezai 25:8

NWA Gale a fo sɛ fio ngɔ nù gɛ do'do, nɛ mbé fio gbɛ́ sɛ 'bɔ wele gɔ. A dili sɛ mili kɔ̃a li owinɔ vɛ̃, nɛ sape kɛ owinɔ 'da a wa kpa zi ma ngɔ nù gɛ ni, a fo sɛ ma do'do. Nɛ zɔ, mbuli kɛ NWA kpua ma gɛ a ni.

Yeremi 14:12

Gɛnɛ kɔ wa bɛ̃ nyɔngɔmɔ we dɔnggɔ do mi, nɛ nde mi zélé sɛ ala nui 'da wa gɔ. Gɛnɛ kɔ wa gbɛ sa'de we dɔnggɔ do mi, tabi wa hã gele dɔnggamɔ hã mi, nɛ nde mi kɔ̃́ sɛ gɛnɛ nɛ gɔ. Mi fa sɛ tɛ mɛ na, gba wɔ do 'dã zɛlɛ ma gbɛ wa, tabi wa fe li bolo.”

Yeremi 16:16

NWA tɔ̃a na: “Mi sa sɛ mɔ hã ogele soda, nɛ mi tombo wa dɛlɛ wena dɛ ngɔ owinɔ 'da mi, hã wa gbɛ wa ɔ nɛ kɛ Owi gbɛ kɔyɔnɔ, wa gbɛ do kɔyɔnɔ ni. Nɛ mi tombo sɛ 'bɔ mbé osoda, takɔ wa ndaka 'do wa tɛ ngɔ gã kalanɔ, do obe kalanɔ, do kɔ tanɔ, ɔ nɛ Owi yali zamɔ wa bi sa'de ni.

Yeremi 16:4

Wa fe sɛ 'dã zɛlɛ, nɛ fo sɛ wi he kɔ̃a wa, tabi wi mi wa bina. Wɔlɔ wa ma mbulu sɛ, nɛ ma dɛ sɛ zubu we 'dafa nùi. Wa fe sɛ li bolo, tabi gba wɔ ma gbɛ sɛ wa. Nɛ wɔlɔ wa ma dɛ sɛ nyɔngɔmɔ nu oganakele do osa'de zamɔ.”

Yeremi 24:10

Mi tombo sɛ Owele na wa gbɛ wa li bolo, nɛ mi tombo sɛ 'bɔ gba wɔ do 'dã zɛlɛ hã wa gbaa, ndɔti nɛ a kɛ wa kumu ngɔ nùi mi hã zi hã wa do oyaa wa ni.”

Yeremi 29:17

NWA ngɔ mɔ nyanga nza vɛ̃ tɔ̃a na: ‘Mi tombo sɛ bolo, do gba wɔ, do 'dã zɛlɛ na ma gbɛ wa. Mi 'danga sɛ wa vɛ̃, nɛ wa ɔ sɛ nɛ wala te figɛ kɛ ma mbulu, nɛ ma hɔ mɔ nyɔ nyɔnga gɔ ni.

Yeremi 43:11

Nwa Nabukɔdɔnɔzɔrɛ a tɛ sɛ, nɛ a bi nù Ezipeto, nɛ a 'danga ma vɛ̃. Nɛ kɔ Oezipeto, ombe wa fe sɛ fio tɔa, nɛ ombe nɛ wa la sɛ kɔlɔ 'duli, nɛ ombe nɛ wa fe sɛ fio bolo.

EZEKIƐLƐ 29:5

Nɛ mi da sɛ mɔ do kɔyɔnɔ ni vɛ̃ dɛ li go i, nɛ mɔ fe dɛ bulu nù gɛ. Nɛ mi hã sɛ wɔlɔ mɔ hã onɔɛnɔ do osa'de zamɛnɔ na, wa nyɔngɔ. Nɛ wele dɔ́lɔ́ sɛ gbãlã mɔ we mi ma gɔ.

EZEKIƐLƐ 5:12

Gba wɔ do 'dã zɛlɛ ma te sɛ ngɔ kpo mbee talɛ kɔ nɛ, nɛ wa fe sɛ dɛ kɔ le gɛ. Nɛ kpo mbee talɛ sanga nɛ gɛ, wa fe sɛ fio bolo dɛ kɛ zã le. Nɛ otala nɛ wa pɛsɛ sɛ ndɛ̃ ndɛ̃ dɛ falanɔ vɛ̃. Nɛ mi nɛ sɛ 'dɔkɔlɔ wa do du kɔya 'da mi.

OZE 13:14

Mi NWA, mi kpasa sɛ nɛ Oisraɛlɛ li ngawi 'da fio nde? Aa fio, mɔ kálá bolo 'da mɔ, nɛ mɔ tɛ́ nɛ. Mɔ bé ngawi 'da mɔ hã wa, nɛ mɔ kumu wa. Mi ĩ́ sɛ 'bako hã wa gɔ.

HABAKUKƐ 2:5

Ma ni kpaa, ma wè na lɛ gbini zã lɛ do kpamɔ gɔ. Owi gã zunɔ wa do dungu fio bina. Wa dɛ nga'ba ɔ nɛ nù ni, we kɛ gɛnɛ kɔ wa mi fionɔ gbaa, nɛ nde zã nù hɛ̃́ fala kpo gɔ. Gulu nɛ a Owi gã zunɔ wa kala lenɔ 'da gele winɔ dɛ ngɔ ngbɛ ɛ, nɛ wa a winɔ ni ti mbulanɔ 'da wa.

ZAKARIA 6:3

nɛ wa kpo ofɛ̃a mbalata tɛ kɛ talɛ, nɛ wa kpo ombalata kɛ tɛ wa ɔ mbala mbala do fila mɔ ni tɛ kɛ nalɛ.

MATIE 11:23

Nɛ nɛ, owi kɔ le Kafarnaumɛ, nɛ ba tɛ nɛ na, nɛ nɛ sɛ ngɔ winɔ vɛ̃, nɛ nɛ ba li nza nde? Wa isi sɛ zu nɛ gbaa dɛ kɔ le 'da ofionɔ i. Mba gɔ, ɔ do kɛ ɔngbamɛnɔ ma dɛa tɛ̃ ɛ kɔ le 'da nɛ gɛ, ma dɛ sɔ tɛ̃ ɛ kɔ le Sodɔmɛ, nɛ le ni, ma 'bana sɔ sɔɛ gɛ.

MATIE 24:7

Do 'da fala ni, nwa kpo a kulu sɛ ngɔ do owinɔ 'da a, nɛ a bi do nwa kɔ gele le. Nɛ owinɔ tɛ ngɔ nù kpo, wa bi sɛ kpo ngba wa. Gba wɔ ma te sɛ, nɛ nùi ma tana sɛ falanɔ kpi do kpi.

1 KORINTƐ 15:55

“Aa fio, ngawi kɛ mɔ nɛ do ngɔ winɔ ni 'bɔ a do nde? Aa fio, mɛ mɔ gbɛ do winɔ ni 'bɔ a do nde?”

USU MƐNƆ 1:18

Mi do kpasi! Mi fia zi, kɔ ngangga ni, mi do kpasi kɔ sabɛlɛ do sabɛlɛ. Mi do ngawi ngɔ fio, do ngɔ le 'da ofionɔ.

USU MƐNƆ 12:4

Do sa'de ni fua kpo mbee talɛ osɔlanɔ tɛ li nza i, nɛ ma ala dɛ nù nga. Nɛ a yolo dɛ dati wuke kɛ a bi zɛlɛ kula ni, takɔ a ko, nɛ a yɔ'dɔ be do ti.

USU MƐNƆ 9:15

Nɛ a yala dɔkpɛ tɛ wa. Wi a oanzɛnɔ kɛ wa 'bɔ zi 'da kɔ̃ tũi, do zɛkɛ, do sabɛlɛ kɛ Gale wia ngboo, takɔ wa kumu kpo mbee talɛ winɔ nù gɛ vɛ̃ ni.

USU MƐNƆ 9:18

Nɛ ngamɛnɔ talɛ gɛ, gba nyɛa we, do zɛ we, do kalĩ we ma hɔ kɔ nu mbalatanɔ ni, ma kumu kpo mbee talɛ winɔ vɛ.