USU MƐNƆ 4:8 - WE NU GALE 1995

⁸ Otunu li mɛnɔ nalɛ ni, wa do 'baka wa gazɛlɛ gazɛlɛ ɔ nɛ 'baka nɔɛ ni. Nɛ gbali wa kpa do tɛ 'baka wa vɛ̃, ombe do ngɔ, nɛ ombe do ti nɛ. Nɛ wa tɛ ga zuma fai, tũ do gba wese na: “Mɔ a santo, mɔ a santo, mɔ a santo. Mɔ a Nwa Gale kɛ mɔ do nganda vɛ̃. Mɔ zɛ́ boe, nɛ mɔ sɔɛ gɛ boe, nɛ mɔ tɛ sɛ.”

USU MƐNƆ 4:8 Iomraidhean Croise

Ndo Nyanga Dɛ Mɔ 17:1

Abrama ɔa zi sabɛlɛ 'bu nɛ kusi ngɔ nɛ kusi, nɛ NWA be tɛ̃ ɛ hã a, nɛ a tɔ̃ hã a na: “Mi a Gale kɛ mi do nganda vɛ̃. Mɔ dɛ mbula 'da mi, nɛ mɔ ɔ wi bɔlɔ zu fai.

Zumanɔ 91:1

Wi kɛ a usu tɛ̃ a ti kɔ̃ nwa, nɛ a kele tɛ̃ a do NWA Gale, kɛ a nɛa ngɔ mɔ vɛ̃, nɛ a do nganda vɛ̃ ni,

Kulu Tɔa 15:11

“Aa NWA, gele gale kɛ a wia kɔ̃ do mɔ a wio nde? Gele gale santo ɔ nɛ mɔ gɛ boe nde? Mɔ a wi dɛ oɔngbamɔ, lɛ dɔnggɔ mɔ gbãlã we.

Kulu Tɔa 3:14

Nɛ Gale gese hã Mɔizɛ na: “MI A WI KƐ MI BOE FAI. Mɔ hɔ 'di mɔ, nɛ mɔ tɔ̃ hã obe Israɛlɛ na, MI BOE FAI tumba mɔ hã wa.

Ezai 13:6

Nɛ hé kɔ̃a tɛ nɛ, we kɛ tũ dã 'da NWA kɔla ia. Do kɔ̃ tũi ni, Gale kɛ a do nganda vɛ̃, a 'danga sɛ mɛnɔ ngɔ nù gɛ vɛ̃.

Ezai 62:1

Mi zɛ sɛ nu mi nganda wena we hã ngawi hã nɛ, owi Yeruzalɛmɛ. Mi kpé sɛ nu mi gɔ gbaa na, Gale kpasa nɛ sɛ nɛ de. Nɛ kpasi 'da nɛ ma to sɛ ɔ nɛ nu sala soe ni.

EZEKIƐLƐ 1:18

Kolonɔ nalɛ ni ngala wena, nɛ li 'do nɛ ma dunu do obe tolo we.

EZEKIƐLƐ 1:5

Nɛ mi nɛ ka mɔ, nɛ mi zɔ Otunu li mɔ nalɛ, kɛ wa ɔ nɛ Owele ni.

EZEKIƐLƐ 1:6

Nɛ tunu li mɔ kpo kpo do bula li ɛ nalɛ, do sala 'baka ɛ nalɛ.

EZEKIƐLƐ 10:12

Nɛ tɛ Otunu li mɛnɔ ni, do li 'do wa, do kɔ̃ wa, do osala 'baka wa, mba do okolonɔ vɛ̃, ma dunu do obe tolo we.

YƆƐLƐ 1:15

'Bako wena, kɔ̃ tũi kɛ NWA Gale a gɔnɔ sɛ ngbangga 'da winɔ ni, ma kɔla ia! Mɛ a kɔ̃ tũ kɛ Gale do nganda vɛ̃, a 'danga sɛ mɛnɔ yerr.

Owi Nɛ Tonɔ 20:31

Kɔ li nɛ sɔ̃́, nɛ ta zu nɛ tɛ èlè ngɔ kɛ zi 'do sabɛlɛ talɛ, mi tɛ tɔ̃ mbula hã nɛ tũ do gba wese, do mili kɔ̃a li mi ni gɔ.

2 KORINTƐ 6:18

Mi sɛ a baa nɛ, nɛ nɛ sɛ a benɔ 'da mi. Mi Nwa Gale, kɛ mi do nganda vɛ̃ ni, mi tɔ̃a ni.”

1 TƐSALONIKƐ 2:9

Onyae, nɛ ĩ ti tɛlɛ tɛ kɛ lɛ gbɛa zi do tɛ lɛ li dɛa toe ni. 'Da fala kɛ lɛ be zi Dia Sakoe 'da Gale hã nɛ ni, lɛ dɛ zi to tũ do gba wese na, dɔ lɛ ha dĩ tole hã wele kpo sanga nɛ gɔ.

1 TIMOTE 4:16

Li mɔ sɔ̃́ngɔ kili tɛ mɔ, do ngɔ wenɔ mɔ be ni, nɛ mɔ hã́ tɛ mɔ we nɛ. Mɔ dɛ ní, nɛ mɔ kpasa sɛ, fala nɛ kpo do winɔ kɛ wa zele mɔ ni.

2 TIMOTE 4:2

Mɔ bé we nu Gale hã owinɔ, nɛ mɔ dálá nu mɔ tɛ be ma. Gɛnɛ kɔ mɛ a dia ngba soe, tabi mɛ a 'dã ngba soe nde, nɛ mɔ tɛ mbɔ̀kɔ̀ tɛ be we hã wa gɔ, mɔ bé ma bia fai. Mɔ dã́lã́ dɛ tɛ wa, nɛ mɔ ha kpã sila hã wa, nɛ mɔ bé wenɔ hã wa do du sila ngboo.

OHEBRE 13:8

Yezu Kristo kífí gɔ, a zɛ́ boe, nɛ a sɔɛ gɛ boe, nɛ a sɛ boe fai nɛ́ ã do tɛ̃ a ni.

USU MƐNƆ 1:4

Mi Yoanɛ, mi tombo balɛ hã nɛ oeklezianɔ tɛ kɔ de sambo ngɔ nù Azi. E kɔ Gale kɛ a zɛ́ boe, nɛ a sɔɛ gɛ boe, nɛ a tɛ sɛ ni, a be dia zã hã nɛ, nɛ a dɛ na, nɛ ɔ do gɛa sila. E kɔ ohi winɔ sambo, kɛ wa yolo dati kpongbo nwa 'da Gale ni, wa be 'bɔ dia zã, nɛ wa hã gɛ̃a dungu hã nɛ.

USU MƐNƆ 1:8

Nwa Gale kɛ a do nganda vɛ, kɛ a zɛ́ boe, nɛ a sɔɛ gɛ boe, nɛ a tɛ sɛ ni, a tɔ̃a na: “Mi a Alfa do Omega.” Gulu nɛ na: “Ndo nyanga mɛnɔ vɛ̃ wi a mi, nɛ sɔkpɔ mɛnɔ vɛ 'bɔ a mi.”

USU MƐNƆ 11:17

tɛ tɔ̃ na: “Aa Nwa Gale, mɔ do nganda vɛ̃, mɔ zɛ́ boe, nɛ mɔ sɔɛ gɛ boe. Lɛ hã iɔ̃nae hã mɔ, we kɛ mɔ bia ngawi 'da mɔ, nɛ mɔ dungu nwa ngɔ nùi gɛ.

USU MƐNƆ 14:11

Nɛ zɛ we kɛ ma zɛlɛ tɛ wa ni, ma kutu sɛ fai, nɛ ma é sɛ gɔ. Nɛ winɔ kɛ wa dɔngga sa'de, do hi sa'de, do wanɔ kɛ wa gɔna dã 'da a tɛ wa ni, tũ do gba wese, wa ɔ́mɔ́ sɛ tɛ wa fala kpo gɔ.”

USU MƐNƆ 14:3

Gili winɔ ni wa yula dɛ dati kpongbo nwa 'da Gale, do dati Otunu li mɛnɔ nalɛ, do okpasa winɔ ni, nɛ wa ga mbé zuma. Zuma ni mɛ a zuma kɛ gele wele wè zi tɛ yambala ma gɔ, tati a owinɔ kote kama do 'bu wa nalɛ ngɔ wa nalɛ, kɛ Kristo gɔnɔ zi zu wa ngɔ nù gɛ ni iko.

USU MƐNƆ 15:3

kɔ wa tɛ zɛ zuma kɛ Mɔizɛ, wi dɛa to 'da Gale ga zɛ́ ma ni, do zuma 'da Be Bata na: “Nwa Gale, mɔ do nganda vɛ, mɔ dɛa ogba mɔ, nɛ Owele wa ɔngbɔ ma ɔngba. Mɔ a Nwa ngɔ winɔ vɛ̃. Walanɔ 'da mɔ ma bɔlɔ wena, nɛ wele wia we gbini zã ɛ do ma.

USU MƐNƆ 15:7

Nɛ mbe kpo sanga Otunu li mɛnɔ nalɛ ni tɛa, nɛ a hã bila mɔ mbali sambo hã oanzɛnɔ sambo ni. Bilanɔ ni dunu do nɔ̃lɔ̃ zã 'da Gale, kɛ a do kpasi kɔ sabɛlɛ do sabɛlɛ ni.

USU MƐNƆ 16:14

Wa a o'dã hi winɔ kɛ wa yula 'da Satana, nɛ wa do ngawi we dɛ ogba sɔ̃ mɔ. Nɛ wa nɛa 'da Onwanɔ ngɔ nù gɛ vɛ, takɔ wa mba li wa, we bi bolo do li gã ngba soe 'da Gale, kɛ a do nganda vɛ ni.

USU MƐNƆ 16:7

Nɛ 'do ki ni, nɛ mi zele wala gɛlɛ wele ma yula tɛ gbagala i tɛ tɔ̃ na: “Ma a ni, Nwa Gale do nganda vɛ̃! Mɔ 'bili we 'da owinɔ do wala do nɛ, do bɔlɔ nɛ ngboo!”

USU MƐNƆ 19:15

Du kɔya kɛ nu nɛ tɔ̃ wena ni hɔa kɔ nu a, we bi do ogele winɔ kɛ wa bɛa gɛnɛ a ni. A dungu sɛ nwa ngɔ wa do ngawi wena, nɛ a tɛ sɛ do gã nɔ̃lɔ̃ zã 'da Gale kɛ a do nganda vɛ ni, nɛ a ma wa ti nyanga a, ɔ nɛ kɛ wa ma do wala vinɔ we kpĩlĩ lì nɛ ni.

USU MƐNƆ 19:4

'Da fala nɛ ni, nɛ okpasa winɔ 'bu wa bɔa ngɔ wa nalɛ ni, do Otunu li mɛnɔ nalɛ ni, wa gu gba zugolo dati Gale, kɛ a dungu ngɔ kpongbo nwa ni, nɛ wa dɔnggɔ a, nɛ wa na: “Lɛ dɔ́nggɔ́ Gale! Amɛ.”

USU MƐNƆ 21:22

Nɛ mi zɔ̀ Tɛmpɛloe kɔ gã le ni gɔ, we kɛ Tɛmpɛloe kɔ le ni, wi a Nwa Gale, kɛ a do nganda vɛ ni, wa do Be Bata.

USU MƐNƆ 3:7

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Filadɛlfi ni na: “Wi kɛ a santo, nɛ a tɔ̃ gbãlã we fai, nɛ a do fungula kɛ nwa Davidi zɛ́ do ma ni dɛ kɔ̃ a, kɔ a hũi nu tɔa, nɛ nde wele kpo kpé ma gɔ, hã a kpe, nɛ nde wele kpo hṹi ma gɔ ni, a tɔ̃a na:

USU MƐNƆ 4:4

Nɛ ombe gele kpongbo nwa 'bu nɛ bɔa ngɔ nɛ nalɛ, ma zĩ 'bɔ kuti kpongbo nwa ni takpa. Nɛ okpasa wi 'bu wa bɔa ngɔ wa nalɛ, wa dungu ngɔ nɛ. Wa hi'da fɛa tulu, nɛ wa gu ndasa nwa zu wa, mɛ a ondasa mɔ mbali.

USU MƐNƆ 4:6

Nɛ mi zɔa 'bɔ gã li tala dɛ dati kpongbo nwa ni, nɛ nde ma ɔ yelele nɛ kristalɛ ni. Nɛ mi zɔa 'bɔ Otunu li mɔ nalɛ, wa yula zĩ kpongbo nwa ni takpa. Gbali wa kpa do tɛ wa vɛ, ombe do dati wa, nɛ ombe do li 'do wa.

USU MƐNƆ 4:9

Nɛ Otunu li mɛnɔ ni wa tɛ ga zuma hã wi kɛ a dungu ngɔ kpongbo nwa, nɛ a do kpasi kɔ sabɛlɛ do sabɛlɛ ni. Nɛ wa dɔnggɔ a, nɛ wa tɔ̃ de zu li a, nɛ wa hã iɔ̃nae hã a.

USU MƐNƆ 5:6

Nɛ mi zɔ Be Bata kpo, a yula dɛ dati kpongbo nwa ni. Nɛ Otunu li mɛnɔ nalɛ, do okpasa winɔ ni wa linggi a takpa. Be Bata ni ɔ nɛ wa gbɛa a gbɛa ni. Zamba zu a sambo, nɛ gbali a sambo. Gbali a sambo ni, mɛ a hi winɔ sambo kɛ Gale tumba wa nyanga nza gɛ vɛ̃ ni.

USU MƐNƆ 6:1

Nɛ 'do ki ni, nɛ mi zɔ Be Bata tɛ ɛlɛ kuti ndaka nu 'buki ni, nɛ mi zele mbe kpo sanga tunu li mɛnɔ nalɛ ni tɛ he mɔ, nɛ wala gɛlɛ a dɔ̃lɔ̃ nɛ́ ua dã kolo ni na: “Mɔ tɛ́!”

USU MƐNƆ 6:6

Nɛ mi zele mɔ ɔ nɛ wala gɛlɛ wele dɛ sanga otunu li mɛnɔ nalɛ ni tɛ tɔ̃ na: “Wa oso sɛ kilo gbãlã kɔni kpo do mbili do dɛa to li wese kpo, nɛ wa oso sɛ kilo lɔsɔ talɛ do mbili olo dɛa to li wese kpo. Nɛ nde nɛ tɛ 'dàngà gole nɔɛ do gole dɔ̃ɛ gɔ.”

USU MƐNƆ 7:11

Nɛ oanzɛnɔ vɛ wa zĩ kpongbo nwa, do okpasa winɔ, do tunu li mɛnɔ nalɛ ni takpa, nɛ wa gu li wa nù dati kpongbo nwa tɛ dɔnggɔ Gale na:

USU MƐNƆ 7:15

Ma kɛ wa yolo dɛ dati kpongbo nwa 'da Gale, nɛ wa tɛ dɛ to hã a tũ do gba wese kɔ Tɛmpɛlo 'da a ni. Nɛ Wi dungu ngɔ kpongbo nwa ni, a kele sɛ zu wa.