USU MƐNƆ 5:9 - WE NU GALE 1995

⁹ Nɛ wa vɛ̃ wa ga mbé zuma na: “Mɔ wia do ba kasa 'buki, nɛ mɔ ɛ̃lɛ̃ ndaka wa nãlã do nu nɛ ni. We kɛ wa gbɛa zi mɔ, nɛ mɔ gɔnɔ zu ogba gili wele do tɔkɔ tɛ mɔ, nɛ mɔ hã wa hã Gale. Winɔ mɔ gɔna zu wa ni, wa a wi kɔ nu fɛlɛ kulanɔ, do lɛnggɛnɔ, do nu kpalanɔ, do kɔ lenɔ vɛ.

USU MƐNƆ 5:9 Iomraidhean Croise

Zumanɔ 144:9

Aa Gale, mi nɛ ga mbé zuma hã mɔ, mi nɛ zɛ gã kundu we dɔnggɔ do mɔ.

Zumanɔ 149:1

Aleluya, lɛ dɔ́nggɔ́ nwa! Nɛ gá mbé zuma hã nwa, nɛ dɔ́nggɔ́ a kɔ mba li ngba wi 'da owinɔ 'da a.

Zumanɔ 33:3

Nɛ gá mbé zuma hã a, nɛ nɛ zɛ́ dia zuma do yangga, we hã dɔ̃lɔ̃ li hã a.

Zumanɔ 40:3

A fua mi kɔ gba 'du kɔ̃ fio, nɛ a gbɔta mi kɔ 'bɛ̃tɛ̃ dɛ nza, nɛ a zĩ mi do nyanga mi. Ngangga ni, mi yɛnggɛ, nɛ nde kili bá mi gɔ.

Zumanɔ 96:1

Aa nɛ, owinɔ nyanga nza gɛ vɛ̃, nɛ gá mbé zuma hã nwa, nɛ gá zuma we dɔnggɔ do a.

Zumanɔ 98:1

Nɛ gá mbé zuma hã NWA, we kɛ a dɛa oɔngbamɔ. A nɛa ngɔ Owi sɛnɛ a do ngawi santo 'da a.

Ezai 42:10

Nɛ gá mbé zuma we dɔnggɔ do nwa! Aa nɛ, owinɔ ngɔ nù gɛ vɛ̃, nɛ sámbálá a! Nɛ, owi yɛnggɛ ngɔ gba lì, nɛ sámbálá a! Nɛ, osa'denɔ do Otunu li mɛnɔ vɛ̃ ti lì gɛ, do owinɔ kɛ lenɔ 'da nɛ ma nyɛlɛ wena ni, nɛ vɛ̃ nɛ sámbálá NWA.

DANIƐLƐ 3:4

Nɛ mbe wi sa mbila 'da nwa hɔ, nɛ a he mɔ do nga gɛlɛ na: “Aa nɛ, owinɔ kɛ nɛ yolo kɔ onu kɔnggɔnɔ, do nu fɛlɛ kulanɔ, do lɛnggɛnɔ kpi do kpi ni, nɛ zélé mbula gɛ!

DANIƐLƐ 4:1

“Mi Nabukɔdɔnɔzɔrɛ, mi zi kɔ tɔa nwa 'da mi do yangga, nɛ mɔ yɛkɛ sila mi kpo bina.

DANIƐLƐ 5:19

Nɛ we duzu ma, onu kɔnggɔnɔ vɛ̃, do nu fɛlɛ kulanɔ vɛ̃, do nu lɛnggɛnɔ vɛ̃ wa tana zi kili dati a. A gɔnɔ zi we na, wele fé, nɛ wi ni fe. A gɔnɔ na, wele 'báná nza, nɛ a 'bana nza. A kɔ̃ we ba wele dɛ ngɔ, nɛ a ba a dɛ ngɔ. Kɔ a kɔ̃ we ba a dɛ nù, nɛ a ba a dɛ nù.

DANIƐLƐ 6:25

'Do nɛ, nɛ nwa ba nu a na, wa kala winɔ wa da zi Daniɛlɛ ni, hã wa da wa kɔ kɔ̃ɛ 'da ogbɔgbɔnɔ, fala nɛ kpo do owukonɔ do obenɔ 'da wa. Wa 'bana dɛ li ngɔ gɛ iko, nɛ ogbɔgbɔnɔ wa kala wa, nɛ wa o gbãlã tɛ wa dati kɛ na, wa ala dɛ go'do kɔ̃ i ni.

MATIE 20:28

We duzu kɛ mi Be 'da Wele, mi tɛ̀ na Owele wa dɛ to hã mi gɔ, nɛ nde mi tɛa we dɛ to hã Owele, nɛ mi hã 'bɔ tɛ mi hã fio, takɔ mi gɔnɔ zu ogba gili wele.”

MATIE 26:28

we kɛ mɛ a tɔkɔ tɛ mi. Mɛ a tɔkɔ kɛ Gale gba sanga tɛ ngba ɛ do owinɔ. Ma a sɛ nù we duzu gba gili Owele, takɔ Gale fo ku'da 'dã mɛnɔ zu wa.

Owi Nɛ Tonɔ 20:28

Nɛ dĩ́lĩ́ fala tɛ nɛ, nɛ nɛ zɔ́ mɔ tɛ gili winɔ 'da Gale, kɛ Hi Wi Santo hã wa hã nɛ ni. Ma wia na, nɛ fɔmɔ ogili wi Kristonɔ, kɛ Gale kpa wa olo li fio Be 'da a ni.

1 KORINTƐ 6:20

nɛ nde wele nɛ a mɔ́ Gale. A usa zi nɛ ia, kɔ ma wia na, nɛ é tɛ nɛ we hã dɔ̃lɔ̃ li hã a.

1 KORINTƐ 7:23

Nɛ vɛ̃, wele nɛ a mɔ́ Gale, we kɛ a usa zi nɛ ia, kɔ nɛ tɛ hɔ̀ ngbá mɔ́ Owele gɔ.

EFƐZƐ 1:7

Nɛ́ kɛ lɛ mba kpo do Kristo ni, ma kɛ tɔkɔ tɛ́ a gɔnɔ zu lɛ kɔ 'dã mɔ, nɛ Gale fua ku'da 'dã mɛnɔ zu lɛ do'do ni. Na mɛ ni, Gale bia na, dia zã 'da a dɛ 'da lɛ

EFƐZƐ 5:19

Nɛ gá zuma 'da Gale we nganda do sila ngba nɛ, nɛ nɛ e sila nɛ vɛ we ga zuma kpi do kpi we dɔnggɔ do Nwa.

KƆLƆSƐ 1:14

Gale gɔnɔ zu lɛ, nɛ a fua ku'da 'dã mɛnɔ zu lɛ do'do we duzu Be 'da a ni.

KƆLƆSƐ 1:23

Nɛ nde ma wia na, nɛ 'be kɔ̃a we 'da nɛ nɔ, nɛ nɛ yolo nganda nɛ́ tɔa kɛ wa a nyanga nɛ dɛ ngɔ ta ni. Nɛ dɔ wele kpo ɔ́lɔ́ nɛ na, nɛ la fala gbini zã nɛ do Dia Sakoe kɛ wa bia zi ma hã nɛ ni gɔ. Dia Sakoe ni, wa bia ma hã owinɔ ngɔ nù gɛ vɛ̃, nɛ mi Polo mi hɔa wi nɛ to we be ma.

TITO 2:14

A hã zi kili tɛ̃ a we duzu lɛ, takɔ a gɔnɔ zu lɛ kɔ 'dã mɛnɔ vɛ̃. Nɛ a fɔlɔ 'bɔ ndi kɔ sila lɛ do'do na, lɛ ɔ winɔ 'da a ngboo, nɛ lɛ hã tɛ lɛ we dɛ de mɔ.

OHEBRE 11:14

Winɔ kɛ wa tɔ̃a ní ni, wa bia hã lɛ na, wa fa le mɔ́ wa ngboo.

2 PETRO 2:1

Zɛ́ dati, Owi gba olo nu Gale do bɛlɛ wa zɛ́ sanga owinɔ 'da Gale boe. Na mɛ ni, ombe wi be we bɛlɛnɔ, wa hɔ sɛ 'bɔ sanga nɛ gɛ, nɛ wa be sɛ we bɛlɛ, kɛ ma wia tɛ 'danga kɔ̃a we 'da winɔ ni hã nɛ. Nɛ wa bɛ̃ sɛ 'bɔ gɛnɛ Nwa Yezu Kristo, kɛ a gɔnɔ zi zu wa ni. Nɛ nde 'da kala sɛ gɔ, nɛ gi'da 'dã mɛ wa dɛ ni, ma te sɛ zu wa wele nɛ.

1 YOANƐ 1:7

Kɔ fala kɛ lɛ yɛnggɛ kɔ sa fala, ɔ nɛ kɛ Gale a sa fala ni, nɛ nde lɛ mba vɛ̃ do ongba lɛ, nɛ lɛ hɔa wele kpo. Nɛ tɔkɔ tɛ Be 'da a Yezu, ma fɔlɔ 'dã mɛnɔ kɔ lɛ vɛ̃.

1 YOANƐ 2:2

A a wi kɛ a hã zi tɛ̃ a nɛ́ dɔnggamɔ we si do ku'da 'dã mɛnɔ zu lɛ. A dɛ̀ ni tati nɛ we lɛ iko gɔ, nɛ nde a dɛa ní we owinɔ ngɔ nù gɛ vɛ́.

USU MƐNƆ 10:11

Nɛ wa tɔ̃ hã mi na: “Ma wia na, mɔ gba 'bɔ do nu Gale, nɛ mɔ tɔ̃ wenɔ ngɔ odɛlɛ nu fɛlɛ kulanɔ, do nu kpalanɔ, do lɛnggɛnɔ, do onwanɔ hã winɔ.”

USU MƐNƆ 11:9

Nɛ owele wa yolo sɛ kɔ nu fɛlɛ kulanɔ, do lɛnggɛnɔ, do nu kpalanɔ, do kɔ lenɔ vɛ, nɛ wa tɛ we zɔ wɔlɔ wa kɛ ma ɔ dɛ nza ni, gbaa 'do tũ talɛ do dɔ nɛ. Wa bɛ̃ sɛ na, Owele wa tɛ mì wɔlɔ wa gɔ.

USU MƐNƆ 13:7

Nɛ wa hã 'bɔ wala hã a na, a bi bolo do owinɔ 'da Gale, nɛ a nɛ ngɔ wa. Nɛ wa hã ngawi hã a we dungu nwa ngɔ nu fɛlɛ kulanɔ, do lɛnggɛnɔ, do nu kpalanɔ, do lenɔ vɛ.

USU MƐNƆ 13:8

Nɛ winɔ ngɔ nù gɛ, wa dɔnggɔ sɛ sa'de ni. Winɔ ni, wi a wanɔ kɛ Gale kɔ̀mɔ̀ zɛ́ li wa kɔ 'Buku Kpasi, dati kɛ a ndua zɛ́ nyanga dɛ mɛnɔ vɛ́ ni gɔ ni. 'Buku Kpasi ni, mɛ a kɛ 'da Be Bata kɛ wa gbɛa zi a ni.

USU MƐNƆ 14:6

'Do ki ni, nɛ mi zɔa mbé gele anzɛ tɛ bũlũ ndũu do ngɔ i. Nɛ a tɛa do Dia Sakoe kɛ ma 'bana sɛ fai ni, takɔ a be ma hã owinɔ ngɔ nù gɛ. A be ma hã nu fɛlɛ kulanɔ, do lɛnggɛnɔ, do nu kpalanɔ, do kɔ lenɔ vɛ̃.

USU MƐNƆ 15:3

kɔ wa tɛ zɛ zuma kɛ Mɔizɛ, wi dɛa to 'da Gale ga zɛ́ ma ni, do zuma 'da Be Bata na: “Nwa Gale, mɔ do nganda vɛ, mɔ dɛa ogba mɔ, nɛ Owele wa ɔngbɔ ma ɔngba. Mɔ a Nwa ngɔ winɔ vɛ̃. Walanɔ 'da mɔ ma bɔlɔ wena, nɛ wele wia we gbini zã ɛ do ma.

USU MƐNƆ 17:15

Nɛ anzɛ tɔ̃ 'bɔ hã mi na: “Lìnɔ mɔ zɔa, kɛ wuko ndumba ɔ nu nɛ ni, mɛ a ogili nu fɛlɛ kulanɔ, do lɛnggɛnɔ, do nu kpalanɔ, do lenɔ vɛ.

USU MƐNƆ 4:11

“Aa Nwa, mɔ a Gale 'da lɛ. Mɔ wia do dɔ̃lɔ̃ li, do dɔngga wi, do nganda vɛ. Mba gɔ, mɔ a mɔ dɛa mɛnɔ vɛ. Mɔ kɔ̃a zi na mɛnɔ dɛ tɛ̃ ɛ, nɛ ma dɛa tɛ̃ ɛ.”

USU MƐNƆ 5:12

tɛ ga zuma nganda wena na: “Be Bata kɛ wa gbɛa zi a ni, a wia do nwa, nɛ a do kpamɔ, do hã zã, do ngawi. E kɔ a kpa dɔ̃lɔ̃ li, do dɔngga wi, nɛ wa tɔ̃ de sako li a.”

USU MƐNƆ 5:6

Nɛ mi zɔ Be Bata kpo, a yula dɛ dati kpongbo nwa ni. Nɛ Otunu li mɛnɔ nalɛ, do okpasa winɔ ni wa linggi a takpa. Be Bata ni ɔ nɛ wa gbɛa a gbɛa ni. Zamba zu a sambo, nɛ gbali a sambo. Gbali a sambo ni, mɛ a hi winɔ sambo kɛ Gale tumba wa nyanga nza gɛ vɛ̃ ni.