USU MƐNƆ 3:2 - WE NU GALE 1995

² Kɔ li nɛ sɔ̃́, nɛ nɛ dɛ́ na, tala kpasi kɛ ma 'bana kɔ nɛ ni nganda, dɔ ma fé vɛ gɔ. Mba gɔ, mi zɔa na, dɛa mɔ tɛ nɛ dè li Gale 'da mi ngboo gɔ.

USU MƐNƆ 3:2 Iomraidhean Croise

1 Onwanɔ 11:4

'Da fala kɛ Salɔmɔ nɛa we dɛ gbɛlɛ ni, nɛ wukonɔ 'da a wa zĩ do a gbaa, nɛ a da sila a ngɔ NWA Gale 'da a, nɛ a dɔnggɔ ogele galenɔ 'da wa. Nɛ a è 'bɔ sila a ngɔ NWA Gale 'da a, ɔ nɛ kɛ baa a Davidi dɛa zi ni gɔ.

1 Onwanɔ 15:3

Abiamɛ dɛa zi kpo kpo 'dã mɛnɔ baa a dɛa ni. A kɔ̃̀ zi gɛnɛ NWA Gale 'da a do sila a vɛ̃ ɔ nɛ yaa a Davidi ni gɔ.

2 Sakonɔ 25:2

Amasia dɛa zi mɔ kɛ ma dia tɛ Gale ni, nɛ nde a dɛ̃ ma do kɔ sila a vɛ̃ gɔ.

YƆBƆ 16:5

Nɛ wila we ngɔ lɛfɛ mi, ma kpãlã sɔ sila nɛ, nɛ sila nɛ gɛ̃.

Ezai 35:3

Kɔ̃ owinɔ ma mbɔka, nɛ zugolo wa ma gɛ̃a. Nɛ nde nɛ gésé ngawi hã wa, nɛ dɛ́ na, kɔ̃ wa do zugolo wa nganda.

Ezai 56:10

A na: “Onwanɔ vɛ̃ kɛ wa zɔ mɔ tɛ owinɔ 'da mi ni, wa a Owi lɔa li. Wa ĩ̀ ti mɔ kpo gɔ. Wa ɔ nɛ yɔnda tolo, kɛ a ĩ̀ ti ngbu dã gɔ ni. Wa kɔ̃a ɔ yala wena, wa bɔlɔ tɛ wa, nɛ wa zulu yala iko.

Ezai 57:12

Nɛ lengge na, mɛnɔ kɛ nɛ dɛ ma ni, mɛ a dia mɔ. Nɛ nde mi be sɛ 'dã mɛ 'da nɛ dɛ nza, nɛ osɛa tenɔ 'da nɛ wa wé sɛ we gbaka nɛ gɔ.

EZEKIƐLƐ 34:16

Mi nɛ sɛ, nɛ mi fa sa'de kɛ a yɔa ni, nɛ mi gese wanɔ kɛ wa hɔa nza ni dɛ olo wa. Nɛ mi a dani tɛ wele kɛ a do dani, nɛ mi dɛ zɛlɛ tɛ wele kɛ a do zɛlɛ ni, nɛ a kpa ngawi. Nɛ nde mi gbɛ sɛ wele kɛ a dɛa nɔ, nɛ a nganda wena ni. Mi sɛ a dia wi fɔmɔ bata kɛ mi zɔ mɔ tɛ nadalamɛnɔ 'da mi do bɔlɔ nɛ.”

DANIƐLƐ 5:27

TƐKƐLƐ gulu nɛ na: Wa gãlã mɔ gãlã. Wa gãlã mɔ nu kilo, nɛ wa zɔa na, mɔ dĩ̀lĩ̀ gɔ.

ZAKARIA 11:16

Mba gɔ, mi tombo mbé wi fɔmɔ bata dɛ ngɔ nùi, nɛ nde a ámbá sɛ zu obatanɔ kɛ Owele wa fa we gbɛ wa ni gɔ, nɛ a fá sɛ 'bɔ obatanɔ kɛ wa yɔa ni gɔ. A á sɛ dani tɛ wa gɔ, nɛ a ha sɛ nyɔngɔmɔ hã batanɔ kɛ wa 'bana do nga tɛ wa ni gɔ. Nɛ nde a nyɔngɔ sɛ mulu obatanɔ kɛ wa dɛ nɔ wena ni, nɛ a gbini sɛ nyanga wa.

MATIE 23:5

Wa dɛ mɛnɔ vɛ̃ na, owinɔ wa zɔ, nɛ wa dɔnggɔ wa. Nɛ nwá mbɛtinɔ kɛ owinɔ wa kɔmɔ we nu Gale dɛ ngɔ nɛ, nɛ wa kpo dati wa do zã 'baka wa ni, Ofariziɛnɔ wa dɛ kɛ 'da wa gã wena. Nɛ nu tulunɔ kɛ wa e nyanga du tulunɔ 'da wa ni, ma dulu nɛa ngɔ kɛ 'da ogele winɔ.

MATIE 25:13

Nɛ Yezu tɔ̃ hã wa na: “Li nɛ sɔ̃́! We duzu kɛ nɛ ĩ̀ ti ngba soe, do sa kɛ mi nɛ hɔ sɛ do ma ni gɔ.”

MATIE 25:7

Nɛ obe zɔnganɔ 'bu ni wa kulu ngɔ, nɛ wa 'dafa mwindanɔ 'da wa.

Owi Nɛ Tonɔ 18:23

A ɔa Antiɔsɛ i gbaa, nɛ a kulu ngɔ, nɛ a la. Nɛ a yɛnggɛ do kɔ lenɔ ngɔ nù Galati do Frizi, nɛ a nganda sila Owi Kristonɔ kɔ kɔ̃a we 'da wa.

Mbulanɔ 3:28

Mɔ hã mbulanɔ hã Yozue, mɔ nganda sila a, we kɛ wi kpe sɛ dati obe Israɛlɛ na, wa bi nùi mɔ zɔa ni, kɔ wa ba ma, wi a a.’

1 PETRO 4:7

Mɛnɔ kɔlɔ fala sɔkpɔ nɛ vɛ̃ ia. We duzu ki ni, nɛ ɔ́ do gbisa zu, do sɔ̃a li, takɔ nɛ sambala Gale do dia nɛ.

1 PETRO 5:8

Li nɛ sɔ̃́, nɛ nɛ tɛ ɔ̀ yala gɔ! We duzu kɛ Satana, wi sɛnɛ nɛ, a yɛnggɛ tɛ fa wele we ba a, ɔ nɛ gbɔgbɔ kɛ a he mɔ, nɛ a yɛnggɛ tɛ fa nyɔngɔmɔ ni.

USU MƐNƆ 16:15

Nɛ zélé, Yezu tɔ̃a na: “Mi tɛ sɛ do gbanga nɛ nɛ́ wi zũ ni. Yangga do wi kɛ a 'bɔ 'da hɔa 'da mi, nɛ tulunɔ 'da a 'bana dɛ tɛ̃ a na, dɔ a lá do kũlĩ tɛ a, kɔ sape ba li a dati winɔ gɔ ni.”

USU MƐNƆ 2:4

Nɛ nde mi kɔ'dɔ nɛ we 'dã mɔ kpo: Nɛ 'bànà tɛ kɔ̃ gɛnɛ mi ɔ nɛ kɛ nɛ kɔ̃a zi do mi dati ni gɔ.

USU MƐNƆ 3:1

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Sardɛ ni na: “Wi kɛ a do Hi Wi 'da Gale sambo, do sɔlanɔ sambo ni tɔ̃a na: Mi ĩ ti dɛa mɔ tɛ nɛ vɔ́, nɛ mi ĩ na, owinɔ wa lengge na, nɛ do kpasi, nɛ nde nɛ fi fia.

USU MƐNƆ 3:3

Kɔ ta zu nɛ gbá ngɔ wenɔ kɛ wa bia zi ma hã nɛ, nɛ nɛ kɔ̃a gɛnɛ nɛ ni. Nɛ dɛ́ mbula nɛ, nɛ nɛ kífí sila nɛ. Nɛ dɛ̀ ní gɔ, nɛ mi gbanga sɛ nɛ ɔ nɛ wi zũ ni, nɛ nɛ ĩ́ sɛ ti ngba soe mi nɛ hɔ nɛ ni gɔ.