USU MƐNƆ 5:5 - WE NU GALE 1995

⁵ Nɛ mbe sanga kpasa winɔ ni tɔ̃ hã mi na: “Mɔ tɛ hè gɔ. Mɔ zɔ́, wi kɛ wa sa li a na: “Gbɔgbɔ kɔ nu kpala Yuda”, nɛ wa kua a kɔ nu fɛlɛ nwa Davidi ni, a nɛa ngɔ owi sɛnɛ a vɛ̃, nɛ a wia we ɛlɛ ndakanɔ sambo nu 'buki gɛ, nɛ a hũi li nɛ.”

USU MƐNƆ 5:5 Iomraidhean Croise

1 Onwanɔ 10:20

Wa sɛa 'bɔ ogbɔgbɔ 'bu ngɔ wa bɔa, nɛ wa a wa do 'da 'dinggilinɔ ni bɔa bɔa, gazɛlɛ ngɔ ngawili kɔ̃, nɛ gazɛlɛ ngɔ gale. Fo mbe kpongbo nwa na mɛ ni zi ngɔ gele nù bina.

2 Sakonɔ 9:18

Wa ia kpongbo nwa ni do ngɔ, nɛ wa kũ ngɔ 'dinggili nyanga wi gazɛlɛ sɛ nɛ wa hɔ se'de de. Wa dula zi mɔ mbali, nɛ wa e dɛ ti kpongbo nwa ni we a nyanga wi ngɔ nɛ. Nɛ kpongbo nwa ni zi do 'baka nɛ bɔa. Nɛ wa sɛa ogbɔgbɔ bɔa, nɛ wa a wa kɛ zã nɛ, mbe kpo ngɔ gale, nɛ mbe kpo ngɔ ngawili kɔ.

YƆBƆ 41:15

Ndala tɛ̃ a dĩlĩ ngɔ ngbɛ ɛ wena, nɛ ma nãlã dɛ tɛ̃ a nganda nɛ mba mɔ ni, ma wè tɛ ɛ̃lɛ̃ nɛ gɔ.

Ezai 11:1

Nu fɛlɛ Yɛse, ma ɔ nɛ zugbulu te ni, nɛ nde mbé bɔlɔ te ma kunu tɛ nɛ. Bɔlɔ te ni, mɛ a mbé nwa kɛ wa ko sɛ a tɛ nu fɛlɛ Yɛse ni.

Ezai 11:10

Do ngba soe ni, be olo Yɛse sɛ a gã wi be wala hã owinɔ ngɔ nù gɛ vɛ̃. Onu kɔnggɔ winɔ kpi do kpi wa tɛ sɛ 'da a, nɛ a tɔ̃ sɛ mbula hã wa. Nɛ dɔlɔ li 'da Gale, ma yele sɛ fala a ɔ nɛ ni.

Yeremi 31:16

Nɛ nde NWA tɔ̃a hã a na: “Mɔ ɔmɔ tɛ he kɔ̃a, mɔ dílí mili kɔ̃a li mɔ do'do, we kɛ mi si sɛ olo zɛlɛ tɛnɔ vɛ̃ kɛ mɔ kpa we obenɔ 'da mɔ ni hã mɔ. Wa yolo sɛ ngɔ nùi 'da Owi sɛnɛ wa, nɛ wa si sɛ.

DANIƐLƐ 7:16

Nɛ mi nɛa, nɛ mi kɔlɔ do mbe wele kpo kɔ owinɔ wa yolo di ni ni, nɛ mi aka a na, a tɔ̃ ngbongbo gulu mɛ mi zɔa li yalɛ ni hã mi. Nɛ a tɔ̃a gulu nɛ hã mi.

Tɔlɔ Mɔ 24:9

Wa ɔ nɛ gbɔgbɔ kɛ a ɔ nù, nɛ nde fo wi tɔ̃ na, a kulu ngɔ bina ni. “Wi kɛ a wélé nu a tɛ obe Israɛlɛ, nɛ Gale a wele sɛ nu a tɛ̃ a. Wi kɛ a fɔ́mbɔ́ obe Israɛlɛ, nɛ Gale a fɔmbɔ sɛ a.”

LUKA 23:28

Nɛ Yezu siki tɛ̃ ɛ, nɛ a tɔ̃ hã owukonɔ ni na: “Aa nɛ, owuko Yeruzalɛmɛ, nɛ tɛ hè kɔ̃a mi gɔ! Nɛ hé kɔ̃a tɛ nɛ, do obenɔ 'da nɛ!

LUKA 7:13

Kɔ Nwa Yezu nɛa we zɔ wuke ni, nɛ 'bako ba li a wena, nɛ a tɔ̃ hã a na: “Mɔ tɛ hè gɔ!”

LUKA 8:52

Nɛ winɔ vɛ̃ wa tɛ te nzɛlɛ do he kɔ̃a be. Nɛ Yezu tɔ̃ hã wa na: “Nɛ tɛ hè gɔ. Be gɛ fè gɔ, a ɔa yala iko.”

YOANƐ 20:13

Nɛ oanzɛnɔ ni wa aka Maria na: “Aa wuko, mɔ he kɔ̃a ge nde?” Nɛ a gese hã wa na: “Wa ba wɔlɔ nwa 'da mi do'do, nɛ mi ĩ̀ fala wa ia do a ni gɔ.”

ROMA 1:3

Sakoe ni ma tɔ̃ gulu we 'da e 'da a Yezu Kristo, kɛ a a Nwa 'da lɛ ni. A a wele, nɛ wa kua a dɛ kɔ nu fɛlɛ kula 'da nwa Davidi.

ROMA 15:12

Nɛ Ezai, wi gba do nu Gale tɔ̃a 'bɔ na: “Mbe be zã Yɛse a tɛ sɛ, nɛ a dungu sɛ nwa ngɔ ogele winɔ, nɛ wa gbini sɛ zã wa do a.”

OHEBRE 7:14

Winɔ vɛ̃ wa ĩ na, a a wi nu kpala Yuda. Nɛ 'da fala kɛ Mɔizɛ tɔ̃ zɛ́ we dɛa to nganga ni, a sà zi li nu kpala Yuda tɛ nɛ gɔ.

USU MƐNƆ 1:1

'Buki gɛ, ma tɔ̃ lɛnggɛ ngɔ usu mɛnɔ kɛ Yezu Kristo bia hã Owi dɛa tonɔ 'da a, takɔ wa ĩ ti mɛnɔ kɛ ma hɔ sɛ ngangga gɛ ni. Gale bia ma hã Kristo dati, nɛ Kristo tumba anzɛ 'da a we be ma hã mi Yoanɛ, wi dɛa toe 'da a.

USU MƐNƆ 22:16

“Mi Yezu, mi tumba anzɛ 'da mi, we tɔ̃ wenɔ gɛ hã eklezianɔ. Mi a wi nu fɛlɛ nwa Davidi. Mi a gbandolo titole kɛ ma to wena ni.”

USU MƐNƆ 3:21

Wi kɛ a kunu sila a kɔ ngamɛnɔ gbaa we hɔ ndɔti nɛ, nɛ mi hã sɛ wala hã a we dungu do mi ngɔ kpongbo nwa 'da mi, ɔ nɛ kɛ mi kunu zi tɛ mɛ 'bɔ sila mi gbaa we hɔ ndɔti nɛ, nɛ mi dungu do Baa mi ngɔ kpongbo nwa 'da a ni.

USU MƐNƆ 4:10

'Da fala kɛ wa ma ngɔ ga zumanɔ ni, nɛ okpasa winɔ 'bu wa bɔa ngɔ wa nalɛ ni, wa gu gba zugolo dati wele kɛ a dungu ngɔ kpongbo nwa, nɛ a do kpasi kɔ sabɛlɛ do sabɛlɛ ni. Nɛ wa dɔnggɔ a, nɛ wa a ondasa nwanɔ 'da wa dɛ dati kpongbo nwa 'da a ni, nɛ wa tɔ̃ na:

USU MƐNƆ 4:4

Nɛ ombe gele kpongbo nwa 'bu nɛ bɔa ngɔ nɛ nalɛ, ma zĩ 'bɔ kuti kpongbo nwa ni takpa. Nɛ okpasa wi 'bu wa bɔa ngɔ wa nalɛ, wa dungu ngɔ nɛ. Wa hi'da fɛa tulu, nɛ wa gu ndasa nwa zu wa, mɛ a ondasa mɔ mbali.

USU MƐNƆ 5:4

Kɔ mi nɛa we zɔ na, wele kpo wè tɛ hũi ma we tɔlɔ we kɔ nɛ gɔ ni, nɛ mi he wena.

USU MƐNƆ 6:1

Nɛ 'do ki ni, nɛ mi zɔ Be Bata tɛ ɛlɛ kuti ndaka nu 'buki ni, nɛ mi zele mbe kpo sanga tunu li mɛnɔ nalɛ ni tɛ he mɔ, nɛ wala gɛlɛ a dɔ̃lɔ̃ nɛ́ ua dã kolo ni na: “Mɔ tɛ́!”

USU MƐNƆ 7:13

Nɛ mbe sanga okpasa winɔ ni aka mi na: “Owinɔ kɛ wa hi'da du fɛa tulunɔ ni wa a wio nde? Nɛ wa yula do nde?”