USU MƐNƆ 22:9 - WE NU GALE 1995

⁹ Nɛ a tɔ̃ hã mi na: “Mɔ tɛ dɛ̀ ní gɔ. Mi tɛ mɛ 'bɔ a wi dɛa to 'da Gale ɔ nɛ mɔ, do onya mɔ vɛ kɛ wa gba olo nu Gale, do wanɔ wa kɔ̃a gɛnɛ wenɔ kɔ 'buki gɛ ni. Kɔ mɔ dɔ́nggɔ́ Gale!”

USU MƐNƆ 22:9 Iomraidhean Croise

2 Onwanɔ 17:36

Nɛ dɔnggɔ sɛ tati a mi NWA Gale zu mi kpo. Mi a mi fua nɛ ngɔ nù Ezipeto do ngawi 'da mi kɛ ma nɛa ngɔ mɔ vɛ̃ ni. Nɛ wi kɛ nɛ gu sɛ nù ti a, nɛ nɛ hã dɔnggamɔ hã a ni sɛ tati a mi zu mi kpo.

Zumanɔ 45:11

Aa wuke 'da nwa, mɔ zélé mi, nɛ mɔ ká mɔ do sɔ̃a li sɛ. Mɔ tɛ lènggè 'bɔ do owi nanɔ 'da mɔ, tabi onya mɔ gɔ.

Kulu Tɔa 34:14

Ma wè na, nɛ dɔnggɔ gele gale kɛ zã mi gɔ. Mi kɔa na nɛ dɔnggɔ tati a mi NWA Gale zu mi kpo.

MATIE 4:9

nɛ a tɔ̃ hã a na: “Fala kɛ mɔ gu nù ti mi, kɔ mɔ dɔnggɔ mi, nɛ mi hã sɛ mɛnɔ ni vɛ̃ hã mɔ.”

Mbulanɔ 4:19

Sila nɛ tɛ ɔlɔ nɛ, kɔ nɛ dɔnggɔ wese, tabi zɛkɛ, tabi osɔlanɔ kɛ nɛ zɔ ma li nza i ni gɔ. We kɛ NWA Gale 'da nɛ la ki ni hã ogele nu kɔnggɔnɔ ngɔ nù gɛ.

1 YOANƐ 5:20

Lɛ ĩ 'bɔ na, Yezu Be 'da Gale tɛa zi ngɔ nù gɛ, nɛ a hã hã zã hã lɛ na, lɛ ĩ ti ngbongbo Gale. Nɛ lɛ 'bana dɛ kɔ Gale do wala 'da Be 'da a Yezu Kristo. A a ngbongbo Gale, nɛ a hã kpasi kɛ ma é sɛ gɔ ni hã lɛ.

USU MƐNƆ 1:1

'Buki gɛ, ma tɔ̃ lɛnggɛ ngɔ usu mɛnɔ kɛ Yezu Kristo bia hã Owi dɛa tonɔ 'da a, takɔ wa ĩ ti mɛnɔ kɛ ma hɔ sɛ ngangga gɛ ni. Gale bia ma hã Kristo dati, nɛ Kristo tumba anzɛ 'da a we be ma hã mi Yoanɛ, wi dɛa toe 'da a.

USU MƐNƆ 1:11

tɛ tɔ̃ hã mi na: “Mɔ kɔ́mɔ́ mɛnɔ mɔ zɔ gɛ do mbɛti, nɛ mɔ tómbó ma hã oeklezianɔ kɔ lenɔ sambo gɛ: Efɛzɛ, Smirnɛ, Pɛrgamɛ, Tiatirɛ, Sardɛ, Filadɛlfi do Laodise.”

USU MƐNƆ 14:7

Nɛ a he mɔ dɛ ngɔ na: “Nɛ dɛ́ kili Gale, nɛ nɛ dɔnggɔ a! Mba gɔ, ngba soe a nɛ 'bili do we 'da owinɔ ni, ma hɔa ia. Nɛ dɔ́nggɔ́ wi kɛ a dɛa li nza do nùi, gba lì, do be lìnɔ ni!”

USU MƐNƆ 15:4

Aa Nwa, wi kɛ a dɛ́ sɛ kili mɔ gɔ ni a wio nde? Wi kɛ a bɛ sɛ we dɔnggɔ mɔ ni a wio nde? We duzu kɛ mɔ zu mɔ kpo, mɔ a santo. Onu kpala winɔ ngɔ nù gɛ vɛ wa tɛ sɛ, nɛ wa gu nù ti mɔ we dɔnggɔ mɔ, we kɛ wa zɔa na, mɔ a wi dɛ bɔlɔ zu dɛa mɔ.”

USU MƐNƆ 19:10

Nɛ mi gu li mi nù dati anzɛ ni we dɔnggɔ a, nɛ a tɔ̃ hã mi na: “Mɔ tɛ dɛ̀ ni gɔ! Mi tɛ mɛ 'bɔ a wi dɛa toe 'da Gale ɔ nɛ mɔ, do onya mɔ vɛ̃ kɛ wa kɔ̃a gɛnɛ gbãlã wenɔ 'da Yezu ni. Kɔ mɔ dɔ́nggɔ́ Gale!” Mba gɔ, gbãlã wenɔ kɛ Yezu bia hã winɔ ni, mɛ a kɛnɔ Hi Wi 'da Gale ia zi ma dɛ nu owi gba olo nu a ni.

USU MƐNƆ 22:10

Nɛ a tɔ̃ 'bɔ hã mi na: “Mɔ tɛ ùsù wenɔ kɛ Gale bia ma kɔ 'buki gɛ do winɔ gɔ. We duzu kɛ ngba soe omɛnɔ gɛ ma nɛ dɛ tɛ̃ ɛ ni, ma kɔla ia.

USU MƐNƆ 22:18

Mi Yoanɛ, mi mbese owinɔ vɛ̃ kɛ wa zele wenɔ, kɛ Gale bia ma kɔ 'buki gɛ ni na, wi kɛ a e mbé gele we kpo ngɔ nɛ, nɛ Gale a e sɛ mbé zɛlɛ tɛ ngɔ kɛnɔ wa kɔma ma kɔ 'buki gɛ, nɛ a hã hã a.

USU MƐNƆ 22:7

Nɛ Yezu tɔ̃ na: “Mɔ zélé! Mi kɔla hɔ nɛ ia! Nɛ winɔ kɛ wa kɔ̃a gɛnɛ wenɔ kɛ Gale bia ma kɔ 'buki gɛ ni, wa sɛ a wi yangga.”

USU MƐNƆ 4:10

'Da fala kɛ wa ma ngɔ ga zumanɔ ni, nɛ okpasa winɔ 'bu wa bɔa ngɔ wa nalɛ ni, wa gu gba zugolo dati wele kɛ a dungu ngɔ kpongbo nwa, nɛ a do kpasi kɔ sabɛlɛ do sabɛlɛ ni. Nɛ wa dɔnggɔ a, nɛ wa a ondasa nwanɔ 'da wa dɛ dati kpongbo nwa 'da a ni, nɛ wa tɔ̃ na:

USU MƐNƆ 9:20

Nɛ tala winɔ kɛ ngamɛnɔ ni gbɛ̀ wa gɔɛ ni, wa kɔ̃̀ we fo sila wa ngɔ mɛnɔ wa dɛa do kɔ̃ wa ni gɔ. Wa là fala dɔnggɔ 'dã hi winɔ do okpikimanɔ gɔ. Wa dula okpikimanɔ ni do mɔ mbali, tabi fɛ̃a mɔ bolo, tũ mɔ bolo, tabi wa sɛa ma do ota tabi ote. Nɛ mɛnɔ ni ma zɔ́ mɔ gɔ, nɛ ma zélé we gɔ, nɛ ma nɛ́ nɔ gɔ.