USU MƐNƆ 3:14 - WE NU GALE 1995

¹⁴ Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Laodise ni na: “Wi kɛ a dɛa toe 'da Gale ia vɛ, kɔ a tɔ̃ gulu we 'da Gale do gbãlã we ngboo, nɛ a 'bɔ a wi kɛ Gale dɛa zɛ́ mɛnɔ vɛ̃ do wala 'da a ni tɔ̃a na:

USU MƐNƆ 3:14 Iomraidhean Croise

Ndo Nyanga Dɛ Mɔ 49:3

Mɔ, Rubɛnɛ, mɔ a kuti be 'da mi. Mi kua zi mɔ dati hã onya mɔ 'da fala kɛ mi 'bana zi ngɔ nga tɛ mi ni. Mɔ nɛa ngɔ onya mɔ vɛ̃ do dĩ, do ngawi.

GBA WENƆ 14:5

Ngbongbo temɔɛ ngboo ni, a tɔ̃ bɛlɛ gɔ. Nɛ nde temɔɛ kɛ a dè gɔ ni, a tɔ̃ fai a bɛlɛ.

GBA WENƆ 8:22

Nɛ zélé we kɛ Hãzã tɔ̃a gɛ! A na: “NWA dɛa mi Hãzã dati a mɛnɔ vɛ̃, a dɛa mi zɛ́ belee do kuti dɛa mɛ 'da a.

Ezai 55:4

Mi ia zi a do nwa ngɔ onu kɔnggɔ winɔ, nɛ a zi a wi kpe dati wa. Nɛ mi bia zi ngawi 'da mi hã owinɔ do wala 'da Davidi ni.

Ezai 65:16

Wi kɛ a kɔ̃ sɛ na, wa wele nu wa tɛ̃ a ni, nɛ wa wele sɛ nu wa tɛ̃ a do zu li mi ngbongbo Gale zu mi kpo. Wi kɛ a kɔ̃ we zonggo tɛ̃ a, nɛ a zonggo sɛ tɛ̃ a do zu li mi ngbongbo Gale zu mi kpo.” NWA Gale tɔ̃a na: “Ngamɛnɔ zi ni ma Sɔkpɔ sɛ, nɛ ta zu mi ma ele sɛ ngɔ nɛ.

Yeremi 42:5

Nɛ wa tɔ̃ 'bɔ hã mi na: “E kɔ NWA do tɛ̃ a ngboo, a dungu temɔɛ kana tɛ wi, kɛ lɛ nɛ kana ma ni. Lɛ kana tɛ lɛ na, lɛ dɛ sɛ mɛnɔ vɛ̃ kɛ NWA Gale 'da lɛ a tɔ̃ sɛ hã mɔ na, lɛ dɛ ni.

YOANƐ 1:3

We ni dɛa mɛnɔ ngɔ nù gɛ vɛ̃ do ngawi 'da Gale. Fo mɔ kpo kɛ a dɛ̀ ma ngɔ nù gɛ gɔ ni bina.

YOANƐ 8:14

Nɛ Yezu gese hã wa na: “Gɛnɛ kɔ mi tɔ̃ we ngɔ mi do tɛ mi wele nɛ, nɛ nde wenɔ mi tɔ̃ ni, mɛ a gbãlã we. Mba gɔ, mi ĩ ti fala mi yula nɛ ni, do kɛ mi la sɛ dɛ tɛ nɛ ni. Kɔ nɛ, nɛ ĩ̀ ti fala mi yula nɛ ni gɔ, nɛ nɛ ĩ̀ 'bɔ ti fala mi la sɛ dɛ te nɛ ni gɔ.

2 KORINTƐ 1:20

Kɔ wi a a hã a kɔ̃a dati Gale na, ĩi. Nɛ ombulunɔ vɛ́ kɛ Gale kpua zi ni, ma dɛa tɛ a we duzu a. Kɔ we duzu a, nɛ lɛ dɔnggɔ Gale tɛ tɔ̃ na: “Amɛ!”

Mbulanɔ 21:17

Ma wia na, a hã mɛnɔ hã kuti be nɛ ngɔ kɛ 'da onya a fala bɔa. Gɛnɛ kɔ a a be 'da wuke kɛ a kɔ̃̀ gɛnɛ a gɔɛ ni, nɛ ma wia na, a dɛ na mɛ ni. Mba gɔ, a a kuti be 'da a. Nɛ ma wia na, a hã mɛnɔ hã a ɔ nɛ kɛ ma wia ni.

KƆLƆSƐ 1:15

Kristo a bula li Gale, kɛ lɛ zɔ́ a gɔ ni. A a kuti Be, nɛ Gale dɛa winɔ do mɛnɔ vɛ̃ dɛ 'do a.

KƆLƆSƐ 1:18

A a zu Eklezia, nɛ Eklezia a kili tɛ̃ a. Nɛ a a ndua nyanga kpasi 'da Eklezia. A a kuti be, nɛ a 'bɔ a kuti wi kɛ Gale tunu a sanga ofionɔ, takɔ a dungu nwa ngɔ owinɔ do mɛnɔ vɛ̃.

KƆLƆSƐ 2:1

Ma hã mi kɔ̃a na, nɛ ĩ tɛlɛ tɛ kɛ mi gbɛ tɛ mi kɔ dɛa toe we duzu nɛ Owi Kɔlɔsɛ, do Laodise, do ogele winɔ vɛ̃ kɛ wa tɛ zɔ̀ kuti mi gɔ ni.

KƆLƆSƐ 4:16

'Da fala kɛ nɛ tɔlɔ mbɛti gɛ do'do, nɛ nɛ tómbó, hã wa tɔlɔ ma kɔ eklezia tɛ Laodise i. Nɛ nɛ tɔ́lɔ́ tɛ mɛ 'bɔ mbɛti kɛ mi tumba hã eklezia tɛ Laodise i ni.

USU MƐNƆ 1:11

tɛ tɔ̃ hã mi na: “Mɔ kɔ́mɔ́ mɛnɔ mɔ zɔ gɛ do mbɛti, nɛ mɔ tómbó ma hã oeklezianɔ kɔ lenɔ sambo gɛ: Efɛzɛ, Smirnɛ, Pɛrgamɛ, Tiatirɛ, Sardɛ, Filadɛlfi do Laodise.”

USU MƐNƆ 1:5

Nɛ e kɔ Yezu Kristo, kɛ a tɔ̃ gulu we 'da Gale do gbãlã we, nɛ a a wi dati we tunu kɔ fio, nɛ a a Nwa ngɔ onwanɔ nù gɛ vɛ̃ ni, a be 'bɔ dia zã, nɛ a hã gɛ̃a dungu hã nɛ. Yezu Kristo kɔ̃a gɛnɛ lɛ, nɛ a fia we duzu lɛ, nɛ tɔkɔ tɛ a fua ku'da 'dã mɛnɔ zu lɛ.

USU MƐNƆ 19:11

'Do ki ni, nɛ nu li nza hũi, nɛ mi zɔ fɛ̃a mbalata. Nɛ wi kũ ngɔ mbalata ni, li a a: “Bɔlɔ zu, Wi tɔ̃ gbãlã we.” A 'bili we, nɛ a bi bolo do wala do nɛ.

USU MƐNƆ 2:1

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Efɛzɛ ni na: “Wi kɛ a 'be sɔlanɔ sambo do ngawili kɔ̃ a, nɛ a yɛnggɛ do sanga omɔ a do mwindanɔ sambo, kɛ wa dɛa do mɔ mbali ni tɔ̃a na:

USU MƐNƆ 21:6

Nɛ a tɔ̃ 'bɔ hã mi na: “Ma wia ia! Mi a Alfa do Omega, ndo nyanga mɛnɔ vɛ̃ wi a mi, nɛ sɔkpɔ mɛnɔ vɛ̃ wi 'bɔ a mi. Wi kɛ wɔ lì ba a, nɛ mi so sɛ 'de kɛ ma hã kpasi ni hã a do dia sila iko.

USU MƐNƆ 22:13

Mi a Alfa do Omega, ndo nyanga mɛnɔ vɛ wi a mi, nɛ sɔkpɔ mɛnɔ vɛ̃ wi 'bɔ a mi. Mi a wi kɛ dati, nɛ mi 'bɔ a wi kɛ ndɔti nɛ.”

USU MƐNƆ 22:6

Nɛ 'do ki ni, nɛ anzɛ tɔ̃ hã mi na: “Wenɔ gɛ a gbãlã we ngboo, nɛ wele wia we e sila ɛ ngɔ nɛ. Nwa Gale kɛ a hã Hi Wi 'da a hã owi gba olo nu a ni, a tumba anzɛ 'da a we be mɛnɔ, kɛ ma hɔ sɛ ngangga gɛ ni hã owi dɛa tonɔ 'da a.”

USU MƐNƆ 3:7

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Filadɛlfi ni na: “Wi kɛ a santo, nɛ a tɔ̃ gbãlã we fai, nɛ a do fungula kɛ nwa Davidi zɛ́ do ma ni dɛ kɔ̃ a, kɔ a hũi nu tɔa, nɛ nde wele kpo kpé ma gɔ, hã a kpe, nɛ nde wele kpo hṹi ma gɔ ni, a tɔ̃a na: