USU MƐNƆ 4:4 - WE NU GALE 1995

⁴ Nɛ ombe gele kpongbo nwa 'bu nɛ bɔa ngɔ nɛ nalɛ, ma zĩ 'bɔ kuti kpongbo nwa ni takpa. Nɛ okpasa wi 'bu wa bɔa ngɔ wa nalɛ, wa dungu ngɔ nɛ. Wa hi'da fɛa tulu, nɛ wa gu ndasa nwa zu wa, mɛ a ondasa mɔ mbali.

USU MƐNƆ 4:4 Iomraidhean Croise

ƐSTƐRƐ 8:15

Mardose nɛa we hɔ nza kɔ tɔa nwa 'di, nɛ nde a he'de tulu nwa, ma a yoo gɛza do fɛ̃a nɛ, nɛ a he'de gba tulu, ma a fila dɛ ngɔ nɛ. Nɛ a gu gã ndasa nwa zu a, ndasa ni wa dɛa do mɔ mbali. Nɛ nde kɔ le Suzɛ vɛ̃, wa zɛ zi kɔ̃ wa, nɛ wa zɛ kaliã.

Zumanɔ 21:3

Mɛnɔ kɛ a ia wɔ nɛ kɔ sila a ni, mɔ hã ma hã a. Nɛ mɛnɔ kɛ a aka ma kɔ̃ mɔ ni, mɔ bɛ we hã ma hã a gɔ.

MATIE 19:28

Nɛ Yezu gisa hã wa na: “Mi tɔ̃ hã nɛ do gbãlã we na, 'da fala kɛ omɛnɔ vɛ̃ ma kifi sɛ mbé nɛ ni, nɛ mi Be 'da Wele, mi dungu sɛ ngɔ kpongbo nwa tɛ fala dɔ̃lɔ̃ li, nɛ nɛ 'bu ngɔ nɛ bɔa kɛ lɛ yɛnggɛ do nɛ gɛ, nɛ dungu sɛ tɛ mɛ 'bɔ ngɔ kpongbo nwa 'bu ngɔ nɛ bɔa we 'bili we 'da onu kpala obe Israɛlɛ 'bu ngɔ nɛ bɔa ni.

LUKA 22:30

Nɛ nyɔngɔ sɛ mɔ, nɛ nɛ nɔ dɔ̃ fala nɛ kpo do mi tɛ kɔ le kɛ mi nɛ dungu do nwa ni. Nɛ nɛ dungu sɛ ngɔ kpongbo nwa fala nɛ kpo do mi, takɔ nɛ 'bili we 'da onu kpala obe Israɛlɛ 'bu ngɔ wa bɔa ni.”

2 TIMOTE 4:8

Kɔ ngangga ni, mi 'bɔ 'da si mɔ olo bole 'da mi. Nɛ si mɔ olo bole ni, mɛ a kɛ na, Nwa a sa sɛ li mi na wi bɔlɔ zu do ngba soe 'bili ngbangga ni. Nwa, kɛ a 'bili we do bɔlɔ nɛ ni, a há sɛ ma hã mi zu mi kpo iko gɔ, nɛ nde a hã sɛ tɛ mɛ 'bɔ ma hã owanɔ vɛ kɛ wa 'bɔ 'da ngba soe tɛa 'da a do kɔ̃a zã ni.

USU MƐNƆ 11:16

Nɛ okpasa winɔ 'bu wa bɔa ngɔ wa nalɛ, kɛ wa dungu ngɔ kpongbo nwa 'da wa dati Gale ni, wa gu li wa nù, nɛ wa dɔnggɔ Gale

USU MƐNƆ 14:3

Gili winɔ ni wa yula dɛ dati kpongbo nwa 'da Gale, do dati Otunu li mɛnɔ nalɛ, do okpasa winɔ ni, nɛ wa ga mbé zuma. Zuma ni mɛ a zuma kɛ gele wele wè zi tɛ yambala ma gɔ, tati a owinɔ kote kama do 'bu wa nalɛ ngɔ wa nalɛ, kɛ Kristo gɔnɔ zi zu wa ngɔ nù gɛ ni iko.

USU MƐNƆ 19:14

Nɛ ogili sodanɔ tɛ li nza i wa kpia dɛ 'do a. Wa hi'da tulu linɛ ma fɛnga nde nde, nɛ wa kũ ngɔ ofɛa mbalata.

USU MƐNƆ 19:4

'Da fala nɛ ni, nɛ okpasa winɔ 'bu wa bɔa ngɔ wa nalɛ ni, do Otunu li mɛnɔ nalɛ ni, wa gu gba zugolo dati Gale, kɛ a dungu ngɔ kpongbo nwa ni, nɛ wa dɔnggɔ a, nɛ wa na: “Lɛ dɔ́nggɔ́ Gale! Amɛ.”

USU MƐNƆ 2:10

Nɛ tɛ dɛ̀ kili zɛlɛ tɛ nɛ kpa ma ni gɔ. Nɛ zɔ́, Satana kɔ̃a we yamba sila nɛ. A da sɛ ombe sanga nɛ ni kɔ bɔlɔkɔ, nɛ nɛ zɔ sɛ ngamɔ 'do tũ 'bu. Kɔ wa kɔ̃ we gbɛ nɛ, nɛ nɛ tɛ kìfì nu nɛ gɔ. Nɛ mi si sɛ olo zɛlɛ tɛ ni hã nɛ do kpasi kɛ ma é sɛ gɔ ni.

USU MƐNƆ 20:4

Nɛ 'do ki ni, nɛ mi zɔ okpongbo nwa, nɛ owinɔ ngɔ nɛ ni wa do ngawi we 'bili we. Nɛ mi zɔ 'bɔ hi winɔ kɛ wa 'bili zi gɛlɛ wa, we kɛ wa bia gulu we 'da Yezu, do we nu Gale hã Owele ni. Wi a wanɔ kɛ wa dɔ̀nggɔ̀ zi sa'de ni gɔ, nɛ wa dɔ̀nggɔ̀ 'bɔ hi a gɔ, nɛ wa gɔ̀nɔ̀ zi dã 'da a dati wa, do tɛ kɔ̃ wa gɔ ni. Kɔ Gale tunu wa kɔ fio, nɛ wa dungu nwa fala nɛ kpo do Kristo gbaa we sabɛlɛ koto kpo.

USU MƐNƆ 3:18

“Kɔ we duzu ki ni, mi tɔ̃ mbula hã nɛ na, nɛ tɛ́ 'da mi nga, kɔ nɛ oso mɔ mbali kɛ wa fi li we, nɛ wa fua ndinɔ kɔ nɛ vɛ̃ ni, kɔ nɛ hɔ ngbongbo owi kpamɔ. Nɛ nɛ ósó 'bɔ ofɛa tulu, we kele do kũlĩ tɛ nɛ, kɛ sape nɛ ba li nɛ ni. Nɛ nɛ ósó ina we zĩ ngɔ li nɛ, takɔ nɛ zɔ 'bɔ mɔ.

USU MƐNƆ 4:10

'Da fala kɛ wa ma ngɔ ga zumanɔ ni, nɛ okpasa winɔ 'bu wa bɔa ngɔ wa nalɛ ni, wa gu gba zugolo dati wele kɛ a dungu ngɔ kpongbo nwa, nɛ a do kpasi kɔ sabɛlɛ do sabɛlɛ ni. Nɛ wa dɔnggɔ a, nɛ wa a ondasa nwanɔ 'da wa dɛ dati kpongbo nwa 'da a ni, nɛ wa tɔ̃ na:

USU MƐNƆ 4:6

Nɛ mi zɔa 'bɔ gã li tala dɛ dati kpongbo nwa ni, nɛ nde ma ɔ yelele nɛ kristalɛ ni. Nɛ mi zɔa 'bɔ Otunu li mɔ nalɛ, wa yula zĩ kpongbo nwa ni takpa. Gbali wa kpa do tɛ wa vɛ, ombe do dati wa, nɛ ombe do li 'do wa.

USU MƐNƆ 5:11

Nɛ mi zɔa ogili anzɛ, kɛ wele wè tɛ tɔlɔ wa gɔ ni. Wa linggi kpongbo nwa, do Otunu li mɛnɔ nalɛ, do okpasa winɔ ni takpa. Nɛ mi zele gɛlɛ wa

USU MƐNƆ 5:14

Nɛ otunu li mɛnɔ nalɛ ni wa gese na: “Amɛ!” Nɛ okpasa winɔ wa gu gba zugolo, nɛ wa dɔnggɔ wa.

USU MƐNƆ 5:6

Nɛ mi zɔ Be Bata kpo, a yula dɛ dati kpongbo nwa ni. Nɛ Otunu li mɛnɔ nalɛ, do okpasa winɔ ni wa linggi a takpa. Be Bata ni ɔ nɛ wa gbɛa a gbɛa ni. Zamba zu a sambo, nɛ gbali a sambo. Gbali a sambo ni, mɛ a hi winɔ sambo kɛ Gale tumba wa nyanga nza gɛ vɛ̃ ni.

USU MƐNƆ 5:8

Kɔ a nɛa we ba 'buki ni, nɛ otunu li mɛnɔ nalɛ, do kpasa winɔ 'bu wa bɔa ngɔ wa nalɛ ni, wa gu gba zugolo dati a. Nɛ wele do wele do kundu, do bila mɔ mbali kɛ ma dunu do fũ yɔmbɔ ni dɛ kɔ̃ ɛ. Fũ yɔmbɛ ni, mɛ a sambala kɛ winɔ 'da Gale wa sambala do a ni.

USU MƐNƆ 6:11

Nɛ oanzɛnɔ wa hã fɛ̃a tulu hã wele do wele sanga wa ni, nɛ wa tɔ̃ hã wa na, wa kunu sila wa, kɔ wa 'bɔ, hã li onya wa, do ongba wa winɔ 'da Gale, kɛ wa nɛ gbɛ 'bɔ wa, ɔ nɛ kɛ wa gbɛa zi do wa ni, we vɛ sɛ nɛ de.

USU MƐNƆ 7:11

Nɛ oanzɛnɔ vɛ wa zĩ kpongbo nwa, do okpasa winɔ, do tunu li mɛnɔ nalɛ ni takpa, nɛ wa gu li wa nù dati kpongbo nwa tɛ dɔnggɔ Gale na:

USU MƐNƆ 7:9

Nɛ 'do ki ni, nɛ mi nɛ ka mɔ, nɛ mi zɔ gba gili Owele, kɛ wele wè tɛ tɔlɔ wa gɔ ni. Wa yula kɔ nu fɛlɛ kulanɔ, do lɛnggɛnɔ, do nu kpalanɔ, do kɔ lenɔ vɛ̃, nɛ wa dɛ dati kpongbo nwa 'da Gale, do Be Bata. Wa hi'da du fɛ̃a tulu turr, nɛ wa do nwá 'bete dɛ kɔ̃ wa.

USU MƐNƆ 9:7

Odɔlanɔ ni wa ɔ nɛ ombalata kɛ wa 'dafa wa we nɛ bolo ni. Wa gu mɔ zu wa ɔ nɛ ndasa nwa kɛ wa dɛa do mɔ mbali ni, nɛ bula li wa ɔ nɛ bula li wele ni.