USU MƐNƆ 22:1 - WE NU GALE 1995

¹ Nɛ anzɛ bia 'bɔ gba fua lì, kɛ ma hã kpasi ni hã mi. Li lì ni gɛ̃lã ɔ nɛ kristalɛ ni, nɛ ma tɛ kũ dɛ ti kpongbo nwa 'da Gale do Be Bata.

USU MƐNƆ 22:1 Iomraidhean Croise

Zumanɔ 46:4

Tabi gɛnɛ kɔ gba lìnɔ ma dɛ ngele, hã ma o dã, hã ma go'do dɛ ngɔ, hã ma yaka okalanɔ, nɛ nde kili bá lɛ gɔ.

Ezai 41:18

Mi dɛ sɛ na, gã lì yolo ngɔ kalanɔ kɛ fo wɔkɔsɔ ngɔ nɛ bina ni, hã ma fo dɛ nù nga. Mi dɛ sɛ 'bɔ na, o'de ma hɔ go'do gbangɔlɔ̃. Na mɛ ni, li go ma kũ sɛ do waya, nɛ nga nùnɔ ma kifi be kɔla lì.

Ezai 48:18

Kɔ nɛ zélé sɔ mbulanɔ 'da mi ɔ dia, nɛ mi dɛ sɔ na, wila nui 'da mi fo dɛ tɛ nɛ ɔ nɛ fua lì kɛ ma ɔ̃sɔ̃ gɔ ni. Nɛ bɔlɔ zu dɛa mɔ ma dɔ sɔ wena ɔ nɛ ngele gba lì ni.

Ezai 66:12

NWA Gale tɔ̃a na: “Mi hã sɛ dia mɔ wena hã nɛ owi Yeruzalɛmɛ. Kpamɛ 'da onu kɔnggɔnɔ ma fo sɛ dɛ 'da nɛ yɛgbɛgbɛ ɔ nɛ gã lì, kɛ ma dunu kɔ kungba nɛ ni. Mi zɔ sɛ mɔ tɛ nɛ, ɔ nɛ kɛ naa be zɔ do mɔ tɛ be nu bele a ni. A ba a dɛ ngɔ ku a, nɛ a du'bulu a dɛ tɛ̃ a.

Yeremi 17:13

Aa NWA, mɔ a wi kɛ obe Israɛlɛ wa gbini zã wa do mɔ. Nɛ owanɔ wa la fala mɔ ni, wa kpa sɛ sape. Wa kumu sɛ ngɔ nù gɛ, nɛ wa bisi ɔ nɛ li wi kɛ wa kɔma ma ngɔ kɛnzɛ ni, we duzu kɛ wa la fala mɔ nwa, kɛ mɔ ɔ nɛ zu lì kɛ wa kpasa we nɛ ni.

Yeremi 2:13

We kɛ nɛ owinɔ 'da mi, nɛ dɛa 'dã mɔ bɔa: Nɛ siki 'do nɛ hã mi, kɛ mi ɔ nɛ zu lì nɛ kpasa we nɛ ni, nɛ nɛ zã okɔ̃ lì, nɛ nde mɛ a okɔ̃ lì kɛ lì yóló kɔ nɛ gɔ.”

ZAKARIA 14:8

Do 'da fala ni, nɛ fua lì ma go'do sɛ kɔ le Yeruzalɛmɛ, nɛ ma gɔnɔ sɛ sanga tɛ ngbɛ ɛ dɛ gbogbo, nɛ mbe kpo fo dɛ 'dɔ gba lì Ndɔ Fio, nɛ mbee nɛ fo dɛ 'dɔ gba lì Meditɛrane. Nɛ gɛnɛ kɔ zɔlɔ sabɛlɛ, tabi zɔlɔ lì kolo, nɛ nde ma fo sɛ fua fai.

YOANƐ 13:32

Kɔ fala kɛ Gale kpa dɔ̃lɔ̃ li do wala 'da mi Be 'da Wele, nɛ a dɛ sɛ na, mi Be 'da Wele, mi kpa dɔ̃lɔ̃ li da dɔ̃ gɛ, do wala 'da a.

YOANƐ 15:26

“Mi tombo sɛ Wi gbaka wi hã nɛ. A yolo sɛ 'da Baa mi, nɛ a be sɛ gulu gbãlã we hã nɛ. Kɔ 'da fala kɛ a tɛ, nɛ a tɔ̃ sɛ we ngɔ mi hã nɛ, we kɛ a yula 'da Baa mi.

YOANƐ 4:14

Nɛ nde fala kɛ mi hã lì kɛ mi tɔ̃ nɛ ni hã wele, kɔ a nɔ, nɛ mbé wɔ lì bá sɛ 'bɔ a gɔ. Mba gɔ, lì mi nɛ hã ma hã a ni, ma hɔ sɛ zu lì dɛ kɔ a, nɛ ma fo sɛ kɔ a fua fai, nɛ ma hã kpasi kɛ ma é sɛ gɔ ni hã a.”

Owi Nɛ Tonɔ 2:33

Baa a Gale ia a ngɔ ngawili kɔ̃ ɛ. Nɛ a hã Hi Wi Santo kɛ a kpua zé mbulu nɛ ni hã a. Nɛ Yezu tumba Hi Wi ni dɛ ngɔ lɛ, ɔ nɛ kɛ nɛ tɛ zɔ ma, do zele ma ni.

USU MƐNƆ 1:1

'Buki gɛ, ma tɔ̃ lɛnggɛ ngɔ usu mɛnɔ kɛ Yezu Kristo bia hã Owi dɛa tonɔ 'da a, takɔ wa ĩ ti mɛnɔ kɛ ma hɔ sɛ ngangga gɛ ni. Gale bia ma hã Kristo dati, nɛ Kristo tumba anzɛ 'da a we be ma hã mi Yoanɛ, wi dɛa toe 'da a.

USU MƐNƆ 21:11

Nɛ yele ngbala 'da Gale tɛ yele kɔ gã le ni, ma to ɔ nɛ ta olo gã gole, tabi ta yaspɛ, kɛ ma ɔ yelele nɛ kristalɛ ni.

USU MƐNƆ 21:6

Nɛ a tɔ̃ 'bɔ hã mi na: “Ma wia ia! Mi a Alfa do Omega, ndo nyanga mɛnɔ vɛ̃ wi a mi, nɛ sɔkpɔ mɛnɔ vɛ̃ wi 'bɔ a mi. Wi kɛ wɔ lì ba a, nɛ mi so sɛ 'de kɛ ma hã kpasi ni hã a do dia sila iko.

USU MƐNƆ 21:9

Nɛ mbe kpo sanga oanzɛnɔ sambo kɛ wa 'bia zi bilanɔ sambo, ma dunu do tala ngɔ go'do ngamɛnɔ sambo ni tɛa, nɛ a tɔ̃ hã mi na: “Mɔ tɛ́! Mi nɛ be wuke kɛ Be Bata nɛ ba a ni hã mɔ.”

USU MƐNƆ 22:17

Hi Wi 'da Gale, do wuke kɛ Be Bata ba a ni, wa tɔ̃a na: “Mɔ tɛ́!” E kɔ wele kpo kpo kɛ a zele ma ni, a tɔ̃ tɛ mɛ 'bɔ na: “Mɔ tɛ́!” E kɔ wi kɛ wɔ lì ba a ba ni, a tɛ. Nɛ wi kɛ a kɔ̃a we nɔ lì kɛ ma hã kpasi ni, a tɛ́, nɛ a nɔ iko.

USU MƐNƆ 22:6

Nɛ 'do ki ni, nɛ anzɛ tɔ̃ hã mi na: “Wenɔ gɛ a gbãlã we ngboo, nɛ wele wia we e sila ɛ ngɔ nɛ. Nwa Gale kɛ a hã Hi Wi 'da a hã owi gba olo nu a ni, a tumba anzɛ 'da a we be mɛnɔ, kɛ ma hɔ sɛ ngangga gɛ ni hã owi dɛa tonɔ 'da a.”

USU MƐNƆ 3:21

Wi kɛ a kunu sila a kɔ ngamɛnɔ gbaa we hɔ ndɔti nɛ, nɛ mi hã sɛ wala hã a we dungu do mi ngɔ kpongbo nwa 'da mi, ɔ nɛ kɛ mi kunu zi tɛ mɛ 'bɔ sila mi gbaa we hɔ ndɔti nɛ, nɛ mi dungu do Baa mi ngɔ kpongbo nwa 'da a ni.

USU MƐNƆ 5:13

Nɛ 'do nɛ, nɛ mi zila 'bɔ wala gɛlɛ mɛnɔ vɛ kɛ Gale dɛa kɔ li nza i, do ngɔ nù gɛ, do kɔ le 'da ofionɔ, do kɛnɔ 'dɔ gba lì ni tɛ ga zuma na: “E kɔ wi dungu ngɔ kpongbo nwa, do Be Bata wa kpa dɔngga wi, do dɔ̃lɔ̃ li, do ngawi, nɛ lɛ tɔ̃ de sako li wa kɔ sabɛlɛ do sabɛlɛ!”

USU MƐNƆ 5:6

Nɛ mi zɔ Be Bata kpo, a yula dɛ dati kpongbo nwa ni. Nɛ Otunu li mɛnɔ nalɛ, do okpasa winɔ ni wa linggi a takpa. Be Bata ni ɔ nɛ wa gbɛa a gbɛa ni. Zamba zu a sambo, nɛ gbali a sambo. Gbali a sambo ni, mɛ a hi winɔ sambo kɛ Gale tumba wa nyanga nza gɛ vɛ̃ ni.

USU MƐNƆ 7:17

We duzu kɛ Be Bata dɛ gbogbo kpongbe ni sɛ a wi zɔ mɔ tɛ wa, nɛ a kã sɛ wa tɛ nu 'de kɛ ma hã kpasi ni. Nɛ Gale a dili sɛ mili kɔ̃a li wa vɛ.”