USU MƐNƆ 3:12 - WE NU GALE 1995

¹² Wi kɛ a kunu sila a kɔ ngamɛnɔ gbaa we hɔ ndɔti nɛ, nɛ mi e sɛ a ɔ nɛ bɛlɛduma kɔ Tɛmpɛloe 'da Gale 'da mi, nɛ a 'bana sɛ dɛ di ni fai. Nɛ mi kɔmɔ sɛ li Gale 'da mi, do li le 'da Gale 'da mi bula li a. Mɛ a mbé le Yeruzalɛmɛ kɛ ma yolo 'da Gale 'da mi tɛ li nza i ni. Nɛ mi kɔmɔ sɛ 'bɔ mbé li mi bula li a.

USU MƐNƆ 3:12 Iomraidhean Croise

1 Onwanɔ 7:21

Wa kala obɛlɛduma tũ mɔ bole ni do bɔa nɛ, nɛ wa zĩ ma tɛ dati 'bili tɔa kɛ nu tɔa Tɛmpɛloe. Wa zĩ mbe kpo ngɔ ngawili kɔ̃, nɛ wa sa li ma na Yakinɛ, gulu nɛ na: “Gale a wi hã nganda.” Nɛ wa zĩ mbee nɛ ngɔ gale, nɛ wa sa li ma na Boazɛ, gulu nɛ na: “Ngawi yolo kɔ Gale.”

Zumanɔ 46:4

Tabi gɛnɛ kɔ gba lìnɔ ma dɛ ngele, hã ma o dã, hã ma go'do dɛ ngɔ, hã ma yaka okalanɔ, nɛ nde kili bá lɛ gɔ.

Zumanɔ 48:8

Wa tana ɔ nɛ omasua, kɛ gba bũ kamba yaka ma ni.

Zumanɔ 87:3

Gale tɔ̃ lɛnggɛ ngɔ le 'da a, nɛ a kɔ̃a we hã dɔ̃lɔ̃ li hã Yeruzalɛmɛ.

Ezai 62:2

Ogele winɔ wa zɔ sɛ tɛlɛ tɛ kɛ NWA kpasa do nɛ ni, nɛ onwanɔ 'da wa, wa zɔ sɛ dɔ̃lɔ̃ li 'da nɛ. Wa sa sɛ mbé li zu nɛ, mbé li ni, wi kɛ a e sɛ ma zu nɛ, wi a NWA Gale do tɛ̃ a ngboo.

Ezai 65:15

Nɛ owinɔ kɛ mi saka wa ni, wa fɔmbɔ sɛ ogele winɔ do li nɛ na: ‘NWA Gale gbɛ́ nɛ ɔ nɛ kɛ a gbɛa zi do mbe gele winɔ dati ni.’ Nɛ mi sa sɛ gele li kpi zu owi dɛa tonɔ 'da mi.

Yeremi 1:18

Yolo sɔɛ gɛ, mi dɛ sɛ na, gbãlã tɛ mɔ sɔ̃, ɔ nɛ le kɛ gba ngbo zĩ ma takpa ni. Mɔ sɔ̃ sɛ 'bɔ ɔ nɛ bɛlɛduma mɔ bolo, tabi ngbo kɛ wa dɛa do tũ mɔ bolo ni. Mɔ sɔ̃ sɛ na mɛ ni dati owinɔ ngɔ nùi gɛ vɛ̃: Dati onwa ngɔ nù Yuda, dati Owi olo li nwa, onganganɔ, do Owele nùnɔ ngɔ nùi gɛ.

EZEKIƐLƐ 40:49

Nɛ 'da ngala nu gã 'bili tɔa ni dɛ ngɔ mɛ a mɛtrɛ 'bu, nɛ 'da dɔ nɛ a mɛtrɛ gazɛlɛ. We le do nu gã 'bili tɔa ni, wa kũ dɛ ngɔ nyanga wi 'bu. Nɛ wa zĩ bɛlɛduma bɔa nu gã 'bili tɔa ni.

EZEKIƐLƐ 48:35

Nɛ 'da du dɛlɛnɔ vɛ̃ kɛ ma zĩ sɛ 'do le ni a mɛtrɛ koto kusi. Nɛ yolo do ngba soe ni, nɛ wa sa sɛ li le ni na: “NWA dɛ boe.”

MARKO 12:16

Nɛ wa ba ma hã a. Nɛ a aka wa na: “Kɛ li mbili gɛ, mɛ a kpongbolo zu wio nde? Nɛ kɛ wa kɔma ti nɛ gɛ, mɛ a li wio nde?” Nɛ wa gese hã a na: “Mɛ a kpongbolo zu gã nwa ngɔ nù Roma.”

GALATI 2:9

Nɛ Zake, Petro do Yoanɛ kɛ owinɔ wa zɔ wa ɔ nɛ Owi zɔ mɔ tɛ wa ni, wa ĩ na, Gale a hã toe gɛ hã mi. Ma kɛ wa tua zi nu kɔ̃ lɛ do Barnabasi we be hã winɔ na, lɛ mba do wa kɔ dɛa toe kpo. Nɛ lɛ zila ngba lɛ do wa na, lɛ do Barnabasi, lɛ nɛ we be we hã ogele winɔ, nɛ wa, wa be we hã Oyudanɔ.

EFƐZƐ 3:15

kɛ a a gba gulu nu fɛlɛ kulanɔ li nza i, do nù nga vɛ ni.

OHEBRE 12:22

Nɛ nde nɛ, nɛ hɔa ti nyanga kala Sioni kɔ le 'da Gale, wele kpasi. Mɛ a le Yeruzalɛmɛ li nza i, kɛ gili oanzɛnɔ koto do koto wa mba ngba wa dɛ kɔ nɛ ni.

OHEBRE 13:14

We duzu kɛ lɛ do le mɔ́ lɛ kɛ ma 'bana sɛ fai ni ngɔ nù gɛ bina, nɛ nde lɛ a linggamɛ 'da lɛ ngɔ le kɛ ma tɛ sɛ do 'do ni.

1 YOANƐ 4:4

Kɛ 'da nɛ benɔ 'daa, nɛ a winɔ 'da Gale, nɛ nɛ nɛa ngɔ owinɔ wa gba do nu Gale do bɛlɛ ni. Mba gɔ, Hi Wi Santo kɔ nɛ ni, a nganda nɛa ngɔ hi wi kɔ owi nùnɔ.

USU MƐNƆ 14:1

'Do ki ni, nɛ mi nɛ ka mɔ, nɛ mi zɔ Be Bata, nɛ nde a yolo dɛ ngɔ kala Sioni, fala nɛ kpo do ogili wele koto kama do 'bu wa nalɛ ngɔ wa nalɛ (144.000). Wa kɔma li a, do li Baa a dɛ dati owinɔ ni.

USU MƐNƆ 17:14

Wa bi sɛ bolo do Be Bata, nɛ Be Bata nɛ ngɔ wa, we kɛ a a Nwa ngɔ Onwanɔ, nɛ to nwa 'da a nɛa ngɔ to nwanɔ vɛ. Nɛ winɔ 'da a, kɛ a sa zɛ́ mɔ hã wa, nɛ a saka zɛ́ wa, nɛ wa kàfà a gɔ ni, wa nɛ sɛ ngɔ Onwanɔ ni fala nɛ kpo do a.”

USU MƐNƆ 2:11

“Wi kɛ zala a boe, nɛ a zélé wenɔ kɛ Hi Wi Santo tɔ̃ hã oeklezianɔ ni. Wi kɛ a kunu sila a kɔ ngamɛnɔ gbaa we hɔ ndɔti nɛ, nɛ a fé sɛ fio fala bɔa gɔ.”

USU MƐNƆ 2:17

“Wi kɛ zala a boe, nɛ a zélé wenɔ kɛ Hi Wi Santo tɔ̃ hã oeklezianɔ ni. Wi kɛ a kunu sila a kɔ ngamɛnɔ gbaa we hɔ ndɔti nɛ, nɛ mi hã sɛ mana kɛ ma usu tɛ̃ ɛ ni hã a na a nyɔngɔ. Nɛ mi hã sɛ 'bɔ fɛ̃a ta kɛ mi kɔma mbé li wele ngɔ nɛ ni hã a. Nɛ gele wele ĩ́ sɛ ti gulu li ni gɔ, tati a wi kpa ma iko.”

USU MƐNƆ 2:7

“Wi kɛ zala a boe, nɛ a zélé wenɔ kɛ Hi Wi Santo tɔ̃ hã oeklezianɔ ni. Wi kɛ a kunu sila a kɔ ngamɛnɔ gbaa we hɔ ndɔti nɛ, nɛ mi hã sɛ wala hã a na, a nyɔngɔ wala te kɛ ma hã kpasi, nɛ ma kɔ fɔ Paradizo 'da Gale ni.”

USU MƐNƆ 21:2

Nɛ mi zɔa gã le santo, mbé le Yeruzalɛmɛ, ma yula 'da Gale li nza i, nɛ ma tɛ zĩlĩ dɛ nù nga. Wa 'dafa ma vɛ, ɔ nɛ kɛ wuko ba wili 'dafa tɛ̃ a we 'bɔ do 'da wili a ni.

USU MƐNƆ 22:4

Wa zɔ sɛ tɛ̃ a, nɛ wa kɔmɔ sɛ li a dati wa.

USU MƐNƆ 3:5

Kɔ wi kɛ a kunu sila a kɔ ngamɛnɔ gbaa we hɔ ndɔti nɛ, nɛ a he'de sɛ fɛ̃a tuli ni, nɛ mi gbɛ́ sɛ li a kɔ 'Buku Kpasi gɔ. Nɛ mi tɔ̃ sɛ dati Baa mi do oanzɛnɔ 'da a na, a a wi 'da mi.