USU MƐNƆ 6:16 - WE NU GALE 1995

¹⁶ Nɛ wa he mɔ hã kalanɔ do tanɔ na: “Nɛ té dɛ ngɔ lɛ, nɛ nɛ úsú lɛ, dɔ Wi dungu ngɔ kpongbo nwa zɔ́ lɛ, hã dã ba Be Bata dɛ tɛ lɛ gɔ.

USU MƐNƆ 6:16 Iomraidhean Croise

Zumanɔ 14:5

Nɛ nde o'dã winɔ wa tana sɛ kili, mba gɔ, Gale fala nɛ kpo do owinɔ kɛ wa zele mbulanɔ 'da a ni.

Ezai 2:10

Nɛ úsú tɛ nɛ kɔ ta, nɛ za kɔ̃, hã nɛ yu dɛ kɔ nɛ. Nɛ tɛ hɔ nza dati nwa gɔ, nɛ dɛ́ kili a, we kɛ dɔ̃lɔ̃ li 'da a gã nɛa ngɔ mɔ vɛ̃. Nɛ tɛ hɔ nza dati a gɔ.

Yeremi 8:3

Nɛ kɔ nu kɔnggɔ o'dã winɔ ni, wanɔ wa 'bana sɛ do tunu li wa tɛ falanɔ mi pɛsɛ do wa ni, wa zɔ sɛ na, fe fio ma dia nɛa ngɔ 'bana nza. Mi NWA, kɛ mi do nganda vɛ̃, mi tɔ̃a ni.”

OZE 10:8

Ngɔ kala Bɛtɛ-Avɛnɛ, tɛ fala wa dɔnggɔ do kpikimanɔ ni, ma 'danga sɛ vɛ̃. Nɛ owɔkɔsɔ do gbakɔnda ma di'bili sɛ ngɔ gbagalanɔ 'da wa. Nɛ do fala nɛ ni, Oisraɛlɛ wa tɔ̃ sɛ hã kalanɔ na: “Aa kala gɛ, mɔ gú dɛ ngɔ lɛ, hã mɔ usu lɛ!”

MATIE 26:64

Nɛ Yezu gisa hã a na: “Ma hã mɔ tɔ̃a ni. Mi tɔ̃ hã mɔ na, ndo do sɔɛ gɛ, nɛ zɔ sɛ mi Be 'da Wele, nɛ nde mi dungu si ngɔ ngawili kɔ̃ Gale, kɛ a do nganda vɛ̃ ni. Nɛ nɛ zɔ sɛ mi tɛ sanga kutunɔ ngɔ gɛ.”

MARKO 3:5

Nɛ Yezu ka mɔ tɛ wa do nɔ̃lɔ̃ zã, nɛ a zi 'bɔ do 'bako wena, we duzu kɛ wa do 'dã sila. Nɛ a tɔ̃ hã wi zɛlɛ ni na: “Mɔ bɔ́lɔ́ kɔ̃ mɔ!” Nɛ a bɔlɔ kɔ̃ a, nɛ ma de.

LUKA 23:30

Nɛ owinɔ wa tɔ̃ sɛ hã kalanɔ do otɔ̃nɔ na: ‘Nɛ té dɛ ngɔ lɛ! Nɛ kélé lɛ!’

USU MƐNƆ 10:6

nɛ a kana tɛ̃ a do zu li Gale kɛ a fai boe, nɛ a dɛa li nza, do nùi, do gba lìnɔ, do mɛnɔ falanɔ vɛ̃ ni. Nɛ anzɛ ni tɔ̃ na: “Ngba soe wia ia, mbé mɔ 'bɔ 'bɔa bina!

USU MƐNƆ 19:15

Du kɔya kɛ nu nɛ tɔ̃ wena ni hɔa kɔ nu a, we bi do ogele winɔ kɛ wa bɛa gɛnɛ a ni. A dungu sɛ nwa ngɔ wa do ngawi wena, nɛ a tɛ sɛ do gã nɔ̃lɔ̃ zã 'da Gale kɛ a do nganda vɛ ni, nɛ a ma wa ti nyanga a, ɔ nɛ kɛ wa ma do wala vinɔ we kpĩlĩ lì nɛ ni.

USU MƐNƆ 20:11

Nɛ 'do ki ni, nɛ mi zɔ gba fɛa kpongbo nwa do wele dɛ ngɔ nɛ. Nɛ nùi do li nza yu wi ni, nɛ wa zɔ̀ 'bɔ do nɛ gɔ.

USU MƐNƆ 4:2

Nɛ do ti, nɛ ngawi 'da Hi Wi Santo ba mi la do mi, nɛ mi zɔa kpongbo nwa li nza i, nɛ nde wele dungu ngɔ nɛ.

USU MƐNƆ 4:5

Nɛ nyɛa li kolo, do ua dã kolo, do giti omɔ wele tɛ kpongbo nwa kɛ gbogbo ni. Nɛ nyɛa we sambo nyɛ dɛ dati kpongbo nwa ni, ĩ na, mɛ a ohi wi 'da Gale sambo.

USU MƐNƆ 4:9

Nɛ Otunu li mɛnɔ ni wa tɛ ga zuma hã wi kɛ a dungu ngɔ kpongbo nwa, nɛ a do kpasi kɔ sabɛlɛ do sabɛlɛ ni. Nɛ wa dɔnggɔ a, nɛ wa tɔ̃ de zu li a, nɛ wa hã iɔ̃nae hã a.

USU MƐNƆ 5:1

Nɛ mi ka mɔ, nɛ mi zɔ wi dungu ngɔ kpongbo nwa ni, nɛ nde a 'bia kasa 'buku do ngawili kɔ̃ a. Wa kɔma mbɛti li nɛ do 'do nɛ, nɛ wa nãlã nu nɛ do ndaka fala sambo.

USU MƐNƆ 6:10

Kɔ wa tɛ he mɔ do nga gɛlɛ na: “Aa Nwa, mɔ a santo, nɛ mɔ tɔ̃ fai a gbãlã we. Mɔ nɛ 'bɔ gbaa we 'bili we 'da winɔ nù gɛ, nɛ mɔ hã etumbu hã wa do kɛ wa gbɛa zi lɛ ni soe ki nge nde?”

USU MƐNƆ 9:6

Nɛ kɔ zɛkɛ mɔlɛ ni, Owele wa fa sɛ fio, nɛ nde wa wé sɛ tɛ fe nɛ gɔ. Wa kɔ̃ sɛ na lo fe, nɛ nde fio gbɛ́ sɛ wa gɔ.