USU MƐNƆ 5:13 - WE NU GALE 1995

¹³ Nɛ 'do nɛ, nɛ mi zila 'bɔ wala gɛlɛ mɛnɔ vɛ kɛ Gale dɛa kɔ li nza i, do ngɔ nù gɛ, do kɔ le 'da ofionɔ, do kɛnɔ 'dɔ gba lì ni tɛ ga zuma na: “E kɔ wi dungu ngɔ kpongbo nwa, do Be Bata wa kpa dɔngga wi, do dɔ̃lɔ̃ li, do ngawi, nɛ lɛ tɔ̃ de sako li wa kɔ sabɛlɛ do sabɛlɛ!”

USU MƐNƆ 5:13 Iomraidhean Croise

1 Sakonɔ 29:11

Aa NWA, mɔ a wele ngawi, do gã wi, do dɔ̃lɔ̃ li, nɛ mɔ a gã nwa ngboo. Mɔ a wele mɛnɔ li nza i do nù nga vɛ̃. Mɔ a NWA, nɛ wele mɛnɔ vɛ̃ a mɔ́ mɔ.

Ezai 24:14

Owinɔ kɛ wa fè gɔɛ ni, wa ga zuma we dɔnggɔ do NWA Gale, we kɛ a gã wena. Owinɔ si 'biti gɛ̃a wese, wa he mɔ do yangga,

Ezai 42:10

Nɛ gá mbé zuma we dɔnggɔ do nwa! Aa nɛ, owinɔ ngɔ nù gɛ vɛ̃, nɛ sámbálá a! Nɛ, owi yɛnggɛ ngɔ gba lì, nɛ sámbálá a! Nɛ, osa'denɔ do Otunu li mɛnɔ vɛ̃ ti lì gɛ, do owinɔ kɛ lenɔ 'da nɛ ma nyɛlɛ wena ni, nɛ vɛ̃ nɛ sámbálá NWA.

MATIE 6:13

Mɔ tɛ là lɛ, kɔ sila lɛ ɔkɔlɔ lɛ gɔ, nɛ nde mɔ fó lɛ kɔ 'dã mɔ do'do.’ [We kɛ mɔ a Nwa, nɛ mɔ do dɔ̃lɔ̃ li, do ngawi kɔ sabɛlɛ do sabɛlɛ! Amɛ.]

LUKA 2:14

“Dɔngga wi hã Gale tɛ li nza i, nɛ dungu fio ɔ do winɔ kɛ a kɔ̃a gɛnɛ wa ngɔ nù gɛ ni!”

YOANƐ 1:29

Fala nɛa we sa 'do nɛ, nɛ Yoanɛ zɔ Yezu tɛ tɛ 'da a nga, nɛ a tɔ̃ hã owinɔ na: “Nɛ zɔ́, Be Bata 'da Gale kɛ a fo sɛ ku'da 'dã mɛnɔ zu winɔ ni, a kɛ!

ROMA 11:36

Mba gɔ, mɛnɔ vɛ́ ma yula 'da a, nɛ a a zɔ mɔ tɛ ma, nɛ ma ɔ we duzu a. E kɔ Gale kpa dɔ̃lɔ̃ li kɔ sabɛlɛ do sabɛlɛ! Amɛ.

ROMA 16:27

E kɔ Gale kɛ a zu a kpo a wi hã zã ni, a kpa dɔ̃lɔ̃ li, do wala 'da Yezu Kristo kɔ sabɛlɛ do sabɛlɛ! Amɛ.

ROMA 9:5

Wa a obe zã okpasa baa lɛ, nɛ Kristo hɔa wele, nɛ wa kua a kɔ nu fɛlɛ wa. Nɛ Kristo ni, a a Gale kɛ a ngɔ mɛnɔ vɛ. E kɔ lɛ dɔnggɔ a kɔ sabɛlɛ do sabɛlɛ! Amɛ.

EFƐZƐ 3:21

E kɔ lɛ owinɔ kɔ Eklezia kɛ lɛ mba kpo do Yezu Kristo ni, lɛ dɔnggɔ Gale 'da fala fai kɔ sabɛlɛ do sabɛlɛ! Amɛ.

FILIPƐ 2:10

A dɛa ní na, winɔ li nza i, do wanɔ nù gɛ, do ofionɔ ti nù gɛ vɛ̃, wa dɔnggɔ zu li Yezu, nɛ wa gu nù ti a,

KƆLƆSƐ 1:23

Nɛ nde ma wia na, nɛ 'be kɔ̃a we 'da nɛ nɔ, nɛ nɛ yolo nganda nɛ́ tɔa kɛ wa a nyanga nɛ dɛ ngɔ ta ni. Nɛ dɔ wele kpo ɔ́lɔ́ nɛ na, nɛ la fala gbini zã nɛ do Dia Sakoe kɛ wa bia zi ma hã nɛ ni gɔ. Dia Sakoe ni, wa bia ma hã owinɔ ngɔ nù gɛ vɛ̃, nɛ mi Polo mi hɔa wi nɛ to we be ma.

1 TIMOTE 4:16

Li mɔ sɔ̃́ngɔ kili tɛ mɔ, do ngɔ wenɔ mɔ be ni, nɛ mɔ hã́ tɛ mɔ we nɛ. Mɔ dɛ ní, nɛ mɔ kpasa sɛ, fala nɛ kpo do winɔ kɛ wa zele mɔ ni.

1 PETRO 4:11

Wi kɛ a a wi be mɔ, nɛ ma wia na, a be we nu Gale. Wi kɛ a a wi gala Owele, nɛ ma wia na, a dɛ ma do ngawi kɛ Gale hã ma hã a ni. Nɛ dɛ́ ni, takɔ dɛa mɔ tɛ nɛ vɛ, ma hã dɔ̃lɔ̃ li hã Gale we duzu Yezu Kristo, kɛ a do dɔ̃lɔ̃ li do ngawi kɛ ndɔti nɛ bina ni! Amɛ.

1 PETRO 5:11

A a nwa kɔ sabɛlɛ do sabɛlɛ! Amɛ.

YUDA 1:25

Lɛ dɔ́nggɔ́ Gale, kɛ a a Gale zu a kpo, nɛ a kpasa lɛ do wala 'da Nwa 'da lɛ Yezu Kristo ni. E kɔ winɔ wa dɔnggɔ a, nɛ wa hã dɔ̃lɔ̃ li hã a! A do ngawi, nɛ a dungu sɛ nwa fai. Ma ɔ zɛ́ ni dati gbaa we hɔ sɔɛ gɛ, nɛ ma sɛ 'bɔ na mɛ ni kɔ sabɛlɛ do sabɛlɛ! Amɛ.

USU MƐNƆ 1:6

Nɛ a ia lɛ do onganga kɔ le nwa 'da Baa a Gale, we dɛ to hã a. E kɔ Kristo ɔ do dɔ̃lɔ̃ li, do ngawi kɔ sabɛlɛ do sabɛlɛ! Amɛ.

USU MƐNƆ 13:8

Nɛ winɔ ngɔ nù gɛ, wa dɔnggɔ sɛ sa'de ni. Winɔ ni, wi a wanɔ kɛ Gale kɔ̀mɔ̀ zɛ́ li wa kɔ 'Buku Kpasi, dati kɛ a ndua zɛ́ nyanga dɛ mɛnɔ vɛ́ ni gɔ ni. 'Buku Kpasi ni, mɛ a kɛ 'da Be Bata kɛ wa gbɛa zi a ni.

USU MƐNƆ 5:1

Nɛ mi ka mɔ, nɛ mi zɔ wi dungu ngɔ kpongbo nwa ni, nɛ nde a 'bia kasa 'buku do ngawili kɔ̃ a. Wa kɔma mbɛti li nɛ do 'do nɛ, nɛ wa nãlã nu nɛ do ndaka fala sambo.

USU MƐNƆ 5:12

tɛ ga zuma nganda wena na: “Be Bata kɛ wa gbɛa zi a ni, a wia do nwa, nɛ a do kpamɔ, do hã zã, do ngawi. E kɔ a kpa dɔ̃lɔ̃ li, do dɔngga wi, nɛ wa tɔ̃ de sako li a.”

USU MƐNƆ 5:3

Nɛ nde wele kpo ngɔ nù gɛ, tabi li nza i, tabi kɔ le 'da ofionɔ wè tɛ hũi nu 'buki ni, nɛ a tɔlɔ we kɔ nɛ gɔ.

USU MƐNƆ 5:6

Nɛ mi zɔ Be Bata kpo, a yula dɛ dati kpongbo nwa ni. Nɛ Otunu li mɛnɔ nalɛ, do okpasa winɔ ni wa linggi a takpa. Be Bata ni ɔ nɛ wa gbɛa a gbɛa ni. Zamba zu a sambo, nɛ gbali a sambo. Gbali a sambo ni, mɛ a hi winɔ sambo kɛ Gale tumba wa nyanga nza gɛ vɛ̃ ni.

USU MƐNƆ 5:9

Nɛ wa vɛ̃ wa ga mbé zuma na: “Mɔ wia do ba kasa 'buki, nɛ mɔ ɛ̃lɛ̃ ndaka wa nãlã do nu nɛ ni. We kɛ wa gbɛa zi mɔ, nɛ mɔ gɔnɔ zu ogba gili wele do tɔkɔ tɛ mɔ, nɛ mɔ hã wa hã Gale. Winɔ mɔ gɔna zu wa ni, wa a wi kɔ nu fɛlɛ kulanɔ, do lɛnggɛnɔ, do nu kpalanɔ, do kɔ lenɔ vɛ.

USU MƐNƆ 6:16

Nɛ wa he mɔ hã kalanɔ do tanɔ na: “Nɛ té dɛ ngɔ lɛ, nɛ nɛ úsú lɛ, dɔ Wi dungu ngɔ kpongbo nwa zɔ́ lɛ, hã dã ba Be Bata dɛ tɛ lɛ gɔ.