USU MƐNƆ 4:6 - WE NU GALE 1995

⁶ Nɛ mi zɔa 'bɔ gã li tala dɛ dati kpongbo nwa ni, nɛ nde ma ɔ yelele nɛ kristalɛ ni. Nɛ mi zɔa 'bɔ Otunu li mɔ nalɛ, wa yula zĩ kpongbo nwa ni takpa. Gbali wa kpa do tɛ wa vɛ, ombe do dati wa, nɛ ombe do li 'do wa.

USU MƐNƆ 4:6 Iomraidhean Croise

1 Onwanɔ 7:23

Hiramɛ dula 'bɔ mɔ ɔ korr nɛ gba sani ni do tũ mɔ bolo. 'Da pɛsɛ nu mɛ ni a mɛtrɛ mɔlɔ, nɛ 'da ngala nɛ mɛtrɛ bɔa do dɔ nɛ, nɛ gã zã nɛ mɛtrɛ 'bu ngɔ nɛ mɔlɔ.

Kulu Tɔa 38:8

Wa fa otalatala tũ mɔ bolonɔ 'da wukonɔ, kɛ wa dɛ toe nu tɔa Tande ni, nɛ wa dɛ do gba sani tũ mɔ bolo, nɛ wa dɛ 'bɔ 'dinggili nɛ.

EZEKIƐLƐ 10:12

Nɛ tɛ Otunu li mɛnɔ ni, do li 'do wa, do kɔ̃ wa, do osala 'baka wa, mba do okolonɔ vɛ̃, ma dunu do obe tolo we.

EZEKIƐLƐ 10:14

Nɛ Otunu li mɛnɔ ni kpo kpo do bula li wa nalɛ. Bula li kɛ dati mɛ a bula li ngɔmbɔ, nɛ kɛ bɔa, mɛ a bula li wele, nɛ kɛ talɛ, mɛ a bula li gbɔgbɔ, nɛ kɛ nalɛ, mɛ a bula li ziki.

USU MƐNƆ 14:3

Gili winɔ ni wa yula dɛ dati kpongbo nwa 'da Gale, do dati Otunu li mɛnɔ nalɛ, do okpasa winɔ ni, nɛ wa ga mbé zuma. Zuma ni mɛ a zuma kɛ gele wele wè zi tɛ yambala ma gɔ, tati a owinɔ kote kama do 'bu wa nalɛ ngɔ wa nalɛ, kɛ Kristo gɔnɔ zi zu wa ngɔ nù gɛ ni iko.

USU MƐNƆ 15:2

'Do nɛ, nɛ mi zɔa 'bɔ mɔ ɔ nɛ gba lì ni, ma ndele nɛ́ talatala, nɛ ma mba do nyɛa we. Nɛ mi zɔ 'bɔ winɔ kɛ wa nganda zi nɛa ngɔ sa'de, do hi sa'de, do wele kɛ li a bia tɛ̃ ɛ do motuya ni. Wa yula dɛ ngɔ gba lì kɛ ma ndele nɛ́ talatala ni, nɛ wa kala okundunɔ kɛ Gale hã zi hã wa ni,

USU MƐNƆ 15:7

Nɛ mbe kpo sanga Otunu li mɛnɔ nalɛ ni tɛa, nɛ a hã bila mɔ mbali sambo hã oanzɛnɔ sambo ni. Bilanɔ ni dunu do nɔ̃lɔ̃ zã 'da Gale, kɛ a do kpasi kɔ sabɛlɛ do sabɛlɛ ni.

USU MƐNƆ 19:4

'Da fala nɛ ni, nɛ okpasa winɔ 'bu wa bɔa ngɔ wa nalɛ ni, do Otunu li mɛnɔ nalɛ ni, wa gu gba zugolo dati Gale, kɛ a dungu ngɔ kpongbo nwa ni, nɛ wa dɔnggɔ a, nɛ wa na: “Lɛ dɔ́nggɔ́ Gale! Amɛ.”

USU MƐNƆ 21:11

Nɛ yele ngbala 'da Gale tɛ yele kɔ gã le ni, ma to ɔ nɛ ta olo gã gole, tabi ta yaspɛ, kɛ ma ɔ yelele nɛ kristalɛ ni.

USU MƐNƆ 21:18

Wa dɛa ngboe ni do ta yaspɛ, nɛ wa dɛ le do dia mɔ mbali, kɛ ma ɔ yelele nɛ kristalɛ ni.

USU MƐNƆ 21:21

Onu ngbonɔ 'bu ngɔ nɛ bɔa ni, wa dɛa ma do dia oiyaka 'bu ngɔ nɛ bɔa, nɛ nu ngbo kpo kpo do iyaka kpo. Nɛ walanɔ kɔ le ni, wa dɛa ma do dia mɔ mbali kɛ ma ɔ nɛ kristalɛ ni.

USU MƐNƆ 22:1

Nɛ anzɛ bia 'bɔ gba fua lì, kɛ ma hã kpasi ni hã mi. Li lì ni gɛ̃lã ɔ nɛ kristalɛ ni, nɛ ma tɛ kũ dɛ ti kpongbo nwa 'da Gale do Be Bata.

USU MƐNƆ 4:4

Nɛ ombe gele kpongbo nwa 'bu nɛ bɔa ngɔ nɛ nalɛ, ma zĩ 'bɔ kuti kpongbo nwa ni takpa. Nɛ okpasa wi 'bu wa bɔa ngɔ wa nalɛ, wa dungu ngɔ nɛ. Wa hi'da fɛa tulu, nɛ wa gu ndasa nwa zu wa, mɛ a ondasa mɔ mbali.

USU MƐNƆ 5:11

Nɛ mi zɔa ogili anzɛ, kɛ wele wè tɛ tɔlɔ wa gɔ ni. Wa linggi kpongbo nwa, do Otunu li mɛnɔ nalɛ, do okpasa winɔ ni takpa. Nɛ mi zele gɛlɛ wa

USU MƐNƆ 5:14

Nɛ otunu li mɛnɔ nalɛ ni wa gese na: “Amɛ!” Nɛ okpasa winɔ wa gu gba zugolo, nɛ wa dɔnggɔ wa.

USU MƐNƆ 5:6

Nɛ mi zɔ Be Bata kpo, a yula dɛ dati kpongbo nwa ni. Nɛ Otunu li mɛnɔ nalɛ, do okpasa winɔ ni wa linggi a takpa. Be Bata ni ɔ nɛ wa gbɛa a gbɛa ni. Zamba zu a sambo, nɛ gbali a sambo. Gbali a sambo ni, mɛ a hi winɔ sambo kɛ Gale tumba wa nyanga nza gɛ vɛ̃ ni.

USU MƐNƆ 5:8

Kɔ a nɛa we ba 'buki ni, nɛ otunu li mɛnɔ nalɛ, do kpasa winɔ 'bu wa bɔa ngɔ wa nalɛ ni, wa gu gba zugolo dati a. Nɛ wele do wele do kundu, do bila mɔ mbali kɛ ma dunu do fũ yɔmbɔ ni dɛ kɔ̃ ɛ. Fũ yɔmbɛ ni, mɛ a sambala kɛ winɔ 'da Gale wa sambala do a ni.

USU MƐNƆ 6:1

Nɛ 'do ki ni, nɛ mi zɔ Be Bata tɛ ɛlɛ kuti ndaka nu 'buki ni, nɛ mi zele mbe kpo sanga tunu li mɛnɔ nalɛ ni tɛ he mɔ, nɛ wala gɛlɛ a dɔ̃lɔ̃ nɛ́ ua dã kolo ni na: “Mɔ tɛ́!”

USU MƐNƆ 6:6

Nɛ mi zele mɔ ɔ nɛ wala gɛlɛ wele dɛ sanga otunu li mɛnɔ nalɛ ni tɛ tɔ̃ na: “Wa oso sɛ kilo gbãlã kɔni kpo do mbili do dɛa to li wese kpo, nɛ wa oso sɛ kilo lɔsɔ talɛ do mbili olo dɛa to li wese kpo. Nɛ nde nɛ tɛ 'dàngà gole nɔɛ do gole dɔ̃ɛ gɔ.”

USU MƐNƆ 7:11

Nɛ oanzɛnɔ vɛ wa zĩ kpongbo nwa, do okpasa winɔ, do tunu li mɛnɔ nalɛ ni takpa, nɛ wa gu li wa nù dati kpongbo nwa tɛ dɔnggɔ Gale na:

USU MƐNƆ 7:17

We duzu kɛ Be Bata dɛ gbogbo kpongbe ni sɛ a wi zɔ mɔ tɛ wa, nɛ a kã sɛ wa tɛ nu 'de kɛ ma hã kpasi ni. Nɛ Gale a dili sɛ mili kɔ̃a li wa vɛ.”