USU MƐNƆ 22:2 - WE NU GALE 1995

² Nɛ ma tɛ fo vwɛɔ̃ɔ do gbogbo wala kɔ le ni. Tɛ kɛ zã nu lì bɔa nɛ, mɛ a te kɛ ma hã kpasi, nɛ ma wala fala 'bu ngɔ nɛ bɔa kɔ sabɛlɛ kpo ni. Kɔ zɛkɛ kpo, nɛ ma wala fala kpo. Nɛ onu kpala winɔ wa dɛ nwá nɛ do ina, nɛ wa kpasa do ma.

USU MƐNƆ 22:2 Iomraidhean Croise

Ndo Nyanga Dɛ Mɔ 2:9

Nɛ Gale dɛa na, ote tɛ ɛ do tɛ ɛ ma hɔ di ni. Otenɔ ni ma de zi wena, nɛ owala nɛ ma ɛfɛ zi ndirr. Nɛ nde dɛ gbogbo fɔɛ ni, a mi te kɛ ma hã kpasi, nɛ a mi 'bɔ te kɛ ma hã hã zã we ĩ ti gɔnɔ sanga de mɔ do 'dã mɔ ni.

Zumanɔ 147:3

A zɔ owinɔ sila wa 'bɔa do'do ni, nɛ a nganda sila wa, nɛ a a dani 'da wa.

GBA WENƆ 3:18

Wanɔ kɛ wa dɛ mɔ do hã zã ni, wa sɛ fai do kpasi, nɛ wa sɛ a owi yangga.

Ezai 6:10

Nɛ a tɔ̃ 'bɔ hã mi na: “Mɔ bí gbãlã zã wa, da dɛ kɔ wa ĩ́ ti gulu nɛ gɔ. Nɛ mɔ dɛ na zala wa la, da dɛ kɔ wa zélé we gɔ. Nɛ li wa 'danga, da dɛ kɔ wa zɔ́ mɔ gɔ. Ní gɔ, nɛ wa kifi sɛ sila wa, nɛ wa kpasa sɛ.”

Yeremi 17:14

Aa NWA, mɔ kpásá mi, nɛ zɛlɛ 'da mi ma e sɛ. Mɔ gbáká mi, nɛ mi dungu sɛ do dia nɛ. We kɛ mɔ a wi kɛ mi dɔnggɔ tɛ mi do mɔ.

EZEKIƐLƐ 47:1

Nɛ wi ni la do mi dɛ nu ngbo Tɛmpɛloe, nɛ mi zɔ lì ma fo do kɔ tɔa Tɛmpɛloe, nɛ ma la si 'biti gba wese. We kɛ dati Tɛmpɛloe ma siki si 'biti gba wese. Nɛ lì ni ma zĩlĩ do kɔ Tɛmpɛloe si ngawili kɔ, nɛ ma fo do kɛ zã gbagala si ba gɔtɔ.

OZE 14:4

Oasiri wa wè tɛ kpasa lɛ gɔ, nɛ ombalata bolonɔ wa wè tɛ gɔnɔ zu lɛ gɔ. Lɛ tɔ̃́ sɛ 'bɔ na, kpikimanɔ lɛ dolo wa ni a Gale 'da lɛ gɔ. We kɛ mɛ a mɔ kɛ lɛ dɛa do kɔ̃ lɛ iko. Nɛ nde mɔ nwa zu mɔ kpo, mɔ a mɔ be dia zã hã wi kɛ fo wele 'do a bina ni.”

ZAKARIA 14:8

Do 'da fala ni, nɛ fua lì ma go'do sɛ kɔ le Yeruzalɛmɛ, nɛ ma gɔnɔ sɛ sanga tɛ ngbɛ ɛ dɛ gbogbo, nɛ mbe kpo fo dɛ 'dɔ gba lì Ndɔ Fio, nɛ mbee nɛ fo dɛ 'dɔ gba lì Meditɛrane. Nɛ gɛnɛ kɔ zɔlɔ sabɛlɛ, tabi zɔlɔ lì kolo, nɛ nde ma fo sɛ fua fai.

LUKA 4:18

“Hi Wi 'da Nwa Gale ngɔ mi boe, a saka mi na, mi be Dia Sakoe hã owi sãnɔ. A tumba mi na, mi tɔ̃ hã owi bɔlɔkɔ na, wa hɔa nza kɔ bɔlɔkɛ ia, nɛ mi hũi li owi lɔa linɔ na, wa zɔ mɔ, nɛ mi fo owinɔ kɛ ogele wele wa zɛlɛ tɛ wa ni ti kɔ̃ Owi zɛlɛ tɛ wa do'do.

1 PETRO 2:24

Kristo ba zi tole 'dã mɛnɔ 'da lɛ dɛ zu a tɛ ngɔ finda te. A dɛa ni, takɔ lɛ ɔ nɛ fio dati mɛnɔ kɛ ma zɔa 'dã mɔ ni, nɛ lɛ ɔ do kpasi we dɛ mɛ kɛ ma a bɔlɔ li Gale ni. Nɛ daninɔ tɛ Kristo ni, ma kpasa lɛ.

USU MƐNƆ 2:7

“Wi kɛ zala a boe, nɛ a zélé wenɔ kɛ Hi Wi Santo tɔ̃ hã oeklezianɔ ni. Wi kɛ a kunu sila a kɔ ngamɛnɔ gbaa we hɔ ndɔti nɛ, nɛ mi hã sɛ wala hã a na, a nyɔngɔ wala te kɛ ma hã kpasi, nɛ ma kɔ fɔ Paradizo 'da Gale ni.”

USU MƐNƆ 21:21

Onu ngbonɔ 'bu ngɔ nɛ bɔa ni, wa dɛa ma do dia oiyaka 'bu ngɔ nɛ bɔa, nɛ nu ngbo kpo kpo do iyaka kpo. Nɛ walanɔ kɔ le ni, wa dɛa ma do dia mɔ mbali kɛ ma ɔ nɛ kristalɛ ni.

USU MƐNƆ 21:24

Nɛ winɔ ngɔ nù gɛ wa yɛnggɛ sɛ do kɔ yele ngbala 'da a. Nɛ Onwanɔ nù gɛ wa kala sɛ kpamɛnɔ 'da wa, nɛ wa tɛ do ma dɛ kɔ le ni.

USU MƐNƆ 22:1

Nɛ anzɛ bia 'bɔ gba fua lì, kɛ ma hã kpasi ni hã mi. Li lì ni gɛ̃lã ɔ nɛ kristalɛ ni, nɛ ma tɛ kũ dɛ ti kpongbo nwa 'da Gale do Be Bata.

USU MƐNƆ 22:14

Winɔ kɛ wa fɔlɔ tulu tɛ wa, nɛ ma sa ni, wa a wi yangga. Wa le sɛ do nu ngbo gã le, nɛ wa nyɔngɔ sɛ wala te kɛ ma hã kpasi ni.

USU MƐNƆ 22:19

Nɛ wi kɛ a fo tɛ wenɔ kɔ 'buki gɛ ni, nɛ Gale a bɛ̃ sɛ na, a tɛ nyɔ̀ngɔ̀ wala te kɛ ma hã kpasi ni gɔ, nɛ a tɛ lè kɔ le santoe kɛ wa tɔ̃ we nɛ kɔ 'buki gɛ ni gɔ.