USU MƐNƆ 22:5 - WE NU GALE 1995

⁵ Tũ tu sɛ kɔ le ni gɔ, nɛ winɔ wa sɛ do wɔ tɛ nyɛa we mwinda, tabi tua wese bina, we kɛ yele ngbala 'da Nwa Gale ma yele sɛ ngɔ wa. Nɛ wa dungu sɛ nwa kɔ sabɛlɛ do sabɛlɛ.

USU MƐNƆ 22:5 Iomraidhean Croise

Zumanɔ 36:9

Mɔ hã dia nyɔngɔmɔ hã wa, nɛ wa nyɔngɔ, nɛ dia zã 'da mɔ fo ɔ nɛ lì ni na, wa nɔ.

Zumanɔ 84:11

Mi zɔa na, ɔ kɔ Tɛmpɛloe 'da mɔ tũ kpo, ma dia nɛa ngɔ ɔ gele fala tũ koto kpo. Ɔ dɛ 'do gbangga nu tɔa 'da mɔ Gale 'da mi, ma dia nɛa ngɔ ɔ kɔ tɔa 'da o'dã winɔ.

Ezai 24:23

Sape ma ba sɛ li zɛkɛ do wese, nɛ ma tó sɛ 'bɔ gɔ. Mba gɔ, NWA Gale ngɔ mɔ nyanga nza vɛ̃, a dungu sɛ nwa kɔ le Yeruzalɛmɛ, tɛ ngɔ kala Sioni. Nɛ dɔ̃lɔ̃ li 'da a ma be sɛ tɛ̃ ɛ dati okumunɔ kɔ le ni.

Ezai 30:26

Zɛkɛ ma to sɛ ɔ nɛ wese ni, nɛ wese ma to sɛ nɛ ngɔ kɛnɔ ma to fai ni fala sambo. Do ngba soe ni, NWA a fɔlɔ sɛ li dani tɛ owinɔ 'da a, nɛ a kpasa sɛ wa.

DANIƐLƐ 7:18

'Do nwanɔ nalɛ ni, nɛ owinɔ 'da Gale kɛ a gã nɛa ngɔ mɔ vɛ̃ ni, wa ba sɛ to nwa. Nɛ wa fɔmɔ sɛ ma gbaa, ndɔti nɛ sɛ bina.’

DANIƐLƐ 7:27

Wa hã sɛ ngawi hã owinɔ 'da Gale, kɛ a gã nɛa ngɔ mɔ vɛ̃ ni. Nɛ wa e sɛ wa do nwa, nɛ lenɔ ngɔ nù gɛ vɛ̃ sɛ ti mbula 'da wa. Dɛa to nwa 'da wa, ma ɔ sɛ fai, ndɔti nɛ sɛ bina. Nɛ owi ngawinɔ ngɔ nù gɛ, wa zele sɛ nu wa, nɛ wa dɛ to hã wa.’

ZAKARIA 14:7

Nɛ fo sɛ 'bɔ gba tũ bina, mɛ sɛ fai a sa fala iko. Nɛ wi ĩ ti 'da fala ma nɛ hɔ sɛ nɛ ni a NWA zu a kpo.

MATIE 19:28

Nɛ Yezu gisa hã wa na: “Mi tɔ̃ hã nɛ do gbãlã we na, 'da fala kɛ omɛnɔ vɛ̃ ma kifi sɛ mbé nɛ ni, nɛ mi Be 'da Wele, mi dungu sɛ ngɔ kpongbo nwa tɛ fala dɔ̃lɔ̃ li, nɛ nɛ 'bu ngɔ nɛ bɔa kɛ lɛ yɛnggɛ do nɛ gɛ, nɛ dungu sɛ tɛ mɛ 'bɔ ngɔ kpongbo nwa 'bu ngɔ nɛ bɔa we 'bili we 'da onu kpala obe Israɛlɛ 'bu ngɔ nɛ bɔa ni.

MATIE 25:34

Nɛ mi tɔ̃ sɛ hã wanɔ si ngɔ ngawili kɔ̃ mi ni na: ‘Baa mi wila zɛ́ nu a tɛ nɛ ia! Nɛ tɛ́, kɔ nɛ le kɔ le nwa 'da a, kɛ a 'dafa zɛ́ ma hã nɛ dati ndo nyanga dɛ nùi ni.

MATIE 25:46

Nɛ wa la sɛ dɛ fala zɛlɛ tɛ kɛ ma é gɔ ni. Nɛ owi bɔlɔ zunɔ wa kpa sɛ kpasi kɛ ma é sɛ gɔ ni.”

ROMA 5:17

Mɛ a gbãlã we na, we duzu 'dã mɛ 'da wele zu a kpo, nɛ fio hɔa nwa ngɔ winɔ vɛ we wi kpo ni. Nɛ nde dia mɛnɔ lɛ kpa do wala 'da Yezu Kristo zu a kpo ni, ma gã nɛa ngɔ mɔ vɛ. Mba gɔ, owinɔ vɛ, kɛ Gale bia gã dia zã 'da a hã wa, nɛ a ia wa do Owi bɔlɔ zu li a ni, wa kpasa sɛ, nɛ wa sɛ a onwa do wala 'da Kristo.

2 TIMOTE 2:12

Kɔ fala kɛ lɛ kpãlã sila lɛ kɔ ngamɔ, nɛ lɛ dungu sɛ nwa do a. Kɔ fala kɛ lɛ kafa a, nɛ a kafa sɛ tɛ mɛ 'bɔ lɛ.

USU MƐNƆ 11:15

'Do nɛ, nɛ sambo anzɛ dama mɔtũlĩ 'da a. Nɛ wala gɛlɛ Owele wila nganda wena tɛ li nza i na: “Dɛa to nwa ngɔ nù gɛ ma hɔa dɛ tambala kɔ̃ Gale Nwa 'da lɛ, do Kristo kɛ a tumba a ni. Gale a dungu sɛ nwa kɔ sabɛlɛ do sabɛlɛ.”

USU MƐNƆ 18:23

Nyɛa we mwinda nyɛ́ sɛ 'bɔ kɔ nɛ gɔ, nɛ gɛlɛ wi ba wuko, do wuko ba wili, ma wélé sɛ 'bɔ kɔ le gɛ gɔ. We kɛ zi dati, Owi be golenɔ kɔ le gɛ, wa nɛa zi ngɔ winɔ ngɔ nù gɛ vɛ́ do ngawi, nɛ le gɛ ɔlɔ zi nu fɛlɛ kulanɔ vɛ do dɛa mɔ sɔ̃nɔ 'da a.”

USU MƐNƆ 20:4

Nɛ 'do ki ni, nɛ mi zɔ okpongbo nwa, nɛ owinɔ ngɔ nɛ ni wa do ngawi we 'bili we. Nɛ mi zɔ 'bɔ hi winɔ kɛ wa 'bili zi gɛlɛ wa, we kɛ wa bia gulu we 'da Yezu, do we nu Gale hã Owele ni. Wi a wanɔ kɛ wa dɔ̀nggɔ̀ zi sa'de ni gɔ, nɛ wa dɔ̀nggɔ̀ 'bɔ hi a gɔ, nɛ wa gɔ̀nɔ̀ zi dã 'da a dati wa, do tɛ kɔ̃ wa gɔ ni. Kɔ Gale tunu wa kɔ fio, nɛ wa dungu nwa fala nɛ kpo do Kristo gbaa we sabɛlɛ koto kpo.

USU MƐNƆ 20:6

Winɔ kɛ wa tunu dati ni, wa do yangga wena, we kɛ Gale wele nu a tɛ wa. Bɔa fio do ngawi ngɔ wa bina. Wa sɛ a onganganɔ 'da Gale do Kristo, nɛ wa dungu sɛ nwa fala nɛ kpo do Kristo gbaa we sabɛlɛ koto kpo.

USU MƐNƆ 21:11

Nɛ yele ngbala 'da Gale tɛ yele kɔ gã le ni, ma to ɔ nɛ ta olo gã gole, tabi ta yaspɛ, kɛ ma ɔ yelele nɛ kristalɛ ni.

USU MƐNƆ 3:21

Wi kɛ a kunu sila a kɔ ngamɛnɔ gbaa we hɔ ndɔti nɛ, nɛ mi hã sɛ wala hã a we dungu do mi ngɔ kpongbo nwa 'da mi, ɔ nɛ kɛ mi kunu zi tɛ mɛ 'bɔ sila mi gbaa we hɔ ndɔti nɛ, nɛ mi dungu do Baa mi ngɔ kpongbo nwa 'da a ni.