USU MƐNƆ 22:4 - WE NU GALE 1995

⁴ Wa zɔ sɛ tɛ̃ a, nɛ wa kɔmɔ sɛ li a dati wa.

USU MƐNƆ 22:4 Iomraidhean Croise

YƆBƆ 33:26

Kɔ 'da fala kɛ a sambala, nɛ Gale zele a, nɛ a ga zuma yangga hã Gale, we kɛ Gale hã dia dungu kɛ ma wia do a ni hã a.

Zumanɔ 17:15

Nɛ nde we mi, mi zɔ sɛ bula li mɔ, we kɛ mi a wi bɔlɔ zu. Hã fala kɛ mi tunu, nɛ mi dɛ sɛ yangga we zɔ mɔ.

Zumanɔ 4:6

Nɛ ha dɔnggamɛ kɛ ma wia ni hã NWA, nɛ nɛ gbíní zã nɛ do a.

Zumanɔ 42:2

Aa Gale, mi fa mɔ tu tu tu, ɔ nɛ kɛ zambɛlɛ 'bã nu ɛ tɛ fa fua lì ni.

Ezai 33:17

Nɛ zɔ sɛ 'bɔ nwa 'da lɛ do dɔ̃lɔ̃ li 'da a vɛ̃, nɛ nɛ zɔ sɛ nùi 'da lɛ, do 'da fala kɛ ma gã sɛ wena ni.

Ezai 35:2

Li goe ma ga sɛ zuma do yangga. Ofulɛlɛ ma hɔ sɛ di ni, nɛ ma de sɛ ɔ nɛ ngɔ kalanɔ tɛ ngɔ nù Libanɛ ni. Ma hɔ sɛ dia nù mi do kpalɛ ɔ nɛ nùi tɛ ngɔ kala Karmɛlɛ, do kɛ tɛ ngɔ mbɛ nù Saroni ni. Wele kpo kpo a zɔ sɛ ma, nɛ ma be sɛ dɔ̃lɔ̃ li 'da NWA do nganda 'da a. Nɛ a ĩ sɛ na NWA a gã wi ngboo.

Ezai 40:5

Mba gɔ, dɔ̃lɔ̃ li 'da NWA ma hɔ sɛ, nɛ owinɔ vɛ̃ wa zɔ sɛ ma. Wenɔ kɛ NWA tɔ̃a gɛ a ni.”

EZEKIƐLƐ 33:23

Nɛ NWA tɔ̃ hã mi na:

MATIE 5:8

Yangga do owinɔ kɛ sila wa a sa ni, we kɛ wa zɔ sɛ Gale.

YOANƐ 12:26

Wi kɛ a kɔ̃ we dɛ to hã mi, nɛ ma wia na, a tɛ 'dɔkɔlɔ mi. Na mɛ ni, nɛ fala mi ɔ sɛ nɛ ni, wi dɛ toe 'da mi a ɔ sɛ tɛ mɛ 'bɔ di ni. Wi kɛ a dɛ to hã mi, nɛ Baa mi a dɔnggɔ sɛ a.

YOANƐ 17:24

“Baa mi, mɔ hã zi wa hã mi, kɔ mi kɔ̃a na, wa ɔ fala nɛ kpo do mi tɛ fála kɛ mi nɛ dungu do ma ni, takɔ wa zɔ dɔ̃lɔ̃ li 'da mi. Mɛ a dɔ̃lɔ̃ li kɛ mɔ hã zɛ́ ma hã mi, we kɛ mɔ kɔ̃a zɛ́ gɛnɛ mi dati kɛ na mɔ dɛ nùi ni.

1 KORINTƐ 13:12

Na mɛ ni, sɔɛ gɛ, lɛ zɔ̀ mɛnɔ de ngboo gɔ, lɛ zɔ ɔ nɛ kɛ ma a li tala ni. Kɔ ngba soe ni, nɛ lɛ zɔ sɛ ma dɛ dati lɛ ngboo. Ngangga ni, mi ĩ̀ ti mɛnɔ ngboo gɔ, nɛ nde do ngba soe ni, nɛ mi ĩ sɛ ti ma ngboo, ɔ nɛ kɛ Gale ĩ do ti mi ni.

OHEBRE 12:14

Nɛ dɛ́ nganda we dɛ na do owinɔ vɛ̃, nɛ nɛ 'dáfá dungi 'da nɛ ɔ nɛ kɛ ma wia do winɔ 'da Gale ni. Mba gɔ, wi kɛ a dɛ̀ ni gɔ, nɛ nde a wé sɛ tɛ zɔ Nwa gɔ.

USU MƐNƆ 14:1

'Do ki ni, nɛ mi nɛ ka mɔ, nɛ mi zɔ Be Bata, nɛ nde a yolo dɛ ngɔ kala Sioni, fala nɛ kpo do ogili wele koto kama do 'bu wa nalɛ ngɔ wa nalɛ (144.000). Wa kɔma li a, do li Baa a dɛ dati owinɔ ni.

USU MƐNƆ 3:12

Wi kɛ a kunu sila a kɔ ngamɛnɔ gbaa we hɔ ndɔti nɛ, nɛ mi e sɛ a ɔ nɛ bɛlɛduma kɔ Tɛmpɛloe 'da Gale 'da mi, nɛ a 'bana sɛ dɛ di ni fai. Nɛ mi kɔmɔ sɛ li Gale 'da mi, do li le 'da Gale 'da mi bula li a. Mɛ a mbé le Yeruzalɛmɛ kɛ ma yolo 'da Gale 'da mi tɛ li nza i ni. Nɛ mi kɔmɔ sɛ 'bɔ mbé li mi bula li a.

USU MƐNƆ 7:3

“Nɛ tɛ 'dàngà nùi, do gba lìnɔ do tenɔ do ti gɔ. Nɛ 'bɔ́ hã lɛ gɔnɔ dã dati Owi dɛa tonɔ 'da Gale 'da lɛ do'do sɛ.”