USU MƐNƆ 4:11 - WE NU GALE 1995

¹¹ “Aa Nwa, mɔ a Gale 'da lɛ. Mɔ wia do dɔ̃lɔ̃ li, do dɔngga wi, do nganda vɛ. Mba gɔ, mɔ a mɔ dɛa mɛnɔ vɛ. Mɔ kɔ̃a zi na mɛnɔ dɛ tɛ̃ ɛ, nɛ ma dɛa tɛ̃ ɛ.”

USU MƐNƆ 4:11 Iomraidhean Croise

Ndo Nyanga Dɛ Mɔ 1:1

Kuti kɛ kurr na, Gale ndo nyanga dɛ mɛnɔ vɛ ni, nɛ a dɛa li nza do nù.

2 SAMUƐLƐ 22:4

Ma wia na, lɛ dɔnggɔ NWA, we kɛ mi sa mɔ hã a, nɛ a gbaka mi, nɛ a fua mi ti kɔ̃ owi sɛnɛ mi.

NEHEMIE 9:5

Nɛ 'do nɛ, nɛ olevitɛnɔ gɛ: Yesua, Kadmiɛlɛ, Bani, Hakabneya, Serebia, Hodia, Sɛbania do Pɛtahia, wa hia mɔ na: “Nɛ kúlú ngɔ! Nɛ dɔ́nggɔ́ dia zu li NWA Gale 'da nɛ! Nɛ nɛ té de zu li a 'da fala fai!” “NWA, e kɔ wele do wele dɔnggɔ dɔ̃lɔ̃ li 'da mɔ, kɛ ma gã nɛa ngɔ tala ogele linɔ vɛ̃ ni.

YƆBƆ 36:3

Mi nɛ fa 'du gulu lɛnggɛ ngboo, we be do dia gulu we 'da Gale, kɛ a dɛa mi ni dɛ nza.

Zumanɔ 18:3

Aa Gale 'da mi, mɔ a kpangba ta, kɛ mi wia we usu kɔ nɛ ni, mɔ a ngele kɛ ma kele mi li bolo, mɔ a gba ngbo kɛ ma usu zu mi.

Zumanɔ 68:34

A dungu ngɔ okutunɔ tɛ li nza kɛ ma 'bana sɛ fai ni, nɛ ma la do a. Nɛ zɔ́ a kɛ, a o dã nganda wena.

Kulu Tɔa 20:11

We kɛ 'do tũ gazɛlɛ, mi dɛa zi li nza do nù, do gba lì, do omɛnɔ nyanga nza gɛ vɛ̃. Nɛ tũi kɛ sambo, mi ɔmɔ tɛ mi. Ma kɛ mi wila nu mi tɛ tũi ni na, wa e ma hã mi.

GBA WENƆ 16:4

Mɛnɔ vɛ̃ NWA dɛa ni, ma do gulu nɛ boe. Gulu o'dã winɔ mɛ a kɛ na, wa te li ngbangga do kɔ̃ tũ kɛ NWA wia ni.

Ezai 40:26

Nɛ ká mɔ dɛ li nza ngɔ 'di, kɔ nɛ zɔ́ sɔlanɔ. Wi dɛa ma a wio nde? Gɛnɛ kɔ ma dɔa ɔ nɛ Owi bolo, nɛ nde NWA ĩ ti li ma kpo kpo, nɛ ma vɛ̃ dɛ tɛ kɔ a. Ngawi 'da a ma la mɔ vɛ̃, kɔ fala kɛ a ba nu a, nɛ nde sɔla kpo zɔ́lɔ́ we to nɛ gɔ.

Ezai 40:28

Nɛ ĩ̀ gɔ nde? Nɛ nɛ zèlè gɔ nde? NWA Gale fai boe, a dɛa mɛnɔ nyanga nza gɛ vɛ̃. A mbɔ́kɔ́ fala kpo gɔ, nɛ a do hã zã kɛ fo wi hɔ ndɔti nɛ bina.

Yeremi 10:11

Aa nɛ, obe Israɛlɛ, nɛ tɔ̃́ hã ogele winɔ na, mbe tũ kpo, nɛ NWA Gale a bisi sɛ ogalenɔ kɛ wa a wa dɛ̀ li nza do nùi gɛ gɔ ni, nɛ wele zɔ́ sɛ 'bɔ olo wa ngɔ nù gɛ gɔ.

Yeremi 32:17

“Aa NWA Gale, mɔ dɛa nùi gɛ do li nza, do ngawi 'da mɔ, do hã zã 'da mɔ. Mɔ kpo ngàndà li mɔ gɔ.

Owi Nɛ Tonɔ 14:15

“Onyae, gulu kɛ nɛ dɛ ni we ge nde? Lɛ a Owele ɔ nɛ nɛ gɛ iko. Lɛ tɛa we be Dia Sakoe 'da Yezu hã nɛ, takɔ nɛ lá fala dɔnggɔ osɛa tenɔ, kɛ ma do gulu nɛ bina ni, kɔ nɛ siki li nɛ dɛ 'da Gale wele kpasi, kɛ a dɛa li nza, do nùi, do gba lì, do mɛnɔ 'dɔ lìnɔ vɛ̃ ni.

Owi Nɛ Tonɔ 17:24

mi kɔ̃a we be gulu we 'da Gale, kɛ a dɛa nùi do mɛnɔ nyanga nza gɛ vɛ ni hã nɛ. A a Nwa ngɔ li nza, do nùi, nɛ a ɔ́ kɔ tɔa kɛ Owele wa dɛa do kɔ̃ wa ni gɔ.

ROMA 11:36

Mba gɔ, mɛnɔ vɛ́ ma yula 'da a, nɛ a a zɔ mɔ tɛ ma, nɛ ma ɔ we duzu a. E kɔ Gale kpa dɔ̃lɔ̃ li kɔ sabɛlɛ do sabɛlɛ! Amɛ.

EFƐZƐ 3:9

Gale tumba mi we be tɛlɛ tɛ kɛ linggamɔ kɔ sila a ma dɛ sɛ do tɛ ɛ ni dɛ nza. Gale kɛ a dɛa mɛnɔ vɛ ni, a usu zɛ́ ma dɛ kɔ sila a belee dati a ndo nyanga dɛ mɛnɔ.

Mbulanɔ 32:4

“NWA kele zu owinɔ 'da a, nɛ a dɛ mɔ do wala olo nɛ, nɛ dɛa mɔ tɛ̃ a vɛ̃ a bɔlɔ. Gale 'da lɛ a Gale tɔ̃ gbãlã we, a lá fala dɛ olo nu a gɔ. A dɛ mɔ kɛ ma a bɔlɔ, nɛ a do du sila.

OHEBRE 1:10

Nɛ a tɔ̃a 'bɔ hã a na: “Mɔ Nwa, mɔ a mɔ dɛa zɛ́ nùi do ndo nyanga mɛnɔ vɛ, nɛ mɔ a mɔ dɛa 'bɔ li nza do kɔ̃ mɔ ngboo.

OHEBRE 1:2

Nɛ nde do ngba soenɔ gɛ, kɛ mɛ a ndɔti tũnɔ ni, Gale wila we hã lɛ do wala 'da Be 'da a. Be ni a wi kɛ Gale dɛa zɛ́ mɛnɔ vɛ̃ do wala 'da a, nɛ a ia mɛnɔ vɛ̃ dɛ kɔ̃ a ni.

USU MƐNƆ 1:6

Nɛ a ia lɛ do onganga kɔ le nwa 'da Baa a Gale, we dɛ to hã a. E kɔ Kristo ɔ do dɔ̃lɔ̃ li, do ngawi kɔ sabɛlɛ do sabɛlɛ! Amɛ.

USU MƐNƆ 10:6

nɛ a kana tɛ̃ a do zu li Gale kɛ a fai boe, nɛ a dɛa li nza, do nùi, do gba lìnɔ, do mɛnɔ falanɔ vɛ̃ ni. Nɛ anzɛ ni tɔ̃ na: “Ngba soe wia ia, mbé mɔ 'bɔ 'bɔa bina!

USU MƐNƆ 14:7

Nɛ a he mɔ dɛ ngɔ na: “Nɛ dɛ́ kili Gale, nɛ nɛ dɔnggɔ a! Mba gɔ, ngba soe a nɛ 'bili do we 'da owinɔ ni, ma hɔa ia. Nɛ dɔ́nggɔ́ wi kɛ a dɛa li nza do nùi, gba lì, do be lìnɔ ni!”

USU MƐNƆ 19:1

Nɛ 'do ki ni, nɛ mi zila giti mɔ ɔ nɛ giti gɛlɛ gba gili Owele ni tɛ li nza i, ma wele nganda wena tɛ tɔ̃ na: “Lɛ dɔ́nggɔ́ Gale 'da lɛ! A a Wi kpasa lɛ, nɛ a do dɔ̃lɔ̃ li, do ngawi.

USU MƐNƆ 5:12

tɛ ga zuma nganda wena na: “Be Bata kɛ wa gbɛa zi a ni, a wia do nwa, nɛ a do kpamɔ, do hã zã, do ngawi. E kɔ a kpa dɔ̃lɔ̃ li, do dɔngga wi, nɛ wa tɔ̃ de sako li a.”

USU MƐNƆ 5:2

Nɛ mi zɔ anzɛ kpo, kɛ a nganda wena ni tɛ he mɔ dɛ ngɔ na: “Wi wia we ɛ̃lɛ̃ ndaka nu 'buki gɛ, nɛ a hũi ma, wi a wio nde?”

USU MƐNƆ 5:9

Nɛ wa vɛ̃ wa ga mbé zuma na: “Mɔ wia do ba kasa 'buki, nɛ mɔ ɛ̃lɛ̃ ndaka wa nãlã do nu nɛ ni. We kɛ wa gbɛa zi mɔ, nɛ mɔ gɔnɔ zu ogba gili wele do tɔkɔ tɛ mɔ, nɛ mɔ hã wa hã Gale. Winɔ mɔ gɔna zu wa ni, wa a wi kɔ nu fɛlɛ kulanɔ, do lɛnggɛnɔ, do nu kpalanɔ, do kɔ lenɔ vɛ.