USU MƐNƆ 3:7 - WE NU GALE 1995

⁷ Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Filadɛlfi ni na: “Wi kɛ a santo, nɛ a tɔ̃ gbãlã we fai, nɛ a do fungula kɛ nwa Davidi zɛ́ do ma ni dɛ kɔ̃ a, kɔ a hũi nu tɔa, nɛ nde wele kpo kpé ma gɔ, hã a kpe, nɛ nde wele kpo hṹi ma gɔ ni, a tɔ̃a na:

USU MƐNƆ 3:7 Iomraidhean Croise

YƆBƆ 11:10

Fala kɛ Gale tombo mɔ hã owi 'bili wenɔ na, mɔ tia li ngbangga, nɛ wi kɛ a wia we fo mɔ ti kɔ̃ a, wi a wio nde?

YƆBƆ 12:14

Wi wia tɛ 'dafa mɔ kɛ Gale 'danga, nɛ ma de olo a ni, wi a wio nde? Nɛ wi wia we ba wele ti kɔ̃ Gale, wi a wio nde?

Zumanɔ 145:17

NWA dɛa mɛnɔ vɛ̃ do wala olo nɛ, nɛ dia zã 'da a be tɛ̃ ɛ kɔ mɛnɔ vɛ̃ a dɛa ni.

Zumanɔ 16:10

Mi a wi kɛ mi dɛ olo nu mɔ NWA, mɔ wè tɛ la mi na, mi fe, hã mi le ti nù, nɛ mi la dɛ kɔ le 'da ofionɔ i gɔ.

Zumanɔ 89:18

Mɔ a mɔ hã gã ngawi 'da mɔ hã lɛ, nɛ mɔ a mɔ dɛ na, lɛ nɛ ngɔ owi sɛnɛ lɛ.

Ezai 22:22

Mi e sɛ a do gã wi dɛ ti nu nwa, kɛ a a be zã Davidi ni. Mi hã sɛ fungula nu tɔa 'da nwa hã a. Do fala kɛ a fì nu tɔa ni, nɛ nde wele kpo kpé sɛ ma gɔ, kɔ a kpe ma, nɛ fo sɛ wi fĩ ma bina.

Ezai 30:11

nɛ tɛ kpè wala ti lɛ gɔ. Lɛ kɔ̃̀ we zele li Gale santo 'da lɛ obe Israɛlɛ gɔ.”

Ezai 41:14

nwa tɔ̃a na: “Aa nɛ, obe Israɛlɛ, nɛ dɛ̀lɛ̀ gɔ, nɛ nɛ ngàndà gɔ. Owinɔ wa zɔ nɛ li wa ɔ nɛ otɔlɔfɛ ni iko, nɛ nde nɛ tɛ dɛ̃ kili gɔ. Mba gɔ, mi Gale santo 'da nɛ Oisraɛlɛ, mi gala sɛ nɛ, nɛ mi kpasa nɛ.

Ezai 41:16

Nɛ pɛsɛ sɛ ma, nɛ gba bũ kamba ma kala sɛ ma la do nɛ. 'Do nɛ, nɛ nɛ dɛ sɛ yangga, we kɛ mi a Gale 'da nɛ. Nɛ nɛ sambala sɛ mi, Gale santo 'da nɛ Oisraɛlɛ.”

Ezai 41:20

Owinɔ wa zɔ na mɛ ni, nɛ wa ĩ sɛ na, wi a mi nwa, kɛ mi a Gale santo 'da nɛ Oisraɛlɛ ni, mi a mi dɛa mɛnɔ ni.”

Ezai 47:4

Gale santo 'da obe Israɛlɛ, NWA ngɔ mɔ nyanga nza vɛ̃, kɛ a kpasa lɛ ni, a tɔ̃a ni.

Ezai 48:17

NWA Gale santo 'da obe Israɛlɛ kɛ a kpasa wa kɔ ngamɛnɔ ni, a tɔ́a na: “Mi a NWA Gale 'da nɛ. Mi a mi tɔ̃ mbula hã nɛ, takɔ ma kpasa nɛ kɔ dungu nza 'da nɛ. Nɛ mi a mi kpe dati nɛ tɛ li walanɔ kɛ nɛ ba ma ni.

Ezai 49:7

NWA Gale santo 'da obe Israɛlɛ, kɛ a kpasa wa kɔ ngamɛ ni, a tɔ̃a hã wi kɛ owinɔ wa sɛnɛ a, nɛ wa zɔ a li wa yala iko, nɛ wa ia a do ngbá 'da ogã winɔ ni na: “Onwanɔ wa zɔ sɛ mɔ, nɛ wa kulu sɛ ngɔ ngɔ kpongbo nwa 'da wa, we dɔnggɔ mɔ. Kɔ ogã winɔ wa zɔ na mɛ ni, nɛ wa bili sɛ zu wa nù dati mɔ.” Wa yu sɛ kili mɔ na mɛ ni, we duzu nwa, kɛ a saka mɔ, nɛ a ia mɔ do wi dɛa toe 'da a ni. NWA Gale santo 'da obe Israɛlɛ, a dɛ sɛ mbuli kɛ a kpua hã mɔ ni.

Ezai 54:5

Mba gɔ, Gale kɛ a dɛa nɛ ni, a ɔ sɛ nɛ wili nɛ. A a Gale santo 'da nɛ, obe Israɛlɛ, nɛ li a a Nwa ngɔ mɔ nyanga nza vɛ̃. A kpasa sɛ nɛ kɔ ngamɔ. A a gã wi ngɔ nùi gɛ vɛ̃.

Ezai 55:5

Ngangga gɛ, nɛ, obe Israɛlɛ, nɛ sa sɛ mɔ hã ogele winɔ kɛ nɛ ĩ zi mbe ti ngba nɛ do wa gɔ ni, nɛ wa tɛ sɛ we mba ngba wa do nɛ. Mi NWA Gale 'da nɛ, mi, Gale santo 'da nɛ, obe Israɛlɛ, mi dɛ sɛ na mɛ ni, nɛ ma hã sɛ dɔ̃lɔ̃ li hã nɛ.”

Ezai 6:3

Nɛ oanzɛnɔ ni wa he mɔ hã ngba wa na: “Santo, santo, santo! NWA ngɔ mɔ nyanga nza vɛ̃ a santo! Dɔ̃lɔ̃ li 'da a ma kpa ngɔ nù gɛ vɛ̃.”

MATIE 16:19

Mi hã sɛ fungula nu le nwa 'da Gale hã mɔ. Kɔ fala kɛ mɔ bɛ̃ gɛnɛ mɔ ngɔ nù gɛ, nɛ Gale a bɛ̃ sɛ tɛ mɛ 'bɔ gɛnɛ mɛ ni tɛ li nza i. Kɔ fala kɛ mɔ kɔ̃ gɛnɛ mɔ ngɔ nù gɛ, nɛ Gale a kɔ̃ sɛ tɛ mɛ 'bɔ gɛnɛ mɛ ni tɛ li nza i.”

MATIE 24:35

Li nza do nùi ma 'danga sɛ, nɛ nde we nu mi ma 'bana sɛ fai.

MARKO 1:24

“Yezu wi Nazarɛtɛ, mɔ nɛ dɛ do lɛ nɛ nde? Mɔ tɛa we gbɛ lɛ gbɛa nde? Mi ĩ ti mɔ de wena. Mɔ a santo kɛ Gale a tumba mɔ!”

LUKA 1:32

A sɛ a gã wi, nɛ Nwa Gale kɛ a nɛa ngɔ mɛnɔ vɛ̃ ni, a sa sɛ li a na Be 'dɛ ɛ. Nɛ Gale a e sɛ a do nwa olo yaa a Davidi,

LUKA 4:34

“Aa Yezu, wi Nazarɛtɛ, mɔ nɛ dɛ do lɛ nɛ nde? Mɔ tɛa we kumu lɛ kumu nde? Mi ĩ ti mɔ de wena. Mɔ a santo kɛ Gale a tumba mɔ!”

YOANƐ 14:6

Nɛ Yezu gese hã a na: “Mi a li wala kɛ ma la dɛ 'da Baa mi, nɛ mi a wele gbãlã we do wele kpasi. Wele wè tɛ hɔ 'da Baa mi iko gɔ, tati a do wala 'da mi sɛ nɛ de.

Owi Nɛ Tonɔ 3:14

A zi a wi 'da Gale ngboo, nɛ a a bɔlɔ zu wele, nɛ nde nɛ bɛa zi gɛnɛ a. Nɛ nɛ aka Pilatɛ na, a da kɔ̃ a tɛ wi gbɛ wi hã nɛ.

1 YOANƐ 5:20

Lɛ ĩ 'bɔ na, Yezu Be 'da Gale tɛa zi ngɔ nù gɛ, nɛ a hã hã zã hã lɛ na, lɛ ĩ ti ngbongbo Gale. Nɛ lɛ 'bana dɛ kɔ Gale do wala 'da Be 'da a Yezu Kristo. A a ngbongbo Gale, nɛ a hã kpasi kɛ ma é sɛ gɔ ni hã lɛ.

USU MƐNƆ 1:11

tɛ tɔ̃ hã mi na: “Mɔ kɔ́mɔ́ mɛnɔ mɔ zɔ gɛ do mbɛti, nɛ mɔ tómbó ma hã oeklezianɔ kɔ lenɔ sambo gɛ: Efɛzɛ, Smirnɛ, Pɛrgamɛ, Tiatirɛ, Sardɛ, Filadɛlfi do Laodise.”

USU MƐNƆ 1:18

Mi do kpasi! Mi fia zi, kɔ ngangga ni, mi do kpasi kɔ sabɛlɛ do sabɛlɛ. Mi do ngawi ngɔ fio, do ngɔ le 'da ofionɔ.

USU MƐNƆ 1:5

Nɛ e kɔ Yezu Kristo, kɛ a tɔ̃ gulu we 'da Gale do gbãlã we, nɛ a a wi dati we tunu kɔ fio, nɛ a a Nwa ngɔ onwanɔ nù gɛ vɛ̃ ni, a be 'bɔ dia zã, nɛ a hã gɛ̃a dungu hã nɛ. Yezu Kristo kɔ̃a gɛnɛ lɛ, nɛ a fia we duzu lɛ, nɛ tɔkɔ tɛ a fua ku'da 'dã mɛnɔ zu lɛ.

USU MƐNƆ 15:3

kɔ wa tɛ zɛ zuma kɛ Mɔizɛ, wi dɛa to 'da Gale ga zɛ́ ma ni, do zuma 'da Be Bata na: “Nwa Gale, mɔ do nganda vɛ, mɔ dɛa ogba mɔ, nɛ Owele wa ɔngbɔ ma ɔngba. Mɔ a Nwa ngɔ winɔ vɛ̃. Walanɔ 'da mɔ ma bɔlɔ wena, nɛ wele wia we gbini zã ɛ do ma.

USU MƐNƆ 16:7

Nɛ 'do ki ni, nɛ mi zele wala gɛlɛ wele ma yula tɛ gbagala i tɛ tɔ̃ na: “Ma a ni, Nwa Gale do nganda vɛ̃! Mɔ 'bili we 'da owinɔ do wala do nɛ, do bɔlɔ nɛ ngboo!”

USU MƐNƆ 19:11

'Do ki ni, nɛ nu li nza hũi, nɛ mi zɔ fɛ̃a mbalata. Nɛ wi kũ ngɔ mbalata ni, li a a: “Bɔlɔ zu, Wi tɔ̃ gbãlã we.” A 'bili we, nɛ a bi bolo do wala do nɛ.

USU MƐNƆ 19:2

A 'bili we do bɔlɔ nɛ fai. A 'bili we dɛ zu gã wuko ndumba, kɛ a 'danga zi nùi gɛ do vĩ zu yɛli 'da a ni. A bili nu gbã tɔkɔ tɛ owi dɛa tonɔ 'da a hã wuke ni.”

USU MƐNƆ 2:1

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Efɛzɛ ni na: “Wi kɛ a 'be sɔlanɔ sambo do ngawili kɔ̃ a, nɛ a yɛnggɛ do sanga omɔ a do mwindanɔ sambo, kɛ wa dɛa do mɔ mbali ni tɔ̃a na:

USU MƐNƆ 21:5

Nɛ wi dungu ngɔ kpongbo nwa ni tɔ̃ na: “Nɛ zɔ́, mi kpula mɛnɔ vɛ̃do mbé nɛ.” Nɛ a tɔ̃ 'bɔ hã mi na: “Mɔ kɔ́mɔ́ wenɔ gɛ do mbɛti, we kɛ mɛ a ngbongbo we, nɛ wele wia we e sila a ngɔ nɛ.”

USU MƐNƆ 3:14

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Laodise ni na: “Wi kɛ a dɛa toe 'da Gale ia vɛ, kɔ a tɔ̃ gulu we 'da Gale do gbãlã we ngboo, nɛ a 'bɔ a wi kɛ Gale dɛa zɛ́ mɛnɔ vɛ̃ do wala 'da a ni tɔ̃a na:

USU MƐNƆ 4:8

Otunu li mɛnɔ nalɛ ni, wa do 'baka wa gazɛlɛ gazɛlɛ ɔ nɛ 'baka nɔɛ ni. Nɛ gbali wa kpa do tɛ 'baka wa vɛ̃, ombe do ngɔ, nɛ ombe do ti nɛ. Nɛ wa tɛ ga zuma fai, tũ do gba wese na: “Mɔ a santo, mɔ a santo, mɔ a santo. Mɔ a Nwa Gale kɛ mɔ do nganda vɛ̃. Mɔ zɛ́ boe, nɛ mɔ sɔɛ gɛ boe, nɛ mɔ tɛ sɛ.”

USU MƐNƆ 5:9

Nɛ wa vɛ̃ wa ga mbé zuma na: “Mɔ wia do ba kasa 'buki, nɛ mɔ ɛ̃lɛ̃ ndaka wa nãlã do nu nɛ ni. We kɛ wa gbɛa zi mɔ, nɛ mɔ gɔnɔ zu ogba gili wele do tɔkɔ tɛ mɔ, nɛ mɔ hã wa hã Gale. Winɔ mɔ gɔna zu wa ni, wa a wi kɔ nu fɛlɛ kulanɔ, do lɛnggɛnɔ, do nu kpalanɔ, do kɔ lenɔ vɛ.

USU MƐNƆ 6:10

Kɔ wa tɛ he mɔ do nga gɛlɛ na: “Aa Nwa, mɔ a santo, nɛ mɔ tɔ̃ fai a gbãlã we. Mɔ nɛ 'bɔ gbaa we 'bili we 'da winɔ nù gɛ, nɛ mɔ hã etumbu hã wa do kɛ wa gbɛa zi lɛ ni soe ki nge nde?”