USU MƐNƆ 3:5 - WE NU GALE 1995

⁵ Kɔ wi kɛ a kunu sila a kɔ ngamɛnɔ gbaa we hɔ ndɔti nɛ, nɛ a he'de sɛ fɛ̃a tuli ni, nɛ mi gbɛ́ sɛ li a kɔ 'Buku Kpasi gɔ. Nɛ mi tɔ̃ sɛ dati Baa mi do oanzɛnɔ 'da a na, a a wi 'da mi.

USU MƐNƆ 3:5 Iomraidhean Croise

Zumanɔ 109:13

E kɔ obe zã a wa fe vɛ̃, nɛ li a mbiti kɔ obenɔ 'do gɛ do'do.

Zumanɔ 69:28

Mɔ kɔ́mɔ́ 'dã mɛnɔ 'da wa kpo kpo, nɛ mɔ tɛ ĩ̀ 'bako hã wa fala kpo gɔ.

MALAKI 3:17

Nɛ NWA ngɔ mɔ nyanga nza vɛ̃ tɔ̃ na: “Do ngba soe mi hɔ sɛ nɛ ni, mi be sɛ ngawi 'da mi, nɛ winɔ gɛ, wa sɛ a owinɔ 'da mi ngboo. Nɛ mi be sɛ dia zã hã wa, ɔ nɛ kɛ baa be be do dia zã hã bulu be 'da a, kɛ a zele we nu a zila ni.

MATIE 10:32

“Wi kɛ a tɔ̃ dɛ li Owele na, ɛ a wi 'da mi ni, nɛ mi tɔ̃ sɛ tɛ mɛ 'bɔ dɛ li Baa mi, kɛ a li nza i ni na, wi ni a wi 'da mi.

LUKA 10:20

Nɛ nde nɛ tɛ sì tɛ dɛ yangga kɛ o'dã hi winɔ wa zele nu nɛ ni gɔ, nɛ nde nɛ dɛ́ yangga kɛ na, Gale kɔma li nɛ kɔ 'Buki 'da a li nza i ni.”

LUKA 12:8

“Mi tɔ̃ hã nɛ na, wi kɛ a tɔ̃ dɛ li owele na, ɛ a wi 'da mi ni, nɛ mi Be 'da Wele, mi tɔ̃ sɛ tɛ mɛ 'bɔ dɛ li oanzɛnɔ 'da Gale vɛ̃ na, wi ni a wi 'da mi.

Mbulanɔ 9:14

Mɔ é mi kɔ mi kumu wa, hã li wa mbiti ngɔ nùi gɛ do'do. Nɛ 'do nɛ, nɛ mi dɛ sɛ na, mɔ ko obe, nɛ mɔ sɛ a baa Owele kɛ wa dɔ wena, nɛ wa nganda 'bɔ la ngɔ owinɔ gɛ.’

FILIPƐ 4:3

Nɛ kɛ 'da mɔ, ngbongbo ngba mi wi dɛa toe, mi aka mɔ na, mɔ gálá wa, we kɛ wa dɛa zi to do mi we yɛ'bɛ Dia Sakoe, fala nɛ kpo do Klema, do tala ongba mi wi dɛa tonɔ, kɛ li wa vɛ̃ kɔ 'Buku Kpasi ni.

YUDA 1:24

Lɛ dɔ́nggɔ́ Gale, kɛ a do ngawi we zɔ mɔ tɛ nɛ na, dɔ nɛ té gɔ ni. A a wi kɛ a fo 'dã mɔ kɔ nɛ vɛ̃, nɛ a 'dafa nɛ na, nɛ we tɛ hɔ dati yele ngbala 'da a do yangga vɛ.

USU MƐNƆ 13:8

Nɛ winɔ ngɔ nù gɛ, wa dɔnggɔ sɛ sa'de ni. Winɔ ni, wi a wanɔ kɛ Gale kɔ̀mɔ̀ zɛ́ li wa kɔ 'Buku Kpasi, dati kɛ a ndua zɛ́ nyanga dɛ mɛnɔ vɛ́ ni gɔ ni. 'Buku Kpasi ni, mɛ a kɛ 'da Be Bata kɛ wa gbɛa zi a ni.

USU MƐNƆ 17:8

Sa'de kɛ mɔ zɔa a ni, a zi do tunu li a, kɔ ngangga ni a 'bɔ bina. Nɛ nde ma 'bana bi sĩ, nɛ a hɔ sɛ nza kɔ gba 'du kɔ̃ɛ, takɔ a la dɛ fala wa nɛ gbɛ do a ni. Nɛ winɔ ngɔ nù gɛ, kɛ 'da fala Gale ndua zɛ́ nyanga dɛ mɛnɔ, nɛ a kɔ̀mɔ̀ zɛ́ li wa kɔ 'Buku Kpasi gɔ ni, wa ɔngbɔ sɛ wena we zɔ sa'de ni, we kɛ a zi do tunu li a, kɔ ngangga ni a 'bɔ bina, nɛ a hɔ sɛ 'bɔ mbé nɛ ni.

USU MƐNƆ 19:8

Wa hã tulu linɛ ma fɛnga nde nde, nɛ ma ndele wena hã a na, a he'de.” (Tulu linɛ ni, ma be bɔlɔ zu dɛa mɛnɔ kɛ owinɔ 'da Gale wa dɛa zi ni.)

USU MƐNƆ 2:11

“Wi kɛ zala a boe, nɛ a zélé wenɔ kɛ Hi Wi Santo tɔ̃ hã oeklezianɔ ni. Wi kɛ a kunu sila a kɔ ngamɛnɔ gbaa we hɔ ndɔti nɛ, nɛ a fé sɛ fio fala bɔa gɔ.”

USU MƐNƆ 2:7

“Wi kɛ zala a boe, nɛ a zélé wenɔ kɛ Hi Wi Santo tɔ̃ hã oeklezianɔ ni. Wi kɛ a kunu sila a kɔ ngamɛnɔ gbaa we hɔ ndɔti nɛ, nɛ mi hã sɛ wala hã a na, a nyɔngɔ wala te kɛ ma hã kpasi, nɛ ma kɔ fɔ Paradizo 'da Gale ni.”

USU MƐNƆ 20:12

Nɛ mi zɔa ofionɔ vɛ, ogã winɔ do obe winɔ, nɛ nde wa yula dɛ dati kpongbo nwa ni. Nɛ mi zɔ 'bɔ ohũi li 'buku dɛ di ni. Nɛ wa hũi 'bɔ mbé gele 'buku kpo, kɛ Gale kɔma li owinɔ kɛ wa do kpasi kɛ ma é sɛ gɔ ni kɔ nɛ ni. Nɛ Gale 'bili we 'da ofionɔ vɛ, wele do wele do 'da dɛa tonɔ a dɛa zi ma, nɛ wa kɔma ma kɔ 'bukunɔ ni.

USU MƐNƆ 20:15

Nɛ wi kɛ Gale kɔ̀mɔ̀ li a kɔ 'Buku Kpasi gɔ ni, wa da a li gba nyɛa we ni.

USU MƐNƆ 21:27

Nɛ mɔ ndi kpo lé sɛ kɔ le ni gɔ, nɛ wele kɛ a hã tɛ a we dɛ mɔ sape, tabi we 'bili bɛlɛ ni, a lé sɛ di ni gɔ. Nɛ nde winɔ kɛ wa le sɛ i mɔ ni, wi tati a wanɔ kɛ Gale kɔma zɛ́ li wa kɔ 'Buku Kpasi 'da Be Bata ia ni.

USU MƐNƆ 22:19

Nɛ wi kɛ a fo tɛ wenɔ kɔ 'buki gɛ ni, nɛ Gale a bɛ̃ sɛ na, a tɛ nyɔ̀ngɔ̀ wala te kɛ ma hã kpasi ni gɔ, nɛ a tɛ lè kɔ le santoe kɛ wa tɔ̃ we nɛ kɔ 'buki gɛ ni gɔ.

USU MƐNƆ 3:12

Wi kɛ a kunu sila a kɔ ngamɛnɔ gbaa we hɔ ndɔti nɛ, nɛ mi e sɛ a ɔ nɛ bɛlɛduma kɔ Tɛmpɛloe 'da Gale 'da mi, nɛ a 'bana sɛ dɛ di ni fai. Nɛ mi kɔmɔ sɛ li Gale 'da mi, do li le 'da Gale 'da mi bula li a. Mɛ a mbé le Yeruzalɛmɛ kɛ ma yolo 'da Gale 'da mi tɛ li nza i ni. Nɛ mi kɔmɔ sɛ 'bɔ mbé li mi bula li a.

USU MƐNƆ 3:4

Nɛ nde ombe winɔ Sardɛ ni, wa tɛ 'dàngà tɛ tulunɔ 'da wa gɔ. Winɔ ni wa he'de sɛ fɛ̃a tulu, nɛ wa yɛnggɛ do mi, we kɛ ki ni wia do wa.

USU MƐNƆ 6:11

Nɛ oanzɛnɔ wa hã fɛ̃a tulu hã wele do wele sanga wa ni, nɛ wa tɔ̃ hã wa na, wa kunu sila wa, kɔ wa 'bɔ, hã li onya wa, do ongba wa winɔ 'da Gale, kɛ wa nɛ gbɛ 'bɔ wa, ɔ nɛ kɛ wa gbɛa zi do wa ni, we vɛ sɛ nɛ de.

1 SAMUƐLƐ 17:25

Nɛ wa tɔ̃ hã ngba wa na: “Nɛ zɔ́ a! A tili dɛ dati we tulu lɛ a ni. Nɛ nwa Saulo kpua mbulu na, ɛ hã sɛ gã kpamɔ hã wi kɛ a gbɛ sɛ Goliatɛ ni. Nɛ a 'bɔ na, ɛ hã sɛ be zɔnga be 'da ɛ hã wi ni na, a ba a do kɛnɛ a. Nɛ nu fɛlɛ a fútá sɛ 'bɔ tako gɔ.”