USU MƐNƆ 5:6 - WE NU GALE 1995

⁶ Nɛ mi zɔ Be Bata kpo, a yula dɛ dati kpongbo nwa ni. Nɛ Otunu li mɛnɔ nalɛ, do okpasa winɔ ni wa linggi a takpa. Be Bata ni ɔ nɛ wa gbɛa a gbɛa ni. Zamba zu a sambo, nɛ gbali a sambo. Gbali a sambo ni, mɛ a hi winɔ sambo kɛ Gale tumba wa nyanga nza gɛ vɛ̃ ni.

USU MƐNƆ 5:6 Iomraidhean Croise

2 Sakonɔ 16:9

Mba gɔ, nwa ka mɔ, nɛ a zɔ mɛnɔ ngɔ nù gɛ vɛ̃, takɔ a gbaka owinɔ kɛ wa kɔ̃a gɛnɛ a do sila wa vɛ̃ ni. Nɛ nde sɔɛ gɛ, mɔ dɛa mɔ tɛ mɔ ɔ nɛ yia wi ni. Kɔ 'do gɛ, nɛ bolo ma bi sɛ mɔ.”

DANIƐLƐ 7:14

Wa hã ngawi do dɔ̃lɔ̃ li hã a, nɛ wa ia a do nwa, takɔ onu kɔnggɔnɔ vɛ̃, do nu fɛlɛ kulanɔ vɛ̃, do lɛnggɛnɔ vɛ̃, wa dɛ to hã a. To nwa 'da a, ma ɔ sɛ fai, ma sɛ do ndɔti nɛ bina. Nɛ le nwa 'da a, ma 'dángá sɛ gɔ.

DANIƐLƐ 8:3

Nɛ mi nɛa we ka mɔ, nɛ mi zɔ wili bata, nɛ nde a yula dɛ nu lì ni. A do zamba zu a bɔa, nɛ ma dulu wena. Mbee nɛ dulu nɛa ngɔ ngbɛ ɛ. Zamba a kɛ dulu wena ni, ma kunu do ngɔ go'do.

Mike 4:13

NWA Gale tɔ̃a hã owi Yeruzalɛmɛ na: “Nɛ kúlú ngɔ dɛ tɛ Owi sɛnɛ nɛ, nɛ nɛ ha ngamɔ hã wa. Mi dɛ sɛ na, nɛ nganda ɔ nɛ wili ngɔmbɔ, kɛ zamba zu a do tambala nyanga a nganda nɛ́ mɔ bolo ni. Nɛ nɛ gbɛ sɛ ogele winɔ wena. Nɛ kala sɛ odia mɛnɔ, kɛ wa zũ zi kɔ̃ Owele ni, nɛ nɛ dɔnggɔ sɛ do mi Gale, kɛ mi a NWA ngɔ omɛnɔ nù gɛ vɛ̃ ni.”

HABAKUKƐ 3:4

A ma ngɔ tɛ nɛ, nɛ a nyɛ ɔ nɛ we ni, nɛ sala nu we ma za'da do zã kɔ̃ a, kɛ mɛ a fala a usu do ngawi 'da a ni.

ZAKARIA 3:9

Mi ba sɛ ta kpo, nɛ mi zĩ sɛ ma dati Yozue, nɛ ta ni sɛ do kpolo nɛ sambo, nɛ ma ndele sɛ gɔ̃lĩ gɔ̃lĩ. Mi do tɛ mi, mi kɔmɔ sɛ mɔ dɛ ngɔ nɛ. Nɛ mi fo sɛ 'dã mɛ kɛ ma 'danga nùi gɛ ni 'do tũ kpo iko. Mi NWA ngɔ mɔ nyanga nza vɛ̃, mi tɔ̃a ni.

LUKA 1:69

A tumba wi kpasa wi hã lɛ. Wi ni do ngawi wena, a a be zã Davidi, wi toe 'da a.

YOANƐ 1:29

Fala nɛa we sa 'do nɛ, nɛ Yoanɛ zɔ Yezu tɛ tɛ 'da a nga, nɛ a tɔ̃ hã owinɔ na: “Nɛ zɔ́, Be Bata 'da Gale kɛ a fo sɛ ku'da 'dã mɛnɔ zu winɔ ni, a kɛ!

YOANƐ 1:36

Kɔ a nɛa we zɔ Yezu tɛ la nɛ, nɛ a tɔ̃ na: “Nɛ zɔ́, Be Bata 'da Gale, a kɛ!”

Owi Nɛ Tonɔ 8:32

Nɛ nde fala kɔ 'buki kɛ a tɔlɔ zi ni, mɛ a kɛ ma tɔ̃ na: “A ɔ zi nɛ bata kɛ wa nɛ do a we gbɛ a, tabi kɛ wa kɛlɛ sala tɛ́ a, nɛ nde a bí gɔ ni.

USU MƐNƆ 1:4

Mi Yoanɛ, mi tombo balɛ hã nɛ oeklezianɔ tɛ kɔ de sambo ngɔ nù Azi. E kɔ Gale kɛ a zɛ́ boe, nɛ a sɔɛ gɛ boe, nɛ a tɛ sɛ ni, a be dia zã hã nɛ, nɛ a dɛ na, nɛ ɔ do gɛa sila. E kɔ ohi winɔ sambo, kɛ wa yolo dati kpongbo nwa 'da Gale ni, wa be 'bɔ dia zã, nɛ wa hã gɛ̃a dungu hã nɛ.

USU MƐNƆ 12:11

Onya lɛ wa nɛa ngɔ a, we duzu tɔkɔ tɛ Be Bata, do we nu Gale kɛ wa bia zi hã winɔ ni. Wa lènggè zi do kpasi 'da wa ngɔ nù gɛ gɔ, nɛ nde wa hã zi tɛ wa li fio we duzu we nu Gale.

USU MƐNƆ 13:8

Nɛ winɔ ngɔ nù gɛ, wa dɔnggɔ sɛ sa'de ni. Winɔ ni, wi a wanɔ kɛ Gale kɔ̀mɔ̀ zɛ́ li wa kɔ 'Buku Kpasi, dati kɛ a ndua zɛ́ nyanga dɛ mɛnɔ vɛ́ ni gɔ ni. 'Buku Kpasi ni, mɛ a kɛ 'da Be Bata kɛ wa gbɛa zi a ni.

USU MƐNƆ 14:1

'Do ki ni, nɛ mi nɛ ka mɔ, nɛ mi zɔ Be Bata, nɛ nde a yolo dɛ ngɔ kala Sioni, fala nɛ kpo do ogili wele koto kama do 'bu wa nalɛ ngɔ wa nalɛ (144.000). Wa kɔma li a, do li Baa a dɛ dati owinɔ ni.

USU MƐNƆ 17:14

Wa bi sɛ bolo do Be Bata, nɛ Be Bata nɛ ngɔ wa, we kɛ a a Nwa ngɔ Onwanɔ, nɛ to nwa 'da a nɛa ngɔ to nwanɔ vɛ. Nɛ winɔ 'da a, kɛ a sa zɛ́ mɔ hã wa, nɛ a saka zɛ́ wa, nɛ wa kàfà a gɔ ni, wa nɛ sɛ ngɔ Onwanɔ ni fala nɛ kpo do a.”

USU MƐNƆ 21:22

Nɛ mi zɔ̀ Tɛmpɛloe kɔ gã le ni gɔ, we kɛ Tɛmpɛloe kɔ le ni, wi a Nwa Gale, kɛ a do nganda vɛ ni, wa do Be Bata.

USU MƐNƆ 21:23

Wese do zɛkɛ to kɔ le ni gɔ, we duzu kɛ yele ngbala 'da Gale do kɛ 'da Be Bata yele kɔ nɛ.

USU MƐNƆ 22:1

Nɛ anzɛ bia 'bɔ gba fua lì, kɛ ma hã kpasi ni hã mi. Li lì ni gɛ̃lã ɔ nɛ kristalɛ ni, nɛ ma tɛ kũ dɛ ti kpongbo nwa 'da Gale do Be Bata.

USU MƐNƆ 22:3

Nɛ mɔ kɛ Gale fɔmbɔ ma ni sɛ 'bɔ di ni bina. Kpongbo nwa 'da Gale do Be Bata, ma ɔ sɛ dɛ kɔ gã le ni, nɛ Owi dɛa tonɔ 'da Gale wa dɔnggɔ sɛ a.

USU MƐNƆ 4:8

Otunu li mɛnɔ nalɛ ni, wa do 'baka wa gazɛlɛ gazɛlɛ ɔ nɛ 'baka nɔɛ ni. Nɛ gbali wa kpa do tɛ 'baka wa vɛ̃, ombe do ngɔ, nɛ ombe do ti nɛ. Nɛ wa tɛ ga zuma fai, tũ do gba wese na: “Mɔ a santo, mɔ a santo, mɔ a santo. Mɔ a Nwa Gale kɛ mɔ do nganda vɛ̃. Mɔ zɛ́ boe, nɛ mɔ sɔɛ gɛ boe, nɛ mɔ tɛ sɛ.”

USU MƐNƆ 5:11

Nɛ mi zɔa ogili anzɛ, kɛ wele wè tɛ tɔlɔ wa gɔ ni. Wa linggi kpongbo nwa, do Otunu li mɛnɔ nalɛ, do okpasa winɔ ni takpa. Nɛ mi zele gɛlɛ wa

USU MƐNƆ 5:12

tɛ ga zuma nganda wena na: “Be Bata kɛ wa gbɛa zi a ni, a wia do nwa, nɛ a do kpamɔ, do hã zã, do ngawi. E kɔ a kpa dɔ̃lɔ̃ li, do dɔngga wi, nɛ wa tɔ̃ de sako li a.”

USU MƐNƆ 5:13

Nɛ 'do nɛ, nɛ mi zila 'bɔ wala gɛlɛ mɛnɔ vɛ kɛ Gale dɛa kɔ li nza i, do ngɔ nù gɛ, do kɔ le 'da ofionɔ, do kɛnɔ 'dɔ gba lì ni tɛ ga zuma na: “E kɔ wi dungu ngɔ kpongbo nwa, do Be Bata wa kpa dɔngga wi, do dɔ̃lɔ̃ li, do ngawi, nɛ lɛ tɔ̃ de sako li wa kɔ sabɛlɛ do sabɛlɛ!”

USU MƐNƆ 5:14

Nɛ otunu li mɛnɔ nalɛ ni wa gese na: “Amɛ!” Nɛ okpasa winɔ wa gu gba zugolo, nɛ wa dɔnggɔ wa.

USU MƐNƆ 6:16

Nɛ wa he mɔ hã kalanɔ do tanɔ na: “Nɛ té dɛ ngɔ lɛ, nɛ nɛ úsú lɛ, dɔ Wi dungu ngɔ kpongbo nwa zɔ́ lɛ, hã dã ba Be Bata dɛ tɛ lɛ gɔ.

1 SAMUƐLƐ 2:10

NWA dɛ na, kolo o dã tɛ li nza 'di, nɛ a gbɛ owi sɛnɛ a. A gɔnɔ wenɔ gbaa tɛ ndɔti nùi vɛ̃. A hã nganda hã nwa kɛ a saka a ni. Nɛ a hã ngawi hã dɛa to nwa 'da a.”