USU MƐNƆ 6:12 - WE NU GALE 1995

¹² Nɛ 'do ki ni, nɛ Be Bata ɛ́lɛ́ gazɛlɛ ndaka nu 'buki ni. Nɛ do 'da fala ni, nùi ma ngɔ tana nganda wena, nɛ li wese tũ ɔ nɛ tũ tulu ni, nɛ li zɛkɛ fele ɔ nɛ tɔkɔ ni.

USU MƐNƆ 6:12 Iomraidhean Croise

Ezai 24:23

Sape ma ba sɛ li zɛkɛ do wese, nɛ ma tó sɛ 'bɔ gɔ. Mba gɔ, NWA Gale ngɔ mɔ nyanga nza vɛ̃, a dungu sɛ nwa kɔ le Yeruzalɛmɛ, tɛ ngɔ kala Sioni. Nɛ dɔ̃lɔ̃ li 'da a ma be sɛ tɛ̃ ɛ dati okumunɔ kɔ le ni.

Ezai 29:6

NWA ngɔ mɔ nyanga nza vɛ̃ a gbanga sɛ nɛ fala kpo, nɛ a be dia zã 'da a hã nɛ Owi Yeruzalɛmɛ, nɛ a bi sɛ ngɔ nɛ. A tombo sɛ ua dã kolo, do gba hiamɔ, do gba bũ kamba, do gba nyɛa we

Ezai 34:4

Wese, do zɛkɛ do sɔlanɔ li nza 'di wa yeke sɛ, nɛ li nza kasa dɛ ngɔ ngbɛ ɛ ɔ nɛ bunggu ni. Osɔlanɔ ma ala sɛ dɛ nù nga vɛ̃ ɔ nɛ kula nwá ni.

Ezai 50:3

Mi wia 'bɔ we dɛ na, li nza tũ kpirr, ɔ nɛ kɛ ma hi'da tulu gɛla ni.”

YƆƐLƐ 2:10

Wa ma ngɔ la nɛ, nɛ li nza do nùi tana. Nɛ wese do zɛkɛ to 'bɔ gɔ, nɛ osɔlanɔ wa bi tũ vɛ̃ do'do.

AMƆSI 1:1

'Buki gɛ tɔ̃ wenɔ kɛ Amɔsi tɔ̃a zi ni. Amɔsi a be Tekoa, nɛ a zi a wi dala nadalamɔ. NWA tumba zi a na, a tɔ̃ wenɔ gɛ hã owinɔ ngɔ nù Israɛlɛ. Nɛ a tɔ̃a ma do 'da fala kɛ Oziasi zi a nwa ngɔ nù Yuda, nɛ Yeroboamɛ, be 'da Yoasi, zi a nwa ngɔ nù Israɛlɛ ni. A tɔ̃a ma sabɛlɛ bɔa dati kɛ nùi tana zi ni.

AMƆSI 8:9

NWA Gale tɔ̃a 'bɔ na: “Do ngba soe ni, mi dɛ sɛ na, wese bi tũ do gbo gba wese, nɛ gba tũ ma tũ sɛ ngɔ nùi vɛ̃.

ZAKARIA 14:5

Nɛ nɛ, owi Yeruzalɛmɛ, nɛ yu sɛ do kɔ gbongboe ngbala kalanɔ ni, we kɛ ma la sɛ gbaa dɛ kɔ le Asalɛ. Nɛ yu sɛ, ɔ nɛ kɛ oyaa nɛ wa dɛa zi do ngba soe nùi tana do 'da fala 'da Oziasi, nwa ngɔ nù Yuda ni. Nɛ NWA Gale 'da mi, a tɛ sɛ fala nɛ kpo do oanzɛnɔ 'da a vɛ̃.

MATIE 11:21

“'Bako do nɛ, owi kɔ le Korazinɛ do Bɛtsaida. Mba gɔ, ɔ do kɛ ɔngbamɛnɔ ma dɛa tɛ̃ ɛ kɔ le 'da nɛ gɛ, ma dɛ sɔ tɛ̃ ɛ kɔ le Tirɛ do Sidoni, nɛ owinɔ i mɔ ni, wa he'de sɔ saki, nɛ wa a bũ zu wa we be na, wa kifi sila wa belee ia.

MATIE 24:29

“Kɔ ngba soe ngamɛnɔ ni la do'do, nɛ 'do nɛ, nɛ li wese ma tũ sɛ mbĩi do ti, nɛ zɛkɛ tó sɛ 'bɔ gɔ. Nɛ sɔlanɔ wa ala sɛ dɛ nù nga, nɛ ngawi 'da mɛnɔ li ngɔ gɛ, ma vĩ sɛ zu ngbɛ ɛ.

MATIE 24:7

Do 'da fala ni, nwa kpo a kulu sɛ ngɔ do owinɔ 'da a, nɛ a bi do nwa kɔ gele le. Nɛ owinɔ tɛ ngɔ nù kpo, wa bi sɛ kpo ngba wa. Gba wɔ ma te sɛ, nɛ nùi ma tana sɛ falanɔ kpi do kpi.

MATIE 27:45

Ma nɛa we hɔ midi, nɛ gba tũ tũ mbĩi ngɔ nùi vɛ̃, gbaa 'do sa talɛ.

MATIE 27:54

Kɔ gã wi ngɔ osoda Roma, do osodanɔ 'da a kɛ wa zɔ mɔ tɛ Yezu ni, wa nɛa we zɔ kɛ nùi tana, do omɛnɔ vɛ̃ ma dɛa tɛ̃ ɛ ni, nɛ kili ba wa wena, nɛ wa ma ngɔ tɔ̃ na: “Gbãlã we, wi gɛ a Be 'da Gale ngboo!”

MATIE 28:2

Kɔ wa nɛ gbanga nɛ, nɛ nùi ma tana gbirr, nɛ mbe anzɛ 'da Nwa Gale yula li nza i, nɛ a zĩlĩ, nɛ a kimili gã ta nu kɔ̃ɛ ni do'do, nɛ a dungu dɛ ngɔ nɛ.

MARKO 15:33

Ma nɛa we hɔ midi, nɛ gba tũ tũ mbĩi ngɔ nùi vɛ̃, gbaa 'do sa talɛ.

USU MƐNƆ 11:13

Nɛ do 'da fala nɛ ni, nɛ nùi tana nganda wena, nɛ kpo mbee 'bu gã le ni gbini, nɛ ma gbɛa Owele koto sambo do ti. Nɛ kili ba owanɔ kɛ wa 'bana ni, nɛ wa dɔngga Gale, kɛ a li nza i ni.

USU MƐNƆ 16:18

Nɛ kolo ma ngɔ nyɛ li ɛ, nɛ ma dĩ, nɛ ma ua dã, nɛ nùi tana nganda wena. Ndo do kɛ Gale dɛa zɛ́ wele ni, nùi tànà mbe nganda na mɛ ni fala kpo gɔ.

USU MƐNƆ 16:8

Nɛ nalɛ anzɛ sulu ngamɛ kɔ bila kɔ̃ a ni dɛ li wese, nɛ ma dɛa na wese to, nɛ ma dɔ winɔ nganda wena.

USU MƐNƆ 8:12

'Do nɛ, nɛ nalɛ anzɛ dama mɔtũlĩ 'da a, nɛ kpo mbee talɛ li wese bi, nɛ kpo mbee talɛ li zɛkɛ do sɔlanɔ bi 'bɔ. Na mɛ ni, nɛ kpo mbee talɛ gba wese, do kpo mbee talɛ tũi, fo zi mɔ tu tua bina.

USU MƐNƆ 8:5

Nɛ 'do nɛ, nɛ anzɛ u kalĩ we ngɔ gbagala ni, nɛ a a ma kɔ mɔ dɔ do yɔmbɛ kɔ̃ a ni, nɛ a da ma dɛ nù nga. Nɛ kolo ma ngɔ o dã, do nyɛ li ɛ, nɛ nùi ma ngɔ tana nɛ.