USU MƐNƆ 6:2 - WE NU GALE 1995

² Nɛ mi nɛ ka mɔ, nɛ mi zɔ fɛ̃a mbalata, wi kũ ngɔ a 'bia nzabele dɛ kɔ̃ ɛ. Nɛ wa gu ndasa nwa zu wi ni, nɛ a la ɔ nɛ wi kɛ a nɛa ngɔ Owi sɛnɛ a lì bolo, kɔ a la 'bɔ mbé bolo, we nɛ ngɔ Owi sɛnɛ a ni.

USU MƐNƆ 6:2 Iomraidhean Croise

Zumanɔ 110:2

Aa nwa 'da mi, e kɔ NWA Gale dɛ na, dɛa to nwa 'da mɔ yolo do kɔ Tɛmpɛloe 'da a tɛ Sioni, nɛ ma la dɛ dati fai. E kɔ mɔ e mbula ngɔ owi sɛnɛ mɔ.

Zumanɔ 76:7

Mɔ, Gale 'da Yakɔbɔ, mɔ kpa we do wa, nɛ nyanga mbalatanɔ 'da wa do owi kũ ngɔ wa ma kungga.

Zumanɔ 98:1

Nɛ gá mbé zuma hã NWA, we kɛ a dɛa oɔngbamɔ. A nɛa ngɔ Owi sɛnɛ a do ngawi santo 'da a.

Ezai 25:8

NWA Gale a fo sɛ fio ngɔ nù gɛ do'do, nɛ mbé fio gbɛ́ sɛ 'bɔ wele gɔ. A dili sɛ mili kɔ̃a li owinɔ vɛ̃, nɛ sape kɛ owinɔ 'da a wa kpa zi ma ngɔ nù gɛ ni, a fo sɛ ma do'do. Nɛ zɔ, mbuli kɛ NWA kpua ma gɛ a ni.

ZAKARIA 1:8

Nɛ Zakaria tɔ̃a gulu nɛ na: Mi ɔa yala do tũ, nɛ mi zɔ mɔ do li yalɛ. Mi zɔa wele, nɛ nde a kũ ngɔ fila mbalata, nɛ a yula dɛ sanga odia te do kɔ gbangɔlɔ̃. Nɛ ogele mbalata do 'do a. Tɛ ombe a fila, nɛ tɛ ombe ɔ ngoo nɛ́ zɛ̃ we ni, nɛ tɛ ombe a fɛ̃a.

MATIE 28:18

Nɛ Yezu tili dɛ 'da wa, nɛ a tɔ̃ hã wa na: “Gale hã ngawi ngɔ mɛnɔ li nza i, do kɛnɔ nù gɛ vɛ̃ hã mi.

1 KORINTƐ 15:25

Mba gɔ, ma wia na, Kristo dungu nwa gbaa na, Gale nɛ ngɔ Owi sɛnɛ a, kɔ a a wa vɛ ti tambala nyanga Kristo sɛ nɛ de.

USU MƐNƆ 11:15

'Do nɛ, nɛ sambo anzɛ dama mɔtũlĩ 'da a. Nɛ wala gɛlɛ Owele wila nganda wena tɛ li nza i na: “Dɛa to nwa ngɔ nù gɛ ma hɔa dɛ tambala kɔ̃ Gale Nwa 'da lɛ, do Kristo kɛ a tumba a ni. Gale a dungu sɛ nwa kɔ sabɛlɛ do sabɛlɛ.”

USU MƐNƆ 11:18

Zã ogele winɔ nɔ̃lɔ̃ zi dɛ tɛ mɔ wena, nɛ nde tũi kɛ mɔ nɛ be do nɔ̃lɔ̃ zã 'da mɔ ni, ma wia ia. Mɛ a tũi kɛ mɔ nɛ 'bili do we 'da ofionɔ. Nɛ mɛ 'bɔ a tũ si do de mɔ hã owi dɛa tonɔ 'da mɔ, kɛ wa gba olo nu mɔ ni, do winɔ 'da mɔ vɛ̃, ogã winɔ do obe winɔ kɛ wa dɔnggɔ mɔ dɔngga ni. Mɛ a tũi kɛ mɔ nɛ kumu do winɔ kɛ wa 'danga zi nùi gɛ ni.”

USU MƐNƆ 14:14

Nɛ mi nɛ ka mɔ, nɛ mi zɔ gba kutu, nɛ mi zɔ 'bɔ mɔ ɔ nɛ wele ni, a dungu ngɔ gba kuti ni. A gu ndasa nwa, wa dɛa do mɔ mbali, nɛ a 'bia tɔ̃a nu dugbu dɛ kɔ̃ a.

USU MƐNƆ 15:2

'Do nɛ, nɛ mi zɔa 'bɔ mɔ ɔ nɛ gba lì ni, ma ndele nɛ́ talatala, nɛ ma mba do nyɛa we. Nɛ mi zɔ 'bɔ winɔ kɛ wa nganda zi nɛa ngɔ sa'de, do hi sa'de, do wele kɛ li a bia tɛ̃ ɛ do motuya ni. Wa yula dɛ ngɔ gba lì kɛ ma ndele nɛ́ talatala ni, nɛ wa kala okundunɔ kɛ Gale hã zi hã wa ni,

USU MƐNƆ 17:14

Wa bi sɛ bolo do Be Bata, nɛ Be Bata nɛ ngɔ wa, we kɛ a a Nwa ngɔ Onwanɔ, nɛ to nwa 'da a nɛa ngɔ to nwanɔ vɛ. Nɛ winɔ 'da a, kɛ a sa zɛ́ mɔ hã wa, nɛ a saka zɛ́ wa, nɛ wa kàfà a gɔ ni, wa nɛ sɛ ngɔ Onwanɔ ni fala nɛ kpo do a.”

USU MƐNƆ 19:14

Nɛ ogili sodanɔ tɛ li nza i wa kpia dɛ 'do a. Wa hi'da tulu linɛ ma fɛnga nde nde, nɛ wa kũ ngɔ ofɛa mbalata.

USU MƐNƆ 3:21

Wi kɛ a kunu sila a kɔ ngamɛnɔ gbaa we hɔ ndɔti nɛ, nɛ mi hã sɛ wala hã a we dungu do mi ngɔ kpongbo nwa 'da mi, ɔ nɛ kɛ mi kunu zi tɛ mɛ 'bɔ sila mi gbaa we hɔ ndɔti nɛ, nɛ mi dungu do Baa mi ngɔ kpongbo nwa 'da a ni.

USU MƐNƆ 9:7

Odɔlanɔ ni wa ɔ nɛ ombalata kɛ wa 'dafa wa we nɛ bolo ni. Wa gu mɔ zu wa ɔ nɛ ndasa nwa kɛ wa dɛa do mɔ mbali ni, nɛ bula li wa ɔ nɛ bula li wele ni.