USU MƐNƆ 3:11 - WE NU GALE 1995

¹¹ Mi kɔlɔ fala tɛ nɛ ia. Kɔ sila nɛ nɔ́ dɛ tɛ wenɔ nɛ yambala ni, dɔ wele bá mɔ do kɔ̃a we 'da nɛ kɔ̃ nɛ gɔ.

USU MƐNƆ 3:11 Iomraidhean Croise

SOFONI 1:14

Gã tũi kɛ nwa a gɔnɔ sɛ do ngbangga 'da owinɔ ni, ma kɔlɔ ia. Kɔ̃ tũi ni, ma 'bànà nyɛlɛ gɔ. Do kɔ tũi ni, nɛ owinɔ wa he sɛ hiamɔ ala nu, nɛ onga sodanɔ wa zɛ sɛ nu wa.

1 KORINTƐ 9:25

Owi dɛ nganda dɛa sanɔ vɛ̃, wa ndo yambala ma, nɛ wa zimi tɛ wa wena. Nɛ wa dɛ na mɛ ni, we kpa ndasa dɔ̃lɔ̃ li kɛ ma 'da 'danga ni. Nɛ nde lɛ fa kɛ 'da lɛ we kpa ndasa dɔ̃lɔ̃ li kɛ ma ɔ fai ni.

FILIPƐ 4:5

Nɛ ɔ́ do dia sila dɛ 'da winɔ vɛ̃. Nwa kɔla fala hɔ nɛ ia.

2 TIMOTE 2:5

Nɛ wi dɛ sa yu, a wia tɛ kpa si mɔ olo yui 'da a, tati a fala kɛ a dɛ mbula yui ni.

2 TIMOTE 4:8

Kɔ ngangga ni, mi 'bɔ 'da si mɔ olo bole 'da mi. Nɛ si mɔ olo bole ni, mɛ a kɛ na, Nwa a sa sɛ li mi na wi bɔlɔ zu do ngba soe 'bili ngbangga ni. Nwa, kɛ a 'bili we do bɔlɔ nɛ ni, a há sɛ ma hã mi zu mi kpo iko gɔ, nɛ nde a hã sɛ tɛ mɛ 'bɔ ma hã owanɔ vɛ kɛ wa 'bɔ 'da ngba soe tɛa 'da a do kɔ̃a zã ni.

ZAKE 1:12

Yangga wena do wi kɛ a kunu sila a kɔ ngamɛnɔ kɛ ma yamba a ni. We kɛ Gale a si sɛ olo nɛ hã a do kpasi kɛ a kpua mbulu nɛ hã owinɔ wa kɔ̃a gɛnɛ a ni.

ZAKE 5:9

Aa onyae, nɛ tɛ lùngù ngba nɛ gɔ, dɔ Gale 'bílí we 'da nɛ gɔ. Nɛ zɔ́, wi 'bili we hɔa nu tɔa nga ia.

USU MƐNƆ 1:3

Wi kɛ a tɔlɔ wenɔ gɛ hã winɔ ni, a a wi yangga. Nɛ wanɔ kɛ wa zele ma, nɛ wa dɛ mbula nɛ ni, wa 'bɔ a wi yangga. Mba gɔ, ngba soe kɛ mɛnɔ ni ma nɛ hɔ nɛ ni kɔla ia.

USU MƐNƆ 16:15

Nɛ zélé, Yezu tɔ̃a na: “Mi tɛ sɛ do gbanga nɛ nɛ́ wi zũ ni. Yangga do wi kɛ a 'bɔ 'da hɔa 'da mi, nɛ tulunɔ 'da a 'bana dɛ tɛ̃ a na, dɔ a lá do kũlĩ tɛ a, kɔ sape ba li a dati winɔ gɔ ni.”

USU MƐNƆ 2:10

Nɛ tɛ dɛ̀ kili zɛlɛ tɛ nɛ kpa ma ni gɔ. Nɛ zɔ́, Satana kɔ̃a we yamba sila nɛ. A da sɛ ombe sanga nɛ ni kɔ bɔlɔkɔ, nɛ nɛ zɔ sɛ ngamɔ 'do tũ 'bu. Kɔ wa kɔ̃ we gbɛ nɛ, nɛ nɛ tɛ kìfì nu nɛ gɔ. Nɛ mi si sɛ olo zɛlɛ tɛ ni hã nɛ do kpasi kɛ ma é sɛ gɔ ni.

USU MƐNƆ 2:13

Mi ĩ ti fala ɔi 'da nɛ. Nɛ ɔ kɔ le kɛ Satana dungu nwa ngɔ nɛ. Nɛ nɛ 'bana do kɔ̃a we dɛ 'da mi fai, nɛ kàfà mi gɔ. Gɛnɛ kɔ 'da fala wa gbɛa zi temɔɛ 'da mi Antipasi, kɛ a dɛ do nu mi fai ni, nɛ nɛ kàfà zi mi gɔ. Wa gbɛa zi a kɔ le 'da nɛ kɛ Satana dungu nwa ngɔ nɛ ni.

USU MƐNƆ 2:25

Nɛ nde sila nɛ nɔ́ dɛ tɛ mɛnɔ nɛ yambala ni, gbaa we 'bɔ do 'da hɔa 'da mi.

USU MƐNƆ 22:12

Nɛ Yezu tɔ̃ na: “Mɔ zélé! Mi kɔla hɔ nɛ ia! Nɛ mi tɛ sɛ we hã si olo dɛa toe kɛ wele do wele dɛa ma ni hã a.

USU MƐNƆ 22:20

Wi kɛ a bia ngbongbo wenɔ gɛ vɛ ni, a tɔ̃a na: “Gbãlã we, mi kɔla hɔ nɛ ia!” E kɔ ma ɔ na mɛ ni! Nwa Yezu, mɔ tɛ́!

USU MƐNƆ 22:7

Nɛ Yezu tɔ̃ na: “Mɔ zélé! Mi kɔla hɔ nɛ ia! Nɛ winɔ kɛ wa kɔ̃a gɛnɛ wenɔ kɛ Gale bia ma kɔ 'buki gɛ ni, wa sɛ a wi yangga.”

USU MƐNƆ 3:3

Kɔ ta zu nɛ gbá ngɔ wenɔ kɛ wa bia zi ma hã nɛ, nɛ nɛ kɔ̃a gɛnɛ nɛ ni. Nɛ dɛ́ mbula nɛ, nɛ nɛ kífí sila nɛ. Nɛ dɛ̀ ní gɔ, nɛ mi gbanga sɛ nɛ ɔ nɛ wi zũ ni, nɛ nɛ ĩ́ sɛ ti ngba soe mi nɛ hɔ nɛ ni gɔ.

USU MƐNƆ 4:10

'Da fala kɛ wa ma ngɔ ga zumanɔ ni, nɛ okpasa winɔ 'bu wa bɔa ngɔ wa nalɛ ni, wa gu gba zugolo dati wele kɛ a dungu ngɔ kpongbo nwa, nɛ a do kpasi kɔ sabɛlɛ do sabɛlɛ ni. Nɛ wa dɔnggɔ a, nɛ wa a ondasa nwanɔ 'da wa dɛ dati kpongbo nwa 'da a ni, nɛ wa tɔ̃ na:

USU MƐNƆ 4:4

Nɛ ombe gele kpongbo nwa 'bu nɛ bɔa ngɔ nɛ nalɛ, ma zĩ 'bɔ kuti kpongbo nwa ni takpa. Nɛ okpasa wi 'bu wa bɔa ngɔ wa nalɛ, wa dungu ngɔ nɛ. Wa hi'da fɛa tulu, nɛ wa gu ndasa nwa zu wa, mɛ a ondasa mɔ mbali.