USU MƐNƆ 3:18 - WE NU GALE 1995

¹⁸ “Kɔ we duzu ki ni, mi tɔ̃ mbula hã nɛ na, nɛ tɛ́ 'da mi nga, kɔ nɛ oso mɔ mbali kɛ wa fi li we, nɛ wa fua ndinɔ kɔ nɛ vɛ̃ ni, kɔ nɛ hɔ ngbongbo owi kpamɔ. Nɛ nɛ ósó 'bɔ ofɛa tulu, we kele do kũlĩ tɛ nɛ, kɛ sape nɛ ba li nɛ ni. Nɛ nɛ ósó ina we zĩ ngɔ li nɛ, takɔ nɛ zɔ 'bɔ mɔ.

USU MƐNƆ 3:18 Iomraidhean Croise

Zumanɔ 107:11

We kɛ wa bɛ̃a zi nu Gale, kɛ a nɛa ngɔ mɔ vɛ̃ ni, nɛ wa dɛ̃ mbulanɔ 'da a gɔ.

Zumanɔ 16:7

Mi dɔnggɔ mɔ NWA. Mɔ a wi tɔ̃ mbula hã mi, nɛ gɛnɛ kɔ do tũ, nɛ sila mi mbese mi ngɔ ma.

Zumanɔ 32:8

NWA tɔ̃a na: “Mi be sɛ li wala hã mɔ na, mɔ ba do ma. Mi tɔ̃ sɛ mbula hã mɔ, nɛ mi zɔ sɛ mɔ tɛ mɔ.

Zumanɔ 73:24

nɛ mɔ tɔ̃a mbula hã mi, nɛ ma kã mi kɔ dungu nza 'da mi. 'Do nɛ, nɛ mɔ ba sɛ mi do dɔ̃lɔ̃ li 'da mɔ.

GBA WENƆ 1:25

Nɛ da mbulanɔ 'da mi nù, nɛ nɛ kɔ̃̀ na, mi e nɛ li bɔlɔ wala gɔ.

GBA WENƆ 1:30

Nɛ da mbulanɔ 'da mi nù, nɛ nɛ kɔ̃̀ na, mi e nɛ li bɔlɔ wala gɔ.

GBA WENƆ 19:20

Fala kɛ mɔ zele mbulanɔ, kɔ mɔ yambala dɛ ma, nɛ mɔ kpa sɛ hã zã.

GBA WENƆ 23:23

Mɔ yámbálá we tɔ̃ gbãlã we, nɛ mɔ lengge mɔ dati, nɛ mɔ fa hã zã we ĩ ti mɔ. Kɔ mɔ yambala ma do'do, nɛ mɔ tɛ zɔ̀ ma li mɔ yala gɔ.

WI LENGGE WE 8:2

Ma wia na lɛ dɛ mbulanɔ 'da nwa. Lɛ zonggo zi tɛ lɛ hã a dati Gale,

Ezai 47:3

Owinɔ wa zɔ sɛ kũlĩ tɛ mɔ, nɛ sape ma ba sɛ li mɔ. Mi bili sɛ nu gbã hã mɔ, nɛ wele kpo ámbá sɛ mi gɔ.’ ”

Ezai 55:1

NWA tɔ̃a na: “A nɛ, owinɔ vɛ̃ kɛ nɛ do wɔ lì ni, nɛ tɛ́ we nɔ lì. Aa nɛ, owinɔ kɛ fo mbili kɔ̃ nɛ bina ni, nɛ tɛ́, nɛ nɛ fa nyɔngɔmɔ hã nɛ nyɔngɔ. Nɛ fá dɔ̃ do ma'bɛlɛ hã nɛ nɔ, nɛ ósó sɛ ma usa gɔ.

Yeremi 13:26

NWA a kala sɛ tulu tɛ nɛ dɛ ngɔ, nɛ ma a bula li nɛ, nɛ a la nɛ do kũlĩ tɛ nɛ.

DANIƐLƐ 12:2

Odɛlɛ winɔ kɛ wa fia zi ia ni, wa tunu sɛ 'bɔ. Ombe wa kpa sɛ kpasi kɛ ma é sɛ gɔ ni, nɛ ombe wa kpa sape do zɛlɛ tɛ kɛ ma é sɛ gɔ ni.

Mike 1:11

Nɛ, Owi kɔ le Safirɛ, owi sɛnɛ nɛ wa kala sɛ nɛ, nɛ wa 'dɔlɔ nɛ dɛ kɔ gele le do wila tɛ nɛ, nɛ sape ma ba sɛ li nɛ. Nɛ nɛ, owi kɔ le Sananɛ, nɛ tɛ fà na, nɛ hɔ nza kɔ gba ngbo nu le 'da nɛ gɔ, we kɛ owi sɛnɛ lɛ wa 'do ngboe ni boe. Nɛ, owi kɔ le Bɛtɛ-Ɛsɛlɛ, nɛ hé kɔ̃a tɛ nɛ, we kɛ fo gba ngbo na, nɛ yu owi sɛnɛ nɛ dɛ kɔ nɛ bina.

NAHUMƐ 3:5

Ma kɛ NWA ngɔ mɔ nyanga nza vɛ̃ tɔ̃ hã a na: “Mɔ zɔ́, gulu kɛ mi hã sɛ etumbu hã mɔ gɛ a ni! Mi hɔlɔ sɛ tulu tɛ mɔ vɛ̃, nɛ ogele winɔ wa zɔ sɛ kũlĩ tɛ mɔ, nɛ mɔ hɔ sɛ yia wi li wa.

MALAKI 3:3

A ɔ nɛ wi dɛ dula kɛ a fi mɔ bolo li we, nɛ ma yeke, nɛ 'dɔlɔ nɛ fo tɛ̃ ɛ kɔ nɛ ni. Na mɛ ni, a fo sɛ 'dã mɔ kɔ onganganɔ, obe zã Levi, sɛ nɛ wa hã sɛ dɔnggamɛnɔ kɛ ma wia ni hã NWA de.

MATIE 13:44

“Dɛa to nwa 'da Gale, ma wia kɔ̃ do kpamɔ kɛ ma usu tɛ̃ ɛ kɔ fɔ ni. Mbe wele kpo hɔa ngɔ nɛ, nɛ a usu ma dɛ dati. Nɛ a dɛ yangga wena, nɛ a nɛ, nɛ a be gole mɛnɔ 'da a vɛ̃, nɛ a oso do fɔɛ ni.

MATIE 25:9

Nɛ wanɔ wa do hã zã ni, wa gese hã wanɔ ni na: ‘Ma wé sɛ gɔ! Nɔɛ gã̀ gɔ, kɔ lɛ gɔnɔ sanga nɛ, nɛ nde ma gã́ sɛ kɔ̃ lɛ do nɛ gɔ. Kɔ nɛ nɛ́ 'da owi be golenɔ i, hã nɛ oso kɛ 'da nɛ.’

LUKA 12:21

Nɛ Yezu tɔ̃ na: “Ma ɔ 'bɔ kpasaa na mɛ ni, we wi kɛ a ngɛmɛ okpamɛnɔ we a wele nɛ, nɛ nde a do kpamɔ li Gale bina ni.”

2 KORINTƐ 5:3

Kɔ fala kɛ ma kele lɛ, nɛ nde lɛ 'báná sɛ 'bɔ do kũlĩ tɛ lɛ gɔ.

2 KORINTƐ 8:9

Mba gɔ, nɛ ĩ ti dia zã 'da Nwa Yezu Kristo, kɛ a a wi kpamɔ, nɛ a ba tɛ a nɛ́ wi sã we nɛ, takɔ sã 'da a dɛ na, nɛ hɔ Owi kpamɔ ni.

1 TIMOTE 6:18

Mɔ dálá nu mɔ hã wa na, wa dɛ de mɔ, nɛ de dɛa mɛnɔ 'da wa dɛlɛ wena. Wa hã́ mɔ do de sila, nɛ wa kɛ sanga mɛnɔ 'da wa do ngba wa.

ZAKE 2:5

Aa onyae ngɔ sila mi gɛ, nɛ zélé mi sɛ: Gale saka owinɔ kɛ wa zɔ wa nɛ́ Owi sã ngɔ nù gɛ ni na, wa hɔ Owi kɔ̃a we, nɛ kɔ̃a we ni a kpamɛ 'da wa, nɛ wa le sɛ kɔ le nwa 'da a, kɛ a kpua zɛ́ mbulu nɛ hã owinɔ wa kɔ̃a gɛnɛ a ni.

1 PETRO 1:7

Mba gɔ, ngamɛnɔ ni, ma yamba nɛ we ĩ na, kɔ̃a we 'da nɛ mɛ a ngbongbo kɔ̃a we nde? Nɛ zɔ́ mɔ mbali, gɛnɛ kɔ ma ɔ́ fai gɔ, nɛ nde owele wa ba ma, nɛ wa fi li we we yamba ma na, ma a dia nde. Do kpo wala ni, Gale yamba kɔ̃a we 'da nɛ kɛ ma dia nɛa ngɔ mɔ mbali wena ni, we ĩ na, mɛ a ngbongbo kɔ̃a we nde? A dɛ ni, takɔ nɛ kpa dɔngga wi, do dɔ̃lɔ̃ li, nɛ sako li nɛ he do ngba soe kɛ Yezu Kristo a tɛ sɛ 'bɔ nɛ ni.

USU MƐNƆ 16:15

Nɛ zélé, Yezu tɔ̃a na: “Mi tɛ sɛ do gbanga nɛ nɛ́ wi zũ ni. Yangga do wi kɛ a 'bɔ 'da hɔa 'da mi, nɛ tulunɔ 'da a 'bana dɛ tɛ̃ a na, dɔ a lá do kũlĩ tɛ a, kɔ sape ba li a dati winɔ gɔ ni.”

USU MƐNƆ 19:8

Wa hã tulu linɛ ma fɛnga nde nde, nɛ ma ndele wena hã a na, a he'de.” (Tulu linɛ ni, ma be bɔlɔ zu dɛa mɛnɔ kɛ owinɔ 'da Gale wa dɛa zi ni.)

USU MƐNƆ 2:9

Mi ĩ ti ngamɛ nɛ kpa ni, nɛ mi ĩ 'bɔ ti sã 'da nɛ. Nɛ nde nɛ ĩ́ na, nɛ a wi kpamɔ. Mi ĩ ti 'dã wenɔ kɛ ombe winɔ wa tɔ̃ do zu li nɛ ni. Wa na, lo a Oyuda, nɛ nde wa a Oyuda gɔ, wa a winɔ 'da Satana.

USU MƐNƆ 3:17

Nɛ tɔ̃a na, lo a Owi kpamɔ, lo do mɔ wena, lo zɔ̀lɔ̀ mɔ kpo gɔ. Nɛ nde nɛ ĩ̀ na, nɛ a Owi 'bako, nɛ do ngamɔ wena, nɛ a Owi sã, nɛ do kũlĩ tɛ nɛ, nɛ nɛ a Owi tandu ni gɔ.

USU MƐNƆ 4:4

Nɛ ombe gele kpongbo nwa 'bu nɛ bɔa ngɔ nɛ nalɛ, ma zĩ 'bɔ kuti kpongbo nwa ni takpa. Nɛ okpasa wi 'bu wa bɔa ngɔ wa nalɛ, wa dungu ngɔ nɛ. Wa hi'da fɛa tulu, nɛ wa gu ndasa nwa zu wa, mɛ a ondasa mɔ mbali.

USU MƐNƆ 7:13

Nɛ mbe sanga okpasa winɔ ni aka mi na: “Owinɔ kɛ wa hi'da du fɛa tulunɔ ni wa a wio nde? Nɛ wa yula do nde?”