USU MƐNƆ 6:6 - WE NU GALE 1995

⁶ Nɛ mi zele mɔ ɔ nɛ wala gɛlɛ wele dɛ sanga otunu li mɛnɔ nalɛ ni tɛ tɔ̃ na: “Wa oso sɛ kilo gbãlã kɔni kpo do mbili do dɛa to li wese kpo, nɛ wa oso sɛ kilo lɔsɔ talɛ do mbili olo dɛa to li wese kpo. Nɛ nde nɛ tɛ 'dàngà gole nɔɛ do gole dɔ̃ɛ gɔ.”

USU MƐNƆ 6:6 Iomraidhean Croise

Zumanɔ 76:10

do fala kɛ mɔ kulu ngɔ we gɔnɔ ngbangga, we kpasa owi 'bakonɔ ngɔ nù gɛ vɛ̃ ni.

MATIE 24:7

Do 'da fala ni, nwa kpo a kulu sɛ ngɔ do owinɔ 'da a, nɛ a bi do nwa kɔ gele le. Nɛ owinɔ tɛ ngɔ nù kpo, wa bi sɛ kpo ngba wa. Gba wɔ ma te sɛ, nɛ nùi ma tana sɛ falanɔ kpi do kpi.

USU MƐNƆ 4:6

Nɛ mi zɔa 'bɔ gã li tala dɛ dati kpongbo nwa ni, nɛ nde ma ɔ yelele nɛ kristalɛ ni. Nɛ mi zɔa 'bɔ Otunu li mɔ nalɛ, wa yula zĩ kpongbo nwa ni takpa. Gbali wa kpa do tɛ wa vɛ, ombe do dati wa, nɛ ombe do li 'do wa.

USU MƐNƆ 4:8

Otunu li mɛnɔ nalɛ ni, wa do 'baka wa gazɛlɛ gazɛlɛ ɔ nɛ 'baka nɔɛ ni. Nɛ gbali wa kpa do tɛ 'baka wa vɛ̃, ombe do ngɔ, nɛ ombe do ti nɛ. Nɛ wa tɛ ga zuma fai, tũ do gba wese na: “Mɔ a santo, mɔ a santo, mɔ a santo. Mɔ a Nwa Gale kɛ mɔ do nganda vɛ̃. Mɔ zɛ́ boe, nɛ mɔ sɔɛ gɛ boe, nɛ mɔ tɛ sɛ.”

USU MƐNƆ 7:3

“Nɛ tɛ 'dàngà nùi, do gba lìnɔ do tenɔ do ti gɔ. Nɛ 'bɔ́ hã lɛ gɔnɔ dã dati Owi dɛa tonɔ 'da Gale 'da lɛ do'do sɛ.”

USU MƐNƆ 9:4

Nɛ wa tɔ̃ hã odɔlanɔ ni na, wa tɛ nyɔ̀ngɔ̀ wɔkɔsɔ, tabi nwá te, tabi kpalɛ gɔ, nɛ nde wa nyɔ́ngɔ́ tati a owinɔ kɛ wa gɔ̀nɔ̀ dã 'da Gale dati wa gɔ ni.