USU MƐNƆ 5:1 - WE NU GALE 1995

¹ Nɛ mi ka mɔ, nɛ mi zɔ wi dungu ngɔ kpongbo nwa ni, nɛ nde a 'bia kasa 'buku do ngawili kɔ̃ a. Wa kɔma mbɛti li nɛ do 'do nɛ, nɛ wa nãlã nu nɛ do ndaka fala sambo.

USU MƐNƆ 5:1 Iomraidhean Croise

Ezai 29:11

Wenɔ kɛ owi gba olo nu Gale wa tɔ̃ hã nɛ ni, nɛ ĩ́ 'bɔ ti gulu ma gɔ. Ma usu tɛ̃ ɛ hã nɛ ɔ nɛ we kɔ mbɛti kɛ wa gu sanga nɛ, nɛ wa nãlã nu nɛ ni. Fala kɛ nɛ ba mbɛti ni hã wele na, a tɔlɔ ma hã nɛ, nɛ a tɔ̃ sɛ hã nɛ na: “Mi wè we tɔlɔ ma gɔ, we kɛ wa nãlã nu nɛ nãlã.”

Ezai 34:16

Fala kɛ nɛ ba 'Buki 'da NWA Gale, hã nɛ fa kɔ nɛ, nɛ nɛ tɔlɔ sɛ wenɔ gɛ: Sa'de kpo kɔ wa ni 'bànà 'do gɔ, nɛ mbe kpo zɔlɔ gɔ. NWA ba nu a hã wa, nɛ wa tɛa, nɛ Hi Wi 'da a ma mba li wa.

Ezai 8:16

Toe kɛ NWA tumba ni, mi usu ma kɔ koe tulu. Mi kasa mbɛti mbula 'da a, nɛ mi nãlã nu nɛ. Mi e sɛ ma dɛ kɔ Owi yambala mɛnɔ 'da mi na, wa zu wa kpo, wa zɔ mɔ tɛ nɛ.

DANIƐLƐ 8:26

Hã mɔ ĩ́ na, mɛ kɛ mɔ zɔa ma si ngɔ dɔnggamɛnɔ, kɛ wa hã ma do gɛ̃a wese do titole, nɛ wa tɔ̃a gulu nɛ hã mɔ ni, mɛ a gbãlã we. Kɔ mɔ usu ma dɛ kɔ zã mɔ, mɔ tɛ tɔ̃̀ ma gɔ. Mba gɔ, ngba soe ma dɛ sɛ tɛ̃ ɛ ni, ma 'bana nyɛlɛ wena.’

ZAKARIA 5:1

Mi ka 'bɔ mɔ do li yalɛ, nɛ mi zɔ kasa 'buku, wa yala li nɛ yala, nɛ ma tɛ bũlũ do zã bũ gɛ.

USU MƐNƆ 10:2

Nɛ a 'bia be 'buku dɛ kɔ̃ a, mɛ a hũi li nɛ. A zĩ ngawili nyanga a ngɔ gba lì, nɛ a zĩ gale nyanga a ngɔ nga nùi.

USU MƐNƆ 4:3

Nɛ wi ni nyɛ ɔ nɛ odia tanɔ li nɛ a yaspɛ do sardɔanɛ ni. Nɛ ndumbe zĩ kpongbo nwa takpa. Ndumbe ni ndele ɔ nɛ dia ta li nɛ a emɛrɔdɛ ni.

USU MƐNƆ 4:9

Nɛ Otunu li mɛnɔ ni wa tɛ ga zuma hã wi kɛ a dungu ngɔ kpongbo nwa, nɛ a do kpasi kɔ sabɛlɛ do sabɛlɛ ni. Nɛ wa dɔnggɔ a, nɛ wa tɔ̃ de zu li a, nɛ wa hã iɔ̃nae hã a.

USU MƐNƆ 5:13

Nɛ 'do nɛ, nɛ mi zila 'bɔ wala gɛlɛ mɛnɔ vɛ kɛ Gale dɛa kɔ li nza i, do ngɔ nù gɛ, do kɔ le 'da ofionɔ, do kɛnɔ 'dɔ gba lì ni tɛ ga zuma na: “E kɔ wi dungu ngɔ kpongbo nwa, do Be Bata wa kpa dɔngga wi, do dɔ̃lɔ̃ li, do ngawi, nɛ lɛ tɔ̃ de sako li wa kɔ sabɛlɛ do sabɛlɛ!”

USU MƐNƆ 5:7

Nɛ Be Bata nɛa, nɛ a ba 'buki kɔ̃ wi dungu ngɔ kpongbo nwa ni.

USU MƐNƆ 6:1

Nɛ 'do ki ni, nɛ mi zɔ Be Bata tɛ ɛlɛ kuti ndaka nu 'buki ni, nɛ mi zele mbe kpo sanga tunu li mɛnɔ nalɛ ni tɛ he mɔ, nɛ wala gɛlɛ a dɔ̃lɔ̃ nɛ́ ua dã kolo ni na: “Mɔ tɛ́!”

USU MƐNƆ 6:16

Nɛ wa he mɔ hã kalanɔ do tanɔ na: “Nɛ té dɛ ngɔ lɛ, nɛ nɛ úsú lɛ, dɔ Wi dungu ngɔ kpongbo nwa zɔ́ lɛ, hã dã ba Be Bata dɛ tɛ lɛ gɔ.

USU MƐNƆ 8:1

'Da fala Be Bata nɛa we ɛlɛ sambo ndaka nu 'buki ni, nɛ ngɔ tɛ mɛnɔ li nza i ni gɛa kpi kpi kpi, gbaa dɔ̃ɔ do miniti 'bu nɛ talɛ.