USU MƐNƆ 21:9 - WE NU GALE 1995

⁹ Nɛ mbe kpo sanga oanzɛnɔ sambo kɛ wa 'bia zi bilanɔ sambo, ma dunu do tala ngɔ go'do ngamɛnɔ sambo ni tɛa, nɛ a tɔ̃ hã mi na: “Mɔ tɛ́! Mi nɛ be wuke kɛ Be Bata nɛ ba a ni hã mɔ.”

USU MƐNƆ 21:9 Iomraidhean Croise

USU MƐNƆ 1:1

'Buki gɛ, ma tɔ̃ lɛnggɛ ngɔ usu mɛnɔ kɛ Yezu Kristo bia hã Owi dɛa tonɔ 'da a, takɔ wa ĩ ti mɛnɔ kɛ ma hɔ sɛ ngangga gɛ ni. Gale bia ma hã Kristo dati, nɛ Kristo tumba anzɛ 'da a we be ma hã mi Yoanɛ, wi dɛa toe 'da a.

USU MƐNƆ 17:1

'Do ki ni, nɛ mbe kpo sanga anzɛnɔ sambo kɛ wa 'bia zi bilanɔ sambo dɛ kɔ̃ wa ni tɛa, nɛ a tɔ̃ hã mi na: “Mɔ tɛ́, kɔ mi be etumbui kɛ Gale a hã sɛ hã wuko ndumba olo 'dã mɛnɔ 'da a ni hã mɔ. Wuke ni a gã le kɛ wa dɛa ma dɛ nu gba lìnɔ ni.

USU MƐNƆ 19:7

Lɛ dɛ́ yangga, lɛ té salangga, nɛ lɛ hã dɔ̃lɔ̃ li hã a! We kɛ ngba soe ba ngba wi 'da Be Bata 'da Gale wia, nɛ wuke 'da a 'dafa tɛ̃ ɛ ia.

USU MƐNƆ 21:17

Nɛ anzɛ we 'bɔ ngala ngboe ɔ nɛ kɛ wele we do mɔ ni, nɛ ngala nɛ dɛ ngɔ hɔa mɛtrɛ 'bu nɛ sambo ngɔ nɛ bɔa.

USU MƐNƆ 21:2

Nɛ mi zɔa gã le santo, mbé le Yeruzalɛmɛ, ma yula 'da Gale li nza i, nɛ ma tɛ zĩlĩ dɛ nù nga. Wa 'dafa ma vɛ, ɔ nɛ kɛ wuko ba wili 'dafa tɛ̃ a we 'bɔ do 'da wili a ni.

USU MƐNƆ 22:1

Nɛ anzɛ bia 'bɔ gba fua lì, kɛ ma hã kpasi ni hã mi. Li lì ni gɛ̃lã ɔ nɛ kristalɛ ni, nɛ ma tɛ kũ dɛ ti kpongbo nwa 'da Gale do Be Bata.

USU MƐNƆ 22:17

Hi Wi 'da Gale, do wuke kɛ Be Bata ba a ni, wa tɔ̃a na: “Mɔ tɛ́!” E kɔ wele kpo kpo kɛ a zele ma ni, a tɔ̃ tɛ mɛ 'bɔ na: “Mɔ tɛ́!” E kɔ wi kɛ wɔ lì ba a ba ni, a tɛ. Nɛ wi kɛ a kɔ̃a we nɔ lì kɛ ma hã kpasi ni, a tɛ́, nɛ a nɔ iko.

USU MƐNƆ 22:6

Nɛ 'do ki ni, nɛ anzɛ tɔ̃ hã mi na: “Wenɔ gɛ a gbãlã we ngboo, nɛ wele wia we e sila ɛ ngɔ nɛ. Nwa Gale kɛ a hã Hi Wi 'da a hã owi gba olo nu a ni, a tumba anzɛ 'da a we be mɛnɔ, kɛ ma hɔ sɛ ngangga gɛ ni hã owi dɛa tonɔ 'da a.”