USU MƐNƆ 3:1 - WE NU GALE 1995

¹ Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Sardɛ ni na: “Wi kɛ a do Hi Wi 'da Gale sambo, do sɔlanɔ sambo ni tɔ̃a na: Mi ĩ ti dɛa mɔ tɛ nɛ vɔ́, nɛ mi ĩ na, owinɔ wa lengge na, nɛ do kpasi, nɛ nde nɛ fi fia.

USU MƐNƆ 3:1 Iomraidhean Croise

LUKA 15:24

We kɛ be 'da mi gɛ, a fia zi fia, kɔ a kpasa. A yɔa zi yɔa, kɔ mi kpa a.’ Nɛ wa ma ngɔ dɛ yangga.

LUKA 15:32

Nɛ nde ma wia na, lɛ dɛ mɔ dɔ, kɔ lɛ dɛ yangga, we kɛ nya mɔ gɛ, a fia zi fia, kɔ a kpasa. A yɔa zi yɔa, kɔ mi kpa a!’ ”

YOANƐ 1:16

We nu Gale kɔ̃a gɛnɛ lɛ la li ngele, nɛ a wila nu a tɛ lɛ do wala kpi do kpi.

YOANƐ 1:33

Mi ĩ̀ zi ti a gɔ, nɛ nde Gale, kɛ a tumba mi takɔ mi batisa winɔ do lì ni, a tɔ̃a hã mi na: ‘Mɔ zɔ sɛ wele kpo, nɛ nde Hi Wi Santo yula ngɔ i, kɔ a zĩlĩ dɛ ngɔ a, nɛ a 'bana dɛ ngɔ a ni. Wi ni a wele kɛ a nɛ batisa sɛ winɔ do Hi Wi Santo ni.’

YOANƐ 20:22

A tɔ̃a ni do'do, nɛ a ufu bu nu a dɛ ngɔ wa, nɛ a tɔ̃ hã wa na: “Nɛ kpá Hi Wi Santo!

YOANƐ 3:34

Wi kɛ Gale tumba a ni, a tɔ̃ wenɔ 'da Gale, we kɛ Hi Wi Santo 'da Gale dunu kɔ sila a.

Owi Nɛ Tonɔ 2:33

Baa a Gale ia a ngɔ ngawili kɔ̃ ɛ. Nɛ a hã Hi Wi Santo kɛ a kpua zé mbulu nɛ ni hã a. Nɛ Yezu tumba Hi Wi ni dɛ ngɔ lɛ, ɔ nɛ kɛ nɛ tɛ zɔ ma, do zele ma ni.

EFƐZƐ 2:1

Zi dati, nɛ ɔ zi nɛ winɔ kɛ wa fi fia ni, we duzu yɔa ti dɛa mɛnɔ do 'dã mɛnɔ 'da nɛ.

EFƐZƐ 2:5

Na mɛ ni, gɛnɛ kɔ lɛ ɔ zi nɛ lɛ fĩ fia ni, we duzu yɔa ti dɛa mɛnɔ 'da lɛ, nɛ nde Gale mba li lɛ kpo do Kristo, nɛ a hã mbé kpasi hã lɛ. Tati a dia zã 'da Gale hã ma kpasa nɛ!

KƆLƆSƐ 2:13

Zi dati, nɛ ɔ zi nɛ fio, we duzu 'dã mɛnɔ 'da nɛ, do we duzu kɛ nɛ zi a opaganɔ. Nɛ nde ngangga gɛ, Gale tunu nɛ kɔ fio fala nɛ kpo do Kristo, nɛ a fua ku'da 'dã mɛnɔ zu nɛ vɛ̃.

1 TIMOTE 5:6

Nɛ nde wi fio wili, kɛ a fa we hã yangga hã kili tɛ̃ a iko ni, gɛnɛ kɔ a 'bana do tunu li a, nɛ nde a fia li Gale ia.

ZAKE 2:26

Nɛ ĩ na, fala kɛ wele ɔ́mɔ́ 'bɔ gɔ, nɛ nde a fia. Kɔ̃ zu li Gale ɔ tɛ mɛ 'bɔ na mɛ ni, fala kɛ wele dɛ̀ mɔ do nɛ gɔ, nɛ nde kɔ̃a we 'da a fia.

1 PETRO 1:11

Nɛ Hi Wi 'da Kristo kɛ a zi kɔ sila wa ni, a tɔ̃a zi hã wa na, Kristo a kpa sɛ zɛlɛ tɛ dati kɛ na a kpa dɔ̃lɔ̃ li ni. Nɛ owi gba olo nu Gale ni wa fa zɛ́ wena we ĩ ti tũnɔ kɛ mɛnɔ ni ma hɔ sɛ nɛ ni, do tɛlɛ tɛ kɛ mɛnɔ ni ma dɛ sɛ do tɛ̃ ɛ ni.

YUDA 1:12

'Da fala nɛ mba li ngba nɛ we nyɔngɔ mɔ dɛa na, kɔ wa le sanga nɛ, nɛ dɛa mɔ tɛ wa hã sape hã nɛ wena. Mba gɔ, wa dɛ nga'ba, nɛ wa lengge tati a kɔ zã wa wele nɛ iko, nɛ sape li wa bina. Wa ɔ nɛ lĩ kolo kɛ ma tũ kpã kpã, nɛ bũi kala ma, nɛ nde kole tɛ́ gɔ ni. Wa ɔ 'bɔ nɛ tenɔ, kɛ gɛnɛ kɔ zɔlɔ wala tenɔ, nɛ nde ma wálá gɔ ni. Wa ɔ nɛ tenɔ kɛ ma mbi do liã nɛ, nɛ ma kolo vɛ ni.

USU MƐNƆ 1:11

tɛ tɔ̃ hã mi na: “Mɔ kɔ́mɔ́ mɛnɔ mɔ zɔ gɛ do mbɛti, nɛ mɔ tómbó ma hã oeklezianɔ kɔ lenɔ sambo gɛ: Efɛzɛ, Smirnɛ, Pɛrgamɛ, Tiatirɛ, Sardɛ, Filadɛlfi do Laodise.”

USU MƐNƆ 1:16

Nɛ a 'bia osɔla sambo do ngawili kɔ̃ a, nɛ du kɔya kɛ nu nɛ bɔa ni dɛ nu a. Nɛ bula li a to ɔ nɛ wese kɛ ma hɔa gbogbo zu wi ni.

USU MƐNƆ 1:20

Mi nɛ be gulu usu we ngɔ osɔlanɔ sambo, kɛ mi 'bia do ngawili kɔ̃ mi gɛ, do omɔ a do mwindanɔ sambo gɛ hã mɔ. Sɔlanɔ sambo gɛ, ma be oanzɛnɔ kɛ wa zɔ mɔ tɛ oeklezianɔ kɔ lenɔ sambo ni. Nɛ omɔ a do mwindanɔ sambo gɛ, ma be oeklezianɔ sambo ni.”

USU MƐNƆ 1:4

Mi Yoanɛ, mi tombo balɛ hã nɛ oeklezianɔ tɛ kɔ de sambo ngɔ nù Azi. E kɔ Gale kɛ a zɛ́ boe, nɛ a sɔɛ gɛ boe, nɛ a tɛ sɛ ni, a be dia zã hã nɛ, nɛ a dɛ na, nɛ ɔ do gɛa sila. E kɔ ohi winɔ sambo, kɛ wa yolo dati kpongbo nwa 'da Gale ni, wa be 'bɔ dia zã, nɛ wa hã gɛ̃a dungu hã nɛ.

USU MƐNƆ 2:13

Mi ĩ ti fala ɔi 'da nɛ. Nɛ ɔ kɔ le kɛ Satana dungu nwa ngɔ nɛ. Nɛ nɛ 'bana do kɔ̃a we dɛ 'da mi fai, nɛ kàfà mi gɔ. Gɛnɛ kɔ 'da fala wa gbɛa zi temɔɛ 'da mi Antipasi, kɛ a dɛ do nu mi fai ni, nɛ nɛ kàfà zi mi gɔ. Wa gbɛa zi a kɔ le 'da nɛ kɛ Satana dungu nwa ngɔ nɛ ni.

USU MƐNƆ 2:19

Mi ĩ ti dɛa mɔ tɛ nɛ vɛ̃. Nɛ mi ĩ na, nɛ do kɔ̃a zã wena, nɛ nɛ 'bana do kɔ̃a we dɛ 'da mi. Nɛ mi ĩ ti tɛlɛ tɛ kɛ nɛ hã tɛ nɛ we dɛ to hã mi do kpã sila ni. Nɛ mi ĩ 'bɔ na, tonɔ nɛ dɛ ma ngangga gɛ, ma gã nɛa ngɔ kɛnɔ zi dati ni.

USU MƐNƆ 2:2

Mi ĩ ti dɛa mɔ tɛ nɛ vɛ, nɛ mi ĩ ti ngamɛ kɛ nɛ kpa ma, do tɛlɛ tɛ kɛ nɛ kunu do sila nɛ ni. Mi ĩ na, nɛ kɔ̃̀ na, o'dã winɔ wa 'bana dɛ sanga nɛ ni gɔ, nɛ nɛ yamba zi sila owinɔ kɛ wa tɔ̃ na, lo a owi nɛ tonɔ 'da Gale ni, nɛ nɛ kpa na, wa a wi 'bili bɛlɛ.

USU MƐNƆ 2:9

Mi ĩ ti ngamɛ nɛ kpa ni, nɛ mi ĩ 'bɔ ti sã 'da nɛ. Nɛ nde nɛ ĩ́ na, nɛ a wi kpamɔ. Mi ĩ ti 'dã wenɔ kɛ ombe winɔ wa tɔ̃ do zu li nɛ ni. Wa na, lo a Oyuda, nɛ nde wa a Oyuda gɔ, wa a winɔ 'da Satana.

USU MƐNƆ 3:15

“Mi ĩ ti dɛa mɔ tɛ nɛ vɛ. Nɛ a gɛ̃ gɔ, nɛ nɛ 'bɔ a we gɔ. Mi kɔ̃a sɔ na, nɛ ba we ngboo, tabi nɛ ɔ a gɛ.

USU MƐNƆ 3:2

Kɔ li nɛ sɔ̃́, nɛ nɛ dɛ́ na, tala kpasi kɛ ma 'bana kɔ nɛ ni nganda, dɔ ma fé vɛ gɔ. Mba gɔ, mi zɔa na, dɛa mɔ tɛ nɛ dè li Gale 'da mi ngboo gɔ.

USU MƐNƆ 3:8

Mi ĩ ti dɛa mɔ tɛ nɛ vɛ̃, nɛ mi ĩ na, ngawi 'da nɛ gã̀ gɔ. Nɛ gɛnɛ kɔ na mɛ ni, nɛ nde nɛ dɛa do nu mi, nɛ nɛ kàfà na, nɛ a owinɔ 'da mi gɔ ni gɔ. Mi hũi nu tɔa hã nɛ, nɛ wele wè tɛ kpe ma gɔ.

USU MƐNƆ 4:5

Nɛ nyɛa li kolo, do ua dã kolo, do giti omɔ wele tɛ kpongbo nwa kɛ gbogbo ni. Nɛ nyɛa we sambo nyɛ dɛ dati kpongbo nwa ni, ĩ na, mɛ a ohi wi 'da Gale sambo.

USU MƐNƆ 5:6

Nɛ mi zɔ Be Bata kpo, a yula dɛ dati kpongbo nwa ni. Nɛ Otunu li mɛnɔ nalɛ, do okpasa winɔ ni wa linggi a takpa. Be Bata ni ɔ nɛ wa gbɛa a gbɛa ni. Zamba zu a sambo, nɛ gbali a sambo. Gbali a sambo ni, mɛ a hi winɔ sambo kɛ Gale tumba wa nyanga nza gɛ vɛ̃ ni.