USU MƐNƆ 5:10 - WE NU GALE 1995

¹⁰ Nɛ mɔ a wa vɛ do onganga kɔ le nwa 'da Gale 'da lɛ, we dɛ to hã a, nɛ wa dungu sɛ nwa ngɔ nùi gɛ.”

USU MƐNƆ 5:10 Iomraidhean Croise

Kulu Tɔa 19:6

nɛ nɛ sɛ a owinɔ 'da mi kɛ mi saka nɛ, nɛ nɛ dɛ sɛ to nganga hã mi. Wenɔ kɛ mɔ tɔ̃ sɛ hã obe Israɛlɛ gɛ a ni.”

DANIƐLƐ 7:18

'Do nwanɔ nalɛ ni, nɛ owinɔ 'da Gale kɛ a gã nɛa ngɔ mɔ vɛ̃ ni, wa ba sɛ to nwa. Nɛ wa fɔmɔ sɛ ma gbaa, ndɔti nɛ sɛ bina.’

DANIƐLƐ 7:27

Wa hã sɛ ngawi hã owinɔ 'da Gale, kɛ a gã nɛa ngɔ mɔ vɛ̃ ni. Nɛ wa e sɛ wa do nwa, nɛ lenɔ ngɔ nù gɛ vɛ̃ sɛ ti mbula 'da wa. Dɛa to nwa 'da wa, ma ɔ sɛ fai, ndɔti nɛ sɛ bina. Nɛ owi ngawinɔ ngɔ nù gɛ, wa zele sɛ nu wa, nɛ wa dɛ to hã wa.’

USU MƐNƆ 1:6

Nɛ a ia lɛ do onganga kɔ le nwa 'da Baa a Gale, we dɛ to hã a. E kɔ Kristo ɔ do dɔ̃lɔ̃ li, do ngawi kɔ sabɛlɛ do sabɛlɛ! Amɛ.

USU MƐNƆ 20:4

Nɛ 'do ki ni, nɛ mi zɔ okpongbo nwa, nɛ owinɔ ngɔ nɛ ni wa do ngawi we 'bili we. Nɛ mi zɔ 'bɔ hi winɔ kɛ wa 'bili zi gɛlɛ wa, we kɛ wa bia gulu we 'da Yezu, do we nu Gale hã Owele ni. Wi a wanɔ kɛ wa dɔ̀nggɔ̀ zi sa'de ni gɔ, nɛ wa dɔ̀nggɔ̀ 'bɔ hi a gɔ, nɛ wa gɔ̀nɔ̀ zi dã 'da a dati wa, do tɛ kɔ̃ wa gɔ ni. Kɔ Gale tunu wa kɔ fio, nɛ wa dungu nwa fala nɛ kpo do Kristo gbaa we sabɛlɛ koto kpo.

USU MƐNƆ 20:6

Winɔ kɛ wa tunu dati ni, wa do yangga wena, we kɛ Gale wele nu a tɛ wa. Bɔa fio do ngawi ngɔ wa bina. Wa sɛ a onganganɔ 'da Gale do Kristo, nɛ wa dungu sɛ nwa fala nɛ kpo do Kristo gbaa we sabɛlɛ koto kpo.

USU MƐNƆ 22:5

Tũ tu sɛ kɔ le ni gɔ, nɛ winɔ wa sɛ do wɔ tɛ nyɛa we mwinda, tabi tua wese bina, we kɛ yele ngbala 'da Nwa Gale ma yele sɛ ngɔ wa. Nɛ wa dungu sɛ nwa kɔ sabɛlɛ do sabɛlɛ.

USU MƐNƆ 3:21

Wi kɛ a kunu sila a kɔ ngamɛnɔ gbaa we hɔ ndɔti nɛ, nɛ mi hã sɛ wala hã a we dungu do mi ngɔ kpongbo nwa 'da mi, ɔ nɛ kɛ mi kunu zi tɛ mɛ 'bɔ sila mi gbaa we hɔ ndɔti nɛ, nɛ mi dungu do Baa mi ngɔ kpongbo nwa 'da a ni.