USU MƐNƆ 4:5 - WE NU GALE 1995

⁵ Nɛ nyɛa li kolo, do ua dã kolo, do giti omɔ wele tɛ kpongbo nwa kɛ gbogbo ni. Nɛ nyɛa we sambo nyɛ dɛ dati kpongbo nwa ni, ĩ na, mɛ a ohi wi 'da Gale sambo.

USU MƐNƆ 4:5 Iomraidhean Croise

Ndo Nyanga Dɛ Mɔ 15:7

Nɛ a tɔ̃ hã a na: “Mi a NWA! Wi a mi kɛ mi ba zi mɔ kɔ le 'da mɔ Urɛ tɛ ngɔ nù Babilonia, nɛ mi tɛa do mɔ dɛ ngɔ nùi gɛ, takɔ mi hã ma hã mɔ do mɔ mɔ ni.”

Zumanɔ 68:35

Nɛ tɔ̃́ dɛ nza na, ngawi ma yolo kɔ̃ Gale, nɛ nganda 'da a nɛa gbaa li nza i. Dɔ̃lɔ̃ li 'da a kila nù Israɛlɛ vɛ̃.

Kulu Tɔa 19:16

Ma hɔa kpo soe ni, do sanga titole belee, nɛ ngɔ kala 'di kpia do gba kutu. Nɛ wa zɔa nyɛa kolo, nɛ wa zele giti ua dã kolo, do giti mɔtũlũ tɛ wele nganda wena ngɔ kala ni. Nɛ owinɔ wa tana kili tɛ fala ɔi 'da wa 'di.

Kulu Tɔa 20:18

Do 'da fala ni, nɛ obe Israɛlɛ vɛ̃ wa zila giti ua dã kolo, do giti mɔtũlũ tɛ wele nɛ. Nɛ wa vɛ̃ wa zɔa nyɛa li kolo, nɛ wa zɔa 'bɔ kala tɛ kutu do zɛ̃ we. Wa nɛa we zɔ ni, nɛ wa tana kili, nɛ wa yolo nyɛlɛ do kala.

Kulu Tɔa 25:37

“Wa dɛ sɛ omwinda sambo, nɛ wa á ma dɛ zu gbakɔ̃ nɛ sambo ni, takɔ wa tũ, nɛ ma yele kɔ tɔa Tande.

Kulu Tɔa 37:23

Wa dɛa omwinda sambo, nɛ wa á ma dɛ zu gbakɔ̃ nɛ sambo ni, nɛ wa dɛ 'bɔ obe mɔ bi do we, do omɔ kala do bũ. Wa dɛa mɛnɔ ni do mɔ mbali.

EZEKIƐLƐ 1:13

Mi ka mɔ, nɛ mi zɔ kalĩ we dɛ sanga wa, ma nyɛ ɔ nɛ tanda ni, nɛ ma tɛ yɛkɛ tɛ̃ ɛ. Mɛ zi a gba nyɛa we, nɛ mɔ nyɛ kɔ nɛ ngbangge ngbangge.

ZAKARIA 4:2

Nɛ a aka mi na, mi zɔ ge nde? Nɛ mi gese na: “Mi zɔ mɔ e do mwinda, kɛ ma vɛ̃ do mɔ mbali, nɛ daka nɔ dɛ ngɔ nɛ. Nɛ wa dɛa ongbɔnɔ sambo, yolo tɛ daka nɔɛ ni dɛ ngɔ, takɔ ma gbɔtɔ nɔɛ dɛ tɛ omwinda sambo na ma nyɛ.

MATIE 25:1

Nɛ Yezu tɔ̃ na: “Do 'da fala ni, dɛa to nwa 'da Gale ma ɔ sɛ nɛ lɛnggɛ 'da ombe be zɔnga 'bu. Wa kala zi mwindanɔ 'da wa, we gɔnɔ do dati wi ba wuko.

MATIE 3:11

Mi gɛ, mi batisa nɛ do lì, nɛ ma be na nɛ kifi sila nɛ. Nɛ nde wele kpo a hɔ sɛ 'do mi gɛ, nɛ a batisa sɛ nɛ do Hi Wi Santo fala nɛ kpo do we. A nɛa ngɔ mi do ngawi wena, nɛ mi hɔ̀ wi kɛ mi kala mɔ nyanga wi 'da a gɔ.

Owi Nɛ Tonɔ 2:3

Nɛ mɔ ma nyɛ ɔ nɛ dɛfɛ we ni, ma kɛ̃a sanga tɛ ngbɛ ɛ, nɛ ma dungu dɛ zu wele do wele.

USU MƐNƆ 1:4

Mi Yoanɛ, mi tombo balɛ hã nɛ oeklezianɔ tɛ kɔ de sambo ngɔ nù Azi. E kɔ Gale kɛ a zɛ́ boe, nɛ a sɔɛ gɛ boe, nɛ a tɛ sɛ ni, a be dia zã hã nɛ, nɛ a dɛ na, nɛ ɔ do gɛa sila. E kɔ ohi winɔ sambo, kɛ wa yolo dati kpongbo nwa 'da Gale ni, wa be 'bɔ dia zã, nɛ wa hã gɛ̃a dungu hã nɛ.

USU MƐNƆ 10:3

Nɛ a he mɔ nganda wena ɔ nɛ gbɔgbɔ ni. Kɔ ngɔ tɛ hiamɛ 'da a nɛa we gɛ̃ nɛ, nɛ ua dã kolo sambo gese nu nɛ.

USU MƐNƆ 11:19

Wa wila we ni do'do, nɛ nu tɔa Tɛmpɛloe 'da Gale kɔ li nza i ni hũi, nɛ mi ka mɔ kɔ tɔa i, nɛ mi zɔ sanduki kɛ ma be gba tɔkɛ Gale gba do winɔ 'da a ni. Nɛ kolo ma ngɔ nyɛ li ɛ do o dã nganda wena, nɛ nùi tana gbirr, nɛ kolo gbãlã mũlũ ma ngɔ tɛ nganda wena.

USU MƐNƆ 3:1

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Sardɛ ni na: “Wi kɛ a do Hi Wi 'da Gale sambo, do sɔlanɔ sambo ni tɔ̃a na: Mi ĩ ti dɛa mɔ tɛ nɛ vɔ́, nɛ mi ĩ na, owinɔ wa lengge na, nɛ do kpasi, nɛ nde nɛ fi fia.

USU MƐNƆ 5:6

Nɛ mi zɔ Be Bata kpo, a yula dɛ dati kpongbo nwa ni. Nɛ Otunu li mɛnɔ nalɛ, do okpasa winɔ ni wa linggi a takpa. Be Bata ni ɔ nɛ wa gbɛa a gbɛa ni. Zamba zu a sambo, nɛ gbali a sambo. Gbali a sambo ni, mɛ a hi winɔ sambo kɛ Gale tumba wa nyanga nza gɛ vɛ̃ ni.

USU MƐNƆ 8:5

Nɛ 'do nɛ, nɛ anzɛ u kalĩ we ngɔ gbagala ni, nɛ a a ma kɔ mɔ dɔ do yɔmbɛ kɔ̃ a ni, nɛ a da ma dɛ nù nga. Nɛ kolo ma ngɔ o dã, do nyɛ li ɛ, nɛ nùi ma ngɔ tana nɛ.