USU MƐNƆ 3:3 - WE NU GALE 1995

³ Kɔ ta zu nɛ gbá ngɔ wenɔ kɛ wa bia zi ma hã nɛ, nɛ nɛ kɔ̃a gɛnɛ nɛ ni. Nɛ dɛ́ mbula nɛ, nɛ nɛ kífí sila nɛ. Nɛ dɛ̀ ní gɔ, nɛ mi gbanga sɛ nɛ ɔ nɛ wi zũ ni, nɛ nɛ ĩ́ sɛ ti ngba soe mi nɛ hɔ nɛ ni gɔ.

USU MƐNƆ 3:3 Iomraidhean Croise

EZEKIƐLƐ 20:43

Nɛ tɛ ngɔ nùi ni, nɛ lengge sɛ mɔ ngɔ ã dɛa to tɛ nɛ kɛ ma la zi ni, do tɛlɛ tɛ kɛ nɛ dɛa zi na, nɛ hɔ owi ndi li mi ni. Nɛ nɛ sɛnɛ sɛ kili tɛ nɛ wele nɛ, we duzu 'dã mɛnɔ vɛ̃ kɛ nɛ dɛa zi ni.

EZEKIƐLƐ 36:31

Na mɛ ni, nɛ tɛ nɛ ma gba sɛ ngɔ 'dã dɛa to tɛ nɛ, do 'dã mɛnɔ kɛ nɛ dɛa zi ni. Nɛ zu nɛ ma dĩlĩ sɛ do sape olo gã 'dã mɛnɔ nɛ dɛa zi ni.

MATIE 25:13

Nɛ Yezu tɔ̃ hã wa na: “Li nɛ sɔ̃́! We duzu kɛ nɛ ĩ̀ ti ngba soe, do sa kɛ mi nɛ hɔ sɛ do ma ni gɔ.”

MARKO 13:33

Kɔ li nɛ sɔ̃́, nɛ nɛ tɛ ɔ̀ yala gɔ, we kɛ nɛ ĩ̀ ti ngba soe ma dɛ sɛ do tɛ̃ ɛ ni gɔ.

MARKO 13:36

Kɔ fala kɛ a hɔ do gbanga nɛ nde, nɛ dɔ a kpá nɛ tɛ ɔ yala iko gɔ.

1 TƐSALONIKƐ 5:2

Mba gɔ, nɛ ngboo nɛ ĩ na, ngba soe kɛ Nwa a tɛ sɛ nɛ ni, ma gbanga sɛ lɛ ɔ nɛ wi zũ, kɛ a tɛ we zũ mɔ do tũ ni.

1 TIMOTE 6:20

Aa Timote, mɔ fɔ́mɔ́ wenɔ kɛ wa ia dɛ tambala kɔ̃ mɔ ni do dia nɛ. Mɔ yú lɛnggɛnɔ kɛ li zuma nɛ bina, nɛ ma 'danga kɔ̃a we 'da winɔ 'danga ni. Nɛ mɔ bɛ̃́ gɛnɛ oaka wenɔ 'da owinɔ kɛ wa ba tɛ wa nɛ́ owi hã zãnɔ ni do'do.

2 TIMOTE 1:13

Mɔ 'dáfá dɛa mɔ tɛ mɔ we kɔ̃ do wenɔ kɛ mɔ zila zi ma dɛ nu mi, nɛ mɔ ɔ́ do kɔ̃a zã do kɔ̃a we kɛ lɛ kpa ma kɔ mba li ngba wi 'da lɛ do Yezu Kristo ni.

OHEBRE 2:1

We duzu ma, ma wia na, lɛ kɔ̃ gɛnɛ wenɔ kɛ lɛ zila zi ma ni do sila lɛ kpo, dɔ lɛ yɔ́ wala 'da Gale gɔ.

2 PETRO 1:13

Mba gɔ, mi zɔa na, nɛ́ kɛ mi 'bana nza gɛ, ma wia na, mi gba ta zu nɛ ngɔ mɛnɔ ni, dɔ ta zu nɛ élé ngɔ nɛ gɔ, kɔ nɛ lengge do ma fai.

2 PETRO 3:1

Aa nɛ, oyali ngba mi, kɛ gɛ mɛ a bɔa mbɛti kɛ mi kɔmɔ ma hã nɛ. Kɔ mbɛtinɔ bɔa ni, mi gba ta zu nɛ ngɔ wenɔ kɛ nɛ yambala zi ni, takɔ nɛ 'dafa linggamɛnɔ 'da nɛ, kɔ ma ɔ bɔlɔ.

2 PETRO 3:10

Nɛ nde tũ kɛ Nwa nɛ tɛ sɛ nɛ ni, ma gbanga sɛ nɛ ɔ nɛ wi zũ ni. Do ngba soe ni, nɛ giti li nza ma dɔ̃lɔ̃ sɛ nganda wena, nɛ ma bisi. Nɛ omɛnɔ li nza i ni ma ngutu sɛ vɛ̃, nɛ nùi do mɛnɔ ngɔ nɛ vɛ ma 'danga sɛ.

USU MƐNƆ 16:15

Nɛ zélé, Yezu tɔ̃a na: “Mi tɛ sɛ do gbanga nɛ nɛ́ wi zũ ni. Yangga do wi kɛ a 'bɔ 'da hɔa 'da mi, nɛ tulunɔ 'da a 'bana dɛ tɛ̃ a na, dɔ a lá do kũlĩ tɛ a, kɔ sape ba li a dati winɔ gɔ ni.”

USU MƐNƆ 2:25

Nɛ nde sila nɛ nɔ́ dɛ tɛ mɛnɔ nɛ yambala ni, gbaa we 'bɔ do 'da hɔa 'da mi.

USU MƐNƆ 2:5

Kɔ nɛ lénggé do tɛlɛ tɛ kɛ kɔ̃a we 'da nɛ zi nɛ, nɛ ma dia nɛ ge nde ni, kɔ nɛ kífí sila nɛ, nɛ nɛ dɛ́ mɔ tɛ nɛ ɔ nɛ kɛ nɛ dɛ zi dati ni. Ní gɔ, nɛ mi tɛ sɛ, nɛ mi fo mɔ e do mwinda 'da nɛ tɛ fala ma nɛ ni do'do.

USU MƐNƆ 22:7

Nɛ Yezu tɔ̃ na: “Mɔ zélé! Mi kɔla hɔ nɛ ia! Nɛ winɔ kɛ wa kɔ̃a gɛnɛ wenɔ kɛ Gale bia ma kɔ 'buki gɛ ni, wa sɛ a wi yangga.”

USU MƐNƆ 3:11

Mi kɔlɔ fala tɛ nɛ ia. Kɔ sila nɛ nɔ́ dɛ tɛ wenɔ nɛ yambala ni, dɔ wele bá mɔ do kɔ̃a we 'da nɛ kɔ̃ nɛ gɔ.

USU MƐNƆ 3:19

Mi dãlã dɛ tɛ winɔ kɛ mi kɔ̃a gɛnɛ wa ni, nɛ mi hã zɛlɛ tɛ hã wa. Kɔ nɛ, nɛ bé wɔ zã nɛ dɛ nza, nɛ nɛ kífí sila nɛ.

USU MƐNƆ 3:2

Kɔ li nɛ sɔ̃́, nɛ nɛ dɛ́ na, tala kpasi kɛ ma 'bana kɔ nɛ ni nganda, dɔ ma fé vɛ gɔ. Mba gɔ, mi zɔa na, dɛa mɔ tɛ nɛ dè li Gale 'da mi ngboo gɔ.