USU MƐNƆ 4:7 - WE NU GALE 1995

⁷ Kuti wele kɛ ɔ nɛ gbɔgbɔ, nɛ bɔa wele kɛ ɔ nɛ be wili ngɔmbɔ, nɛ talɛ wele kɛ, bula li a ɔ nɛ bula li wele, nɛ nalɛ wele kɛ a ɔ nɛ ziki kɛ a bũ bũlũ ni.

USU MƐNƆ 4:7 Iomraidhean Croise

Ndo Nyanga Dɛ Mɔ 49:9

Mɔ, Yuda, be 'daa, mɔ ɔ nɛ be wili gbɔgbɔ, kɛ a yula tɛ gbɛ sa'de, nɛ a kasa nyanga a, nɛ a ɔ nù ni. Wi kɛ a wia we fo a na, a kulu ngɔ, wi a wio nde?

2 SAMUƐLƐ 1:23

Saulo do Yonatanɛ, wa zi a wi dia sila ngboo. Kɔ dungi 'da wa vɛ̃ wa zi fala nɛ kpo, nɛ fio kɛ 'bɔ sanga tɛ ngba wa gɔ. Tɛ wa gbɛnga nɛa ngɔ oziki, nɛ ngawi 'da wa la kɛ 'da ogbɔgbɔ.

GBA WENƆ 28:2

Le kɛ vĩ zu dɛa mɔ kɔ nɛ wena ni, nɛ ogba gili wele wa bi sɛ we hɔ nwa. Nɛ nde nwa kɛ a a wi ɔ bɔlɔ zu ni, a ba to nwa, nɛ dungu fio ma ɔ sɛ kɔ le.

Ezai 40:31

Nɛ nde NWA zɔ owinɔ kɛ wa a sila wa ngɔ a ni, nɛ a hã mbé ngawi hã wa, nɛ wa nganda ɔ nɛ oziki, kɛ wa bũlũ dɛ ngɔ i nyɛlɛ wena ni. Wa yu gbaa, nɛ nde wa mbɔ́kɔ́ gɔ, Wa yɛnggɛ gbaa, nɛ nde wa yóló nù gɔ.

EZEKIƐLƐ 1:10

Bula linɔ nalɛ ni ma wè kɔ̃ gɔ. Bula li kɛ dati nga, mɛ a bula li wele, nɛ kɛ si ngawili kɔ̃, mɛ a bula li gbɔgbɔ. Nɛ kɛ si ngɔ gale, mɛ a bula li wili ngɔmbɔ, nɛ kɛ 'do nga, mɛ a bula li ziki.

EZEKIƐLƐ 1:8

Obula li wa do osala 'baka wa, ma siki li ɛ tɛ̃ ɛ do tɛ̃ ɛ si 'biti falanɔ nalɛ tɛ nyanga nza gɛ. Nɛ ti sala 'bakanɔ nalɛ ni, kɔ̃ wele zi kpo kpo boe, nɛ ma siki 'bɔ li ɛ tɛ̃ ɛ do tɛ̃ ɛ si 'biti falanɔ nalɛ ni.

EZEKIƐLƐ 10:14

Nɛ Otunu li mɛnɔ ni kpo kpo do bula li wa nalɛ. Bula li kɛ dati mɛ a bula li ngɔmbɔ, nɛ kɛ bɔa, mɛ a bula li wele, nɛ kɛ talɛ, mɛ a bula li gbɔgbɔ, nɛ kɛ nalɛ, mɛ a bula li ziki.

EZEKIƐLƐ 10:21

Nɛ tunu li mɔ kpo kpo do bula li ɛ nalɛ, do sala 'baka ɛ nalɛ. Nɛ ti sala 'bakanɔ nalɛ ni, kɔ̃ wele zi kpo kpo boe.

DANIƐLƐ 7:4

Wele kɛ dati, a wia kɔ̃ do gbɔgbɔ, nɛ nde a do osala 'baka a ɔ nɛ sala 'baka ziki ni. Mi tɛ ka mɔ tɛ̃ a, nɛ wa zu'du sala 'baka a dɛ nù, nɛ wa bɔlɔ a dɛ ngɔ. Nɛ a yolo dɛ ngɔ nyanga a kɛ 'do gɛ ɔ nɛ wele ni. Nɛ wa dɛa na, linggamɔ zu wele tɛ dɛ zu a.

ABDIASI 1:4

Nɛ nde mi NWA, mi tɔ̃a na, gɛnɛ kɔ nɛ kũ sɔ gbaa dɛ ngɔ i ɔ nɛ ziki, hã nɛ dɛ sɔ tɔanɔ 'da nɛ do sanga sɔlanɔ li nza i, nɛ mi dɛ sɔ na, nɛ zĩlĩ.

Tɔlɔ Mɔ 23:24

Obe Israɛlɛ wa ɔ nɛ gbɔgbɔ, kɛ a ba sa'de, nɛ a nyɔngɔ a vɛ̃, nɛ nde tɔkɔ, tabi mulu kpo té nù nu a gɔ, sɛ nɛ a ĩ ti ɔ nù de ni.”

Tɔlɔ Mɔ 24:9

Wa ɔ nɛ gbɔgbɔ kɛ a ɔ nù, nɛ nde fo wi tɔ̃ na, a kulu ngɔ bina ni. “Wi kɛ a wélé nu a tɛ obe Israɛlɛ, nɛ Gale a wele sɛ nu a tɛ̃ a. Wi kɛ a fɔ́mbɔ́ obe Israɛlɛ, nɛ Gale a fɔmbɔ sɛ a.”

1 KORINTƐ 14:20

Onyae, nɛ tɛ lènggè mɔ ɔ nɛ obe ni gɔ. Ma ɔ do 'dã mɔ, nɛ nɛ dɛ mɔ tɛ nɛ ɔ nɛ obe, kɛ wa tɛ ĩ̀ ti 'dã mɔ gɔ ni. Kɔ nɛ ɔ́ do linggamɔ mɔ́ okpasa wi.

Mbulanɔ 28:49

“NWA a sa sɛ mɔ hã onu kɔnggɔnɔ gulu nù i, kɛ nɛ ĩ ti lɛnggɛ nu wa gɔ ni, nɛ a tombo wa dɛ ngɔ nɛ. Nɛ wa bi sɛ nɛ ɔ nɛ kɛ ziki bi sa'de ni.

USU MƐNƆ 4:6

Nɛ mi zɔa 'bɔ gã li tala dɛ dati kpongbo nwa ni, nɛ nde ma ɔ yelele nɛ kristalɛ ni. Nɛ mi zɔa 'bɔ Otunu li mɔ nalɛ, wa yula zĩ kpongbo nwa ni takpa. Gbali wa kpa do tɛ wa vɛ, ombe do dati wa, nɛ ombe do li 'do wa.

USU MƐNƆ 6:3

Nɛ 'do ki ni, nɛ Be Bata ɛ̃lɛ̃ bɔa ndaka nu 'buki ni, nɛ mi zele gɛlɛ bɔa tunu li mɛnɔ tɛ he mɔ na: “Mɔ tɛ́!”

USU MƐNƆ 6:5

Nɛ 'do ki ni, nɛ Be Bata ɛ̃lɛ̃ talɛ ndaka nu 'buki ni, nɛ mi zele gɛlɛ talɛ tunu li mɛnɔ tɛ he mɔ na: “Mɔ tɛ́!” Nɛ mi nɛ ka mɔ, nɛ mi zɔ tũ mbalata, wi kũ ngɔ a 'bia kilo we do mɔ dɛ kɔ̃ ɛ.

USU MƐNƆ 6:7

Nɛ 'do ki ni, nɛ Be Bata ɛ́lɛ́ nalɛ ndaka nu 'buki ni. Nɛ mi zele gɛlɛ nalɛ tunu li mɛnɔ tɛ he mɔ na: “Mɔ tɛ́!”