Wi kɛ a tɔlɔ wenɔ gɛ hã winɔ ni, a a wi yangga. Nɛ wanɔ kɛ wa zele ma, nɛ wa dɛ mbula nɛ ni, wa 'bɔ a wi yangga. Mba gɔ, ngba soe kɛ mɛnɔ ni ma nɛ hɔ nɛ ni kɔla ia.
Nɛ zélé, Yezu tɔ̃a na: “Mi tɛ sɛ do gbanga nɛ nɛ́ wi zũ ni. Yangga do wi kɛ a 'bɔ 'da hɔa 'da mi, nɛ tulunɔ 'da a 'bana dɛ tɛ̃ a na, dɔ a lá do kũlĩ tɛ a, kɔ sape ba li a dati winɔ gɔ ni.”
Mi Yoanɛ, mi mbese owinɔ vɛ̃ kɛ wa zele wenɔ, kɛ Gale bia ma kɔ 'buki gɛ ni na, wi kɛ a e mbé gele we kpo ngɔ nɛ, nɛ Gale a e sɛ mbé zɛlɛ tɛ ngɔ kɛnɔ wa kɔma ma kɔ 'buki gɛ, nɛ a hã hã a.
Nɛ wi kɛ a fo tɛ wenɔ kɔ 'buki gɛ ni, nɛ Gale a bɛ̃ sɛ na, a tɛ nyɔ̀ngɔ̀ wala te kɛ ma hã kpasi ni gɔ, nɛ a tɛ lè kɔ le santoe kɛ wa tɔ̃ we nɛ kɔ 'buki gɛ ni gɔ.
Kɔ ta zu nɛ gbá ngɔ wenɔ kɛ wa bia zi ma hã nɛ, nɛ nɛ kɔ̃a gɛnɛ nɛ ni. Nɛ dɛ́ mbula nɛ, nɛ nɛ kífí sila nɛ. Nɛ dɛ̀ ní gɔ, nɛ mi gbanga sɛ nɛ ɔ nɛ wi zũ ni, nɛ nɛ ĩ́ sɛ ti ngba soe mi nɛ hɔ nɛ ni gɔ.