USU MƐNƆ 4:2 - WE NU GALE 1995

² Nɛ do ti, nɛ ngawi 'da Hi Wi Santo ba mi la do mi, nɛ mi zɔa kpongbo nwa li nza i, nɛ nde wele dungu ngɔ nɛ.

USU MƐNƆ 4:2 Iomraidhean Croise

1 Onwanɔ 22:19

Nɛ Mike tɔ̃ 'bɔ na: “Mɔ zélé 'bɔ we NWA tɔ̃a gɛ! Mi zɔa NWA Gale, nɛ nde a dungu ngɔ kpongbo nwa 'da a tɛ li nza i, nɛ anzɛnɔ 'da a, wa yula dɛ kɛ zã a.

Zumanɔ 11:4

Nɛ nde mi ĩ na, NWA dungu kɔ Tɛmpɛloe 'da a kɛ ma santo. Kpongbo nwa 'da a, ma a tɛ li nza i. A ka mɔ tɛ owinɔ falanɔ vɛ̃, nɛ a ĩ ti mɛnɔ kɛ wa dɛ ma ni.

Ezai 6:1

Nwa Oziasi fia, nɛ do kpo kɔ̃ sabɛlɛ ni, nɛ mi zɔa NWA Gale, nɛ nde a dungu ngɔ kpongbo nwa. Ma ngala dɛ ngɔ wena, nɛ nyanga du tuli tɛ̃ a ni kpa do kɔ Tɛmpɛloe vɛ̃.

Yeremi 17:12

Aa NWA, Tɛmpɛloe lɛ dɔnggɔ do mɔ ngɔ kala i ni, mɛ a kpongbo nwa 'da mɔ, ma do dɔ̃lɔ̃ li wena. Yolo do kɛ nùi ndua nɛ ni, ma gã la mɔ vɛ̃.

EZEKIƐLƐ 1:26

Nɛ mi zɔa mɔ ɔ nɛ kpongbo nwa, kɛ wa sɛa ma do gã ta safirɛ ni. Nɛ mi zɔ mɔ dɛ ngɔ kpongbo nwa ni ɔ nɛ wele ni.

EZEKIƐLƐ 1:28

Nɛ kɛ zã a vɛ̃ yele ɔ nɛ ndumbe zã kutu ni. Ĩ na, wi mi zɔa a ni, wi a NWA. A bia tɛ̃ a dɛ kɔ yele ngbala 'da a vɛ̃. Mi zɔa a, nɛ mi te, nɛ mi gu li mi nù. Nɛ mi zele gɛlɛ a tɛ wele we hã mi.

EZEKIƐLƐ 10:1

'Do nɛ, nɛ mi ka mɔ tɛ mɛ bili nɛ́ ndumbe dɛ zu Otunu li mɛnɔ nalɛ kɛ wa ɔ nɛ Owele ni, nɛ mi zɔ mɔ ɔ nɛ kpongbo nwa, kɛ wa sɛa ma do gã ta safirɛ ni.

DANIƐLƐ 7:9

“Mi 'bana tɛ ka mɔ tɛ nɛ, nɛ mi zɔ, nɛ nde wa 'dafa okpongbo nwa. Nɛ mbe kpasa wi wili dungu ngɔ mbe kpongbe ni kpo. A hi'da tulu, ma fɛnga nde nde ɔ nɛ gba kutu ni, nɛ mili zu a fɛnga ɔ nɛ tukia ni. Kpongbo dungi 'da a nyɛ do we, okolo nyanga nɛ yele ɔ nɛ gba nyɛa we ni,

MATIE 22:43

Nɛ Yezu tɔ̃ hã wa na: “Kɔ gulu kɛ 'da fala Hi Wi Santo lia zɛ́ kɔ Davidi, nɛ a sa zɛ́ li Mɛsiya na Nwa ni we ge nde? Davidi tɔ̃a zɛ́ na:

OHEBRE 8:1

Gã gulu we kɛ lɛ kɔ̃a we be ma hã nɛ ni, mɛ a kɛ na, lɛ do gã nwa nganga mɔ́ lɛ boe. A a li nza i, nɛ a dungu kɛ zã kpongbo nwa 'da Gale, kɛ a do nganda vɛ̃ ni, do ngɔ ngawili kɔ̃ a.

USU MƐNƆ 1:10

'Da fala mi zi i mɔ ni, nɛ mbe ngba soe ɛngga kpo, nɛ ngawi 'da Hi Wi Santo lia kɔ mi, nɛ mi zele wala gɛlɛ wele do 'do mi, ma wele nganda wena ɔ nɛ giti mɔtũlũ ni

USU MƐNƆ 12:5

Nɛ wuke ni kua bulu be, kɛ a dungu sɛ nwa ngɔ winɔ vɛ do dɔndɔlɔ mɔ bolo kɔ̃ a ni. Kɔ be nɛa we hɔ nza, nɛ wa ba a la do a dɛ kɛ zã kpongbo nwa 'da Gale ngɔ i.

USU MƐNƆ 17:3

Nɛ Hi Wi 'da Gale lia kɔ mi, nɛ anzɛ la do mi gbaa dɛ li gba zɔ̃ i. Nɛ mi zɔ mbe wuko i mɔ, nɛ nde a dungu ngɔ gba sɔ̃ fila sa'de. Nɛ wa kɔma o'dã li kpa do tɛ sa'de ni vɛ̃, we dã do Gale. Sa'de ni do zu a sambo, nɛ zamba zu a 'bu.

USU MƐNƆ 19:4

'Da fala nɛ ni, nɛ okpasa winɔ 'bu wa bɔa ngɔ wa nalɛ ni, do Otunu li mɛnɔ nalɛ ni, wa gu gba zugolo dati Gale, kɛ a dungu ngɔ kpongbo nwa ni, nɛ wa dɔnggɔ a, nɛ wa na: “Lɛ dɔ́nggɔ́ Gale! Amɛ.”

USU MƐNƆ 20:11

Nɛ 'do ki ni, nɛ mi zɔ gba fɛa kpongbo nwa do wele dɛ ngɔ nɛ. Nɛ nùi do li nza yu wi ni, nɛ wa zɔ̀ 'bɔ do nɛ gɔ.

USU MƐNƆ 21:10

Nɛ ngawi 'da Hi Wi Santo lia kɔ mi, nɛ anzɛ la do mi gbaa dɛ ngɔ ngala kala. Nɛ a be Yeruzalɛmɛ, gã le santoe hã mi. Ma yula 'da Gale li nza i, nɛ ma tɛ zĩlĩ dɛ nù nga.

USU MƐNƆ 21:5

Nɛ wi dungu ngɔ kpongbo nwa ni tɔ̃ na: “Nɛ zɔ́, mi kpula mɛnɔ vɛ̃do mbé nɛ.” Nɛ a tɔ̃ 'bɔ hã mi na: “Mɔ kɔ́mɔ́ wenɔ gɛ do mbɛti, we kɛ mɛ a ngbongbo we, nɛ wele wia we e sila a ngɔ nɛ.”

USU MƐNƆ 3:21

Wi kɛ a kunu sila a kɔ ngamɛnɔ gbaa we hɔ ndɔti nɛ, nɛ mi hã sɛ wala hã a we dungu do mi ngɔ kpongbo nwa 'da mi, ɔ nɛ kɛ mi kunu zi tɛ mɛ 'bɔ sila mi gbaa we hɔ ndɔti nɛ, nɛ mi dungu do Baa mi ngɔ kpongbo nwa 'da a ni.

USU MƐNƆ 4:10

'Da fala kɛ wa ma ngɔ ga zumanɔ ni, nɛ okpasa winɔ 'bu wa bɔa ngɔ wa nalɛ ni, wa gu gba zugolo dati wele kɛ a dungu ngɔ kpongbo nwa, nɛ a do kpasi kɔ sabɛlɛ do sabɛlɛ ni. Nɛ wa dɔnggɔ a, nɛ wa a ondasa nwanɔ 'da wa dɛ dati kpongbo nwa 'da a ni, nɛ wa tɔ̃ na:

USU MƐNƆ 4:5

Nɛ nyɛa li kolo, do ua dã kolo, do giti omɔ wele tɛ kpongbo nwa kɛ gbogbo ni. Nɛ nyɛa we sambo nyɛ dɛ dati kpongbo nwa ni, ĩ na, mɛ a ohi wi 'da Gale sambo.

USU MƐNƆ 4:9

Nɛ Otunu li mɛnɔ ni wa tɛ ga zuma hã wi kɛ a dungu ngɔ kpongbo nwa, nɛ a do kpasi kɔ sabɛlɛ do sabɛlɛ ni. Nɛ wa dɔnggɔ a, nɛ wa tɔ̃ de zu li a, nɛ wa hã iɔ̃nae hã a.

USU MƐNƆ 5:1

Nɛ mi ka mɔ, nɛ mi zɔ wi dungu ngɔ kpongbo nwa ni, nɛ nde a 'bia kasa 'buku do ngawili kɔ̃ a. Wa kɔma mbɛti li nɛ do 'do nɛ, nɛ wa nãlã nu nɛ do ndaka fala sambo.

USU MƐNƆ 5:13

Nɛ 'do nɛ, nɛ mi zila 'bɔ wala gɛlɛ mɛnɔ vɛ kɛ Gale dɛa kɔ li nza i, do ngɔ nù gɛ, do kɔ le 'da ofionɔ, do kɛnɔ 'dɔ gba lì ni tɛ ga zuma na: “E kɔ wi dungu ngɔ kpongbo nwa, do Be Bata wa kpa dɔngga wi, do dɔ̃lɔ̃ li, do ngawi, nɛ lɛ tɔ̃ de sako li wa kɔ sabɛlɛ do sabɛlɛ!”

USU MƐNƆ 6:16

Nɛ wa he mɔ hã kalanɔ do tanɔ na: “Nɛ té dɛ ngɔ lɛ, nɛ nɛ úsú lɛ, dɔ Wi dungu ngɔ kpongbo nwa zɔ́ lɛ, hã dã ba Be Bata dɛ tɛ lɛ gɔ.